| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๓. ทุติยวิวาทมูลสุตฺตํ
3. Dutiyavivādamūlasuttaṃ
๔๓. ‘‘กติ นุ โข, ภเนฺต, วิวาทมูลานี’’ติ? ‘‘ทส โข, อุปาลิ, วิวาทมูลานิฯ กตมานิ ทส? อิธุปาลิ, ภิกฺขู อนาปตฺติํ อาปตฺตีติ ทีเปนฺติ, อาปตฺติํ อนาปตฺตีติ ทีเปนฺติ, ลหุกํ อาปตฺติํ ครุกาปตฺตีติ ทีเปนฺติ , ครุกํ อาปตฺติํ ลหุกาปตฺตีติ ทีเปนฺติ, ทุฎฺฐุลฺลํ อาปตฺติํ อทุฎฺฐุลฺลาปตฺตีติ ทีเปนฺติ, อทุฎฺฐุลฺลํ อาปตฺติํ ทุฎฺฐุลฺลาปตฺตีติ ทีเปนฺติ, สาวเสสํ อาปตฺติํ อนวเสสาปตฺตีติ ทีเปนฺติ, อนวเสสํ อาปตฺติํ สาวเสสาปตฺตีติ ทีเปนฺติ , สปฺปฎิกมฺมํ อาปตฺติํ อปฺปฎิกมฺมาปตฺตีติ ทีเปนฺติ, อปฺปฎิกมฺมํ อาปตฺติํ สปฺปฎิกมฺมาปตฺตีติ ทีเปนฺติฯ อิมานิ โข, อุปาลิ, ทส วิวาทมูลานี’’ติฯ ตติยํฯ
43. ‘‘Kati nu kho, bhante, vivādamūlānī’’ti? ‘‘Dasa kho, upāli, vivādamūlāni. Katamāni dasa? Idhupāli, bhikkhū anāpattiṃ āpattīti dīpenti, āpattiṃ anāpattīti dīpenti, lahukaṃ āpattiṃ garukāpattīti dīpenti , garukaṃ āpattiṃ lahukāpattīti dīpenti, duṭṭhullaṃ āpattiṃ aduṭṭhullāpattīti dīpenti, aduṭṭhullaṃ āpattiṃ duṭṭhullāpattīti dīpenti, sāvasesaṃ āpattiṃ anavasesāpattīti dīpenti, anavasesaṃ āpattiṃ sāvasesāpattīti dīpenti , sappaṭikammaṃ āpattiṃ appaṭikammāpattīti dīpenti, appaṭikammaṃ āpattiṃ sappaṭikammāpattīti dīpenti. Imāni kho, upāli, dasa vivādamūlānī’’ti. Tatiyaṃ.
Related texts:
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๘. วิวาทสุตฺตาทิวณฺณนา • 1-8. Vivādasuttādivaṇṇanā
