| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਪੁਰਾਣ-ਟੀਕਾ • Kaṅkhāvitaraṇī-purāṇa-ṭīkā |
੮. ਦੁਟ੍ਠਦੋਸਸਿਕ੍ਖਾਪਦવਣ੍ਣਨਾ
8. Duṭṭhadosasikkhāpadavaṇṇanā
‘‘ਕਸ੍ਮਾ ਮਮ વਨ੍ਦਨਾਦੀਨਿ…ਪੇ॰… ‘ਘਟਿਤੇਯੇવ ਸੀਸਂ ਏਤੀ’ਤਿ વੁਤ੍ਤਤ੍ਤਾ ਅਨ੍ਤਿਮવਤ੍ਥੁਅਜ੍ਝਾਪਨ੍ਨਕਂ વਨ੍ਦਿਤੁਂ ਨ વਟ੍ਟਤੀ’’ਤਿ વਦਨ੍ਤਿ, ਤਂ ਨ ਗਹੇਤਬ੍ਬਂ। ਪਰਿવਾਰਾવਸਾਨੇ ਉਪਾਲਿਪਞ੍ਚਕੇ ‘‘ਕਤਿ ਨੁ ਖੋ, ਭਨ੍ਤੇ, ਅવਨ੍ਦਿਯਾ’’ਤਿਆਦਿਨਾ (ਪਰਿ॰ ੪੬੭) વੁਤ੍ਤਪਾਲ਼ਿਯਂ ਅવੁਤ੍ਤਤ੍ਤਾ, ‘‘ਪਚ੍ਛਾ ਉਪਸਮ੍ਪਨ੍ਨੇਨ ਪੁਰੇ ਉਪਸਮ੍ਪਨ੍ਨੋ વਨ੍ਦਿਯੋ’’ਤਿ (ਪਰਿ॰ ੪੬੮) વੁਤ੍ਤਤ੍ਤਾ ਚ, ਤਸ੍ਮਾ ਏવ ਇਮਿਸ੍ਸਂ ਕਙ੍ਖਾવਿਤਰਣਿਯਂ ‘‘ਉਪਸਮ੍ਪਨ੍ਨੋਤਿ ਸਙ੍ਖ੍ਯੁਪਗਮਨ’’ਨ੍ਤਿ વੁਤ੍ਤਂ। ਸੁਤ੍ਤਾਧਿਪ੍ਪਾਯੋ ਪਨ ਏવਂ ਗਹੇਤਬ੍ਬੋ – ਅવਨ੍ਦਨ੍ਤੋ ਸਾਮੀਚਿਪ੍ਪਟਿਕ੍ਖੇਪਸਙ੍ਖਾਤਾਯ ਚੋਦਨਾਯ ਚੋਦੇਤਿ ਨਾਮਾਤਿ ਦਸ੍ਸਨਤ੍ਥਂ વੁਤ੍ਤਨ੍ਤਿ। ਤਸ੍ਮਾ ਏવ ‘‘ਏਤ੍ਤਾવਤਾ ਚ ਚੋਦਨਾ ਨਾਮ ਹੋਤੀ’’ਤਿ વੁਤ੍ਤਂ। ਇਧ ਅਧਿਪ੍ਪੇਤਂ ਆਪਤ੍ਤਿਆਪਜ੍ਜਨਾਕਾਰਂ ਦਸ੍ਸੇਤੁਂ ‘‘‘ਕਸ੍ਮਾ ਮਮ વਨ੍ਦਨਾਦੀਨਿ ਨ ਕਰੋਸੀ’ਤਿਆਦਿ વੁਤ੍ਤ’’ਨ੍ਤਿ ਲਿਖਿਤਂ।
‘‘Kasmā mama vandanādīni…pe… ‘ghaṭiteyeva sīsaṃ etī’ti vuttattā antimavatthuajjhāpannakaṃ vandituṃ na vaṭṭatī’’ti vadanti, taṃ na gahetabbaṃ. Parivārāvasāne upālipañcake ‘‘kati nu kho, bhante, avandiyā’’tiādinā (pari. 467) vuttapāḷiyaṃ avuttattā, ‘‘pacchā upasampannena pure upasampanno vandiyo’’ti (pari. 468) vuttattā ca, tasmā eva imissaṃ kaṅkhāvitaraṇiyaṃ ‘‘upasampannoti saṅkhyupagamana’’nti vuttaṃ. Suttādhippāyo pana evaṃ gahetabbo – avandanto sāmīcippaṭikkhepasaṅkhātāya codanāya codeti nāmāti dassanatthaṃ vuttanti. Tasmā eva ‘‘ettāvatā ca codanā nāma hotī’’ti vuttaṃ. Idha adhippetaṃ āpattiāpajjanākāraṃ dassetuṃ ‘‘‘kasmā mama vandanādīni na karosī’tiādi vutta’’nti likhitaṃ.
