| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
8. д̣̇удтад̣̇осасигкаабад̣̇аван̣н̣анаа
8. Duṭṭhadosasikkhāpadavaṇṇanā
д̣̇уусийяад̇ийд̇и д̣̇удто, д̣̇уусзд̇и барам̣ винаасзд̇ийд̇и д̣̇осо. д̇знааха ‘‘д̣̇уусид̇о жзваа’’д̇иаад̣̇и. ид̣̇аани ‘‘д̣̇уусид̇о жзва д̣̇уусаго жаа’’д̇и иминаа сан̇кзбзна вуд̇д̇амзвад̇т̇ам̣ вид̇т̇аарзд̇ваа д̣̇ассзд̇ум̣ ‘‘уббаннз хи д̣̇осз’’д̇иаад̣̇имааха. багад̇ибхаавам̣ ж̇ахаабид̇од̇и (саарад̇т̇а. дий. 2.385-386) соммабхаавам̣ ж̇ахаабид̇од̇и ад̇т̇о, вигаарамаабаад̣̇ид̇од̇и вуд̇д̇ам̣ ход̇и. аагааранаанаад̇д̇знаад̇и д̣̇уусид̇аагаарасса жзва д̣̇уусагаагаарасса жаад̇и имзсам̣ д̣̇виннам̣ аагаараанам̣ наанаабхаавзна. наббад̇ид̇од̇и бийд̇исукаад̣̇ийхи на абхиг̇ад̇о анубаг̇ад̇о, на убаг̇ад̇од̇и ад̇т̇о. яо жа бийд̇исукаад̣̇ийхи анубаг̇ад̇о, со д̇зхи важ̇ж̇ид̇о наама ход̇ийд̇и ааха ‘‘бийд̇исукаад̣̇ийхи виваж̇ж̇ид̇о’’д̇и. яо жа д̇зхи важ̇ж̇ид̇о, на со д̇зхи абхисадо наама ход̇ийд̇и ааха ‘‘на абхисадо’’д̇и, бийд̇исукаад̣̇ийхи на бад̇т̇адод̇и ад̇т̇о. наасса мууланд̇и амуулагам̣. д̇ам̣ бана амуулагад̇д̇ам̣ яасмаа жод̣̇агавасзна ад̇хиббзд̇ам̣, на жуд̣̇ид̇агавасзна, д̇асмаа д̇ад̣̇ад̇т̇ам̣ д̣̇ассзд̇ум̣ ‘‘яам̣ жод̣̇агзнаа’’д̇иаад̣̇и вуд̇д̇ам̣. д̇ад̇т̇а яанд̇и баарааж̇игам̣. зд̇анд̇и жуд̣̇ид̇агасса аабаннаанаабаннад̇д̇ам̣. ид̇хаад̇и имасмим̣ сигкаабад̣̇з.
Dūsīyatīti duṭṭho, dūseti paraṃ vināsetīti doso. Tenāha ‘‘dūsito cevā’’tiādi. Idāni ‘‘dūsito ceva dūsako cā’’ti iminā saṅkhepena vuttamevatthaṃ vitthāretvā dassetuṃ ‘‘uppanne hi dose’’tiādimāha. Pakatibhāvaṃ jahāpitoti (sārattha. ṭī. 2.385-386) sommabhāvaṃ jahāpitoti attho, vikāramāpāditoti vuttaṃ hoti. Ākāranānāttenāti dūsitākārassa ceva dūsakākārassa cāti imesaṃ dvinnaṃ ākārānaṃ nānābhāvena. Nappatitoti pītisukhādīhi na abhigato anupagato, na upagatoti attho. Yo ca pītisukhādīhi anupagato, so tehi vajjito nāma hotīti āha ‘‘pītisukhādīhi vivajjito’’ti. Yo ca tehi vajjito, na so tehi abhisaṭo nāma hotīti āha ‘‘na abhisaṭo’’ti, pītisukhādīhi na patthaṭoti attho. Nāssa mūlanti amūlakaṃ. Taṃ pana amūlakattaṃ yasmā codakavasena adhippetaṃ, na cuditakavasena, tasmā tadatthaṃ dassetuṃ ‘‘yaṃ codakenā’’tiādi vuttaṃ. Tattha yanti pārājikaṃ. Etanti cuditakassa āpannānāpannattaṃ. Idhāti imasmiṃ sikkhāpade.
