| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
2. д̣̇уд̇ияаваг̇г̇аван̣н̣анаа
2. Dutiyavaggavaṇṇanā
131-2. д̣̇уд̇ияаваг̇г̇асса батамад̣̇ваяз нибаганд̇и багад̇инибун̣ам̣ бан̣д̣ид̇ам̣ гасин̣абаригаммаад̣̇ийсу гусалам̣. саад̇хувихааринд̇и аббанаавихаарзна ваа убажаарзна ваа саманнааг̇ад̇ам̣. д̇хийранд̇и д̇хид̇исамбаннам̣. д̇ад̇т̇а нибагад̇д̇зна д̇хид̇исамбад̣̇аа вуд̇д̇аа. ид̇ха бана д̇хид̇исамбаннамзваад̇и ад̇т̇о. д̇хид̇и наама асит̇илабараггамад̇аа, ‘‘гаамам̣ д̇ажо жа нхаару жаа’’д̇и (ма. ни. 2.184; а. ни. 2.5; махаани. 196) звам̣ бавад̇д̇авийрияассзд̇ам̣ ад̇хиважанам̣. аби жа д̇хиггад̇абаабод̇иби д̇хийро. рааж̇аава радтам̣ виж̇ид̇ам̣ бахааяаад̇и яат̇аа бадирааж̇аа ‘‘виж̇ид̇ам̣ радтам̣ анад̇т̇ааваха’’нд̇и н̃ад̇ваа раж̇ж̇ам̣ бахааяа зго жарад̇и звам̣ б̣ааласахааяам̣ бахааяа зго жарз. ат̇а ваа рааж̇аава радтанд̇и яат̇аа суд̇асомо рааж̇аа виж̇ид̇ам̣ радтам̣ бахааяа зго жари, яат̇аа жа махааж̇анаго звам̣ згова жарзд̇и аяамби зд̇ассад̇т̇о. сзсам̣ вуд̇д̇аанусаарзна саггаа ж̇аанид̇унд̇и на вид̇т̇аарид̇ам̣ (су. ни. адта. 1.45-46). нид̣̇д̣̇зсз вад̇д̇аб̣б̣ам̣ над̇т̇и.
131-2. Dutiyavaggassa paṭhamadvaye nipakanti pakatinipuṇaṃ paṇḍitaṃ kasiṇaparikammādīsu kusalaṃ. Sādhuvihārinti appanāvihārena vā upacārena vā samannāgataṃ. Dhīranti dhitisampannaṃ. Tattha nipakattena dhitisampadā vuttā. Idha pana dhitisampannamevāti attho. Dhiti nāma asithilaparakkamatā, ‘‘kāmaṃ taco ca nhāru cā’’ti (ma. ni. 2.184; a. ni. 2.5; mahāni. 196) evaṃ pavattavīriyassetaṃ adhivacanaṃ. Api ca dhikkatapāpotipi dhīro. Rājāva raṭṭhaṃ vijitaṃ pahāyāti yathā paṭirājā ‘‘vijitaṃ raṭṭhaṃ anatthāvaha’’nti ñatvā rajjaṃ pahāya eko carati evaṃ bālasahāyaṃ pahāya eko care. Atha vā rājāva raṭṭhanti yathā sutasomo rājā vijitaṃ raṭṭhaṃ pahāya eko cari, yathā ca mahājanako evaṃ ekova careti ayampi etassattho. Sesaṃ vuttānusārena sakkā jānitunti na vitthāritaṃ (su. ni. aṭṭha. 1.45-46). Niddese vattabbaṃ natthi.
батамад̣̇ваяам̣.
Paṭhamadvayaṃ.
133. д̇ад̇ияаг̇аат̇аа бад̣̇ад̇т̇ад̇о уд̇д̇аанаа зва. гзвалан̃жа бана сахааяасамбад̣̇анд̇и зд̇т̇а асзгкзхи сийлаад̣̇игканд̇хзхи самбаннаа сахааяаа зва ‘‘сахааяасамбад̣̇аа’’д̇и взд̣̇ид̇аб̣б̣аа. аяам̣ банзд̇т̇а яож̇анаа – яаа аяам̣ вуд̇д̇аа сахааяасамбад̣̇аа, д̇ам̣ сахааяасамбад̣̇ам̣ ад̣̇д̇хаа басам̣саама, згам̣сзнзва т̇омзмаад̇и вуд̇д̇ам̣ ход̇и. гат̇ам̣? сздтаа самаасзвид̇аб̣б̣аа сахааяаад̇и. гасмаа? ад̇д̇ано сийлаад̣̇ийхи сздтз сзвамаанасса сийлаад̣̇аяо д̇хаммаа ануббаннаа уббаж̇ж̇анд̇и, уббаннаа вуд̣̇д̇хим̣ вируул̣хим̣ взбуллам̣ баабун̣анд̇и. самз сзвамаанасса ан̃н̃аман̃н̃асамад̇хааран̣зна гуггужжавинод̣̇анзна жа лад̣̇д̇хаа на барихааяанд̇и . зд̇з бана сахааяагз сздтз жа самз жа алад̣̇д̇хаа гуханаад̣̇имижчааж̇ийвам̣ важ̇ж̇зд̇ваа д̇хаммзна самзна уббаннам̣ бхож̇анам̣ бхун̃ж̇анд̇о д̇ад̇т̇а жа бадигхаанунаяам̣ ануббаад̣̇знд̇о анаваж̇ж̇абхож̇ий худ̇ваа ад̇т̇агаамо гулабуд̇д̇о зго жарз каг̇г̇ависаан̣агаббо. ахамби хи звам̣ жаранд̇о имам̣ самбад̇д̇им̣ ад̇хиг̇ад̇омхийд̇и (су. ни. адта. 1.47). нид̣̇д̣̇зсо вуд̇д̇анаяо зва.
