| Library / Tipiṭaka / ติปิฎก • Tipiṭaka / อิติวุตฺตกปาฬิ • Itivuttakapāḷi |
๔. ทุติยเวทนาสุตฺตํ
4. Dutiyavedanāsuttaṃ
๕๓. วุตฺตเญฺหตํ ภควตา, วุตฺตมรหตาติ เม สุตํ –
53. Vuttañhetaṃ bhagavatā, vuttamarahatāti me sutaṃ –
‘‘ติโสฺส อิมา , ภิกฺขเว, เวทนาฯ กตมา ติโสฺส? สุขา เวทนา, ทุกฺขา เวทนา, อทุกฺขมสุขา เวทนาฯ สุขา, ภิกฺขเว, เวทนา ทุกฺขโต ทฎฺฐพฺพา; ทุกฺขา เวทนา สลฺลโต ทฎฺฐพฺพา; อทุกฺขมสุขา เวทนา อนิจฺจโต ทฎฺฐพฺพาฯ ยโต โข, ภิกฺขเว, ภิกฺขุโน สุขา เวทนา ทุกฺขโต ทิฎฺฐา โหติ, ทุกฺขา เวทนา สลฺลโต ทิฎฺฐา โหติ, อทุกฺขมสุขา เวทนา อนิจฺจโต ทิฎฺฐา โหติ; อยํ วุจฺจติ, ภิกฺขเว, ‘ภิกฺขุ อริโย สมฺมทฺทโส อเจฺฉจฺฉิ 1, ตณฺหํ, วิวตฺตยิ 2 สํโยชนํ, สมฺมา มานาภิสมยา อนฺตมกาสิ ทุกฺขสฺสา’’’ติฯ เอตมตฺถํ ภควา อโวจฯ ตเตฺถตํ อิติ วุจฺจติ –
‘‘Tisso imā , bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā. Sukhā, bhikkhave, vedanā dukkhato daṭṭhabbā; dukkhā vedanā sallato daṭṭhabbā; adukkhamasukhā vedanā aniccato daṭṭhabbā. Yato kho, bhikkhave, bhikkhuno sukhā vedanā dukkhato diṭṭhā hoti, dukkhā vedanā sallato diṭṭhā hoti, adukkhamasukhā vedanā aniccato diṭṭhā hoti; ayaṃ vuccati, bhikkhave, ‘bhikkhu ariyo sammaddaso acchecchi 3, taṇhaṃ, vivattayi 4 saṃyojanaṃ, sammā mānābhisamayā antamakāsi dukkhassā’’’ti. Etamatthaṃ bhagavā avoca. Tatthetaṃ iti vuccati –
‘‘โย สุขํ ทุกฺขโต อทฺท 5, ทุกฺขมทฺทกฺขิ สลฺลโต;
‘‘Yo sukhaṃ dukkhato adda 6, dukkhamaddakkhi sallato;
อทุกฺขมสุขํ สนฺตํ, อทกฺขิ นํ อนิจฺจโตฯ
Adukkhamasukhaṃ santaṃ, adakkhi naṃ aniccato.
‘‘ส เว สมฺมทฺทโส ภิกฺขุ, ยโต ตตฺถ วิมุจฺจติ;
‘‘Sa ve sammaddaso bhikkhu, yato tattha vimuccati;
อภิญฺญาโวสิโต สโนฺต, ส เว โยคาติโค มุนี’’ติฯ
Abhiññāvosito santo, sa ve yogātigo munī’’ti.
อยมฺปิ อโตฺถ วุโตฺต ภควตา, อิติ เม สุตนฺติฯ จตุตฺถํฯ
Ayampi attho vutto bhagavatā, iti me sutanti. Catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อิติวุตฺตก-อฎฺฐกถา • Itivuttaka-aṭṭhakathā / ๔. ทุติยเวทนาสุตฺตวณฺณนา • 4. Dutiyavedanāsuttavaṇṇanā
