| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দুতিযৰসসুত্তং
10. Dutiyavasasuttaṃ
৪১. ‘‘সত্তহি, ভিক্খৰে, ধম্মেহি সমন্নাগতো সারিপুত্তো চিত্তং ৰসে ৰত্তেতি, নো চ সারিপুত্তো চিত্তস্স ৰসেন ৰত্ততি। কতমেহি সত্তহি? ইধ, ভিক্খৰে, সারিপুত্তো সমাধিকুসলো হোতি, সমাধিস্স সমাপত্তিকুসলো, সমাধিস্স ঠিতিকুসলো, সমাধিস্স ৰুট্ঠানকুসলো, সমাধিস্স কল্যাণকুসলো, সমাধিস্স গোচরকুসলো, সমাধিস্স অভিনীহারকুসলো হোতি। ইমেহি খো, ভিক্খৰে , সত্তহি ধম্মেহি সমন্নাগতো সারিপুত্তো চিত্তং ৰসে ৰত্তেতি, নো চ সারিপুত্তো চিত্তস্স ৰসেন ৰত্ততী’’তি। দসমং।
41. ‘‘Sattahi, bhikkhave, dhammehi samannāgato sāriputto cittaṃ vase vatteti, no ca sāriputto cittassa vasena vattati. Katamehi sattahi? Idha, bhikkhave, sāriputto samādhikusalo hoti, samādhissa samāpattikusalo, samādhissa ṭhitikusalo, samādhissa vuṭṭhānakusalo, samādhissa kalyāṇakusalo, samādhissa gocarakusalo, samādhissa abhinīhārakusalo hoti. Imehi kho, bhikkhave , sattahi dhammehi samannāgato sāriputto cittaṃ vase vatteti, no ca sāriputto cittassa vasena vattatī’’ti. Dasamaṃ.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৬-১১. দুতিযমিত্তসুত্তাদিৰণ্ণনা • 6-11. Dutiyamittasuttādivaṇṇanā