133. Tatiyagāthā padatthato uttānā eva. Kevalañca pana sahāyasampadanti ettha asekkhehi sīlādikkhandhehi sampannā sahāyā eva ‘‘sahāyasampadā’’ti veditabbā. Ayaṃ panettha yojanā – yā ayaṃ vuttā sahāyasampadā, taṃ sahāyasampadaṃ addhā pasaṃsāma, ekaṃseneva thomemāti vuttaṃ hoti. Kathaṃ? Seṭṭhā samāsevitabbā sahāyāti. Kasmā? Attano sīlādīhi seṭṭhe sevamānassa sīlādayo dhammā anuppannā uppajjanti, uppannā vuddhiṃ virūḷhiṃ vepullaṃ pāpuṇanti. Same sevamānassa aññamaññasamadhāraṇena kukkuccavinodanena ca laddhā na parihāyanti . Ete pana sahāyake seṭṭhe ca same ca aladdhā kuhanādimicchājīvaṃ vajjetvā dhammena samena uppannaṃ bhojanaṃ bhuñjanto tattha ca paṭighānunayaṃ anuppādento anavajjabhojī hutvā atthakāmo kulaputto eko care khaggavisāṇakappo. Ahampi hi evaṃ caranto imaṃ sampattiṃ adhigatomhīti (su. ni. aṭṭha. 1.47). Niddeso vuttanayo eva.
д̇ад̇ияам̣.
Tatiyaṃ.
134. жад̇уд̇т̇з д̣̇исваад̇и ологзд̇ваа. суван̣н̣ассаад̇и ган̃жанасса. ‘‘валаяааний’’д̇и баатасзсо. саавасзсабаато хи аяам̣ ад̇т̇о. бабхассараанийд̇и бабхаасанасийлаани, ж̇уд̇иманд̇аанийд̇и вуд̇д̇ам̣ ход̇и. сзсам̣ уд̇д̇аанабад̣̇ад̇т̇амзва. аяам̣ бана яож̇анаа – д̣̇исваа бхуж̇асмим̣ суван̣н̣асса валаяаани ‘‘г̇ан̣аваасз сад̇и сан̇гхадданаа, згаваасз сад̇и агхадданаа’’д̇и звам̣ жинд̇знд̇о вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и. сзсам̣ вуд̇д̇анаяамзваад̇и (су. ни. адта. 1.48). нуубураанийд̇и валаяаани. ‘‘нияураа’’д̇и гзжи вад̣̇анд̇и. гхаддзнд̇ийд̇и ан̃н̃аман̃н̃ам̣ хананд̇и.
134. Catutthe disvāti oloketvā. Suvaṇṇassāti kañcanassa. ‘‘Valayānī’’ti pāṭhaseso. Sāvasesapāṭho hi ayaṃ attho. Pabhassarānīti pabhāsanasīlāni, jutimantānīti vuttaṃ hoti. Sesaṃ uttānapadatthameva. Ayaṃ pana yojanā – disvā bhujasmiṃ suvaṇṇassa valayāni ‘‘gaṇavāse sati saṅghaṭṭanā, ekavāse sati aghaṭṭanā’’ti evaṃ cintento vipassanaṃ ārabhitvā paccekabodhiṃ adhigatomhīti. Sesaṃ vuttanayamevāti (su. ni. aṭṭha. 1.48). Nūpurānīti valayāni. ‘‘Niyurā’’ti keci vadanti. Ghaṭṭentīti aññamaññaṃ hananti.
жад̇уд̇т̇ам̣.
Catutthaṃ.
135. бан̃жамаг̇аат̇аа бад̣̇ад̇т̇ад̇о уд̇д̇аанаа зва. аяам̣ бана зд̇т̇а ад̇хиббааяо – явааяам̣ зд̇зна д̣̇уд̇ийязна гумаарзна сийд̇ун̣хаад̣̇ийни нивзд̣̇знд̇зна сахаваасзна д̇ам̣ сан̃н̃аабзнд̇асса мама ваажаабхилаабо, д̇асмим̣ синзхавасзна абхисаж̇ж̇анаа ваа ж̇аад̇аа. сажз ахам̣ имам̣ на барижжаж̇аами, д̇ад̇о ааяад̇имби д̇ат̇зва хзссад̇и. яат̇аа ид̣̇аани, звам̣ д̣̇уд̇ийязна саха мамасса, ваажаабхилаабо абхисаж̇ж̇анаа ваа. убхаяамби жзд̇ам̣ анд̇арааяагарам̣ висзсаад̇хиг̇амассаад̇и зд̇ам̣ бхаяам̣ ааяад̇им̣ бзгкамаано д̇ам̣ чад̣д̣зд̇ваа яонисо бадибаж̇ж̇ид̇ваа бажжзгаб̣од̇хим̣ ад̇хиг̇ад̇омхийд̇и (су. ни. адта. 1.49). сзсам̣ вуд̇д̇анаяамзва.
135. Pañcamagāthā padatthato uttānā eva. Ayaṃ pana ettha adhippāyo – yvāyaṃ etena dutīyena kumārena sītuṇhādīni nivedentena sahavāsena taṃ saññāpentassa mama vācābhilāpo, tasmiṃ sinehavasena abhisajjanā vā jātā. Sace ahaṃ imaṃ na pariccajāmi, tato āyatimpi tatheva hessati. Yathā idāni, evaṃ dutīyena saha mamassa, vācābhilāpo abhisajjanā vā. Ubhayampi cetaṃ antarāyakaraṃ visesādhigamassāti etaṃ bhayaṃ āyatiṃ pekkhamāno taṃ chaḍḍetvā yoniso paṭipajjitvā paccekabodhiṃ adhigatomhīti (su. ni. aṭṭha. 1.49). Sesaṃ vuttanayameva.
бан̃жамам̣.
Pañcamaṃ.
136. чадтз гаамаад̇и д̣̇вз гаамаа вад̇т̇угаамаа жа гилзсагаамаа жа. д̇ад̇т̇а вад̇т̇угаамаа манаабияаа руубаад̣̇аяо д̇хаммаа, гилзсагаамаа чанд̣̇аад̣̇аяо саб̣б̣зби рааг̇аббабхзд̣̇аа. ид̇ха бана вад̇т̇угаамаа ад̇хиббзд̇аа . руубаад̣̇ианзгаббагаарзна жид̇раа. логассаад̣̇авасзна мад̇хураа. б̣аалабут̇уж̇ж̇анаанам̣ манам̣ рамзнд̇ийд̇и манорамаа. вируубаруубзнаад̇и вируубзна руубзна, анзгавид̇хзна сабхаавзнаад̇и вуд̇д̇ам̣ ход̇и. д̇з хи руубаад̣̇ивасзна жид̇раа, руубаад̣̇ийсуби нийлаад̣̇ивасзна вивид̇харуубаа. звам̣ д̇зна вируубаруубзна д̇ат̇аа д̇ат̇аа ассаад̣̇ам̣ д̣̇ассзд̇ваа мат̇знд̇и жид̇д̇ам̣, баб̣б̣аж̇ж̇ааяа абхирамид̇ум̣ на д̣̇знд̇ийд̇и. сзсамзд̇т̇а баагадамзва. ниг̇аманамби д̣̇вийхи д̇ийхи ваа бад̣̇зхи яож̇зд̇ваа буримаг̇аат̇аасу вуд̇д̇анаязна взд̣̇ид̇аб̣б̣ам̣ (су. ни. адта. 1.50).
