| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਦੁਤਿਯવਿਹਾਰਸੁਤ੍ਤਂ
2. Dutiyavihārasuttaṃ
੧੨. ਸਾવਤ੍ਥਿਨਿਦਾਨਂ। ‘‘ਇਚ੍ਛਾਮਹਂ, ਭਿਕ੍ਖવੇ, ਤੇਮਾਸਂ ਪਟਿਸਲ੍ਲਿਯਿਤੁਂ। ਨਮ੍ਹਿ ਕੇਨਚਿ ਉਪਸਙ੍ਕਮਿਤਬ੍ਬੋ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨਾ’’ਤਿ । ‘‘ਏવਂ, ਭਨ੍ਤੇ’’ਤਿ ਖੋ ਤੇ ਭਿਕ੍ਖੂ ਭਗવਤੋ ਪਟਿਸ੍ਸੁਤ੍વਾ ਨਾਸ੍ਸੁਧ ਕੋਚਿ ਭਗવਨ੍ਤਂ ਉਪਸਙ੍ਕਮਤਿ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ।
12. Sāvatthinidānaṃ. ‘‘Icchāmahaṃ, bhikkhave, temāsaṃ paṭisalliyituṃ. Namhi kenaci upasaṅkamitabbo, aññatra ekena piṇḍapātanīhārakenā’’ti . ‘‘Evaṃ, bhante’’ti kho te bhikkhū bhagavato paṭissutvā nāssudha koci bhagavantaṃ upasaṅkamati, aññatra ekena piṇḍapātanīhārakena.
ਅਥ ਖੋ ਭਗવਾ ਤਸ੍ਸ ਤੇਮਾਸਸ੍ਸ ਅਚ੍ਚਯੇਨ ਪਟਿਸਲ੍ਲਾਨਾ વੁਟ੍ਠਿਤੋ ਭਿਕ੍ਖੂ ਆਮਨ੍ਤੇਸਿ – ‘‘ਯੇਨ ਸ੍વਾਹਂ, ਭਿਕ੍ਖવੇ, વਿਹਾਰੇਨ ਪਠਮਾਭਿਸਮ੍ਬੁਦ੍ਧੋ વਿਹਰਾਮਿ, ਤਸ੍ਸ ਪਦੇਸੇਨ વਿਹਾਸਿਂ। ਸੋ ਏવਂ ਪਜਾਨਾਮਿ – ‘ਮਿਚ੍ਛਾਦਿਟ੍ਠਿਪਚ੍ਚਯਾਪਿ વੇਦਯਿਤਂ; ਮਿਚ੍ਛਾਦਿਟ੍ਠਿવੂਪਸਮਪਚ੍ਚਯਾਪਿ વੇਦਯਿਤਂ; ਸਮ੍ਮਾਦਿਟ੍ਠਿਪਚ੍ਚਯਾਪਿ વੇਦਯਿਤਂ; ਸਮ੍ਮਾਦਿਟ੍ਠਿવੂਪਸਮਪਚ੍ਚਯਾਪਿ વੇਦਯਿਤਂ…ਪੇ॰… ਮਿਚ੍ਛਾਸਮਾਧਿਪਚ੍ਚਯਾਪਿ વੇਦਯਿਤਂ; ਮਿਚ੍ਛਾਸਮਾਧਿવੂਪਸਮਪਚ੍ਚਯਾਪਿ વੇਦਯਿਤਂ, ਸਮ੍ਮਾਸਮਾਧਿਪਚ੍ਚਯਾਪਿ વੇਦਯਿਤਂ; ਸਮ੍ਮਾਸਮਾਧਿવੂਪਸਮਪਚ੍ਚਯਾਪਿ વੇਦਯਿਤਂ; ਛਨ੍ਦਪਚ੍ਚਯਾਪਿ વੇਦਯਿਤਂ; ਛਨ੍ਦવੂਪਸਮਪਚ੍ਚਯਾਪਿ વੇਦਯਿਤਂ; વਿਤਕ੍ਕਪਚ੍ਚਯਾਪਿ વੇਦਯਿਤਂ; વਿਤਕ੍ਕવੂਪਸਮਪਚ੍ਚਯਾਪਿ વੇਦਯਿਤਂ; ਸਞ੍ਞਾਪਚ੍ਚਯਾਪਿ વੇਦਯਿਤਂ; ਸਞ੍ਞਾવੂਪਸਮਪਚ੍ਚਯਾਪਿ વੇਦਯਿਤਂ; ਛਨ੍ਦੋ ਚ ਅવੂਪਸਨ੍ਤੋ ਹੋਤਿ, વਿਤਕ੍ਕੋ ਚ ਅવੂਪਸਨ੍ਤੋ ਹੋਤਿ, ਸਞ੍ਞਾ ਚ ਅવੂਪਸਨ੍ਤਾ ਹੋਤਿ, ਤਪ੍ਪਚ੍ਚਯਾਪਿ વੇਦਯਿਤਂ; ਛਨ੍ਦੋ ਚ વੂਪਸਨ੍ਤੋ ਹੋਤਿ , વਿਤਕ੍ਕੋ ਚ વੂਪਸਨ੍ਤੋ ਹੋਤਿ, ਸਞ੍ਞਾ ਚ વੂਪਸਨ੍ਤਾ ਹੋਤਿ, ਤਪ੍ਪਚ੍ਚਯਾਪਿ વੇਦਯਿਤਂ; ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਤ੍ਥਿ ਆਯਾਮਂ 1, ਤਸ੍ਮਿਮ੍ਪਿ ਠਾਨੇ ਅਨੁਪ੍ਪਤ੍ਤੇ ਤਪ੍ਪਚ੍ਚਯਾਪਿ વੇਦਯਿਤ’’’ਨ੍ਤਿ। ਦੁਤਿਯਂ।
Atha kho bhagavā tassa temāsassa accayena paṭisallānā vuṭṭhito bhikkhū āmantesi – ‘‘yena svāhaṃ, bhikkhave, vihārena paṭhamābhisambuddho viharāmi, tassa padesena vihāsiṃ. So evaṃ pajānāmi – ‘micchādiṭṭhipaccayāpi vedayitaṃ; micchādiṭṭhivūpasamapaccayāpi vedayitaṃ; sammādiṭṭhipaccayāpi vedayitaṃ; sammādiṭṭhivūpasamapaccayāpi vedayitaṃ…pe… micchāsamādhipaccayāpi vedayitaṃ; micchāsamādhivūpasamapaccayāpi vedayitaṃ, sammāsamādhipaccayāpi vedayitaṃ; sammāsamādhivūpasamapaccayāpi vedayitaṃ; chandapaccayāpi vedayitaṃ; chandavūpasamapaccayāpi vedayitaṃ; vitakkapaccayāpi vedayitaṃ; vitakkavūpasamapaccayāpi vedayitaṃ; saññāpaccayāpi vedayitaṃ; saññāvūpasamapaccayāpi vedayitaṃ; chando ca avūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṃ; chando ca vūpasanto hoti , vitakko ca vūpasanto hoti, saññā ca vūpasantā hoti, tappaccayāpi vedayitaṃ; appattassa pattiyā atthi āyāmaṃ 2, tasmimpi ṭhāne anuppatte tappaccayāpi vedayita’’’nti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਦੁਤਿਯવਿਹਾਰਸੁਤ੍ਤવਣ੍ਣਨਾ • 2. Dutiyavihārasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਦੁਤਿਯવਿਹਾਰਸੁਤ੍ਤવਣ੍ਣਨਾ • 2. Dutiyavihārasuttavaṇṇanā