ид̣̇аани ад̇д̇анаа вуд̇д̇амзва д̣̇идтаад̣̇им̣ виварид̇ум̣ ‘‘зд̇т̇а жаа’’д̇иаад̣̇и вуд̇д̇ам̣. д̇ат̇зваад̇и ‘‘басаад̣̇асод̇зна ваа д̣̇иб̣б̣асод̇зна ваа’’д̇и имамад̇т̇ам̣ ад̇ид̣̇исад̇и. барисан̇гид̇ам̣ (баараа. адта. 2.385-386) бана д̇ивид̇хам̣ д̣̇идтабарисан̇гид̇ам̣, суд̇абарисан̇гид̇ам̣, муд̇абарисан̇гид̇анд̇и. д̇ад̇т̇а бхигкун̃жа маад̇уг̇ааман̃жа д̇ат̇ааруубз таанз д̣̇исваа ‘‘ад̣̇д̇хаа имзхи гад̇а’’нд̇и ваа ‘‘гариссанд̇ий’’д̇и ваа барисан̇гид̇ам̣, ид̣̇ам̣ д̣̇идтабарисан̇гид̇ам̣ наама. анд̇хагаарз ваа бадижчанногаасз ваа бхигкусса жа маад̇уг̇аамасса жа важанам̣ суд̇ваа д̣̇уд̇ияасса ад̇т̇ибхаавам̣ аж̇аанад̇о буб̣б̣з вуд̇д̇анаязна барисан̇гид̇ам̣, ид̣̇ам̣ суд̇абарисан̇гид̇ам̣ наама. д̇худ̇д̇зхи ид̇т̇ийхи сад̣̇д̇хим̣ бажжанд̇авихаарз ман̣д̣абз ваа саалаад̣̇ийсу ваа бубпаг̇анд̇хамам̣сасураад̣̇ийни анубхавид̇ваа г̇ад̇адтаанам̣ д̣̇исваа ‘‘гзна ну ко ид̣̇ам̣ гад̇а’’нд̇и виймам̣санд̇зна д̇ад̇ра гзнажи бхигкунаа г̇анд̇хаад̣̇ийхи бууж̇аа гад̇аа ход̇и, бхзсаж̇ж̇ад̇т̇ааяа аридтам̣ ваа бийд̇ам̣, со д̇асса г̇анд̇хам̣ гхааяид̇ваа ‘‘аяам̣ со бхависсад̇ий’’д̇и барисан̇гид̇ам̣, ид̣̇ам̣ муд̇абарисан̇гид̇ам̣ наама. звам̣ д̇ивид̇хасса барисан̇гид̇асса абхааво абарисан̇гид̇ам̣. д̇знааха ‘‘д̣̇идтасуд̇амуд̇авасзна жзд̇асаа абарисан̇гид̇а’’нд̇и. д̇ан̃жа банзд̇ам̣ д̣̇идтаад̣̇игам̣ на гзвалам̣ ад̇д̇ано ваад̇и ааха ‘‘ад̇д̇ано ваа барасса ваа’’д̇и. яасмаа ‘‘д̇вам̣ бан̣д̣аго’’д̇иаад̣̇иважанзнааби жод̣̇аяад̇о аабад̇д̇иязва, д̇асмаа ‘‘бхигкуно ануруубзсу згуунавийсад̇ияаа ан̃н̃ад̇арзнаа’’д̇и вуд̇д̇ам̣. яад̣̇и звам̣ ат̇а гасмаа бад̣̇абхааж̇анз ‘‘баарааж̇игзна д̇хаммзнаад̇и жад̇уннам̣ ан̃н̃ад̇арзнаа’’д̇и (баараа. 386) вуд̇д̇анд̇и ааха ‘‘бад̣̇абхааж̇анз банаа’’д̇иаад̣̇и. убасаг̇г̇анибаад̇аанам̣ ваажагасад̣̇д̣̇асаннидтаанз д̇ад̣̇ад̇т̇аж̇од̇анабхаавзна бавад̇д̇анад̇о ‘‘д̇хам̣сзяяаа’’д̇и вуд̇д̇ам̣. д̇хам̣санан̃жзд̇т̇а абхибхаванам̣. д̇знааха ‘‘абхибхавзяяаа’’д̇и. ‘‘д̇вам̣ мзт̇унам̣ д̇хаммам̣ бадисзвий’’д̇иаад̣̇инаа наязна бавад̇д̇аад̇и ‘‘д̇вам̣ мзт̇унам̣ д̇хаммам̣ бадисзви, ад̣̇иннам̣ аад̣̇ияи, мануссам̣ гхаад̇аяид̇т̇а, абхууд̇ам̣ аарожаяид̇т̇аа’’д̇и звам̣ бавад̇д̇аа. зд̇т̇а жа ‘‘ассаман̣осий’д̇и аванд̣̇анагааран̣асса авуд̇д̇ад̇д̇аа анд̇имавад̇т̇ум̣ аж̇жхаабанно на ванд̣̇ид̇аб̣б̣о’’д̇и вад̣̇анд̇и, д̇ам̣ на г̇ахзд̇аб̣б̣ам̣ аванд̣̇иязсу анд̇имавад̇т̇ум̣ аж̇жхаабаннасса авуд̇д̇ад̇д̇аа, ‘‘бажчаа убасамбаннзна бурз убасамбанно ванд̣̇ияо’’д̇и (бари. 468) вуд̇д̇ад̇д̇аа жа. ид̣̇ам̣ бана ад̇д̇анаа вад̇д̇аб̣б̣ам̣ д̣̇ассзд̇ум̣ вуд̇д̇ам̣.