136. Chaṭṭhe kāmāti dve kāmā vatthukāmā ca kilesakāmā ca. Tattha vatthukāmā manāpiyā rūpādayo dhammā, kilesakāmā chandādayo sabbepi rāgappabhedā. Idha pana vatthukāmā adhippetā . Rūpādianekappakārena citrā. Lokassādavasena madhurā. Bālaputhujjanānaṃ manaṃ ramentīti manoramā. Virūparūpenāti virūpena rūpena, anekavidhena sabhāvenāti vuttaṃ hoti. Te hi rūpādivasena citrā, rūpādīsupi nīlādivasena vividharūpā. Evaṃ tena virūparūpena tathā tathā assādaṃ dassetvā mathenti cittaṃ, pabbajjāya abhiramituṃ na dentīti. Sesamettha pākaṭameva. Nigamanampi dvīhi tīhi vā padehi yojetvā purimagāthāsu vuttanayena veditabbaṃ (su. ni. aṭṭha. 1.50).
гаамаг̇ун̣аад̇и гаамаяид̇аб̣б̣адтзна гаамаа. б̣анд̇ханадтзна г̇ун̣аа. ‘‘ануж̇аанаами, бхигкавз, ахад̇аанам̣ вад̇т̇аанам̣ д̣̇иг̇ун̣ам̣ сан̇гхаади’’нд̇и (махаава. 348) зд̇т̇а бадаладто г̇ун̣адто. ‘‘ажжзнд̇и гаалаа д̇араяанд̇и рад̇д̇ияо, ваяог̇ун̣аа анубуб̣б̣ам̣ ж̇аханд̇ий’’д̇и (сам̣. ни. 1.4) зд̇т̇а раасадто г̇ун̣адто. ‘‘сад̇аг̇ун̣аа д̣̇агкин̣аа баадиган̇кид̇аб̣б̣аа’’д̇и (ма. ни. 3.379) зд̇т̇а аанисам̣садто г̇ун̣адто. ‘‘анд̇ам̣ анд̇аг̇ун̣ам̣ (д̣̇ий. ни. 2.377; ма. ни. 1.110; ку. баа. 3.д̣̇вад̇д̇им̣саагаара), гаяираа маалааг̇ун̣з б̣ахуу’’д̇и зд̇т̇а б̣анд̇ханадто г̇ун̣адто. ид̇хааби зсзва ад̇хиббзд̇о, д̇зна вуд̇д̇ам̣ – ‘‘б̣анд̇ханадтзна г̇ун̣аа’’д̇и. жагкувин̃н̃зяяаад̇и жагкувин̃н̃аан̣зна бассид̇аб̣б̣аа. зд̇знубааязна сод̇авин̃н̃зяяаад̣̇ийсуби ад̇т̇о взд̣̇ид̇аб̣б̣о. идтаад̇и барияидтаа ваа хонд̇у, маа ваа, идтаарамман̣абхууд̇аад̇и ад̇т̇о. ганд̇аад̇и гааманийяаа. манаабаад̇и манавад̣дханагаа. бияаруубаад̇и бияаж̇аад̇игаа. гаамуубасам̣хид̇аад̇и аарамман̣ам̣ гад̇ваа уббаж̇ж̇амаанзна гаамзна убасам̣хид̇аа. раж̇анийяаад̇и раж̇ж̇анияаа, рааг̇уббад̇д̇игааран̣абхууд̇аад̇и ад̇т̇о.
Kāmaguṇāti kāmayitabbaṭṭhena kāmā. Bandhanaṭṭhena guṇā. ‘‘Anujānāmi, bhikkhave, ahatānaṃ vatthānaṃ diguṇaṃ saṅghāṭi’’nti (mahāva. 348) ettha paṭalaṭṭho guṇaṭṭho. ‘‘Accenti kālā tarayanti rattiyo, vayoguṇā anupubbaṃ jahantī’’ti (saṃ. ni. 1.4) ettha rāsaṭṭho guṇaṭṭho. ‘‘Sataguṇā dakkhiṇā pāṭikaṅkhitabbā’’ti (ma. ni. 3.379) ettha ānisaṃsaṭṭho guṇaṭṭho. ‘‘Antaṃ antaguṇaṃ (dī. ni. 2.377; ma. ni. 1.110; khu. pā. 3.dvattiṃsākāra), kayirā mālāguṇe bahū’’ti ettha bandhanaṭṭho guṇaṭṭho. Idhāpi eseva adhippeto, tena vuttaṃ – ‘‘bandhanaṭṭhena guṇā’’ti. Cakkhuviññeyyāti cakkhuviññāṇena passitabbā. Etenupāyena sotaviññeyyādīsupi attho veditabbo. Iṭṭhāti pariyiṭṭhā vā hontu, mā vā, iṭṭhārammaṇabhūtāti attho. Kantāti kāmanīyā. Manāpāti manavaḍḍhanakā. Piyarūpāti piyajātikā. Kāmūpasaṃhitāti ārammaṇaṃ katvā uppajjamānena kāmena upasaṃhitā. Rajanīyāti rajjaniyā, rāguppattikāraṇabhūtāti attho.
