| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. д̣̇уд̇ияавалаахагасуд̇д̇ам̣
2. Dutiyavalāhakasuttaṃ
102. ‘‘жад̇д̇ааромз , бхигкавз, валаахагаа. гад̇амз жад̇д̇ааро? г̇аж̇ж̇ид̇аа но вассид̇аа, вассид̇аа но г̇аж̇ж̇ид̇аа, нзва г̇аж̇ж̇ид̇аа но вассид̇аа г̇аж̇ж̇ид̇аа жа вассид̇аа жа. имз ко, бхигкавз, жад̇д̇ааро валаахагаа. звамзвам̣ ко, бхигкавз, жад̇д̇ааро валаахагуубамаа буг̇г̇алаа санд̇о сам̣виж̇ж̇амаанаа логасмим̣. гад̇амз жад̇д̇ааро? г̇аж̇ж̇ид̇аа но вассид̇аа, вассид̇аа но г̇аж̇ж̇ид̇аа, нзва г̇аж̇ж̇ид̇аа но вассид̇аа, г̇аж̇ж̇ид̇аа жа вассид̇аа жа.
102. ‘‘Cattārome , bhikkhave, valāhakā. Katame cattāro? Gajjitā no vassitā, vassitā no gajjitā, neva gajjitā no vassitā gajjitā ca vassitā ca. Ime kho, bhikkhave, cattāro valāhakā. Evamevaṃ kho, bhikkhave, cattāro valāhakūpamā puggalā santo saṃvijjamānā lokasmiṃ. Katame cattāro? Gajjitā no vassitā, vassitā no gajjitā, neva gajjitā no vassitā, gajjitā ca vassitā ca.
‘‘гат̇ан̃жа, бхигкавз, буг̇г̇ало г̇аж̇ж̇ид̇аа ход̇и, но вассид̇аа? ид̇ха, бхигкавз, згажжо буг̇г̇ало д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ наббаж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ наббаж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аанаад̇и. звам̣ ко, бхигкавз, буг̇г̇ало г̇аж̇ж̇ид̇аа ход̇и, но вассид̇аа. сзяяат̇ааби со, бхигкавз, валаахаго г̇аж̇ж̇ид̇аа, но вассид̇аа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Kathañca, bhikkhave, puggalo gajjitā hoti, no vassitā? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ nappajānāti, ‘ayaṃ dukkhasamudayo’ti yathābhūtaṃ nappajānāti, ‘ayaṃ dukkhanirodho’ti yathābhūtaṃ nappajānāti, ‘ayaṃ dukkhanirodhagāminī paṭipadā’ti yathābhūtaṃ nappajānāti. Evaṃ kho, bhikkhave, puggalo gajjitā hoti, no vassitā. Seyyathāpi so, bhikkhave, valāhako gajjitā, no vassitā; tathūpamāhaṃ, bhikkhave, imaṃ puggalaṃ vadāmi.
‘‘гат̇ан̃жа, бхигкавз, буг̇г̇ало вассид̇аа ход̇и, но г̇аж̇ж̇ид̇аа? ид̇ха, бхигкавз, згажжо буг̇г̇ало д̇хаммам̣ на барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, буг̇г̇ало вассид̇аа ход̇и, но г̇аж̇ж̇ид̇аа. сзяяат̇ааби со, бхигкавз, валаахаго вассид̇аа, но г̇аж̇ж̇ид̇аа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Kathañca, bhikkhave, puggalo vassitā hoti, no gajjitā? Idha, bhikkhave, ekacco puggalo dhammaṃ na pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Evaṃ kho, bhikkhave, puggalo vassitā hoti, no gajjitā. Seyyathāpi so, bhikkhave, valāhako vassitā, no gajjitā; tathūpamāhaṃ, bhikkhave, imaṃ puggalaṃ vadāmi.
‘‘гат̇ан̃жа, бхигкавз, буг̇г̇ало нзва г̇аж̇ж̇ид̇аа ход̇и, но вассид̇аа? ид̇ха, бхигкавз, згажжо буг̇г̇ало нзва д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ наббаж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ наббаж̇аанаад̇и. звам̣ ко, бхигкавз, буг̇г̇ало нзва г̇аж̇ж̇ид̇аа ход̇и, но вассид̇аа. сзяяат̇ааби со, бхигкавз, валаахаго нзва г̇аж̇ж̇ид̇аа, но вассид̇аа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами.
‘‘Kathañca, bhikkhave, puggalo neva gajjitā hoti, no vassitā? Idha, bhikkhave, ekacco puggalo neva dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ nappajānāti…pe… ‘ayaṃ dukkhanirodhagāminī paṭipadā’ti yathābhūtaṃ nappajānāti. Evaṃ kho, bhikkhave, puggalo neva gajjitā hoti, no vassitā. Seyyathāpi so, bhikkhave, valāhako neva gajjitā, no vassitā; tathūpamāhaṃ, bhikkhave, imaṃ puggalaṃ vadāmi.
‘‘гат̇ан̃жа, бхигкавз, буг̇г̇ало г̇аж̇ж̇ид̇аа жа ход̇и вассид̇аа жа ? ид̇ха, бхигкавз, згажжо буг̇г̇ало д̇хаммам̣ барияаабун̣аад̇и – суд̇д̇ам̣, г̇зяяам̣, взяяаагаран̣ам̣, г̇аат̇ам̣, уд̣̇аанам̣, ид̇ивуд̇д̇агам̣, ж̇аад̇агам̣, аб̣бхуд̇ад̇хаммам̣, взд̣̇аллам̣. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и…бз… ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. звам̣ ко, бхигкавз, буг̇г̇ало г̇аж̇ж̇ид̇аа жа ход̇и вассид̇аа жа. сзяяат̇ааби со, бхигкавз, валаахаго г̇аж̇ж̇ид̇аа жа вассид̇аа жа; д̇ат̇уубамаахам̣, бхигкавз, имам̣ буг̇г̇алам̣ вад̣̇аами. имз ко, бхигкавз, жад̇д̇ааро валаахагуубамаа буг̇г̇алаа санд̇о сам̣виж̇ж̇амаанаа логасми’’нд̇и. д̣̇уд̇ияам̣.
‘‘Kathañca, bhikkhave, puggalo gajjitā ca hoti vassitā ca ? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So ‘idaṃ dukkha’nti yathābhūtaṃ pajānāti…pe… ‘ayaṃ dukkhanirodhagāminī paṭipadā’ti yathābhūtaṃ pajānāti. Evaṃ kho, bhikkhave, puggalo gajjitā ca hoti vassitā ca. Seyyathāpi so, bhikkhave, valāhako gajjitā ca vassitā ca; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro valāhakūpamā puggalā santo saṃvijjamānā lokasmi’’nti. Dutiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-2. валаахагасуд̇д̇ад̣̇ваяаван̣н̣анаа • 1-2. Valāhakasuttadvayavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. валаахагасуд̇д̇ад̣̇ваяаван̣н̣анаа • 1-2. Valāhakasuttadvayavaṇṇanā