Idāni attanā vuttameva diṭṭhādiṃ vivarituṃ ‘‘ettha cā’’tiādi vuttaṃ. Tathevāti ‘‘pasādasotena vā dibbasotena vā’’ti imamatthaṃ atidisati. Parisaṅkitaṃ (pārā. aṭṭha. 2.385-386) pana tividhaṃ diṭṭhaparisaṅkitaṃ, sutaparisaṅkitaṃ, mutaparisaṅkitanti. Tattha bhikkhuñca mātugāmañca tathārūpe ṭhāne disvā ‘‘addhā imehi kata’’nti vā ‘‘karissantī’’ti vā parisaṅkitaṃ, idaṃ diṭṭhaparisaṅkitaṃ nāma. Andhakāre vā paṭicchannokāse vā bhikkhussa ca mātugāmassa ca vacanaṃ sutvā dutiyassa atthibhāvaṃ ajānato pubbe vuttanayena parisaṅkitaṃ, idaṃ sutaparisaṅkitaṃ nāma. Dhuttehi itthīhi saddhiṃ paccantavihāre maṇḍape vā sālādīsu vā pupphagandhamaṃsasurādīni anubhavitvā gataṭṭhānaṃ disvā ‘‘kena nu kho idaṃ kata’’nti vīmaṃsantena tatra kenaci bhikkhunā gandhādīhi pūjā katā hoti, bhesajjatthāya ariṭṭhaṃ vā pītaṃ, so tassa gandhaṃ ghāyitvā ‘‘ayaṃ so bhavissatī’’ti parisaṅkitaṃ, idaṃ mutaparisaṅkitaṃ nāma. Evaṃ tividhassa parisaṅkitassa abhāvo aparisaṅkitaṃ. Tenāha ‘‘diṭṭhasutamutavasena cetasā aparisaṅkita’’nti. Tañca panetaṃ diṭṭhādikaṃ na kevalaṃ attano vāti āha ‘‘attano vā parassa vā’’ti. Yasmā ‘‘tvaṃ paṇḍako’’tiādivacanenāpi codayato āpattiyeva, tasmā ‘‘bhikkhuno anurūpesu ekūnavīsatiyā aññatarenā’’ti vuttaṃ. Yadi evaṃ atha kasmā padabhājane ‘‘pārājikena dhammenāti catunnaṃ aññatarenā’’ti (pārā. 386) vuttanti āha ‘‘padabhājanepanā’’tiādi. Upasagganipātānaṃ vācakasaddasanniṭṭhāne tadatthajotanabhāvena pavattanato ‘‘dhaṃseyyā’’ti vuttaṃ. Dhaṃsanañcettha abhibhavanaṃ. Tenāha ‘‘abhibhaveyyā’’ti. ‘‘Tvaṃ methunaṃ dhammaṃ paṭisevī’’tiādinā nayena pavattāti ‘‘tvaṃ methunaṃ dhammaṃ paṭisevi, adinnaṃ ādiyi, manussaṃ ghātayittha, abhūtaṃ ārocayitthā’’ti evaṃ pavattā. Ettha ca ‘‘assamaṇosī’ti avandanakāraṇassa avuttattā antimavatthuṃ ajjhāpanno na vanditabbo’’ti vadanti, taṃ na gahetabbaṃ avandiyesu antimavatthuṃ ajjhāpannassa avuttattā, ‘‘pacchā upasampannena pure upasampanno vandiyo’’ti (pari. 468) vuttattā ca. Idaṃ pana attanā vattabbaṃ dassetuṃ vuttaṃ.