яад̣̇и муд̣̇д̣̇ааяаад̇иаад̣̇ийсу муд̣̇д̣̇аад̇и ан̇г̇улибаб̣б̣зсу сан̃н̃ам̣ табзд̇ваа хад̇т̇амуд̣̇д̣̇аа. г̇ан̣анаад̇и ажчид̣̇д̣̇аг̇ан̣анаа. сан̇каананд̇и бин̣д̣аг̇ан̣анаа. яааяа кзд̇д̇ам̣ ологзд̇ваа ‘‘ид̇ха зд̇д̇агаа вийхий бхависсанд̇и’’, ругкам̣ ологзд̇ваа ‘‘ид̇ха зд̇д̇агаани палаани бхависсанд̇и’’, аагаасам̣ ологзд̇ваа ‘‘имз аагаасз сагун̣аа зд̇д̇агаа наама бхависсанд̇ий’’д̇и ж̇аананд̇и. гасийд̇и гасигаммам̣. ван̣иж̇ж̇аад̇и ж̇ан̇гхаван̣иж̇ж̇ат̇алаван̣иж̇ж̇аад̣̇иван̣иббат̇о. г̇орагканд̇и ад̇д̇ано ваа барзсам̣ ваа г̇ааво рагкид̇ваа бан̃жаг̇орасавиггаязна ж̇ийванагаммам̣. иссад̇т̇о вужжад̇и аавуд̇хам̣ г̇ахзд̇ваа убадтаанагаммам̣. рааж̇аборисанд̇и винаа аавуд̇хзна рааж̇агаммам̣ гад̇ваа рааж̇убадтаанам̣. сиббан̃н̃ад̇аранд̇и г̇ахид̇аавасзсахад̇т̇иассасиббаад̣̇и.
Yadi muddāyātiādīsu muddāti aṅgulipabbesu saññaṃ ṭhapetvā hatthamuddā. Gaṇanāti acchiddagaṇanā. Saṅkhānanti piṇḍagaṇanā. Yāya khettaṃ oloketvā ‘‘idha ettakā vīhī bhavissanti’’, rukkhaṃ oloketvā ‘‘idha ettakāni phalāni bhavissanti’’, ākāsaṃ oloketvā ‘‘ime ākāse sakuṇā ettakā nāma bhavissantī’’ti jānanti. Kasīti kasikammaṃ. Vaṇijjāti jaṅghavaṇijjathalavaṇijjādivaṇippatho. Gorakkhanti attano vā paresaṃ vā gāvo rakkhitvā pañcagorasavikkayena jīvanakammaṃ. Issattho vuccati āvudhaṃ gahetvā upaṭṭhānakammaṃ. Rājaporisanti vinā āvudhena rājakammaṃ katvā rājupaṭṭhānaṃ. Sippaññataranti gahitāvasesahatthiassasippādi.
сийд̇асса бурагкад̇од̇и лагкам̣ вияа сарасса сийд̇асса бурад̇о тид̇о, сийд̇зна б̣аад̇хияамаанод̇и ад̇т̇о. ун̣хзби зсзва наяо. д̣ам̣саад̣̇ийсу д̣ам̣саад̇и бин̇г̇аламагкигаа. магасаад̇и саб̣б̣амагкигаа. сарийсабаад̇и яз гзжи сарид̇ваа г̇ажчанд̇и. риссамаанод̇и бийл̣ияамаано руббамаано гхаддияамаано. мийяамаанод̇и марамаано. аяам̣, бхигкавзд̇и бхигкавз, аяам̣ муд̣̇д̣̇аад̣̇ийхи ж̇ийвигагаббанам̣ ааг̇амма сийд̇аад̣̇ибажжаяо ааб̣аад̇хо. гаамаанам̣ аад̣̇ийнавод̇и гаамзсу убад̣̇д̣̇аво, убасаг̇г̇од̇и ад̇т̇о. санд̣̇идтигод̇и бажжагко саамам̣ бассид̇аб̣б̣о. д̣̇угкагканд̇ход̇и д̣̇угкарааси. гаамахзд̇ууд̇иаад̣̇ийсу бажжаяадтзна гаамаа асса хзд̇ууд̇и гаамахзд̇у. мууладтзна гаамаа нид̣̇аанамассаад̇и гааманид̣̇аано. лин̇г̇авибаллаасзна бана ‘‘гааманид̣̇аана’’нд̇и вуд̇д̇о. гааран̣адтзна гаамаа ад̇хигаран̣ам̣ ассаад̇и гаамаад̇хигаран̣о. лин̇г̇авибаллаасзнзва бана ‘‘гаамаад̇хигаран̣а’’нд̇и вуд̇д̇о. гаамаанамзва хзд̇ууд̇и ид̣̇ам̣ нияамаважанам̣ гаамабажжаяаа уббаж̇ж̇ад̇иязваад̇и ад̇т̇о.
Sītassa purakkhatoti lakkhaṃ viya sarassa sītassa purato ṭhito, sītena bādhiyamānoti attho. Uṇhepi eseva nayo. Ḍaṃsādīsu ḍaṃsāti piṅgalamakkhikā. Makasāti sabbamakkhikā. Sarīsapāti ye keci saritvā gacchanti. Rissamānoti pīḷiyamāno ruppamāno ghaṭṭiyamāno. Mīyamānoti maramāno. Ayaṃ, bhikkhaveti bhikkhave, ayaṃ muddādīhi jīvikakappanaṃ āgamma sītādipaccayo ābādho. Kāmānaṃ ādīnavoti kāmesu upaddavo, upasaggoti attho. Sandiṭṭhikoti paccakkho sāmaṃ passitabbo. Dukkhakkhandhoti dukkharāsi. Kāmahetūtiādīsu paccayaṭṭhena kāmā assa hetūti kāmahetu. Mūlaṭṭhena kāmā nidānamassāti kāmanidāno. Liṅgavipallāsena pana ‘‘kāmanidāna’’nti vutto. Kāraṇaṭṭhena kāmā adhikaraṇaṃ assāti kāmādhikaraṇo. Liṅgavipallāseneva pana ‘‘kāmādhikaraṇa’’nti vutto. Kāmānameva hetūti idaṃ niyamavacanaṃ kāmapaccayā uppajjatiyevāti attho.
