| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੬. ਦੁਤਿਯਯੋਧਾਜੀવਸੁਤ੍ਤવਣ੍ਣਨਾ
6. Dutiyayodhājīvasuttavaṇṇanā
੭੬. ਛਟ੍ਠੇ ਚਮ੍ਮਨ੍ਤਿ ਇਮਿਨਾ ਚਮ੍ਮਮਯਂ ਚਮ੍ਮਮਿਤਿ ਸਿਬ੍ਬਿਤਂ, ਅਞ੍ਞਂ વਾ ਕੇਟਕਫਲਕਾਦਿਂ ਸਙ੍ਗਣ੍ਹਾਤਿ। ਧਨੁਕਲਾਪਂ ਸਨ੍ਨਯ੍ਹਿਤ੍વਾਤਿ ਧਨੁਞ੍ਚੇવ ਤੂਣਿਰਞ੍ਚ ਸਨ੍ਨਯ੍ਹਿਤ੍વਾ ਸਜ੍ਜੇਤ੍વਾ। ਧਨੁਦਣ੍ਡਸ੍ਸ ਜਿਯਾਯਤ੍ਤਭਾવਕਰਣਾਦਿਪਿ ਹਿ ਧਨੁਨੋ ਸਨ੍ਨਯ੍ਹਨਂ। ਤੇਨੇવਾਹ ‘‘ਧਨੁਞ੍ਚ ਸਰਕਲਾਪਞ੍ਚ ਸਨ੍ਨਯ੍ਹਿਤ੍વਾ’’ਤਿ। ਯੁਦ੍ਧਸਨ੍ਨਿવੇਸੇਨ ਠਿਤਨ੍ਤਿ ਦ੍વਿਨ੍ਨਂ ਸੇਨਾਨਂ ਬ੍ਯੂਹਨਸਂવਿਧਾਨਨਯੇਨ ਕਤੋ ਯੋ ਸਨ੍ਨਿવੇਸੋ, ਤਸ੍ਸ વਸੇਨ ਠਿਤਂ, ਸੇਨਾਬ੍ਯੂਹਸਂવਿਧਾਨવਸੇਨ ਸਨ੍ਨਿવਿਟ੍ਠਨ੍ਤਿ વੁਤ੍ਤਂ ਹੋਤਿ। ਉਸ੍ਸਾਹਞ੍ਚ વਾਯਾਮਞ੍ਚ ਕਰੋਤੀਤਿ ਯੁਜ੍ਝਨવਸੇਨ ਉਸ੍ਸਾਹਂ વਾਯਾਮਞ੍ਚ ਕਰੋਤਿ। ਪਰਿਯਾਪਾਦੇਨ੍ਤੀਤਿ ਮਰਣਪਰਿਯਨ੍ਤਿਕਂ ਅਪਰਂ ਪਾਪੇਨ੍ਤਿ। ਤੇਨਾਹ ‘‘ਪਰਿਯਾਪਾਦਯਨ੍ਤੀ’’ਤਿ, ਜੀવਿਤਂ ਪਰਿਯਾਪਾਦਯਨ੍ਤਿ ਮਰਣਂ ਪਟਿਪਜ੍ਜਾਪੇਨ੍ਤੀਤਿ વੁਤ੍ਤਂ ਹੋਤਿ।
76. Chaṭṭhe cammanti iminā cammamayaṃ cammamiti sibbitaṃ, aññaṃ vā keṭakaphalakādiṃ saṅgaṇhāti. Dhanukalāpaṃ sannayhitvāti dhanuñceva tūṇirañca sannayhitvā sajjetvā. Dhanudaṇḍassa jiyāyattabhāvakaraṇādipi hi dhanuno sannayhanaṃ. Tenevāha ‘‘dhanuñca sarakalāpañca sannayhitvā’’ti. Yuddhasannivesena ṭhitanti dvinnaṃ senānaṃ byūhanasaṃvidhānanayena kato yo sanniveso, tassa vasena ṭhitaṃ, senābyūhasaṃvidhānavasena sanniviṭṭhanti vuttaṃ hoti. Ussāhañca vāyāmañca karotīti yujjhanavasena ussāhaṃ vāyāmañca karoti. Pariyāpādentīti maraṇapariyantikaṃ aparaṃ pāpenti. Tenāha ‘‘pariyāpādayantī’’ti, jīvitaṃ pariyāpādayanti maraṇaṃ paṭipajjāpentīti vuttaṃ hoti.