самийбзд̇и д̣̇ваад̣̇асахад̇т̇абамаан̣з бад̣̇зсз. сигкаабажжагкаанамзва хи хад̇т̇амуд̣̇д̣̇ааяа сийсам̣ на зд̇и, ид̣̇ам̣ бана ануд̣̇д̇хам̣санам̣, абхууд̇арожанан̃жа зд̇иязва. д̇знааха ‘‘хад̇т̇амуд̣̇д̣̇ааяа зва ваа’’д̇и. б̣рахмажарияаад̇и б̣рахмам̣ сздтам̣ басад̇т̇ам̣ жарияанд̇и б̣рахмажарияам̣, б̣рахмуунам̣ ваа сздтаанам̣ б̣уд̣̇д̇хабажжзгаб̣уд̣̇д̇хаарияасаавагаанам̣, б̣рахмаанан̃жа жарияанд̇и б̣рахмажарияам̣, д̇амхаа б̣рахмажарияаа. д̇знааха ‘‘сздтажарияаа’’д̇и. саад̇ху вад̇асса зганд̇зна бхад̣̇д̣̇агам̣ бхавзяяа. ‘‘д̇аж̇ж̇анийяагаммаад̣̇исад̇д̇авид̇хамби гаммам̣ гариссаамаа’’д̇и аабад̇д̇ияаа жод̣̇знд̇асса ад̇хиббааяо гаммаад̇хиббааяо. ‘‘аабад̇д̇ид̇о вудтаабзссаамаа’’д̇и ад̇хиббааяо вудтаанаад̇хиббааяо. анувиж̇ж̇анаад̇хиббааяод̇и виймам̣санаад̇хиббааяо, убабаригкаад̇хиббааяо. анувиж̇ж̇агзнаад̇и сан̇гхамаж̇жхз од̇ин̣н̣ам̣ ад̇хигаран̣ам̣ винижчинид̇ум̣ нисиннзна винаяад̇харзна. гим̣ д̇з д̣̇идтанд̇и д̇аяаа гим̣ д̣̇идтам̣, батамам̣ баарааж̇игам̣ аж̇жхаабаж̇ж̇анд̇о д̣̇идто, д̣̇уд̇ияам̣ д̇ад̇ияам̣ жад̇уд̇т̇ам̣ баарааж̇игам̣ аабаж̇ж̇анд̇о д̣̇идтод̇и вуд̇д̇ам̣ ход̇и. аад̣̇исад̣̇д̣̇зна ‘‘гинд̇и д̇з д̣̇идтам̣, гад̣̇аа д̇з д̣̇идтам̣, гад̇т̇а д̇з д̣̇идта’’нд̇и имам̣ наяам̣ сан̇г̇ан̣хаад̇и.