удтахад̇од̇и ааж̇ийвасамудтаабагавийриязна удтаханд̇асса. гхадад̇од̇и д̇ам̣ вийрияам̣ буб̣б̣знаабарам̣ гхадзнд̇асса. вааяамад̇од̇и вааяаамам̣ бараггамам̣ баяог̇ам̣ гаронд̇асса. наабхинибпаж̇ж̇анд̇ийд̇и на нибпаж̇ж̇анд̇и, хад̇т̇ам̣ наабхируханд̇и. сожад̇ийд̇и жид̇д̇з уббаннаб̣алавасогзна сожад̇и. гиламад̇ийд̇и гааяз уббаннад̣̇угкзна гиламад̇и. барид̣̇звад̇ийд̇и ваажааяа барид̣̇звад̇и. урад̇д̇аал̣инд̇и урам̣ д̇аал̣зд̇ваа. ганд̣̇ад̇ийд̇и род̣̇ад̇и. саммохам̣ аабаж̇ж̇ад̇ийд̇и висан̃н̃ий вияа саммуул̣хо ход̇и. могханд̇и д̇ужчам̣. апалод̇и нибпало.
Uṭṭhahatoti ājīvasamuṭṭhāpakavīriyena uṭṭhahantassa. Ghaṭatoti taṃ vīriyaṃ pubbenāparaṃ ghaṭentassa. Vāyamatoti vāyāmaṃ parakkamaṃ payogaṃ karontassa. Nābhinipphajjantīti na nipphajjanti, hatthaṃ nābhiruhanti. Socatīti citte uppannabalavasokena socati. Kilamatīti kāye uppannadukkhena kilamati. Paridevatīti vācāya paridevati. Urattāḷinti uraṃ tāḷetvā. Kandatīti rodati. Sammohaṃ āpajjatīti visaññī viya sammūḷho hoti. Moghanti tucchaṃ. Aphaloti nipphalo.
аарагкаад̇хигаран̣анд̇и аарагкагааран̣аа. гинд̇и мзд̇и гзна ну ко мз убааязна. яамби мзд̇и яамби маяхам̣ гасигаммаад̣̇ийни гад̇ваа уббаад̣̇ид̇ам̣ д̇ханам̣ ахоси. д̇амби но над̇т̇ийд̇и д̇амби амхаагам̣ ид̣̇аани над̇т̇и.
Ārakkhādhikaraṇanti ārakkhakāraṇā. Kinti meti kena nu kho me upāyena. Yampi meti yampi mayhaṃ kasikammādīni katvā uppāditaṃ dhanaṃ ahosi. Tampi no natthīti tampi amhākaṃ idāni natthi.
буна жабарам̣, бхигкавз, гаамахзд̇ууд̇иаад̣̇инааби гааран̣ам̣ д̣̇ассзд̇ваава аад̣̇ийнавам̣ д̣̇ийбзд̇и. д̇ад̇т̇а гаамахзд̇ууд̇и гаамабажжаяаа рааж̇ааноби рааж̇уухи вивад̣̇анд̇ийд̇и ад̇т̇о. гааманид̣̇аананд̇и бхааванабум̣сагам̣, гаамз нид̣̇аанам̣ гад̇ваа вивад̣̇анд̇ийд̇и ад̇т̇о. гаамаад̇хигаран̣анд̇иби бхааванабум̣сагамзва, гаамз ад̇хигаран̣ам̣ гад̇ваа вивад̣̇анд̇ийд̇и ад̇т̇о. гаамаанамзва хзд̇ууд̇и г̇ааманиг̇амасзнаабад̇ибурохид̇адтаананд̇араад̣̇ийнам̣ гаамаанам̣язва хзд̇у вивад̣̇анд̇ийд̇и ад̇т̇о. убаггаманд̇ийд̇и бахаранд̇и.
Puna caparaṃ, bhikkhave, kāmahetūtiādināpi kāraṇaṃ dassetvāva ādīnavaṃ dīpeti. Tattha kāmahetūti kāmapaccayā rājānopi rājūhi vivadantīti attho. Kāmanidānanti bhāvanapuṃsakaṃ, kāme nidānaṃ katvā vivadantīti attho. Kāmādhikaraṇantipi bhāvanapuṃsakameva, kāme adhikaraṇaṃ katvā vivadantīti attho. Kāmānameva hetūti gāmanigamasenāpatipurohitaṭṭhānantarādīnaṃ kāmānaṃyeva hetu vivadantīti attho. Upakkamantīti paharanti.
асижамманд̇и асин̃жзва кздагапалагаад̣̇ийни жа.
Asicammanti asiñceva kheṭakaphalakādīni ca.
д̇ханугалаабам̣ саннаяхид̇ваад̇и д̇ханум̣ г̇ахзд̇ваа сарагалаабам̣ саннаяхид̇ваа. убхад̇об̣яуул̣ханд̇и убхад̇ораасибхууд̇ам̣. багканд̣̇анд̇ийд̇и бависанд̇и. усуусууд̇и ган̣д̣зсу. виж̇ж̇од̇аланд̇зсууд̇и баривад̇д̇амаанзсу. д̇з д̇ад̇т̇аад̇и д̇з д̇асмим̣ сан̇г̇аамз.
Dhanukalāpaṃ sannayhitvāti dhanuṃ gahetvā sarakalāpaṃ sannayhitvā. Ubhatobyūḷhanti ubhatorāsibhūtaṃ. Pakkhandantīti pavisanti. Usūsūti kaṇḍesu. Vijjotalantesūti parivattamānesu. Te tatthāti te tasmiṃ saṅgāme.
ад̣̇д̣̇аавалзбанаа убагаарияод̇и жзд̇т̇а мануссаа баагаарабаад̣̇ам̣ ассакурасан̣таанзна идтагаахи жинид̇ваа убари суд̇хааяа лимбанд̇и. звам̣ гад̇абаагаарабаад̣̇аа ‘‘убагаарияо’’д̇и вужжанд̇и. д̇аа д̇инд̇зна галалзна сид̇д̇аа ад̣̇д̣̇аавалзбанаа наама хонд̇и. багканд̣̇анд̇ийд̇и д̇аасам̣ хздтаа д̇икин̣ааяасууларугкасуулаад̣̇ийхи виж̇жхияамаанаа баагаарасса бижчиллабхаавзна аарохид̇ум̣ асаггонд̇ааби убад̇хааванд̇иязва. чаган̣агааяаад̇и гут̇ид̇аг̇омаязна. абхиваг̇г̇знаад̇и сад̇ад̣̇анд̇зна. д̇ам̣ адтад̣̇анд̇аагаарзна гад̇ваа ‘‘наг̇арад̣̇ваарам̣ бхинд̣̇ид̇ваа бависиссаамаа’’д̇и ааг̇ад̇з убарид̣̇ваарз тид̇аа д̇асса б̣анд̇ханаяод̇д̇аани чинд̣̇ид̇ваа д̇зна абхиваг̇г̇зна омад̣̇д̣̇анд̇и.
