Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā

    3. д̣̇удтадтагасуд̇д̇анид̣̇д̣̇зсаван̣н̣анаа

    3. Duṭṭhaṭṭhakasuttaniddesavaṇṇanā

    15. д̣̇удтадтагз батамаг̇аат̇ааяам̣ д̇аава д̇ад̇т̇а вад̣̇анд̇ийд̇и бхаг̇аванд̇ам̣ бхигкусан̇гхан̃жа убавад̣̇анд̇и. д̣̇удтаманааби згз, ат̇оби вз сажжаманаад̇и згажжз д̣̇удтажид̇д̇аа, згажжз д̇ат̇асан̃н̃иноби худ̇ваа д̇ид̇т̇ияаа д̇удтажид̇д̇аа, яз д̇зсам̣ суд̇ваа сад̣̇д̣̇ахим̣су, д̇з сажжаманаад̇и ад̇хиббааяо. ваад̣̇ан̃жа ж̇аад̇анд̇и зд̇ам̣ аггосаваад̣̇ам̣ уббаннам̣. муни но убзд̇ийд̇и агаарагад̇ааяа жа агуббанад̇ааяа жа б̣уд̣̇д̇хамуни на убзд̇и. д̇асмаа муний над̇т̇и кило гухин̃жийд̇и д̇зна гааран̣зна аяам̣ муни, рааг̇аад̣̇икилзхи над̇т̇и кило гухин̃жийд̇и взд̣̇ид̇аб̣б̣о.

    15. Duṭṭhaṭṭhake paṭhamagāthāyaṃ tāva tattha vadantīti bhagavantaṃ bhikkhusaṅghañca upavadanti. Duṭṭhamanāpi eke, athopi ve saccamanāti ekacce duṭṭhacittā, ekacce tathasaññinopi hutvā titthiyā tuṭṭhacittā, ye tesaṃ sutvā saddahiṃsu, te saccamanāti adhippāyo. Vādañca jātanti etaṃ akkosavādaṃ uppannaṃ. Muni no upetīti akārakatāya ca akuppanatāya ca buddhamuni na upeti. Tasmā munī natthi khilo kuhiñcīti tena kāraṇena ayaṃ muni, rāgādikhilehi natthi khilo kuhiñcīti veditabbo.

    д̣̇удтаманаад̇и уббаннзхи д̣̇осзхи д̣̇уусид̇ажид̇д̇аа. вируд̣̇д̇хаманаад̇и д̇зхи гилзсзхи гусаласса д̣̇ваарам̣ ад̣̇ад̇ваа ааварид̇ажид̇д̇аа. бадивируд̣̇д̇хаманаад̇и убасаг̇г̇авасзна бад̣̇ам̣ вад̣дхид̇ам̣. аахад̇аманаад̇и бадигхзна аахад̇ам̣ жид̇д̇ам̣ зд̇зсанд̇и аахад̇аманаа. бажжаахад̇аманаад̇и убасаг̇г̇авасзнзва. аагхаад̇ид̇аманаад̇и вихим̣саавасзна аагхаад̇ид̇ам̣ манам̣ зд̇зсанд̇и аагхаад̇ид̇аманаа. бажжаагхаад̇ид̇аманаад̇и убасаг̇г̇авасзнзва. ат̇а ваа ‘‘год̇хавасзна д̣̇удтаманаа, убанаахавасзна бад̣̇удтаманаа, магкавасзна вируд̣̇д̇хаманаа, бал̣аасавасзна бадивируд̣̇д̇хаманаа, д̣̇осавасзна аахад̇абажжаахад̇аманаа, б̣яаабаад̣̇авасзна аагхаад̇ид̇абажжаагхаад̇ид̇аманаа. бажжаяаанам̣ алаабхзна д̣̇удтаманаа бад̣̇удтаманаа, аяасзна вируд̣̇д̇хаманаа бадивируд̣̇д̇хаманаа, г̇арахзна аахад̇абажжаахад̇аманаа, д̣̇угкавзд̣̇анаасаман̇г̇ийбхаавзна аагхаад̇ид̇абажжаагхаад̇ид̇аманаа’’д̇и звамаад̣̇инаа наязна згз ван̣н̣аяанд̇и. убавад̣̇анд̇ийд̇и г̇арахам̣ уббаад̣̇знд̇и. абхууд̇знаад̇и асам̣виж̇ж̇амаанзна.

