| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਦੁਤਿਯਯੋਧਾਜੀવਸੁਤ੍ਤવਣ੍ਣਨਾ
6. Dutiyayodhājīvasuttavaṇṇanā
੭੬. ਛਟ੍ਠੇ ਅਸਿਚਮ੍ਮਂ ਗਹੇਤ੍વਾਤਿ ਅਸਿਞ੍ਚ ਚਮ੍ਮਞ੍ਚ ਗਹੇਤ੍વਾ। ਧਨੁਕਲਾਪਂ ਸਨ੍ਨਯ੍ਹਿਤ੍વਾਤਿ ਧਨੁਞ੍ਚ ਸਰਕਲਾਪਞ੍ਚ ਸਨ੍ਨਯ੍ਹਿਤ੍વਾ। વਿਯੂਲ਼੍ਹਨ੍ਤਿ ਯੁਦ੍ਧਸਨ੍ਨਿવੇਸવੇਸੇਨ ਠਿਤਂ। ਸਙ੍ਗਾਮਂ ਓਤਰਤੀਤਿ ਮਹਾਯੁਦ੍ਧਂ ਓਤਰਤਿ। ਉਸ੍ਸਹਤਿ વਾਯਮਤੀਤਿ ਉਸ੍ਸਾਹਞ੍ਚ વਾਯਾਮਞ੍ਚ ਕਰੋਤਿ। ਹਨਨ੍ਤੀਤਿ ਘਾਤੇਨ੍ਤਿ। ਪਰਿਯਾਪਾਦੇਨ੍ਤੀਤਿ ਪਰਿਯਾਪਾਦਯਨ੍ਤਿ। ਉਪਲਿਕ੍ਖਨ੍ਤੀਤਿ વਿਜ੍ਝਨ੍ਤਿ। ਅਪਨੇਨ੍ਤੀਤਿ ਸਕਸੇਨਂ ਗਹੇਤ੍વਾ ਗਚ੍ਛਨ੍ਤਿ। ਅਪਨੇਤ੍વਾ ਞਾਤਕਾਨਂ ਨੇਨ੍ਤੀਤਿ ਸਕਸੇਨਂ ਨੇਤ੍વਾ ਤਤੋ ਞਾਤਕਾਨਂ ਸਨ੍ਤਿਕਂ ਨੇਨ੍ਤਿ। ਨੀਯਮਾਨੋਤਿ ਅਤ੍ਤਨੋ ਗੇਹਂ વਾ ਸੇਸਞਾਤਿਸਨ੍ਤਿਕਂ વਾ ਨਿਯ੍ਯਮਾਨੋ। ਉਪਟ੍ਠਹਨ੍ਤਿ ਪਰਿਚਰਨ੍ਤੀਤਿ ਪਹਾਰਸੋਧਨવਣਕਪ੍ਪਨਾਦੀਨਿ ਕਰੋਨ੍ਤਾ ਜਗ੍ਗਨ੍ਤਿ ਗੋਪਯਨ੍ਤਿ।
76. Chaṭṭhe asicammaṃ gahetvāti asiñca cammañca gahetvā. Dhanukalāpaṃ sannayhitvāti dhanuñca sarakalāpañca sannayhitvā. Viyūḷhanti yuddhasannivesavesena ṭhitaṃ. Saṅgāmaṃ otaratīti mahāyuddhaṃ otarati. Ussahati vāyamatīti ussāhañca vāyāmañca karoti. Hanantīti ghātenti. Pariyāpādentīti pariyāpādayanti. Upalikkhantīti vijjhanti. Apanentīti sakasenaṃ gahetvā gacchanti. Apanetvā ñātakānaṃ nentīti sakasenaṃ netvā tato ñātakānaṃ santikaṃ nenti. Nīyamānoti attano gehaṃ vā sesañātisantikaṃ vā niyyamāno. Upaṭṭhahanti paricarantīti pahārasodhanavaṇakappanādīni karontā jagganti gopayanti.
ਅਰਕ੍ਖਿਤੇਨੇવ ਕਾਯੇਨਾਤਿ ਅਰਕ੍ਖਿਤੇਨ ਕਾਯਦ੍વਾਰੇਨ। ਅਰਕ੍ਖਿਤਾਯ વਾਚਾਯਾਤਿ ਅਰਕ੍ਖਿਤੇਨ વਚੀਦ੍વਾਰੇਨ। ਅਰਕ੍ਖਿਤੇਨ ਚਿਤ੍ਤੇਨਾਤਿ ਅਰਕ੍ਖਿਤੇਨ ਮਨੋਦ੍વਾਰੇਨ। ਅਨੁਪਟ੍ਠਿਤਾਯ ਸਤਿਯਾਤਿ ਸਤਿਂ ਸੁਪਟ੍ਠਿਤਂ ਅਕਤ੍વਾ। ਅਸਂવੁਤੇਹਿ ਇਨ੍ਦ੍ਰਿਯੇਹੀਤਿ ਮਨਚ੍ਛਟ੍ਠੇਹਿ ਇਨ੍ਦ੍ਰਿਯੇਹਿ ਅਪਿਹਿਤੇਹਿ ਅਗੋਪਿਤੇਹਿ। ਰਾਗੋ ਚਿਤ੍ਤਂ ਅਨੁਦ੍ਧਂਸੇਤੀਤਿ ਰਾਗੋ ਉਪ੍ਪਜ੍ਜਮਾਨੋવ ਸਮਥવਿਪਸ੍ਸਨਾਚਿਤ੍ਤਂ ਧਂਸੇਤਿ, ਦੂਰੇ ਖਿਪਤਿ। ਰਾਗਪਰਿਯੁਟ੍ਠਿਤੋਮ੍ਹਿ, ਆવੁਸੋ, ਰਾਗਪਰੇਤੋਤਿ ਅਹਂ, ਆવੁਸੋ, ਰਾਗੇਨ ਰਤ੍ਤੋ, ਰਾਗੇਨ ਅਨੁਗਤੋ।
Arakkhiteneva kāyenāti arakkhitena kāyadvārena. Arakkhitāya vācāyāti arakkhitena vacīdvārena. Arakkhitena cittenāti arakkhitena manodvārena. Anupaṭṭhitāya satiyāti satiṃ supaṭṭhitaṃ akatvā. Asaṃvutehiindriyehīti manacchaṭṭhehi indriyehi apihitehi agopitehi. Rāgo cittaṃ anuddhaṃsetīti rāgo uppajjamānova samathavipassanācittaṃ dhaṃseti, dūre khipati. Rāgapariyuṭṭhitomhi, āvuso, rāgaparetoti ahaṃ, āvuso, rāgena ratto, rāgena anugato.