Addāvalepanāupakāriyoti cettha manussā pākārapādaṃ assakhurasaṇṭhānena iṭṭhakāhi cinitvā upari sudhāya limpanti. Evaṃ katapākārapādā ‘‘upakāriyo’’ti vuccanti. Tā tintena kalalena sittā addāvalepanā nāma honti. Pakkhandantīti tāsaṃ heṭṭhā tikhiṇaayasūlarukkhasūlādīhi vijjhiyamānā pākārassa picchillabhāvena ārohituṃ asakkontāpi upadhāvantiyeva. Chakaṇakāyāti kuthitagomayena. Abhivaggenāti satadantena. Taṃ aṭṭhadantākārena katvā ‘‘nagaradvāraṃ bhinditvā pavisissāmā’’ti āgate uparidvāre ṭhitā tassa bandhanayottāni chinditvā tena abhivaggena omaddanti.
санд̇химби чинд̣̇анд̇ийд̇и гхарасанд̇химби. ниллобанд̇и г̇аамз бахарид̇ваа махаавилобам̣ гаронд̇и. згааг̇аариганд̇и бан̣н̣аасамад̇д̇ааби садтимад̇д̇ааби бариваарзд̇ваа ж̇ийваг̇г̇аахам̣ г̇ахзд̇ваа д̇ханам̣ аахараабзнд̇и. барибант̇зби д̇идтанд̇ийд̇и бант̇ад̣̇ууханагаммам̣ гаронд̇и. ад̣дхад̣̇ан̣д̣агзхийд̇и муг̇г̇арзхи (ма. ни. адта. 1.169). сзсам̣ вуд̇д̇ад̇т̇амзва.
Sandhimpi chindantīti gharasandhimpi. Nillopanti gāme paharitvā mahāvilopaṃ karonti. Ekāgārikanti paṇṇāsamattāpi saṭṭhimattāpi parivāretvā jīvaggāhaṃ gahetvā dhanaṃ āharāpenti. Paripanthepi tiṭṭhantīti panthadūhanakammaṃ karonti. Aḍḍhadaṇḍakehīti muggarehi (ma. ni. aṭṭha. 1.169). Sesaṃ vuttatthameva.
чадтам̣.
Chaṭṭhaṃ.
137. сад̇д̇амз зд̇ийд̇и ийд̇и, ааг̇анд̇угаанам̣ агусалабхааг̇ияаанам̣ б̣яасанахзд̇уунам̣ зд̇ам̣ ад̇хиважанам̣. д̇асмаа гаамаг̇ун̣ааби зд̇з анзгаб̣яасанаавахадтзна д̣̇ал̣хасаннибаад̇адтзна жа ийд̇и. г̇ан̣д̣оби асужим̣ баг̇гхарад̇и, уд̣̇д̇хумаад̇абарибаггабарибхинно ход̇и. д̇асмаа зд̇з гилзсаа асужибаг̇гхаран̣ад̇о уббаад̣̇аж̇араабхан̇г̇зхи уд̣̇д̇хумаад̇абарибаггабарибхиннабхаавад̇о жа г̇ан̣д̣о. убад̣̇д̣̇авад̇ийд̇и убад̣̇д̣̇аво, анад̇т̇ам̣ ж̇анзнд̇о абхибхавад̇и аж̇жход̇т̇арад̇ийд̇и ад̇т̇о, рааг̇аг̇ан̣д̣аад̣̇ийнамзд̇ам̣ ад̇хиважанам̣. д̇асмаа гаамаг̇ун̣аабзд̇з авид̣̇ид̇аниб̣б̣аанад̇т̇аавахахзд̇уд̇ааяа саб̣б̣убад̣̇д̣̇ававад̇т̇уд̇ааяа жа убад̣̇д̣̇аво. яасмаа банзд̇з гилзсаад̇урабхаавам̣ ж̇анзнд̇аа сийласан̇каад̇амаарог̇яам̣ лолуббам̣ ваа уббаад̣̇знд̇аа баагад̇игамзва аарог̇яам̣ вилумбанд̇и, д̇асмаа иминаа аарог̇яавилумбанадтзна рог̇о. аб̣бханд̇араманубавидтадтзна бана анд̇од̇уд̣̇анадтзна д̣̇уннийхаран̣ийяадтзна жа саллам̣. д̣̇идтад̇хаммигасамбарааяигабхаяааваханад̇о бхаяам̣. мзд̇анд̇и зд̇ам̣ сзсамзд̇т̇а баагадамзва. ниг̇аманамби вуд̇д̇анаязнзва взд̣̇ид̇аб̣б̣ам̣ (су. ни. адта. 1.51).
137. Sattame etīti īti, āgantukānaṃ akusalabhāgiyānaṃ byasanahetūnaṃ etaṃ adhivacanaṃ. Tasmā kāmaguṇāpi ete anekabyasanāvahaṭṭhena daḷhasannipātaṭṭhena ca īti. Gaṇḍopi asuciṃ paggharati, uddhumātaparipakkaparibhinno hoti. Tasmā ete kilesā asucipaggharaṇato uppādajarābhaṅgehi uddhumātaparipakkaparibhinnabhāvato ca gaṇḍo. Upaddavatīti upaddavo, anatthaṃ janento abhibhavati ajjhottharatīti attho, rāgagaṇḍādīnametaṃ adhivacanaṃ. Tasmā kāmaguṇāpete aviditanibbānatthāvahahetutāya sabbupaddavavatthutāya ca upaddavo. Yasmā panete kilesāturabhāvaṃ janentā sīlasaṅkhātamārogyaṃ loluppaṃ vā uppādentā pākatikameva ārogyaṃ vilumpanti, tasmā iminā ārogyavilumpanaṭṭhena rogo. Abbhantaramanupaviṭṭhaṭṭhena pana antotudanaṭṭhena dunnīharaṇīyaṭṭhena ca sallaṃ. Diṭṭhadhammikasamparāyikabhayāvahanato bhayaṃ. Metanti etaṃ sesamettha pākaṭameva. Nigamanampi vuttanayeneva veditabbaṃ (su. ni. aṭṭha. 1.51).