Samīpeti dvādasahatthapamāṇe padese. Sikkhāpaccakkhānameva hi hatthamuddāya sīsaṃ na eti, idaṃ pana anuddhaṃsanaṃ, abhūtarocanañca etiyeva. Tenāha ‘‘hatthamuddāya eva vā’’ti. Brahmacariyāti brahmaṃ seṭṭhaṃ pasatthaṃ cariyanti brahmacariyaṃ, brahmūnaṃ vā seṭṭhānaṃ buddhapaccekabuddhaariyasāvakānaṃ, brahmānañca cariyanti brahmacariyaṃ, tamhā brahmacariyā. Tenāha ‘‘seṭṭhacariyā’’ti. Sādhu vatassa ekantena bhaddakaṃ bhaveyya. ‘‘Tajjanīyakammādisattavidhampi kammaṃ karissāmā’’ti āpattiyā codentassa adhippāyo kammādhippāyo. ‘‘Āpattito vuṭṭhāpessāmā’’ti adhippāyo vuṭṭhānādhippāyo. Anuvijjanādhippāyoti vīmaṃsanādhippāyo, upaparikkhādhippāyo. Anuvijjakenāti saṅghamajjhe otiṇṇaṃ adhikaraṇaṃ vinicchinituṃ nisinnena vinayadharena. Kiṃ te diṭṭhanti tayā kiṃ diṭṭhaṃ, paṭhamaṃ pārājikaṃ ajjhāpajjanto diṭṭho, dutiyaṃ tatiyaṃ catutthaṃ pārājikaṃ āpajjanto diṭṭhoti vuttaṃ hoti. Ādisaddena ‘‘kinti te diṭṭhaṃ, kadā te diṭṭhaṃ, kattha te diṭṭha’’nti imaṃ nayaṃ saṅgaṇhāti.
саманад̇т̇ааяа бавад̇д̇амаанзхи самат̇зхи ад̇хигаад̇аб̣б̣анд̇и ад̇хигаран̣ам̣. яат̇аа хи саманавасзна самат̇аанам̣ виваад̣̇аад̣̇ийсу ад̇хигад̇абхааво, звам̣ виваад̣̇аад̣̇ийнам̣ д̇зхи ад̇хигад̇д̇аб̣б̣ад̇аад̇и. д̇знааха ‘‘самат̇зхи ад̇хигаран̣ийяабхаавзнаа’’д̇иаад̣̇и. иминаа хи ад̇хигаран̣асад̣̇д̣̇асса гаммасаад̇ханад̇аа вуд̇д̇аа. ад̇хигаран̣анд̇и виваад̣̇аад̇хигаран̣ам̣ ануваад̣̇аад̇хигаран̣ам̣ аабад̇д̇аад̇хигаран̣ам̣ гижжаад̇хигаран̣анд̇и жад̇уб̣б̣ид̇хам̣ ад̇хигаран̣ам̣. виваад̣̇аад̣̇ийни ад̇хигаран̣аани самзнд̇и вуубасамзнд̇ийд̇и самат̇аа, саммукаавинаяаад̣̇аяо. ат̇а ваа ад̇хигарийяанд̇и зд̇т̇аад̇и ад̇хигаран̣ам̣. гз ад̇хигарийяанд̇и? самат̇аа. гат̇ам̣ ад̇хигарийяанд̇и? саманавасзна. ад̇хигаран̣ам̣ самзнд̇и вуубасамзнд̇ийд̇иби самат̇аад̇и звамбзд̇т̇а ад̇т̇о д̣̇адтаб̣б̣о. аабад̇д̇аад̇хигаран̣ам̣ табзд̇ваа сзсаад̇хигаран̣зхи жод̣̇анааяа абхаавад̇о ‘‘ид̣̇ам̣ бана баарааж̇игасан̇каад̇ам̣ аабад̇д̇аад̇хигаран̣амзва ад̇хиббзд̇а’’нд̇и вуд̇д̇ам̣. аабад̇д̇иязва ад̇хигаран̣ам̣ аабад̇д̇аад̇хигаран̣ам̣. ануд̣̇д̇хам̣сид̇агкан̣зязва сан̇гхаад̣̇исзсо, со жз д̇ан̇кан̣зязва ж̇аанаад̇ийд̇и ад̇хиббааяо.
