| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
២. ទុតិយវិហារសុត្តវណ្ណនា
2. Dutiyavihārasuttavaṇṇanā
១២. មិច្ឆាទិដ្ឋិ វូបសមតិ សព្ពសោ បហីយតិ ឯតេនាតិ មិច្ឆាទិដ្ឋិវូបសមោ។ ‘‘មិច្ឆាទិដ្ឋិវូបសមោ នាម សម្មាទិដ្ឋិ។ ភវន្តរេ ឧប្បជ្ជន្តោ អតិទូរេតិ មញ្ញមានោ វិបាកវេទនំ ន គណ្ហាតី’’តិ អដ្ឋកថាយំ វុត្តំ។ ‘‘ឥមិនា នយេនា’’តិ អតិទិសិត្វាបិ តមត្ថំ បាកដតរំ កាតុំ ‘‘យស្ស យស្សា’’តិអាទិំ វត្វា ឯវ សាមញ្ញវសេន វុត្តមត្ថំ បច្ឆិមេសុ តីសុ បទេសុ សរូបតោវ ទស្សេតុំ ‘‘ឆន្ទវូបសមបច្ចយា’’តិអាទិមាហ, តំ សុវិញ្ញេយ្យមេវ។ វុត្តត្ថានេវ អនន្តរសុត្តេ។
12. Micchādiṭṭhi vūpasamati sabbaso pahīyati etenāti micchādiṭṭhivūpasamo. ‘‘Micchādiṭṭhivūpasamo nāma sammādiṭṭhi. Bhavantare uppajjanto atidūreti maññamāno vipākavedanaṃ na gaṇhātī’’ti aṭṭhakathāyaṃ vuttaṃ. ‘‘Iminā nayenā’’ti atidisitvāpi tamatthaṃ pākaṭataraṃ kātuṃ ‘‘yassa yassā’’tiādiṃ vatvā eva sāmaññavasena vuttamatthaṃ pacchimesu tīsu padesu sarūpatova dassetuṃ ‘‘chandavūpasamapaccayā’’tiādimāha, taṃ suviññeyyameva. Vuttatthāneva anantarasutte.
ទុតិយវិហារសុត្តវណ្ណនា និដ្ឋិតា។
Dutiyavihārasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ២. ទុតិយវិហារសុត្តំ • 2. Dutiyavihārasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ២. ទុតិយវិហារសុត្តវណ្ណនា • 2. Dutiyavihārasuttavaṇṇanā