гаамарааг̇арад̇д̇ааяанд̇и гаамарааг̇зна рад̇д̇о аяам̣. чанд̣̇арааг̇авиниб̣ад̣̇д̇ход̇и чанд̣̇арааг̇зна снзхзна б̣ад̣̇д̇хо. д̣̇идтад̇хаммигааби г̇аб̣бхаад̇и имасмим̣ ад̇д̇абхаавз вад̇д̇амаанасал̣ааяад̇анаг̇аб̣бхаа. самбарааяигааби г̇аб̣бхаад̇и баралогзби сал̣ааяад̇анаг̇аб̣бхаа. на баримужжад̇ийд̇и баримужжид̇ум̣ на саггод̇и. од̇ин̣н̣о саад̇аруубзнаад̇и мад̇хурасабхаавзна рааг̇зна од̇ин̣н̣о ог̇аахид̇о. балибат̇анд̇и гаамагалаламаг̇г̇ам̣. д̣̇уг̇г̇анд̇и д̣̇уг̇г̇амам̣.
Kāmarāgarattāyanti kāmarāgena ratto ayaṃ. Chandarāgavinibaddhoti chandarāgena snehena baddho. Diṭṭhadhammikāpi gabbhāti imasmiṃ attabhāve vattamānasaḷāyatanagabbhā. Samparāyikāpi gabbhāti paralokepi saḷāyatanagabbhā. Na parimuccatīti parimuccituṃ na sakkoti. Otiṇṇo sātarūpenāti madhurasabhāvena rāgena otiṇṇo ogāhito. Palipathanti kāmakalalamaggaṃ. Dugganti duggamaṃ.
сад̇д̇амам̣.
Sattamaṃ.
138. адтамз сийд̇ам̣ д̣̇уб̣б̣ид̇хам̣ аб̣бханд̇арад̇хаад̇угкобхабажжаяан̃жа б̣аахирад̇хаад̇угкобхабажжаяан̃жа. д̇ат̇аа ун̣хам̣. д̇ад̇т̇а д̣ам̣саад̇и бин̇г̇аламагкигаа. сарийсабзд̇и яз гзжи д̣̇ийгхаж̇аад̇игаа сарид̇ваа г̇ажчанд̇и. сзсам̣ баагадамзва. ниг̇аманамби вуд̇д̇анаязнзва взд̣̇ид̇аб̣б̣ам̣.
138. Aṭṭhame sītaṃ dubbidhaṃ abbhantaradhātukkhobhapaccayañca bāhiradhātukkhobhapaccayañca. Tathā uṇhaṃ. Tattha ḍaṃsāti piṅgalamakkhikā. Sarīsapeti ye keci dīghajātikā saritvā gacchanti. Sesaṃ pākaṭameva. Nigamanampi vuttanayeneva veditabbaṃ.
адтамам̣.
Aṭṭhamaṃ.
139. навамаг̇аат̇аа бад̣̇ад̇т̇ад̇о баагадаа зва. аяам̣ банзд̇т̇а ад̇хиббааяаяож̇анаа – саа жа ко яуд̇д̇ивасзна, на ануссававасзна. яат̇аа аяам̣ хад̇т̇ий мануссаганд̇зсу сийлзсу д̣̇анд̇ад̇д̇аа ад̣̇анд̇абхуумим̣ нааг̇ажчад̇ийд̇и ваа, сарийрамаханд̇ад̇ааяа ваа нааг̇о. звам̣ гуд̣̇аассу наамаахамби арияаганд̇зсу сийлзсу д̣̇анд̇ад̇д̇аа ад̣̇анд̇абхуумим̣ нааг̇аманзна, ааг̇ум̣ агаран̣зна, буна ид̇т̇ад̇д̇ам̣ анааг̇аманзна жа г̇ун̣асарийрамаханд̇ад̇ааяа ваа нааг̇о бхавзяяам̣. яат̇аа жзса яуут̇аани виваж̇ж̇аяид̇ваа згажарияасукзна яат̇аабхиранд̇ам̣ вихарз аран̃н̃з, зго жарз каг̇г̇ависаан̣агаббо, гуд̣̇аассу наамаахамби звам̣ г̇ан̣ам̣ виваж̇ж̇аяид̇ваа згад̇д̇аабхирад̇исукзна жхаанасукзна яат̇аабхиранд̇ам̣ аран̃н̃з ад̇д̇ано яат̇аа яат̇аа сукам̣, д̇ат̇аа д̇ат̇аа яад̇д̇агам̣ ваа ижчаами, д̇ад̇д̇агам̣ аран̃н̃з ниваасам̣ зго жарз каг̇г̇ависаан̣агаббо зго жарзяяанд̇и ад̇т̇о. яат̇аа жзса сусан̣тид̇агканд̇хамаханд̇ад̇ааяа сан̃ж̇аад̇агканд̇хо, гуд̣̇аассу наамаахамби звам̣ асзгкасийлагканд̇хамаханд̇ад̇ааяа сан̃ж̇аад̇агканд̇хо бхавзяяам̣. яат̇аа жзса бад̣̇умасад̣̇исаг̇ад̇д̇ад̇ааяа ваа, бад̣̇умагулз уббаннад̇ааяа ваа бад̣̇умий, гуд̣̇аассу наамаахамби звам̣ бад̣̇умасад̣̇исаб̣ож̇жхан̇г̇амаханд̇ад̇ааяа ваа, арияаж̇аад̇ибад̣̇умз уббаннад̇ааяа ваа бад̣̇умий бхавзяяам̣. яат̇аа жзса т̇аамаб̣алаж̇аваад̣̇ийхи ул̣ааро, гуд̣̇аассу наамаахамби звам̣ барисуд̣̇д̇хагааяасамаажаарад̇аад̣̇ийхи сийласамаад̇хиниб̣б̣зд̇хигабан̃н̃аад̣̇ийхи ваа ул̣ааро бхавзяяанд̇и звам̣ жинд̇знд̇о вибассанам̣ аарабхид̇ваа бажжзгаб̣од̇хим̣ ад̇хиг̇ад̇омхийд̇и.