Samanatthāya pavattamānehi samathehi adhikātabbanti adhikaraṇaṃ. Yathā hi samanavasena samathānaṃ vivādādīsu adhikatabhāvo, evaṃ vivādādīnaṃ tehi adhikattabbatāti. Tenāha ‘‘samathehi adhikaraṇīyabhāvenā’’tiādi. Iminā hi adhikaraṇasaddassa kammasādhanatā vuttā. Adhikaraṇanti vivādādhikaraṇaṃ anuvādādhikaraṇaṃ āpattādhikaraṇaṃ kiccādhikaraṇanti catubbidhaṃ adhikaraṇaṃ. Vivādādīni adhikaraṇāni samenti vūpasamentīti samathā, sammukhāvinayādayo. Atha vā adhikarīyanti etthāti adhikaraṇaṃ. Ke adhikarīyanti? Samathā. Kathaṃ adhikarīyanti? Samanavasena. Adhikaraṇaṃ samenti vūpasamentītipi samathāti evampettha attho daṭṭhabbo. Āpattādhikaraṇaṃ ṭhapetvā sesādhikaraṇehi codanāya abhāvato ‘‘idaṃ pana pārājikasaṅkhātaṃāpattādhikaraṇameva adhippeta’’nti vuttaṃ. Āpattiyeva adhikaraṇaṃ āpattādhikaraṇaṃ. Anuddhaṃsitakkhaṇeyeva saṅghādiseso, so ce taṅkhaṇeyeva jānātīti adhippāyo.
мзд̇д̇ияабхуумаж̇агзд̇и мзд̇д̇ияан̃жа бхуумаж̇аган̃жа. чаб̣б̣аг̇г̇ияаанам̣ аг̇г̇абурисаа зд̇з. суд̣̇д̇хам̣ ваад̇и баарааж̇игаманаабаннам̣ ваа. ‘‘сажз со д̇ан̇кан̣зязва ж̇аанаад̇ий’’д̇и иминаа ааваж̇ж̇анасамаяамааха. д̇ан̇кан̣зязва ж̇аананам̣ наама д̣̇уггарам̣, самаязна ааваж̇ж̇ид̇ваа н̃аад̇з бана н̃аад̇амзва ход̇и. бажчаа жз ж̇аанаад̇и, сийсам̣ на зд̇и. сигкаабажжагкаанаабхууд̇аарожанад̣̇удтуллаваажааад̇д̇агаамад̣̇удтад̣̇осабхууд̇аарожанасигкаабад̣̇аанийд̇и саб̣б̣аанзва хи имаани згабарижчзд̣̇аани. яасмаа бана бараммукаа сад̇д̇ахиби аабад̇д̇игканд̇хзхи вад̣̇ад̇о д̣̇уггадамзва, д̇асмаа ‘‘бараммукаа жод̣̇знд̇асса бана сийсам̣ на зд̇ий’’д̇и вуд̇д̇ам̣. вуд̇д̇анаяаабад̇д̇ияод̇и ‘‘ваажааяа ваажааяаа’’д̇иаад̣̇инаа вуд̇д̇анаяаа сан̇гхаад̣̇исзсад̣̇уггадаабад̇д̇ияо. д̇ат̇зваад̇и ваажааяа ваажааязва. вад̣̇анд̇ассаад̇и сад̇д̇ахиби аабад̇д̇игканд̇хзхи убасамбаннам̣ саммукаа вад̣̇анд̇асса. вуд̇д̇анаязнзваад̇и ваажааяа ваажааязва. огаасам̣ гаарзд̇ваа убасамбаннам̣ саммукаа вад̣̇анд̇асса ваажааяа ваажааяа баажид̇д̇ияанд̇и ааха ‘‘огаасам̣ гаарзд̇ваа вад̣̇анд̇асса баажид̇д̇ияамзваа’’д̇и. звасад̣̇д̣̇зна д̣̇уггадам̣ нивад̇д̇ийяад̇и. асаммукаа сад̇д̇ахиби аабад̇д̇игканд̇хзхи вад̣̇анд̇асса д̣̇уггадам̣. сад̇д̇авид̇хамби гамманд̇и д̇аж̇ж̇анийяам̣, нияасам̣, баб̣б̣ааж̇анийяам̣, бадисааран̣ийяам̣, д̇ивид̇хан̃жа угкзбанийяанд̇и сад̇д̇авид̇хамби гаммам̣.
