| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. දුතියවුඩ්‌ඪපබ්‌බජිතසුත්‌තං
10. Dutiyavuḍḍhapabbajitasuttaṃ
60. ‘‘පඤ්‌චහි, භික්‌ඛවෙ, ධම්‌මෙහි සමන්‌නාගතො දුල්‌ලභො වුඩ්‌ඪපබ්‌බජිතො. කතමෙහි පඤ්‌චහි? දුල්‌ලභො, භික්‌ඛවෙ, වුඩ්‌ඪපබ්‌බජිතො සුවචො, දුල්‌ලභො සුග්‌ගහිතග්‌ගාහී , දුල්‌ලභො පදක්‌ඛිණග්‌ගාහී, දුල්‌ලභො ධම්‌මකථිකො, දුල්‌ලභො විනයධරො. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතො දුල්‌ලභො වුඩ්‌ඪපබ්‌බජිතො’’ති. දසමං.
60. ‘‘Pañcahi, bhikkhave, dhammehi samannāgato dullabho vuḍḍhapabbajito. Katamehi pañcahi? Dullabho, bhikkhave, vuḍḍhapabbajito suvaco, dullabho suggahitaggāhī , dullabho padakkhiṇaggāhī, dullabho dhammakathiko, dullabho vinayadharo. Imehi kho, bhikkhave, pañcahi dhammehi samannāgato dullabho vuḍḍhapabbajito’’ti. Dasamaṃ.
නීවරණවග්‌ගො පඨමො.
Nīvaraṇavaggo paṭhamo.
තස්‌සුද්‌දානං –
Tassuddānaṃ –
ආවරණං රාසි අඞ්‌ගානි, සමයං මාතුපුත්‌තිකා;
Āvaraṇaṃ rāsi aṅgāni, samayaṃ mātuputtikā;
උපජ්‌ඣා ඨානා ලිච්‌ඡවි, කුමාරා අපරා දුවෙති.
Upajjhā ṭhānā licchavi, kumārā aparā duveti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 9-10. වුඩ්‌ඪපබ්‌බජිතසුත්‌තද්‌වයවණ්‌ණනා • 9-10. Vuḍḍhapabbajitasuttadvayavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 8-10. ලිච්‌ඡවිකුමාරකසුත්‌තාදිවණ්‌ණනා • 8-10. Licchavikumārakasuttādivaṇṇanā