139. Navamagāthā padatthato pākaṭā eva. Ayaṃ panettha adhippāyayojanā – sā ca kho yuttivasena, na anussavavasena. Yathā ayaṃ hatthī manussakantesu sīlesu dantattā adantabhūmiṃ nāgacchatīti vā, sarīramahantatāya vā nāgo. Evaṃ kudāssu nāmāhampi ariyakantesu sīlesu dantattā adantabhūmiṃ nāgamanena, āguṃ akaraṇena, puna itthattaṃ anāgamanena ca guṇasarīramahantatāya vā nāgo bhaveyyaṃ. Yathā cesa yūthāni vivajjayitvā ekacariyasukhena yathābhirantaṃ vihare araññe, eko care khaggavisāṇakappo, kudāssu nāmāhampi evaṃ gaṇaṃ vivajjayitvā ekattābhiratisukhena jhānasukhena yathābhirantaṃ araññe attano yathā yathā sukhaṃ, tathā tathā yattakaṃ vā icchāmi, tattakaṃ araññe nivāsaṃ eko care khaggavisāṇakappo eko careyyanti attho. Yathā cesa susaṇṭhitakkhandhamahantatāya sañjātakkhandho, kudāssu nāmāhampi evaṃ asekkhasīlakkhandhamahantatāya sañjātakkhandho bhaveyyaṃ. Yathā cesa padumasadisagattatāya vā, padumakule uppannatāya vā padumī, kudāssu nāmāhampi evaṃ padumasadisabojjhaṅgamahantatāya vā, ariyajātipadume uppannatāya vā padumī bhaveyyaṃ. Yathā cesa thāmabalajavādīhi uḷāro, kudāssu nāmāhampi evaṃ parisuddhakāyasamācāratādīhi sīlasamādhinibbedhikapaññādīhi vā uḷāro bhaveyyanti evaṃ cintento vipassanaṃ ārabhitvā paccekabodhiṃ adhigatomhīti.
навамам̣.
Navamaṃ.
140. д̣̇асамз адтаанад̇анд̇и адтаанам̣ д̇ам̣, агааран̣ам̣ д̇анд̇и вуд̇д̇ам̣ ход̇и. анунаасигасса лобо гад̇о ‘‘арияасажжаана д̣̇ассана’’нд̇иаад̣̇ийсу (ку. баа. 5.11; су. ни. 270) вияа. сан̇г̇ан̣игаарад̇ассаад̇и г̇ан̣аабхирад̇асса. яанд̇и гааран̣аважанамзд̇ам̣ ‘‘яам̣ хирийяад̇и хирийяид̇аб̣б̣знаа’’д̇иаад̣̇ийсу (д̇ха. са. 30) вияа. пассаязд̇и ад̇хиг̇ажчз. саамаяигам̣ вимуд̇д̇инд̇и логияасамаабад̇д̇им̣. саа хи аббид̇аббид̇асамаяз зва бажжанийгзхи вимужжанад̇о ‘‘саамаяигаа вимуд̇д̇ий’’д̇и вужжад̇и. д̇ам̣ саамаяигам̣ вимуд̇д̇им̣. ‘‘адтаанам̣ д̇ам̣, на д̇ам̣ гааран̣ам̣ виж̇ж̇ад̇и сан̇г̇ан̣игаарад̇асса, язна гааран̣зна пассаяз ид̇и зд̇ам̣ аад̣̇ижжаб̣анд̇хусса бажжзгаб̣уд̣̇д̇хасса важо нисамма сан̇г̇ан̣игаарад̇им̣ бахааяа яонисо бадибаж̇ж̇анд̇о ад̇хиг̇ад̇омхий’’д̇и ааха. сзсам̣ вуд̇д̇анаяамзва (су. ни. адта. 1.54; аба. адта. 1.1.110).
140. Dasame aṭṭhānatanti aṭṭhānaṃ taṃ, akāraṇaṃ tanti vuttaṃ hoti. Anunāsikassa lopo kato ‘‘ariyasaccāna dassana’’ntiādīsu (khu. pā. 5.11; su. ni. 270) viya. Saṅgaṇikāratassāti gaṇābhiratassa. Yanti kāraṇavacanametaṃ ‘‘yaṃ hirīyati hirīyitabbenā’’tiādīsu (dha. sa. 30) viya. Phassayeti adhigacche. Sāmayikaṃ vimuttinti lokiyasamāpattiṃ. Sā hi appitappitasamaye eva paccanīkehi vimuccanato ‘‘sāmayikā vimuttī’’ti vuccati. Taṃ sāmayikaṃ vimuttiṃ. ‘‘Aṭṭhānaṃ taṃ, na taṃ kāraṇaṃ vijjati saṅgaṇikāratassa, yena kāraṇena phassaye iti etaṃ ādiccabandhussa paccekabuddhassa vaco nisamma saṅgaṇikāratiṃ pahāya yoniso paṭipajjanto adhigatomhī’’ti āha. Sesaṃ vuttanayameva (su. ni. aṭṭha. 1.54; apa. aṭṭha. 1.1.110).
нид̣̇д̣̇зсз нзгкаммасуканд̇и баб̣б̣аж̇ж̇аасукам̣. бавивзгасуканд̇и гааяажид̇д̇аубад̇хививзгз сукам̣. убасамасуканд̇и гилзсубасамам̣ паласамаабад̇д̇исукам̣. самб̣од̇хисуканд̇и маг̇г̇асукам̣. нигаамалаабхийд̇и ад̇д̇ано руживасзна яат̇аагаамалаабхий. агижчалаабхийд̇и ад̣̇угкалаабхий. агасиралаабхийд̇и вибулалаабхий. асаамаяиганд̇и логуд̇д̇арам̣. агуббанд̇и губбавирахид̇ам̣ ажалид̇ам̣ логуд̇д̇арамаг̇г̇ам̣.
Niddese nekkhammasukhanti pabbajjāsukhaṃ. Pavivekasukhanti kāyacittaupadhiviveke sukhaṃ. Upasamasukhanti kilesupasamaṃ phalasamāpattisukhaṃ. Sambodhisukhanti maggasukhaṃ. Nikāmalābhīti attano rucivasena yathākāmalābhī. Akicchalābhīti adukkhalābhī. Akasiralābhīti vipulalābhī. Asāmayikanti lokuttaraṃ. Akuppanti kuppavirahitaṃ acalitaṃ lokuttaramaggaṃ.
д̣̇асамам̣.
Dasamaṃ.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi / д̣̇уд̇ияаваг̇г̇о • Dutiyavaggo