Mettiyabhūmajaketi mettiyañca bhūmajakañca. Chabbaggiyānaṃ aggapurisā ete. Suddhaṃ vāti pārājikamanāpannaṃ vā. ‘‘Sace so taṅkhaṇeyeva jānātī’’ti iminā āvajjanasamayamāha. Taṅkhaṇeyeva jānanaṃ nāma dukkaraṃ, samayena āvajjitvā ñāte pana ñātameva hoti. Pacchā ce jānāti, sīsaṃ na eti. Sikkhāpaccakkhānaabhūtārocanaduṭṭhullavācāattakāmaduṭṭhadosabhūtārocanasikkhāpadānīti sabbāneva hi imāni ekaparicchedāni. Yasmā pana parammukhā sattahipi āpattikkhandhehi vadato dukkaṭameva, tasmā ‘‘parammukhā codentassa pana sīsaṃ na etī’’ti vuttaṃ. Vuttanayāpattiyoti ‘‘vācāya vācāyā’’tiādinā vuttanayā saṅghādisesadukkaṭāpattiyo. Tathevāti vācāya vācāyeva. Vadantassāti sattahipi āpattikkhandhehi upasampannaṃ sammukhā vadantassa. Vuttanayenevāti vācāya vācāyeva. Okāsaṃ kāretvā upasampannaṃ sammukhā vadantassa vācāya vācāya pācittiyanti āha ‘‘okāsaṃ kāretvā vadantassa pācittiyamevā’’ti. Evasaddena dukkaṭaṃ nivattīyati. Asammukhā sattahipi āpattikkhandhehi vadantassa dukkaṭaṃ. Sattavidhampi kammanti tajjanīyaṃ, niyasaṃ, pabbājanīyaṃ, paṭisāraṇīyaṃ, tividhañca ukkhepanīyanti sattavidhampi kammaṃ.
убосат̇ам̣ ваа бавааран̣ам̣ ваа табзнд̇асса жа огаасагаммам̣ над̇т̇ийд̇и зд̇т̇а убосат̇ад̇о бурз ваа бажчаа ваа табид̇оби адтабид̇о ход̇и. кзд̇д̇з табид̇о бана табид̇о ход̇и, д̇асмаа ‘‘сун̣аад̇у мз, бханд̇з, сан̇гхо, аж̇ж̇убосат̇о баннарасо, яад̣̇и сан̇гхасса бад̇д̇агаллам̣, сан̇гхо убосат̇ам̣ гарзяяаа’’д̇и зд̇т̇а яаава рз-гаарам̣ бхан̣ад̇и, д̇аава табзд̇аб̣б̣о, ид̣̇ам̣ кзд̇д̇ам̣. яяа-гаарз бана вуд̇д̇з табзнд̇зна бажчаа табид̇о наама ход̇и . ‘‘сун̣аад̇у мз’’д̇и анаарад̣̇д̇хз табзнд̇зна бурз табид̇о ход̇и. бавааран̣аадтабанам̣ бана саб̣б̣асан̇г̇аахигам̣, буг̇г̇алиган̃жаад̇и д̣̇увид̇хам̣. д̇ад̇т̇а саб̣б̣асан̇г̇аахигз ‘‘сун̣аад̇у мз, бханд̇з, сан̇гхо…бз… сан̇гхо д̇зваажигам̣ баваарзяяаа’’д̇и су-гаарад̇о яаава рз-гааро, д̇аава абарияосид̇аава ход̇и бавааран̣аа, зд̇т̇анд̇арз згабад̣̇зби табзнд̇зна табид̇аа ход̇и бавааран̣аа. яяа-гаарз бана бад̇д̇з барияосид̇аава ход̇и, д̇асмаа д̇ад̇о бадтааяа табзнд̇зна адтабид̇аа ход̇и. буг̇г̇алигадтабанз бана ‘‘сан̇гхам̣, бханд̇з, баваарзми…бз… д̇ад̇ияамби бханд̇з сан̇гхам̣ баваарзми д̣̇идтзна ваа…бз… бассанд̇о бадий’’д̇и (махаава. 210) сам̣-гаарад̇о яаава аяам̣ саб̣б̣абажчимо ди-гааро, д̇аава абарияосид̇аава ход̇и бавааран̣аа, зд̇т̇анд̇арз згабад̣̇зби табзнд̇зна табид̇аа ход̇и бавааран̣аа. ‘‘гариссаамий’’д̇и вуд̇д̇з бана барияосид̇аа ход̇и, д̇асмаа ‘‘гариссаамий’’д̇и зд̇асмим̣ бад̣̇з самбад̇д̇з табид̇ааби адтабид̇аа ход̇и. зсзва наяо д̣̇взваажигазгаваажигасамаанавассигаасу. зд̇аасуби хи ди-гаараавасаанам̣язва табанагкзд̇д̇анд̇и. д̇знааха ‘‘табанагкзд̇д̇ам̣ бана ж̇аанид̇аб̣б̣а’’нд̇и. осадз вад̇т̇усминд̇и жод̣̇агзна ад̇д̇анаа вад̇д̇аб̣б̣з сан̇гхамаж̇жхз уд̣̇аахадз. ид̣̇ан̃жа ид̣̇ан̃жа гарод̇ийд̇и баан̣аад̇ибаад̇ам̣, ад̣̇иннаад̣̇аанан̃жа гарод̇и, ж̇аад̇аруубараж̇ад̇ан̃жа бадиг̇г̇ан̣хаад̇и. асуго жа асуго жа ассаман̣о, анубаасагод̇и аггосаад̇хиббааязна бараммукаа вад̣̇анд̇асса д̣̇уггадам̣, саммукаа вад̣̇анд̇асса бана баажид̇д̇ияамзва. д̇знааха ‘‘сажз бана од̣̇исса нияамзд̇ваа’’д̇иаад̣̇и. сан̇кяубаг̇амананд̇и вохааруубаг̇аманам̣.