ਅਰਕ੍ਖਿਤੇਨੇવ ਕਾਯੇਨਾਤਿਆਦੀਸੁ ਹਤ੍ਥਪਾਦੇ ਕੀਲ਼ਾਪੇਨ੍ਤੋ ਗੀવਂ વਿਪਰਿવਤ੍ਤੇਨ੍ਤੋ ਕਾਯਂ ਨ ਰਕ੍ਖਤਿ ਨਾਮ। ਨਾਨਪ੍ਪਕਾਰਂ ਦੁਟ੍ਠੁਲ੍ਲਂ ਕਰੋਨ੍ਤੋ વਾਚਂ ਨ ਰਕ੍ਖਤਿ ਨਾਮ। ਕਾਮવਿਤਕ੍ਕਾਦਯੋ વਿਤਕ੍ਕੇਨ੍ਤੋ ਚਿਤ੍ਤਂ ਨ ਰਕ੍ਖਤਿ ਨਾਮ। ਅਨੁਪਟ੍ਠਿਤਾਯ ਸਤਿਯਾਤਿ ਕਾਯਗਤਾਯ ਸਤਿਯਾ ਅਨੁਪਟ੍ਠਿਤਾਯ। ਰਾਗੇਨ ਅਨੁਗਤੋਤਿ ਰਾਗੇਨ ਅਨੁਪਹਤੋ। ਰਾਗਪਰੇਤੋਤਿ વਾ ਰਾਗੇਨ ਫੁਟ੍ਠੋ ਫੁਟ੍ਠવਿਸੇਨ વਿਯ ਸਪ੍ਪੇਨ।
Arakkhitenevakāyenātiādīsu hatthapāde kīḷāpento gīvaṃ viparivattento kāyaṃ na rakkhati nāma. Nānappakāraṃ duṭṭhullaṃ karonto vācaṃ na rakkhati nāma. Kāmavitakkādayo vitakkento cittaṃ na rakkhati nāma. Anupaṭṭhitāya satiyāti kāyagatāya satiyā anupaṭṭhitāya. Rāgena anugatoti rāgena anupahato. Rāgaparetoti vā rāgena phuṭṭho phuṭṭhavisena viya sappena.
ਅਨੁਦਹਨਟ੍ਠੇਨਾਤਿ ਅਨੁਪਾਯਪ੍ਪਟਿਪਤ੍ਤਿਯਾ। ਸਮ੍ਪਤਿ ਆਯਤਿਞ੍ਚ ਮਹਾਭਿਤਾਪਟ੍ਠੇਨ। ਅਨવਤ੍ਥਿਤਸਭਾવਤਾਯ ਇਤ੍ਤਰਪਚ੍ਚੁਪਟ੍ਠਾਨਟ੍ਠੇਨ। ਮੁਹੁਤ੍ਤਰਮਣੀਯਤਾਯ ਤਾવਕਾਲਿਕਟ੍ਠੇਨ। ਬ੍ਯਤ੍ਤੇਹਿ ਅਭਿਭવਨੀਯਤਾਯ ਸਬ੍ਬਙ੍ਗਪਚ੍ਚਙ੍ਗਪਲਿਭਞ੍ਜਨਟ੍ਠੇਨ। ਛੇਦਨਭੇਦਨਾਦਿਅਧਿਕਰਣਭਾવੇਨ ਉਗ੍ਘਟ੍ਟਨਸਦਿਸਤਾਯ ਅਧਿਕੁਟ੍ਟਨਟ੍ਠੇਨ। ਅવਣੇ વਣਂ ਉਪ੍ਪਾਦੇਤ੍વਾ ਅਨ੍ਤੋ ਅਨੁਪવਿਸਨਸਭਾવਤਾਯ વਿਨਿવਿਜ੍ਝਨਟ੍ਠੇਨ। ਦਿਟ੍ਠਧਮ੍ਮਿਕਸਮ੍ਪਰਾਯਿਕ ਅਨਤ੍ਥਨਿਮਿਤ੍ਤਤਾਯ ਸਾਸਙ੍ਕਸਪ੍ਪਟਿਭਯਟ੍ਠੇਨ।
Anudahanaṭṭhenāti anupāyappaṭipattiyā. Sampati āyatiñca mahābhitāpaṭṭhena. Anavatthitasabhāvatāya ittarapaccupaṭṭhānaṭṭhena. Muhuttaramaṇīyatāya tāvakālikaṭṭhena. Byattehi abhibhavanīyatāya sabbaṅgapaccaṅgapalibhañjanaṭṭhena. Chedanabhedanādiadhikaraṇabhāvena ugghaṭṭanasadisatāya adhikuṭṭanaṭṭhena. Avaṇe vaṇaṃ uppādetvā anto anupavisanasabhāvatāya vinivijjhanaṭṭhena. Diṭṭhadhammikasamparāyika anatthanimittatāya sāsaṅkasappaṭibhayaṭṭhena.
ਦੁਤਿਯਯੋਧਾਜੀવਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dutiyayodhājīvasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਦੁਤਿਯਯੋਧਾਜੀવਸੁਤ੍ਤਂ • 6. Dutiyayodhājīvasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੬. ਦੁਤਿਯਯੋਧਾਜੀવਸੁਤ੍ਤવਣ੍ਣਨਾ • 6. Dutiyayodhājīvasuttavaṇṇanā
