| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
២. ទុតិយវិហារសុត្តវណ្ណនា
2. Dutiyavihārasuttavaṇṇanā
១២. ទុតិយេ បដិសល្លានការណំ វុត្តនយេនេវ វេទិតព្ពំ។ មិច្ឆាទិដ្ឋិវូបសមបច្ចយាតិ មិច្ឆាទិដ្ឋិវូបសមោ នាម សម្មាទិដ្ឋិ។ តស្មា យំ សម្មាទិដ្ឋិបច្ចយា វេទយិតំ វុត្តំ, តទេវ មិច្ឆាទិដ្ឋិវូបសមបច្ចយា វេទិតព្ពំ។ ឥមស្មិំ បន សុត្តេ វិបាកវេទនំ អតិទូរេតិ មញ្ញមានា ន គណ្ហន្តីតិ វុត្តំ។ ឥមិនា នយេន សព្ពត្ថ អត្ថោ វេទិតព្ពោ។ យស្ស យស្ស ហិ វូបសមបច្ចយាតិ វុច្ចតិ, តស្ស តស្ស បដិបក្ខធម្មបច្ចយាវ តំ តំ វេទយិតំ អធិប្បេតំ។ ឆន្ទវូបសមបច្ចយាតិអាទីសុ បន ឆន្ទវូបសមបច្ចយា តាវ បឋមជ្ឈានវេទនា វេទិតព្ពា។ វិតក្កវូបសមបច្ចយា ទុតិយជ្ឈានវេទនា។ សញ្ញាបច្ចយា ឆសមាបត្តិវេទនា។ សញ្ញាវូបសមបច្ចយា នេវសញ្ញានាសញ្ញាយតនវេទនា។ ឆន្ទោ ច វូបសន្តោតិអាទីនិ វុត្តត្ថានេវ។
12. Dutiye paṭisallānakāraṇaṃ vuttanayeneva veditabbaṃ. Micchādiṭṭhivūpasamapaccayāti micchādiṭṭhivūpasamo nāma sammādiṭṭhi. Tasmā yaṃ sammādiṭṭhipaccayā vedayitaṃ vuttaṃ, tadeva micchādiṭṭhivūpasamapaccayā veditabbaṃ. Imasmiṃ pana sutte vipākavedanaṃ atidūreti maññamānā na gaṇhantīti vuttaṃ. Iminā nayena sabbattha attho veditabbo. Yassa yassa hi vūpasamapaccayāti vuccati, tassa tassa paṭipakkhadhammapaccayāva taṃ taṃ vedayitaṃ adhippetaṃ. Chandavūpasamapaccayātiādīsu pana chandavūpasamapaccayā tāva paṭhamajjhānavedanā veditabbā. Vitakkavūpasamapaccayā dutiyajjhānavedanā. Saññāpaccayā chasamāpattivedanā. Saññāvūpasamapaccayā nevasaññānāsaññāyatanavedanā. Chando ca vūpasantotiādīni vuttatthāneva.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ទុតិយវិហារសុត្តំ • 2. Dutiyavihārasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ២. ទុតិយវិហារសុត្តវណ្ណនា • 2. Dutiyavihārasuttavaṇṇanā