ਅਟ੍ਠਿਕਙ੍ਕਲੂਪਮਾਤਿਆਦੀਸੁ ਅਟ੍ਠਿਕਙ੍ਕਲੂਪਮਾ ਅਪ੍ਪਸ੍ਸਾਦਟ੍ਠੇਨ। ਮਂਸਪੇਸੂਪਮਾ ਬਹੁਸਾਧਾਰਣਟ੍ਠੇਨ। ਤਿਣੁਕ੍ਕੂਪਮਾ ਅਨੁਦਹਨਟ੍ਠੇਨ। ਅਙ੍ਗਾਰਕਾਸੂਪਮਾ ਮਹਾਭਿਤਾਪਟ੍ਠੇਨ। ਸੁਪਿਨਕੂਪਮਾ ਇਤ੍ਤਰਪਚ੍ਚੁਪਟ੍ਠਾਨਟ੍ਠੇਨ। ਯਾਚਿਤਕੂਪਮਾ ਤਾવਕਾਲਿਕਟ੍ਠੇਨ। ਰੁਕ੍ਖਫਲੂਪਮਾ ਸਬ੍ਬਙ੍ਗਪਚ੍ਚਙ੍ਗਪਲਿਭਞ੍ਜਨਟ੍ਠੇਨ। ਅਸਿਸੂਨੂਪਮਾ ਅਧਿਕੁਟ੍ਟਨਟ੍ਠੇਨ। ਸਤ੍ਤਿਸੂਲੂਪਮਾ વਿਨਿવਿਜ੍ਝਨਟ੍ਠੇਨ। ਸਪ੍ਪਸਿਰੂਪਮਾ ਸਾਸਙ੍ਕਸਪ੍ਪਟਿਭਯਟ੍ਠੇਨ । ਉਸ੍ਸਹਿਸ੍ਸਾਮੀਤਿ ਉਸ੍ਸਾਹਂ ਕਰਿਸ੍ਸਾਮਿ। ਧਾਰਯਿਸ੍ਸਾਮੀਤਿ ਸਮਣਭਾવਂ ਧਾਰਯਿਸ੍ਸਾਮਿ। ਅਭਿਰਮਿਸ੍ਸਾਮੀਤਿ ਅਭਿਰਤਿਂ ਉਪ੍ਪਾਦੇਸ੍ਸਾਮਿ ਨ ਉਕ੍ਕਣ੍ਠਿਸ੍ਸਾਮਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવ। ਇਮਸ੍ਮਿਂ ਸੁਤ੍ਤੇ વਟ੍ਟવਿવਟ੍ਟਂ ਕਥਿਤਨ੍ਤਿ।
Aṭṭhikaṅkalūpamātiādīsu aṭṭhikaṅkalūpamā appassādaṭṭhena. Maṃsapesūpamā bahusādhāraṇaṭṭhena. Tiṇukkūpamā anudahanaṭṭhena. Aṅgārakāsūpamā mahābhitāpaṭṭhena. Supinakūpamā ittarapaccupaṭṭhānaṭṭhena. Yācitakūpamā tāvakālikaṭṭhena. Rukkhaphalūpamā sabbaṅgapaccaṅgapalibhañjanaṭṭhena. Asisūnūpamā adhikuṭṭanaṭṭhena. Sattisūlūpamā vinivijjhanaṭṭhena. Sappasirūpamā sāsaṅkasappaṭibhayaṭṭhena . Ussahissāmīti ussāhaṃ karissāmi. Dhārayissāmīti samaṇabhāvaṃ dhārayissāmi. Abhiramissāmīti abhiratiṃ uppādessāmi na ukkaṇṭhissāmi. Sesamettha uttānatthameva. Imasmiṃ sutte vaṭṭavivaṭṭaṃ kathitanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਦੁਤਿਯਯੋਧਾਜੀવਸੁਤ੍ਤਂ • 6. Dutiyayodhājīvasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਦੁਤਿਯਯੋਧਾਜੀવਸੁਤ੍ਤવਣ੍ਣਨਾ • 6. Dutiyayodhājīvasuttavaṇṇanā
