| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. து³தியவேத³னானானத்தஸுத்தங்
5. Dutiyavedanānānattasuttaṃ
89. ஸாவத்தி²யங் விஹரதி…பே॰… ‘‘தா⁴துனானத்தங், பி⁴க்க²வே, படிச்ச உப்பஜ்ஜதி ப²ஸ்ஸனானத்தங், ப²ஸ்ஸனானத்தங் படிச்ச உப்பஜ்ஜதி வேத³னானானத்தங், நோ வேத³னானானத்தங் படிச்ச உப்பஜ்ஜதி ப²ஸ்ஸனானத்தங், நோ ப²ஸ்ஸனானத்தங் படிச்ச உப்பஜ்ஜதி தா⁴துனானத்தங். கதமஞ்ச, பி⁴க்க²வே, தா⁴துனானத்தங்? சக்கு²தா⁴து…பே॰… மனோதா⁴து – இத³ங் வுச்சதி, பி⁴க்க²வே, தா⁴துனானத்தங்’’.
89. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati phassanānattaṃ, phassanānattaṃ paṭicca uppajjati vedanānānattaṃ, no vedanānānattaṃ paṭicca uppajjati phassanānattaṃ, no phassanānattaṃ paṭicca uppajjati dhātunānattaṃ. Katamañca, bhikkhave, dhātunānattaṃ? Cakkhudhātu…pe… manodhātu – idaṃ vuccati, bhikkhave, dhātunānattaṃ’’.
‘‘கத²ஞ்ச, பி⁴க்க²வே, தா⁴துனானத்தங் படிச்ச உப்பஜ்ஜதி ப²ஸ்ஸனானத்தங், ப²ஸ்ஸனானத்தங் படிச்ச உப்பஜ்ஜதி வேத³னானானத்தங், நோ வேத³னானானத்தங் படிச்ச உப்பஜ்ஜதி ப²ஸ்ஸனானத்தங், நோ ப²ஸ்ஸனானத்தங் படிச்ச உப்பஜ்ஜதி தா⁴துனானத்தங்? சக்கு²தா⁴துங், பி⁴க்க²வே, படிச்ச உப்பஜ்ஜதி சக்கு²ஸம்ப²ஸ்ஸோ, சக்கு²ஸம்ப²ஸ்ஸங் படிச்ச உப்பஜ்ஜதி சக்கு²ஸம்ப²ஸ்ஸஜா வேத³னா, நோ சக்கு²ஸம்ப²ஸ்ஸஜங் வேத³னங் படிச்ச உப்பஜ்ஜதி சக்கு²ஸம்ப²ஸ்ஸோ, நோ சக்கு²ஸம்ப²ஸ்ஸங் படிச்ச உப்பஜ்ஜதி சக்கு²தா⁴து…பே॰… மனோதா⁴துங் படிச்ச உப்பஜ்ஜதி மனோஸம்ப²ஸ்ஸோ, மனோஸம்ப²ஸ்ஸங் படிச்ச உப்பஜ்ஜதி மனோஸம்ப²ஸ்ஸஜா வேத³னா, நோ மனோஸம்ப²ஸ்ஸஜங் வேத³னங் படிச்ச உப்பஜ்ஜதி மனோஸம்ப²ஸ்ஸோ, நோ மனோஸம்ப²ஸ்ஸங் படிச்ச உப்பஜ்ஜதி மனோதா⁴து. ஏவங் கோ², பி⁴க்க²வே, தா⁴துனானத்தங் படிச்ச உப்பஜ்ஜதி ப²ஸ்ஸனானத்தங், ப²ஸ்ஸனானத்தங் படிச்ச உப்பஜ்ஜதி வேத³னானானத்தங், நோ வேத³னானானத்தங் படிச்ச உப்பஜ்ஜதி ப²ஸ்ஸனானத்தங், நோ ப²ஸ்ஸனானத்தங் படிச்ச உப்பஜ்ஜதி தா⁴துனானத்த’’ந்தி. பஞ்சமங்.
‘‘Kathañca, bhikkhave, dhātunānattaṃ paṭicca uppajjati phassanānattaṃ, phassanānattaṃ paṭicca uppajjati vedanānānattaṃ, no vedanānānattaṃ paṭicca uppajjati phassanānattaṃ, no phassanānattaṃ paṭicca uppajjati dhātunānattaṃ? Cakkhudhātuṃ, bhikkhave, paṭicca uppajjati cakkhusamphasso, cakkhusamphassaṃ paṭicca uppajjati cakkhusamphassajā vedanā, no cakkhusamphassajaṃ vedanaṃ paṭicca uppajjati cakkhusamphasso, no cakkhusamphassaṃ paṭicca uppajjati cakkhudhātu…pe… manodhātuṃ paṭicca uppajjati manosamphasso, manosamphassaṃ paṭicca uppajjati manosamphassajā vedanā, no manosamphassajaṃ vedanaṃ paṭicca uppajjati manosamphasso, no manosamphassaṃ paṭicca uppajjati manodhātu. Evaṃ kho, bhikkhave, dhātunānattaṃ paṭicca uppajjati phassanānattaṃ, phassanānattaṃ paṭicca uppajjati vedanānānattaṃ, no vedanānānattaṃ paṭicca uppajjati phassanānattaṃ, no phassanānattaṃ paṭicca uppajjati dhātunānatta’’nti. Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 5. து³தியவேத³னானானத்தஸுத்தவண்ணனா • 5. Dutiyavedanānānattasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. து³தியவேத³னானானத்தஸுத்தவண்ணனா • 5. Dutiyavedanānānattasuttavaṇṇanā
