| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. д̣̇уд̇ияаяод̇хааж̇ийвасуд̇д̇аван̣н̣анаа
6. Dutiyayodhājīvasuttavaṇṇanā
76. чадтз жамманд̇и иминаа жаммамаяам̣ жаммамид̇и сиб̣б̣ид̇ам̣, ан̃н̃ам̣ ваа гздагапалагаад̣̇им̣ сан̇г̇ан̣хаад̇и. д̇ханугалаабам̣ саннаяхид̇ваад̇и д̇ханун̃жзва д̇уун̣иран̃жа саннаяхид̇ваа саж̇ж̇зд̇ваа. д̇хануд̣̇ан̣д̣асса ж̇ияааяад̇д̇абхаавагаран̣аад̣̇иби хи д̇хануно саннаяханам̣. д̇знзвааха ‘‘д̇ханун̃жа сарагалаабан̃жа саннаяхид̇ваа’’д̇и. яуд̣̇д̇хасаннивзсзна тид̇анд̇и д̣̇виннам̣ сзнаанам̣ б̣яууханасам̣вид̇хаананаязна гад̇о яо саннивзсо, д̇асса васзна тид̇ам̣, сзнааб̣яуухасам̣вид̇хаанавасзна саннивидтанд̇и вуд̇д̇ам̣ ход̇и. уссаахан̃жа вааяааман̃жа гарод̇ийд̇и яуж̇жханавасзна уссаахам̣ вааяааман̃жа гарод̇и. барияаабаад̣̇знд̇ийд̇и маран̣абарияанд̇игам̣ абарам̣ баабзнд̇и. д̇знааха ‘‘барияаабаад̣̇аяанд̇ий’’д̇и, ж̇ийвид̇ам̣ барияаабаад̣̇аяанд̇и маран̣ам̣ бадибаж̇ж̇аабзнд̇ийд̇и вуд̇д̇ам̣ ход̇и.
76. Chaṭṭhe cammanti iminā cammamayaṃ cammamiti sibbitaṃ, aññaṃ vā keṭakaphalakādiṃ saṅgaṇhāti. Dhanukalāpaṃ sannayhitvāti dhanuñceva tūṇirañca sannayhitvā sajjetvā. Dhanudaṇḍassa jiyāyattabhāvakaraṇādipi hi dhanuno sannayhanaṃ. Tenevāha ‘‘dhanuñca sarakalāpañca sannayhitvā’’ti. Yuddhasannivesena ṭhitanti dvinnaṃ senānaṃ byūhanasaṃvidhānanayena kato yo sanniveso, tassa vasena ṭhitaṃ, senābyūhasaṃvidhānavasena sanniviṭṭhanti vuttaṃ hoti. Ussāhañca vāyāmañca karotīti yujjhanavasena ussāhaṃ vāyāmañca karoti. Pariyāpādentīti maraṇapariyantikaṃ aparaṃ pāpenti. Tenāha ‘‘pariyāpādayantī’’ti, jīvitaṃ pariyāpādayanti maraṇaṃ paṭipajjāpentīti vuttaṃ hoti.
арагкид̇знзва гааязнаад̇иаад̣̇ийсу хад̇т̇абаад̣̇з гийл̣аабзнд̇о г̇ийвам̣ вибаривад̇д̇знд̇о гааяам̣ на рагкад̇и наама. наанаббагаарам̣ д̣̇удтуллам̣ гаронд̇о ваажам̣ на рагкад̇и наама. гаамавид̇аггаад̣̇аяо вид̇аггзнд̇о жид̇д̇ам̣ на рагкад̇и наама. анубадтид̇ааяа сад̇ияаад̇и гааяаг̇ад̇ааяа сад̇ияаа анубадтид̇ааяа. рааг̇зна ануг̇ад̇од̇и рааг̇зна анубахад̇о. рааг̇абарзд̇од̇и ваа рааг̇зна пудто пудтависзна вияа саббзна.
Arakkhitenevakāyenātiādīsu hatthapāde kīḷāpento gīvaṃ viparivattento kāyaṃ na rakkhati nāma. Nānappakāraṃ duṭṭhullaṃ karonto vācaṃ na rakkhati nāma. Kāmavitakkādayo vitakkento cittaṃ na rakkhati nāma. Anupaṭṭhitāya satiyāti kāyagatāya satiyā anupaṭṭhitāya. Rāgena anugatoti rāgena anupahato. Rāgaparetoti vā rāgena phuṭṭho phuṭṭhavisena viya sappena.
ануд̣̇аханадтзнаад̇и анубааяаббадибад̇д̇ияаа. самбад̇и ааяад̇ин̃жа махаабхид̇аабадтзна. анавад̇т̇ид̇асабхаавад̇ааяа ид̇д̇арабажжубадтаанадтзна. мухуд̇д̇араман̣ийяад̇ааяа д̇аавагаалигадтзна. б̣яад̇д̇зхи абхибхаванийяад̇ааяа саб̣б̣ан̇г̇абажжан̇г̇абалибхан̃ж̇анадтзна. чзд̣̇анабхзд̣̇анаад̣̇иад̇хигаран̣абхаавзна уг̇гхадданасад̣̇исад̇ааяа ад̇хигудданадтзна. аван̣з ван̣ам̣ уббаад̣̇зд̇ваа анд̇о анубависанасабхаавад̇ааяа винивиж̇жханадтзна. д̣̇идтад̇хаммигасамбарааяига анад̇т̇анимид̇д̇ад̇ааяа саасан̇гасаббадибхаяадтзна.
Anudahanaṭṭhenāti anupāyappaṭipattiyā. Sampati āyatiñca mahābhitāpaṭṭhena. Anavatthitasabhāvatāya ittarapaccupaṭṭhānaṭṭhena. Muhuttaramaṇīyatāya tāvakālikaṭṭhena. Byattehi abhibhavanīyatāya sabbaṅgapaccaṅgapalibhañjanaṭṭhena. Chedanabhedanādiadhikaraṇabhāvena ugghaṭṭanasadisatāya adhikuṭṭanaṭṭhena. Avaṇe vaṇaṃ uppādetvā anto anupavisanasabhāvatāya vinivijjhanaṭṭhena. Diṭṭhadhammikasamparāyika anatthanimittatāya sāsaṅkasappaṭibhayaṭṭhena.
д̣̇уд̇ияаяод̇хааж̇ийвасуд̇д̇аван̣н̣анаа нидтид̇аа.
Dutiyayodhājīvasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. д̣̇уд̇ияаяод̇хааж̇ийвасуд̇д̇ам̣ • 6. Dutiyayodhājīvasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. д̣̇уд̇ияаяод̇хааж̇ийвасуд̇д̇аван̣н̣анаа • 6. Dutiyayodhājīvasuttavaṇṇanā
