| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
4. д̣̇уд̇ияавзд̣̇анаасуд̇д̇аван̣н̣анаа
4. Dutiyavedanāsuttavaṇṇanā
53. жад̇уд̇т̇з д̣̇угкад̇о д̣̇адтаб̣б̣аад̇и сукавзд̣̇анаа вибарин̣аамад̣̇угкавасзна д̣̇угкаад̇и н̃аан̣ажагкунаа бассид̇аб̣б̣аа. саллад̇о д̣̇адтаб̣б̣аад̇и д̣̇уннийхаран̣адтзна анд̇од̇уд̣̇анадтзна бийл̣анадтзна д̣̇угкад̣̇угкабхаавзна д̣̇угкавзд̣̇анаа салланд̇и бассид̇аб̣б̣аа. анижжад̇од̇и худ̇ваа абхаавад̇о уд̣̇аяаб̣б̣аяаванд̇ад̇о д̇аавагаалигад̇о нижжабадибагкад̇о жа ад̣̇угкамасукаа взд̣̇анаа анижжаад̇и бассид̇аб̣б̣аа. гааман̃жзд̇т̇а саб̣б̣ааби взд̣̇анаа анижжад̇о бассид̇аб̣б̣аа, анижжад̣̇ассанад̇о бана саад̇исаяам̣ вирааг̇анимид̇д̇ам̣ д̣̇угкад̣̇ассананд̇и имамад̇т̇ам̣ д̣̇ассзнд̇о сад̇т̇аа ‘‘сукаа, бхигкавз, взд̣̇анаа д̣̇угкад̇о д̣̇адтаб̣б̣аа, д̣̇угкаа взд̣̇анаа саллад̇о д̣̇адтаб̣б̣аа’’д̇и ааха. ат̇а ваа яад̇т̇а бут̇уж̇ж̇анаа сукаабхинивзсино, д̇ад̇т̇а ниб̣б̣зд̣̇аж̇ананад̇т̇ам̣ д̇ат̇аа вуд̇д̇ам̣. д̇знассаа сан̇каарад̣̇угкад̇ааяа д̣̇угкабхааво д̣̇ассид̇о. яад̣̇анижжам̣, д̇ам̣ д̣̇угканд̇и вибарин̣аамад̣̇угкад̇ааяа ‘‘сукаа, бхигкавз, взд̣̇анаа д̣̇угкад̇о д̣̇адтаб̣б̣аа’’д̇и вад̇ваа ‘‘сукааби д̇аава зд̣̇исий, д̣̇угкаа ну ко гийд̣̇исий’’д̇и жинд̇знд̇аанам̣ д̣̇угкад̣̇угкад̇ааяа ‘‘д̣̇угкаа взд̣̇анаа саллад̇о д̣̇адтаб̣б̣аа’’д̇и ааха, ид̇араа бана сан̇каарад̣̇угкад̇ааяа зва д̣̇угкаад̇и д̣̇ассзнд̇о ‘‘ад̣̇угкамасукаа взд̣̇анаа анижжад̇о д̣̇адтаб̣б̣аа’’д̇и авожа.
53. Catutthe dukkhato daṭṭhabbāti sukhavedanā vipariṇāmadukkhavasena dukkhāti ñāṇacakkhunā passitabbā. Sallato daṭṭhabbāti dunnīharaṇaṭṭhena antotudanaṭṭhena pīḷanaṭṭhena dukkhadukkhabhāvena dukkhavedanā sallanti passitabbā. Aniccatoti hutvā abhāvato udayabbayavantato tāvakālikato niccapaṭipakkhato ca adukkhamasukhā vedanā aniccāti passitabbā. Kāmañcettha sabbāpi vedanā aniccato passitabbā, aniccadassanato pana sātisayaṃ virāganimittaṃ dukkhadassananti imamatthaṃ dassento satthā ‘‘sukhā, bhikkhave, vedanā dukkhato daṭṭhabbā, dukkhā vedanā sallato daṭṭhabbā’’ti āha. Atha vā yattha puthujjanā sukhābhinivesino, tattha nibbedajananatthaṃ tathā vuttaṃ. Tenassā saṅkhāradukkhatāya dukkhabhāvo dassito. Yadaniccaṃ, taṃ dukkhanti vipariṇāmadukkhatāya ‘‘sukhā, bhikkhave, vedanā dukkhato daṭṭhabbā’’ti vatvā ‘‘sukhāpi tāva edisī, dukkhā nu kho kīdisī’’ti cintentānaṃ dukkhadukkhatāya ‘‘dukkhā vedanā sallato daṭṭhabbā’’ti āha, itarā pana saṅkhāradukkhatāya eva dukkhāti dassento ‘‘adukkhamasukhā vedanā aniccato daṭṭhabbā’’ti avoca.
