| Library / Tipiṭaka / තිපිටක • Tipiṭaka / සුත්‌තනිපාතපාළි • Suttanipātapāḷi |
3. දුට්‌ඨට්‌ඨකසුත්‌තං
3. Duṭṭhaṭṭhakasuttaṃ
786.
786.
වදන්‌ති වෙ දුට්‌ඨමනාපි එකෙ, අථොපි වෙ සච්‌චමනා වදන්‌ති;
Vadanti ve duṭṭhamanāpi eke, athopi ve saccamanā vadanti;
වාදඤ්‌ච ජාතං මුනි නො උපෙති, තස්‌මා මුනී නත්‌ථි ඛිලො කුහිඤ්‌චි.
Vādañca jātaṃ muni no upeti, tasmā munī natthi khilo kuhiñci.
787.
787.
සකඤ්‌හි දිට්‌ඨිං කථමච්‌චයෙය්‍ය, ඡන්‌දානුනීතො රුචියා නිවිට්‌ඨො;
Sakañhi diṭṭhiṃ kathamaccayeyya, chandānunīto ruciyā niviṭṭho;
සයං සමත්‌තානි පකුබ්‌බමානො, යථා හි ජානෙය්‍ය තථා වදෙය්‍ය.
Sayaṃ samattāni pakubbamāno, yathā hi jāneyya tathā vadeyya.
788.
788.
අනරියධම්‌මං කුසලා තමාහු, යො ආතුමානං සයමෙව පාව.
Anariyadhammaṃ kusalā tamāhu, yo ātumānaṃ sayameva pāva.
789.
789.
සන්‌තො ච භික්‌ඛු අභිනිබ්‌බුතත්‌තො, ඉතිහන්‌ති සීලෙසු අකත්‌ථමානො;
Santo ca bhikkhu abhinibbutatto, itihanti sīlesu akatthamāno;
තමරියධම්‌මං කුසලා වදන්‌ති, යස්‌සුස්‌සදා නත්‌ථි කුහිඤ්‌චි ලොකෙ.
Tamariyadhammaṃ kusalā vadanti, yassussadā natthi kuhiñci loke.
790.
790.
පකප්‌පිතා සඞ්‌ඛතා යස්‌ස ධම්‌මා, පුරක්‌ඛතා 5 සන්‌ති අවීවදාතා;
Pakappitā saṅkhatā yassa dhammā, purakkhatā 6 santi avīvadātā;
යදත්‌තනි පස්‌සති ආනිසංසං, තං නිස්‌සිතො කුප්‌පපටිච්‌ච සන්‌තිං.
Yadattani passati ānisaṃsaṃ, taṃ nissito kuppapaṭicca santiṃ.
791.
791.
දිට්‌ඨීනිවෙසා න හි ස්‌වාතිවත්‌තා, ධම්‌මෙසු නිච්‌ඡෙය්‍ය සමුග්‌ගහීතං;
Diṭṭhīnivesā na hi svātivattā, dhammesu niccheyya samuggahītaṃ;
තස්‌මා නරො තෙසු නිවෙසනෙසු, නිරස්‌සතී ආදියතී ච ධම්‌මං.
Tasmā naro tesu nivesanesu, nirassatī ādiyatī ca dhammaṃ.
792.
792.
ධොනස්‌ස හි නත්‌ථි කුහිඤ්‌චි ලොකෙ, පකප්‌පිතා දිට්‌ඨි භවාභවෙසු;
Dhonassa hi natthi kuhiñci loke, pakappitā diṭṭhi bhavābhavesu;
මායඤ්‌ච මානඤ්‌ච පහාය ධොනො, ස කෙන ගච්‌ඡෙය්‍ය අනූපයො සො.
Māyañca mānañca pahāya dhono, sa kena gaccheyya anūpayo so.
793.
793.
උපයො හි ධම්‌මෙසු උපෙති වාදං, අනූපයං කෙන කථං වදෙය්‍ය;
Upayo hi dhammesu upeti vādaṃ, anūpayaṃ kena kathaṃ vadeyya;
අත්‌තා නිරත්‌තා 7 න හි තස්‌ස අත්‌ථි, අධොසි සො දිට්‌ඨිමිධෙව සබ්‌බන්‌ති.
Attā nirattā 8 na hi tassa atthi, adhosi so diṭṭhimidheva sabbanti.
දුට්‌ඨට්‌ඨකසුත්‌තං තතියං නිට්‌ඨිතං.
Duṭṭhaṭṭhakasuttaṃ tatiyaṃ niṭṭhitaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / සුත්‌තනිපාත-අට්‌ඨකථා • Suttanipāta-aṭṭhakathā / 3. දුට්‌ඨට්‌ඨකසුත්‌තවණ්‌ණනා • 3. Duṭṭhaṭṭhakasuttavaṇṇanā
