| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. දුතියවසසුත්‌තං
10. Dutiyavasasuttaṃ
41. ‘‘සත්‌තහි, භික්‌ඛවෙ, ධම්‌මෙහි සමන්‌නාගතො සාරිපුත්‌තො චිත්‌තං වසෙ වත්‌තෙති, නො ච සාරිපුත්‌තො චිත්‌තස්‌ස වසෙන වත්‌තති. කතමෙහි සත්‌තහි? ඉධ, භික්‌ඛවෙ, සාරිපුත්‌තො සමාධිකුසලො හොති, සමාධිස්‌ස සමාපත්‌තිකුසලො, සමාධිස්‌ස ඨිතිකුසලො, සමාධිස්‌ස වුට්‌ඨානකුසලො, සමාධිස්‌ස කල්‍යාණකුසලො, සමාධිස්‌ස ගොචරකුසලො, සමාධිස්‌ස අභිනීහාරකුසලො හොති. ඉමෙහි ඛො, භික්‌ඛවෙ , සත්‌තහි ධම්‌මෙහි සමන්‌නාගතො සාරිපුත්‌තො චිත්‌තං වසෙ වත්‌තෙති, නො ච සාරිපුත්‌තො චිත්‌තස්‌ස වසෙන වත්‌තතී’’ති. දසමං.
41. ‘‘Sattahi, bhikkhave, dhammehi samannāgato sāriputto cittaṃ vase vatteti, no ca sāriputto cittassa vasena vattati. Katamehi sattahi? Idha, bhikkhave, sāriputto samādhikusalo hoti, samādhissa samāpattikusalo, samādhissa ṭhitikusalo, samādhissa vuṭṭhānakusalo, samādhissa kalyāṇakusalo, samādhissa gocarakusalo, samādhissa abhinīhārakusalo hoti. Imehi kho, bhikkhave , sattahi dhammehi samannāgato sāriputto cittaṃ vase vatteti, no ca sāriputto cittassa vasena vattatī’’ti. Dasamaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 6-11. දුතියමිත්‌තසුත්‌තාදිවණ්‌ණනා • 6-11. Dutiyamittasuttādivaṇṇanā