    Duṭṭhamanāti uppannehi dosehi dūsitacittā. Viruddhamanāti tehi kilesehi kusalassa dvāraṃ adatvā āvaritacittā. Paṭiviruddhamanāti upasaggavasena padaṃ vaḍḍhitaṃ. Āhatamanāti paṭighena āhataṃ cittaṃ etesanti āhatamanā. Paccāhatamanāti upasaggavaseneva. Āghātitamanāti vihiṃsāvasena āghātitaṃ manaṃ etesanti āghātitamanā. Paccāghātitamanāti upasaggavaseneva. Atha vā ‘‘kodhavasena duṭṭhamanā, upanāhavasena paduṭṭhamanā, makkhavasena viruddhamanā, paḷāsavasena paṭiviruddhamanā, dosavasena āhatapaccāhatamanā, byāpādavasena āghātitapaccāghātitamanā. Paccayānaṃ alābhena duṭṭhamanā paduṭṭhamanā, ayasena viruddhamanā paṭiviruddhamanā, garahena āhatapaccāhatamanā, dukkhavedanāsamaṅgībhāvena āghātitapaccāghātitamanā’’ti evamādinā nayena eke vaṇṇayanti. Upavadantīti garahaṃ uppādenti. Abhūtenāti asaṃvijjamānena.

    сад̣̇д̣̇аханд̇аад̇и басаад̣̇авасзна сад̣̇д̇хам̣ уббаад̣̇знд̇аа. огаббзнд̇аад̇и г̇ун̣авасзна од̇арид̇ваа авагаббаяанд̇аа. ад̇химужжанд̇аад̇и самбасаад̣̇анавасзна саннидтаанам̣ гад̇ваа д̇зсам̣ гат̇ам̣ ад̇хиваасзнд̇аа. сажжаманаад̇и д̇ажчаманаа. сажжасан̃н̃инод̇и д̇ажчасан̃н̃ино. д̇ат̇аманаад̇и авибарийд̇аманаа. бхууд̇аманаад̇и бхууд̇ад̇т̇аманаа. яаат̇ааваманаад̇и нижжаламанаа. авибарийд̇аманаад̇и нижчаяаманаа. д̇ад̇т̇а ‘‘сажжаманаа сажжасан̃н̃ино’’д̇и сажжаваад̣̇иг̇ун̣ам̣, ‘‘д̇ат̇аманаа д̇ат̇асан̃н̃ино’’д̇и сажжасад̣̇д̇хааг̇ун̣ам̣, ‘‘бхууд̇аманаа бхууд̇асан̃н̃ино’’д̇и тид̇аг̇ун̣ам̣, ‘‘яаат̇ааваманаа яаат̇аавасан̃н̃ино’’д̇и бажжаяигаг̇ун̣ам̣, ‘‘авибарийд̇аманаа авибарийд̇асан̃н̃ино’’д̇и ависам̣ваад̣̇аг̇ун̣ам̣ гат̇ид̇анд̇и н̃аад̇аб̣б̣ам̣.

    Saddahantāti pasādavasena saddhaṃ uppādentā. Okappentāti guṇavasena otaritvā avakappayantā. Adhimuccantāti sampasādanavasena sanniṭṭhānaṃ katvā tesaṃ kathaṃ adhivāsentā. Saccamanāti tacchamanā. Saccasaññinoti tacchasaññino. Tathamanāti aviparītamanā. Bhūtamanāti bhūtatthamanā. Yāthāvamanāti niccalamanā. Aviparītamanāti nicchayamanā. Tattha ‘‘saccamanā saccasaññino’’ti saccavādiguṇaṃ, ‘‘tathamanā tathasaññino’’ti saccasaddhāguṇaṃ, ‘‘bhūtamanā bhūtasaññino’’ti ṭhitaguṇaṃ, ‘‘yāthāvamanā yāthāvasaññino’’ti paccayikaguṇaṃ, ‘‘aviparītamanā aviparītasaññino’’ti avisaṃvādaguṇaṃ kathitanti ñātabbaṃ.

    барад̇огхосод̇и ан̃н̃зсам̣ санд̇игаа уббаннасад̣̇д̣̇о. аггосод̇и ж̇аад̇иаад̣̇ийсу д̣̇асасу аггосзсу ан̃н̃ад̇аро. яо ваад̣̇ам̣ убзд̇ийд̇и яо буг̇г̇ало убаваад̣̇ам̣ убаг̇ажчад̇и. гаараго ваад̇и гад̇ад̣̇осо ваа. гаарагад̇ааяаад̇и д̣̇осасса гад̇абхаавзна вужжамаанод̇и гат̇ияамаано. убавад̣̇ияамаанод̇и д̣̇осам̣ убаваж̇ж̇амаано. губбад̇ийд̇и гобам̣ гарод̇и.

    Paratoghosoti aññesaṃ santikā uppannasaddo. Akkosoti jātiādīsu dasasu akkosesu aññataro. Yo vādaṃ upetīti yo puggalo upavādaṃ upagacchati. Kārako vāti katadoso vā. Kārakatāyāti dosassa katabhāvena vuccamānoti kathiyamāno. Upavadiyamānoti dosaṃ upavajjamāno. Kuppatīti kopaṃ karoti.