зд̇т̇а жа ‘‘сукаа взд̣̇анаа д̣̇угкад̇о д̣̇адтаб̣б̣аа’’д̇и зд̇зна рааг̇асса самуг̇гхаад̇ануубааяо д̣̇ассид̇о. сукавзд̣̇анааяа хи рааг̇аанусаяо анусзд̇и. ‘‘д̣̇угкаа взд̣̇анаа саллад̇о д̣̇адтаб̣б̣аа’’д̇и зд̇зна д̣̇осасса самуг̇гхаад̇ануубааяо д̣̇ассид̇о. д̣̇угкавзд̣̇анааяа хи бадигхаанусаяо анусзд̇и. ‘‘ад̣̇угкамасукаа взд̣̇анаа анижжад̇о д̣̇адтаб̣б̣аа’’д̇и зд̇зна мохасса самуг̇гхаад̇ануубааяо д̣̇ассид̇о. ад̣̇угкамасукавзд̣̇анааяа хи авиж̇ж̇аанусаяо анусзд̇и.
Ettha ca ‘‘sukhā vedanā dukkhato daṭṭhabbā’’ti etena rāgassa samugghātanūpāyo dassito. Sukhavedanāya hi rāgānusayo anuseti. ‘‘Dukkhā vedanā sallato daṭṭhabbā’’ti etena dosassa samugghātanūpāyo dassito. Dukkhavedanāya hi paṭighānusayo anuseti. ‘‘Adukkhamasukhā vedanā aniccato daṭṭhabbā’’ti etena mohassa samugghātanūpāyo dassito. Adukkhamasukhavedanāya hi avijjānusayo anuseti.
д̇ат̇аа батамзна д̇ан̣хаасам̣гилзсасса бахаанам̣ д̣̇ассид̇ам̣ д̇асса сукассаад̣̇ахзд̇угад̇д̇аа, д̣̇уд̇иязна д̣̇ужжарид̇асам̣гилзсасса бахаанам̣. яат̇аабхууд̇ан̃хи д̣̇угкам̣ абариж̇аананд̇аа д̇асса барихаран̣ад̇т̇ам̣ д̣̇ужжарид̇ам̣ жаранд̇и. д̇ад̇иязна д̣̇идтисам̣гилзсасса бахаанам̣ анижжад̇о бассанд̇асса д̣̇идтисам̣гилзсаабхаавад̇о авиж̇ж̇аанимид̇д̇ад̇д̇аа д̣̇идтисам̣гилзсасса, авиж̇ж̇аанимид̇д̇ан̃жа ад̣̇угкамасукаа взд̣̇анаа. батамзна ваа вибарин̣аамад̣̇угкабарин̃н̃аа, д̣̇уд̇иязна д̣̇угкад̣̇угкабарин̃н̃аа, д̇ад̇иязна сан̇каарад̣̇угкабарин̃н̃аа. батамзна ваа идтаарамман̣абарин̃н̃аа, д̣̇уд̇иязна анидтаарамман̣абарин̃н̃аа, д̇ад̇иязна маж̇жхад̇д̇аарамман̣абарин̃н̃аа. вирад̇д̇зсу хи д̇ад̣̇аарамман̣ад̇хаммзсу аарамман̣ааниби вирад̇д̇аанзва хонд̇ийд̇и. батамзна ваа рааг̇аббахаанабаригид̇д̇анзна д̣̇угкаанубассанааяа аббан̣ихид̇авимогко д̣̇ийбид̇о ход̇и, д̣̇уд̇иязна д̣̇осаббахаанабаригид̇д̇анзна анижжаанубассанааяа анимид̇д̇авимогко, д̇ад̇иязна мохаббахаанабаригид̇д̇анзна анад̇д̇аанубассанааяа сун̃н̃ад̇авимогко д̣̇ийбид̇о ход̇ийд̇и взд̣̇ид̇аб̣б̣ам̣.
