| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੩. ਦੁਟ੍ਠਟ੍ਠਕਸੁਤ੍ਤਂ
3. Duṭṭhaṭṭhakasuttaṃ
੭੮੬.
786.
વਦਨ੍ਤਿ વੇ ਦੁਟ੍ਠਮਨਾਪਿ ਏਕੇ, ਅਥੋਪਿ વੇ ਸਚ੍ਚਮਨਾ વਦਨ੍ਤਿ।
Vadanti ve duṭṭhamanāpi eke, athopi ve saccamanā vadanti;
વਾਦਞ੍ਚ ਜਾਤਂ ਮੁਨਿ ਨੋ ਉਪੇਤਿ, ਤਸ੍ਮਾ ਮੁਨੀ ਨਤ੍ਥਿ ਖਿਲੋ ਕੁਹਿਞ੍ਚਿ॥
Vādañca jātaṃ muni no upeti, tasmā munī natthi khilo kuhiñci.
੭੮੭.
787.
ਸਕਞ੍ਹਿ ਦਿਟ੍ਠਿਂ ਕਥਮਚ੍ਚਯੇਯ੍ਯ, ਛਨ੍ਦਾਨੁਨੀਤੋ ਰੁਚਿਯਾ ਨਿવਿਟ੍ਠੋ।
Sakañhi diṭṭhiṃ kathamaccayeyya, chandānunīto ruciyā niviṭṭho;
ਸਯਂ ਸਮਤ੍ਤਾਨਿ ਪਕੁਬ੍ਬਮਾਨੋ, ਯਥਾ ਹਿ ਜਾਨੇਯ੍ਯ ਤਥਾ વਦੇਯ੍ਯ॥
Sayaṃ samattāni pakubbamāno, yathā hi jāneyya tathā vadeyya.
੭੮੮.
788.
ਅਨਰਿਯਧਮ੍ਮਂ ਕੁਸਲਾ ਤਮਾਹੁ, ਯੋ ਆਤੁਮਾਨਂ ਸਯਮੇવ ਪਾવ॥
Anariyadhammaṃ kusalā tamāhu, yo ātumānaṃ sayameva pāva.
੭੮੯.
789.
ਸਨ੍ਤੋ ਚ ਭਿਕ੍ਖੁ ਅਭਿਨਿਬ੍ਬੁਤਤ੍ਤੋ, ਇਤਿਹਨ੍ਤਿ ਸੀਲੇਸੁ ਅਕਤ੍ਥਮਾਨੋ।
Santo ca bhikkhu abhinibbutatto, itihanti sīlesu akatthamāno;
ਤਮਰਿਯਧਮ੍ਮਂ ਕੁਸਲਾ વਦਨ੍ਤਿ, ਯਸ੍ਸੁਸ੍ਸਦਾ ਨਤ੍ਥਿ ਕੁਹਿਞ੍ਚਿ ਲੋਕੇ॥
Tamariyadhammaṃ kusalā vadanti, yassussadā natthi kuhiñci loke.
੭੯੦.
790.
ਪਕਪ੍ਪਿਤਾ ਸਙ੍ਖਤਾ ਯਸ੍ਸ ਧਮ੍ਮਾ, ਪੁਰਕ੍ਖਤਾ 5 ਸਨ੍ਤਿ ਅવੀવਦਾਤਾ।
Pakappitā saṅkhatā yassa dhammā, purakkhatā 6 santi avīvadātā;
ਯਦਤ੍ਤਨਿ ਪਸ੍ਸਤਿ ਆਨਿਸਂਸਂ, ਤਂ ਨਿਸ੍ਸਿਤੋ ਕੁਪ੍ਪਪਟਿਚ੍ਚ ਸਨ੍ਤਿਂ॥
Yadattani passati ānisaṃsaṃ, taṃ nissito kuppapaṭicca santiṃ.
੭੯੧.
791.
ਦਿਟ੍ਠੀਨਿવੇਸਾ ਨ ਹਿ ਸ੍વਾਤਿવਤ੍ਤਾ, ਧਮ੍ਮੇਸੁ ਨਿਚ੍ਛੇਯ੍ਯ ਸਮੁਗ੍ਗਹੀਤਂ।
Diṭṭhīnivesā na hi svātivattā, dhammesu niccheyya samuggahītaṃ;
ਤਸ੍ਮਾ ਨਰੋ ਤੇਸੁ ਨਿવੇਸਨੇਸੁ, ਨਿਰਸ੍ਸਤੀ ਆਦਿਯਤੀ ਚ ਧਮ੍ਮਂ॥
Tasmā naro tesu nivesanesu, nirassatī ādiyatī ca dhammaṃ.
੭੯੨.
792.
ਧੋਨਸ੍ਸ ਹਿ ਨਤ੍ਥਿ ਕੁਹਿਞ੍ਚਿ ਲੋਕੇ, ਪਕਪ੍ਪਿਤਾ ਦਿਟ੍ਠਿ ਭવਾਭવੇਸੁ।
Dhonassa hi natthi kuhiñci loke, pakappitā diṭṭhi bhavābhavesu;
ਮਾਯਞ੍ਚ ਮਾਨਞ੍ਚ ਪਹਾਯ ਧੋਨੋ, ਸ ਕੇਨ ਗਚ੍ਛੇਯ੍ਯ ਅਨੂਪਯੋ ਸੋ॥
Māyañca mānañca pahāya dhono, sa kena gaccheyya anūpayo so.
੭੯੩.
793.
ਉਪਯੋ ਹਿ ਧਮ੍ਮੇਸੁ ਉਪੇਤਿ વਾਦਂ, ਅਨੂਪਯਂ ਕੇਨ ਕਥਂ વਦੇਯ੍ਯ।
Upayo hi dhammesu upeti vādaṃ, anūpayaṃ kena kathaṃ vadeyya;
ਅਤ੍ਤਾ ਨਿਰਤ੍ਤਾ 7 ਨ ਹਿ ਤਸ੍ਸ ਅਤ੍ਥਿ, ਅਧੋਸਿ ਸੋ ਦਿਟ੍ਠਿਮਿਧੇવ ਸਬ੍ਬਨ੍ਤਿ॥
Attā nirattā 8 na hi tassa atthi, adhosi so diṭṭhimidheva sabbanti.
ਦੁਟ੍ਠਟ੍ਠਕਸੁਤ੍ਤਂ ਤਤਿਯਂ ਨਿਟ੍ਠਿਤਂ।
Duṭṭhaṭṭhakasuttaṃ tatiyaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੩. ਦੁਟ੍ਠਟ੍ਠਕਸੁਤ੍ਤવਣ੍ਣਨਾ • 3. Duṭṭhaṭṭhakasuttavaṇṇanā
