| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̣̇уд̇ияавзрасуд̇д̇ам̣
8. Dutiyaverasuttaṃ
28. 1 ‘‘яад̇о ко, бхигкавз, арияасаавагасса бан̃жа бхаяаани взраани вуубасанд̇аани хонд̇и, жад̇уухи жа сод̇аабад̇д̇ияан̇г̇зхи саманнааг̇ад̇о ход̇и, со ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о; сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’д̇и.
28.2 ‘‘Yato kho, bhikkhave, ariyasāvakassa pañca bhayāni verāni vūpasantāni honti, catūhi ca sotāpattiyaṅgehi samannāgato hoti, so ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto; sotāpannohamasmi avinipātadhammo niyato sambodhiparāyaṇo’’’ti.
‘‘гад̇амаани бан̃жа бхаяаани взраани вуубасанд̇аани хонд̇и? яам̣, бхигкавз, баан̣аад̇ибаад̇ий баан̣аад̇ибаад̇абажжаяаа д̣̇идтад̇хаммигамби бхаяам̣ взрам̣ басавад̇и, самбарааяигамби бхаяам̣ взрам̣ басавад̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и, баан̣аад̇ибаад̇аа бадивирад̇о…бз… звам̣ д̇ам̣ бхаяам̣ взрам̣ вуубасанд̇ам̣ ход̇и.
‘‘Katamāni pañca bhayāni verāni vūpasantāni honti? Yaṃ, bhikkhave, pāṇātipātī pāṇātipātapaccayā diṭṭhadhammikampi bhayaṃ veraṃ pasavati, samparāyikampi bhayaṃ veraṃ pasavati, cetasikampi dukkhaṃ domanassaṃ paṭisaṃvedeti, pāṇātipātā paṭivirato…pe… evaṃ taṃ bhayaṃ veraṃ vūpasantaṃ hoti.
‘‘яам̣, бхигкавз, ад̣̇иннаад̣̇ааяий…бз… сураамзраяамаж̇ж̇абамаад̣̇адтааяий сураамзраяамаж̇ж̇абамаад̣̇адтаанабажжаяаа д̣̇идтад̇хаммигамби бхаяам̣ взрам̣ басавад̇и, самбарааяигамби бхаяам̣ взрам̣ басавад̇и, жзд̇асигамби д̣̇угкам̣ д̣̇оманассам̣ бадисам̣взд̣̇зд̇и, сураамзраяамаж̇ж̇абамаад̣̇адтаанаа бадивирад̇о нзва д̣̇идтад̇хаммигамби бхаяам̣ взрам̣ басавад̇и, на самбарааяигамби бхаяам̣ взрам̣ басавад̇и, на жзд̇асигамби д̣̇угкам̣ д̣̇оманассам̣ бадисам̣взд̣̇зд̇и. сураамзраяамаж̇ж̇абамаад̣̇адтаанаа бадивирад̇асса звам̣ д̇ам̣ бхаяам̣ взрам̣ вуубасанд̇ам̣ ход̇и. имаани бан̃жа бхаяаани взраани вуубасанд̇аани хонд̇и.
‘‘Yaṃ, bhikkhave, adinnādāyī…pe… surāmerayamajjapamādaṭṭhāyī surāmerayamajjapamādaṭṭhānapaccayā diṭṭhadhammikampi bhayaṃ veraṃ pasavati, samparāyikampi bhayaṃ veraṃ pasavati, cetasikampi dukkhaṃ domanassaṃ paṭisaṃvedeti, surāmerayamajjapamādaṭṭhānā paṭivirato neva diṭṭhadhammikampi bhayaṃ veraṃ pasavati, na samparāyikampi bhayaṃ veraṃ pasavati, na cetasikampi dukkhaṃ domanassaṃ paṭisaṃvedeti. Surāmerayamajjapamādaṭṭhānā paṭiviratassa evaṃ taṃ bhayaṃ veraṃ vūpasantaṃ hoti. Imāni pañca bhayāni verāni vūpasantāni honti.
‘‘гад̇амзхи жад̇уухи сод̇аабад̇д̇ияан̇г̇зхи саманнааг̇ад̇о ход̇и? ид̇ха, бхигкавз, арияасааваго б̣уд̣̇д̇хз авзжжаббасаад̣̇зна саманнааг̇ад̇о ход̇и – ‘ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. д̇хаммз…бз… сан̇гхз… арияаганд̇зхи сийлзхи саманнааг̇ад̇о ход̇и акан̣д̣зхи ажчид̣̇д̣̇зхи асаб̣алзхи агаммаасзхи бхуж̇иссзхи вин̃н̃уббасад̇т̇зхи абараамадтзхи самаад̇хисам̣вад̇д̇анигзхи. имзхи жад̇уухи сод̇аабад̇д̇ияан̇г̇зхи саманнааг̇ад̇о ход̇и.
‘‘Katamehi catūhi sotāpattiyaṅgehi samannāgato hoti? Idha, bhikkhave, ariyasāvako buddhe aveccappasādena samannāgato hoti – ‘itipi so bhagavā…pe… satthā devamanussānaṃ buddho bhagavā’ti. Dhamme…pe… saṅghe… ariyakantehi sīlehi samannāgato hoti akhaṇḍehi acchiddehi asabalehi akammāsehi bhujissehi viññuppasatthehi aparāmaṭṭhehi samādhisaṃvattanikehi. Imehi catūhi sotāpattiyaṅgehi samannāgato hoti.
‘‘яад̇о ко, бхигкавз, арияасаавагасса имаани бан̃жа бхаяаани взраани вуубасанд̇аани хонд̇и, имзхи жа жад̇уухи сод̇аабад̇д̇ияан̇г̇зхи саманнааг̇ад̇о ход̇и, со ааган̇камаано ад̇д̇анаава ад̇д̇аанам̣ б̣яаагарзяяа – ‘кийн̣анираяомхи кийн̣ад̇иражчаанаяони кийн̣абзд̇д̇ивисаяо кийн̣аабааяад̣̇уг̇г̇ад̇ивинибаад̇о ; сод̇аабаннохамасми авинибаад̇ад̇хаммо нияад̇о самб̣од̇хибарааяан̣о’’’д̇и. адтамам̣.
‘‘Yato kho, bhikkhave, ariyasāvakassa imāni pañca bhayāni verāni vūpasantāni honti, imehi ca catūhi sotāpattiyaṅgehi samannāgato hoti, so ākaṅkhamāno attanāva attānaṃ byākareyya – ‘khīṇanirayomhi khīṇatiracchānayoni khīṇapettivisayo khīṇāpāyaduggativinipāto ; sotāpannohamasmi avinipātadhammo niyato sambodhiparāyaṇo’’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7-8. взрасуд̇д̇ад̣̇ваяаван̣н̣анаа • 7-8. Verasuttadvayavaṇṇanā