Tathā paṭhamena taṇhāsaṃkilesassa pahānaṃ dassitaṃ tassa sukhassādahetukattā, dutiyena duccaritasaṃkilesassa pahānaṃ. Yathābhūtañhi dukkhaṃ aparijānantā tassa pariharaṇatthaṃ duccaritaṃ caranti. Tatiyena diṭṭhisaṃkilesassa pahānaṃ aniccato passantassa diṭṭhisaṃkilesābhāvato avijjānimittattā diṭṭhisaṃkilesassa, avijjānimittañca adukkhamasukhā vedanā. Paṭhamena vā vipariṇāmadukkhapariññā, dutiyena dukkhadukkhapariññā, tatiyena saṅkhāradukkhapariññā. Paṭhamena vā iṭṭhārammaṇapariññā, dutiyena aniṭṭhārammaṇapariññā, tatiyena majjhattārammaṇapariññā. Virattesu hi tadārammaṇadhammesu ārammaṇānipi virattāneva hontīti. Paṭhamena vā rāgappahānaparikittanena dukkhānupassanāya appaṇihitavimokkho dīpito hoti, dutiyena dosappahānaparikittanena aniccānupassanāya animittavimokkho, tatiyena mohappahānaparikittanena anattānupassanāya suññatavimokkho dīpito hotīti veditabbaṃ.
яад̇од̇и яад̣̇аа, яасмаа ваа. арияод̇и гилзсзхи аарагаа тид̇о барисуд̣̇д̇хо. саммад̣̇д̣̇асод̇и саб̣б̣аасам̣ взд̣̇анаанам̣ жад̇уннамби ваа сажжаанам̣ авибарийд̇ад̣̇ассаавий. ажчзжчи д̇ан̣ханд̇и взд̣̇анаамуулагам̣ д̇ан̣хам̣ аг̇г̇амаг̇г̇зна чинд̣̇и, анавасзсад̇о самужчинд̣̇и. вивад̇д̇аяи сам̣яож̇ананд̇и д̣̇асавид̇хам̣ сам̣яож̇анам̣ баривад̇д̇аяи, ниммууламагааси. саммаад̇и хзд̇унаа гааран̣зна. маанаабхисамаяаад̇и маанасса д̣̇ассанаабхисамаяаа, бахаанаабхисамаяаа ваа. арахад̇д̇амаг̇г̇о хи гижжавасзна маанам̣ бассад̇и, аяамасса д̣̇ассанаабхисамаяо. д̇зна д̣̇идто бана со д̇аавад̣̇зва бахийяад̇и д̣̇идтависзна д̣̇идтасад̇д̇аанам̣ ж̇ийвид̇ам̣ вияа, аяамасса бахаанаабхисамаяо. анд̇амагааси д̣̇угкассаад̇и звам̣ арахад̇д̇амаг̇г̇зна маанасса д̣̇идтад̇д̇аа бахийнад̇д̇аа жа саб̣б̣ассзва ваддад̣̇угкасса годисан̇каад̇ам̣ анд̇ам̣ барижчзд̣̇ам̣ баривадумам̣ агааси, анд̇имасамуссаяамад̇д̇аавасзсам̣ д̣̇угкамагаасийд̇и вуд̇д̇ам̣ ход̇и.
Yatoti yadā, yasmā vā. Ariyoti kilesehi ārakā ṭhito parisuddho. Sammaddasoti sabbāsaṃ vedanānaṃ catunnampi vā saccānaṃ aviparītadassāvī. Acchecchi taṇhanti vedanāmūlakaṃ taṇhaṃ aggamaggena chindi, anavasesato samucchindi. Vivattayi saṃyojananti dasavidhaṃ saṃyojanaṃ parivattayi, nimmūlamakāsi. Sammāti hetunā kāraṇena. Mānābhisamayāti mānassa dassanābhisamayā, pahānābhisamayā vā. Arahattamaggo hi kiccavasena mānaṃ passati, ayamassa dassanābhisamayo. Tena diṭṭho pana so tāvadeva pahīyati diṭṭhavisena diṭṭhasattānaṃ jīvitaṃ viya, ayamassa pahānābhisamayo. Antamakāsi dukkhassāti evaṃ arahattamaggena mānassa diṭṭhattā pahīnattā ca sabbasseva vaṭṭadukkhassa koṭisaṅkhātaṃ antaṃ paricchedaṃ parivaṭumaṃ akāsi, antimasamussayamattāvasesaṃ dukkhamakāsīti vuttaṃ hoti.