ਕਤੂਪਸਮ੍ਪਦਨ੍ਤਿ ਯਸ੍ਸ ਉਪਸਮ੍ਪਦਾ ਰੁਹਤਿ, ਤਂ, ਪਣ੍ਡਕਾਦਯੋ। ਠਪਨਕ੍ਖੇਤ੍ਤਨ੍ਤਿ ਏਤ੍ਥ ਸਬ੍ਬਸਙ੍ਗਾਹਿਕਂ, ਪੁਗ੍ਗਲਿਕਞ੍ਚਾਤਿ ਦੁવਿਧਂ ਪવਾਰਣਾਠਪਨਂ। ਤਤ੍ਥ ਸਬ੍ਬਸਙ੍ਗਾਹਿਕੇ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ…ਪੇ॰… ਤੇવਾਚਿਕਂ ਪવਾਰੇ’’ਤਿ ਸੁ-ਕਾਰਤੋ ਯਾવ ਰੇ-ਕਾਰੋ। ਪੁਗ੍ਗਲਿਕਠਪਨੇ ਪਨ ‘‘ਸਙ੍ਘਂ, ਭਨ੍ਤੇ, ਪવਾਰੇਮਿ…ਪੇ॰… ਪਸ੍ਸਨ੍ਤੋ ਪਟੀ’’ਤਿ ਸਂ-ਕਾਰਤੋ ਯਾવ ਅਯਂ ਸਬ੍ਬਪਚ੍ਛਿਮੋ ਟਿ-ਕਾਰੋ, ਏਤ੍ਥਨ੍ਤਰੇ ਏਕਪਦੇਪਿ ਠਪੇਨ੍ਤੇਨ ਠਪਿਤਾ ਹੋਤਿ। ਉਪੋਸਥੇ ਪਨ ਇਮਿਨਾਨੁਸਾਰੇਨ વਿਸੇਸੋ વੇਦਿਤਬ੍ਬੋ ‘‘ਕਰੇਯ੍ਯਾ’’ਤਿ ਰੇ-ਕਾਰੇ ਅਨਤਿਕ੍ਕਮਨ੍ਤੇ।
Katūpasampadanti yassa upasampadā ruhati, taṃ, paṇḍakādayo. Ṭhapanakkhettanti ettha sabbasaṅgāhikaṃ, puggalikañcāti duvidhaṃ pavāraṇāṭhapanaṃ. Tattha sabbasaṅgāhike ‘‘suṇātu me, bhante, saṅgho…pe… tevācikaṃ pavāre’’ti su-kārato yāva re-kāro. Puggalikaṭhapane pana ‘‘saṅghaṃ, bhante, pavāremi…pe… passanto paṭī’’ti saṃ-kārato yāva ayaṃ sabbapacchimo ṭi-kāro, etthantare ekapadepi ṭhapentena ṭhapitā hoti. Uposathe pana iminānusārena viseso veditabbo ‘‘kareyyā’’ti re-kāre anatikkamante.
ਦੁਟ੍ਠਦੋਸਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Duṭṭhadosasikkhāpadavaṇṇanā niṭṭhitā.
