| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၁၀. ဒုတိယဝုဍ္ဎပဗ္ဗဇိတသုတ္တံ
10. Dutiyavuḍḍhapabbajitasuttaṃ
၆၀. ‘‘ပဉ္စဟိ, ဘိက္ခဝေ, ဓမ္မေဟိ သမန္နာဂတော ဒုလ္လဘော ဝုဍ္ဎပဗ္ဗဇိတော။ ကတမေဟိ ပဉ္စဟိ? ဒုလ္လဘော, ဘိက္ခဝေ, ဝုဍ္ဎပဗ္ဗဇိတော သုဝစော, ဒုလ္လဘော သုဂ္ဂဟိတဂ္ဂာဟီ , ဒုလ္လဘော ပဒက္ခိဏဂ္ဂာဟီ, ဒုလ္လဘော ဓမ္မကထိကော, ဒုလ္လဘော ဝိနယဓရော။ ဣမေဟိ ခော, ဘိက္ခဝေ, ပဉ္စဟိ ဓမ္မေဟိ သမန္နာဂတော ဒုလ္လဘော ဝုဍ္ဎပဗ္ဗဇိတော’’တိ။ ဒသမံ။
60. ‘‘Pañcahi, bhikkhave, dhammehi samannāgato dullabho vuḍḍhapabbajito. Katamehi pañcahi? Dullabho, bhikkhave, vuḍḍhapabbajito suvaco, dullabho suggahitaggāhī , dullabho padakkhiṇaggāhī, dullabho dhammakathiko, dullabho vinayadharo. Imehi kho, bhikkhave, pañcahi dhammehi samannāgato dullabho vuḍḍhapabbajito’’ti. Dasamaṃ.
နီဝရဏဝဂ္ဂော ပဌမော။
Nīvaraṇavaggo paṭhamo.
တသ္သုဒ္ဒာနံ –
Tassuddānaṃ –
အာဝရဏံ ရာသိ အင္ဂာနိ၊ သမယံ မာတုပုတ္တိကာ။
Āvaraṇaṃ rāsi aṅgāni, samayaṃ mātuputtikā;
ဥပဇ္ဈာ ဌာနာ လိစ္ဆဝိ၊ ကုမာရာ အပရာ ဒုဝေတိ။
Upajjhā ṭhānā licchavi, kumārā aparā duveti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၉-၁၀. ဝုဍ္ဎပဗ္ဗဇိတသုတ္တဒ္ဝယဝဏ္ဏနာ • 9-10. Vuḍḍhapabbajitasuttadvayavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈-၁၀. လိစ္ဆဝိကုမာရကသုတ္တာဒိဝဏ္ဏနာ • 8-10. Licchavikumārakasuttādivaṇṇanā