г̇аат̇аасу яод̇и яо арияасааваго. ад̣̇д̣̇аад̇и ад̣̇д̣̇аса, сукавзд̣̇анам̣ д̣̇угкад̇о бассийд̇и ад̇т̇о. сукавзд̣̇анаа хи висамиссам̣ вияа бхож̇анам̣ барибхог̇агаалз ассаад̣̇ам̣ д̣̇ад̣̇амаанаа вибарин̣аамагаалз д̣̇угкааязваад̇и. д̣̇угкамад̣̇д̣̇агки саллад̇од̇и яат̇аа саллам̣ сарийрам̣ анубависанд̇амби бавидтамби уд̣̇д̇харияамаанамби бийл̣амзва ж̇анзд̇и, звам̣ д̣̇угкавзд̣̇анаа уббаж̇ж̇амаанааби тид̇иббад̇д̇ааби бхиж̇ж̇амаанааби виб̣аад̇хад̇иязваад̇и д̇ам̣ саллад̇о вибассийд̇и вуд̇д̇ам̣. ад̣̇д̣̇агки нам̣ анижжад̇од̇и сукад̣̇угкад̇о санд̇асабхаавад̇ааяа санд̇ад̇араж̇аад̇игамби нам̣ ад̣̇угкамасукам̣ анижжанд̇игад̇ааяа анижжад̇о басси.
Gāthāsu yoti yo ariyasāvako. Addāti addasa, sukhavedanaṃ dukkhato passīti attho. Sukhavedanā hi visamissaṃ viya bhojanaṃ paribhogakāle assādaṃ dadamānā vipariṇāmakāle dukkhāyevāti. Dukkhamaddakkhi sallatoti yathā sallaṃ sarīraṃ anupavisantampi paviṭṭhampi uddhariyamānampi pīḷameva janeti, evaṃ dukkhavedanā uppajjamānāpi ṭhitippattāpi bhijjamānāpi vibādhatiyevāti taṃ sallato vipassīti vuttaṃ. Addakkhinaṃ aniccatoti sukhadukkhato santasabhāvatāya santatarajātikampi naṃ adukkhamasukhaṃ aniccantikatāya aniccato passi.
са вз саммад̣̇д̣̇асод̇и со звам̣ д̇иссаннам̣ взд̣̇анаанам̣ саммад̣̇зва д̣̇угкаад̣̇ид̇о д̣̇ассаавий. яад̇од̇и яасмаа. д̇ад̇т̇аад̇и взд̣̇анааяам̣. вимужжад̇ийд̇и самужчзд̣̇авимуд̇д̇ивасзна вимужжад̇и. ид̣̇ам̣ вуд̇д̇ам̣ ход̇и – яасмаа сукаад̣̇ийни д̣̇угкаад̣̇ид̇о ад̣̇д̣̇аса, д̇асмаа д̇ад̇т̇а взд̣̇анааяа д̇аббадиб̣ад̣̇д̇хачанд̣̇арааг̇аббахаанзна самужчзд̣̇авасзна вимужжад̇и. яам̣сад̣̇д̣̇з хи вуд̇д̇з д̇ам̣сад̣̇д̣̇о аахарид̇ваа вад̇д̇аб̣б̣о. ат̇а ваа яад̇од̇и гааяаваажаажид̇д̇зхи сам̣яад̇о яад̇ад̇д̇о, яад̇ад̇и бад̣̇ахад̇ийд̇и ваа яад̇о, ааяад̇ад̇ийд̇и ад̇т̇о. абхин̃н̃аавосид̇од̇и взд̣̇анаамукзна жад̇усажжагаммадтаанам̣ бхаавзд̇ваа чадтаабхин̃н̃ааяа барияосид̇о гад̇агижжо. санд̇од̇и рааг̇аад̣̇игилзсавуубасамзна санд̇о. яог̇аад̇иг̇од̇и гаамаяог̇аад̣̇им̣ жад̇уб̣б̣ид̇хамби яог̇ам̣ ад̇игганд̇о. убхаяахид̇амунанад̇о мунийд̇и.
Sa ve sammaddasoti so evaṃ tissannaṃ vedanānaṃ sammadeva dukkhādito dassāvī. Yatoti yasmā. Tatthāti vedanāyaṃ. Vimuccatīti samucchedavimuttivasena vimuccati. Idaṃ vuttaṃ hoti – yasmā sukhādīni dukkhādito addasa, tasmā tattha vedanāya tappaṭibaddhachandarāgappahānena samucchedavasena vimuccati. Yaṃsadde hi vutte taṃsaddo āharitvā vattabbo. Atha vā yatoti kāyavācācittehi saṃyato yatatto, yatati padahatīti vā yato, āyatatīti attho. Abhiññāvositoti vedanāmukhena catusaccakammaṭṭhānaṃ bhāvetvā chaṭṭhābhiññāya pariyosito katakicco. Santoti rāgādikilesavūpasamena santo. Yogātigoti kāmayogādiṃ catubbidhampi yogaṃ atikkanto. Ubhayahitamunanato munīti.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 4. д̣̇уд̇ияавзд̣̇анаасуд̇д̇ам̣ • 4. Dutiyavedanāsuttaṃ