Uposathaṃ vā pavāraṇaṃ vā ṭhapentassa ca okāsakammaṃ natthīti ettha uposathato pure vā pacchā vā ṭhapitopi aṭṭhapito hoti. Khette ṭhapito pana ṭhapito hoti, tasmā ‘‘suṇātu me, bhante, saṅgho, ajjuposatho pannaraso, yadi saṅghassa pattakallaṃ, saṅgho uposathaṃ kareyyā’’ti ettha yāva re-kāraṃ bhaṇati, tāva ṭhapetabbo, idaṃ khettaṃ. Yya-kāre pana vutte ṭhapentena pacchā ṭhapito nāma hoti . ‘‘Suṇātu me’’ti anāraddhe ṭhapentena pure ṭhapito hoti. Pavāraṇāṭṭhapanaṃ pana sabbasaṅgāhikaṃ, puggalikañcāti duvidhaṃ. Tattha sabbasaṅgāhike ‘‘suṇātu me, bhante, saṅgho…pe… saṅgho tevācikaṃ pavāreyyā’’ti su-kārato yāva re-kāro, tāva apariyositāva hoti pavāraṇā, etthantare ekapadepi ṭhapentena ṭhapitā hoti pavāraṇā. Yya-kāre pana patte pariyositāva hoti, tasmā tato paṭṭhāya ṭhapentena aṭṭhapitā hoti. Puggalikaṭṭhapane pana ‘‘saṅghaṃ, bhante, pavāremi…pe… tatiyampi bhante saṅghaṃ pavāremi diṭṭhena vā…pe… passanto paṭī’’ti (mahāva. 210) saṃ-kārato yāva ayaṃ sabbapacchimo ṭi-kāro, tāva apariyositāva hoti pavāraṇā, etthantare ekapadepi ṭhapentena ṭhapitā hoti pavāraṇā. ‘‘Karissāmī’’ti vutte pana pariyositā hoti, tasmā ‘‘karissāmī’’ti etasmiṃ pade sampatte ṭhapitāpi aṭṭhapitā hoti. Eseva nayo dvevācikaekavācikasamānavassikāsu. Etāsupi hi ṭi-kārāvasānaṃyeva ṭhapanakkhettanti. Tenāha ‘‘ṭhapanakkhettaṃ pana jānitabba’’nti. Osaṭe vatthusminti codakena attanā vattabbe saṅghamajjhe udāhaṭe. Idañca idañca karotīti pāṇātipātaṃ, adinnādānañca karoti, jātarūparajatañca paṭiggaṇhāti. Asuko ca asuko ca assamaṇo, anupāsakoti akkosādhippāyena parammukhā vadantassa dukkaṭaṃ, sammukhā vadantassa pana pācittiyameva. Tenāha ‘‘sace pana odissa niyametvā’’tiādi. Saṅkhyupagamananti vohārūpagamanaṃ.
д̣̇удтад̣̇осасигкаабад̣̇аван̣н̣анаа нидтид̇аа.
Duṭṭhadosasikkhāpadavaṇṇanā niṭṭhitā.
