| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༡༠. དུཏིཡཝསསུཏྟཾ
10. Dutiyavasasuttaṃ
༤༡. ‘‘སཏྟཧི, བྷིཀྑཝེ, དྷམྨེཧི སམནྣཱགཏོ སཱརིཔུཏྟོ ཙིཏྟཾ ཝསེ ཝཏྟེཏི, ནོ ཙ སཱརིཔུཏྟོ ཙིཏྟསྶ ཝསེན ཝཏྟཏི། ཀཏམེཧི སཏྟཧི? ཨིདྷ, བྷིཀྑཝེ, སཱརིཔུཏྟོ སམཱདྷིཀུསལོ ཧོཏི, སམཱདྷིསྶ སམཱཔཏྟིཀུསལོ, སམཱདྷིསྶ ཋིཏིཀུསལོ, སམཱདྷིསྶ ཝུཊྛཱནཀུསལོ, སམཱདྷིསྶ ཀལྱཱཎཀུསལོ, སམཱདྷིསྶ གོཙརཀུསལོ, སམཱདྷིསྶ ཨབྷིནཱིཧཱརཀུསལོ ཧོཏི། ཨིམེཧི ཁོ, བྷིཀྑཝེ , སཏྟཧི དྷམྨེཧི སམནྣཱགཏོ སཱརིཔུཏྟོ ཙིཏྟཾ ཝསེ ཝཏྟེཏི, ནོ ཙ སཱརིཔུཏྟོ ཙིཏྟསྶ ཝསེན ཝཏྟཏཱི’’ཏི། དསམཾ།
41. ‘‘Sattahi, bhikkhave, dhammehi samannāgato sāriputto cittaṃ vase vatteti, no ca sāriputto cittassa vasena vattati. Katamehi sattahi? Idha, bhikkhave, sāriputto samādhikusalo hoti, samādhissa samāpattikusalo, samādhissa ṭhitikusalo, samādhissa vuṭṭhānakusalo, samādhissa kalyāṇakusalo, samādhissa gocarakusalo, samādhissa abhinīhārakusalo hoti. Imehi kho, bhikkhave , sattahi dhammehi samannāgato sāriputto cittaṃ vase vatteti, no ca sāriputto cittassa vasena vattatī’’ti. Dasamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦-༡༡. དུཏིཡམིཏྟསུཏྟཱདིཝཎྞནཱ • 6-11. Dutiyamittasuttādivaṇṇanā