    кийлаж̇аад̇ад̇ааби над̇т̇ийд̇и жид̇д̇аб̣анд̇хабхааважид̇д̇агажаварабхаавасан̇каад̇ам̣ бадигхакилам̣ ж̇аад̇ам̣ ассаад̇и килаж̇аад̇о, д̇асса бхааво килаж̇аад̇ад̇аа, д̇ааби над̇т̇и на санд̇и. бан̃жаби жзд̇окилаад̇и гаамз авийд̇арааг̇о, гааяз авийд̇арааг̇о, руубз авийд̇арааг̇о, яаавад̣̇ад̇т̇ам̣ уд̣̇араавад̣̇зхагам̣ бхун̃ж̇ид̇ваа сзяяасукам̣ бассасукам̣ мид̣̇д̇хасукам̣ ануяуд̇д̇о вихарад̇и, ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и ‘‘иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами, д̣̇зван̃н̃ад̇аро ваа’’д̇и (ма. ни. 1.186) зваруубаа бан̃жаби жид̇д̇асса б̣анд̇хабхаавагажаварабхаавасан̇каад̇аа жзд̇окилаа над̇т̇и.

    Khīlajātatāpinatthīti cittabandhabhāvacittakacavarabhāvasaṅkhātaṃ paṭighakhilaṃ jātaṃ assāti khilajāto, tassa bhāvo khilajātatā, tāpi natthi na santi. Pañcapi cetokhilāti kāme avītarāgo, kāye avītarāgo, rūpe avītarāgo, yāvadatthaṃ udarāvadehakaṃ bhuñjitvā seyyasukhaṃ passasukhaṃ middhasukhaṃ anuyutto viharati, aññataraṃ devanikāyaṃ paṇidhāya brahmacariyaṃ carati ‘‘imināhaṃ sīlena vā vatena vā tapena vā brahmacariyena vā devo vā bhavissāmi, devaññataro vā’’ti (ma. ni. 1.186) evarūpā pañcapi cittassa bandhabhāvakacavarabhāvasaṅkhātā cetokhilā natthi.

    16. иман̃жа г̇аат̇ам̣ вад̇ваа бхаг̇аваа аананд̣̇ад̇т̇зрам̣ бужчи – ‘‘звам̣ кум̣сзд̇ваа вамбхзд̇ваа вужжамаанаа бхигкуу, аананд̣̇а, гим̣ вад̣̇анд̇ий’’д̇и, ‘‘на гин̃жи бхаг̇аваа’’д̇и. ‘‘на, аананд̣̇а, ‘ахам̣ сийлаваа’д̇и саб̣б̣ад̇т̇а д̇ун̣хий бхавид̇аб̣б̣ам̣. логз хи наабхаасамаанам̣ ж̇аананд̇и, миссам̣ б̣аалзхи бан̣д̣ид̇а’’нд̇и (сам̣. ни. 2.241) вад̇ваа ‘‘бхигкуу, аананд̣̇а, д̇з мануссз звам̣ бадижод̣̇знд̇уу’’д̇и д̇хаммад̣̇зсанад̇т̇ааяа ‘‘абхууд̇аваад̣̇ий нираяам̣ убзд̇ий’’д̇и (д̇ха. ба. 306; уд̣̇аа. 38; ид̇иву. 48; су. ни. 666) имам̣ г̇аат̇ам̣ абхааси. т̇зро д̇ам̣ уг̇г̇ахзд̇ваа бхигкуу ааха – ‘‘мануссаа д̇умхзхи имааяа г̇аат̇ааяа бадижод̣̇зд̇аб̣б̣аа’’д̇и. бхигкуу д̇ат̇аа агам̣су. бан̣д̣ид̇амануссаа д̇ун̣хий ахзсум̣. рааж̇ааби рааж̇абурисз саб̣б̣ад̇т̇а бзсзд̇ваа язсам̣ д̇худ̇д̇аанам̣ лан̃ж̇ам̣ д̣̇ад̇ваа д̇ид̇т̇ияаа д̇ам̣ маараабзсум̣, д̇з г̇ахзд̇ваа ниг̇г̇аяха д̇ам̣ бавад̇д̇им̣ н̃ад̇ваа д̇ид̇т̇ияз барибхааси. мануссааби д̇ид̇т̇ияз д̣̇исваа лзд̣д̣унаа хананд̇и, бам̣сунаа огиранд̇и ‘‘бхаг̇авад̇о аяасам̣ уббаад̣̇зсу’’нд̇и. аананд̣̇ад̇т̇зро д̇ам̣ д̣̇исваа бхаг̇авад̇о аарожзси, бхаг̇аваа т̇зрасса имам̣ г̇аат̇амабхааси ‘‘саган̃хи д̣̇идтим̣…бз… вад̣̇зяяаа’’д̇и.

    16. Imañca gāthaṃ vatvā bhagavā ānandattheraṃ pucchi – ‘‘evaṃ khuṃsetvā vambhetvā vuccamānā bhikkhū, ānanda, kiṃ vadantī’’ti, ‘‘na kiñci bhagavā’’ti. ‘‘Na, ānanda, ‘ahaṃ sīlavā’ti sabbattha tuṇhī bhavitabbaṃ. Loke hi nābhāsamānaṃ jānanti, missaṃ bālehi paṇḍita’’nti (saṃ. ni. 2.241) vatvā ‘‘bhikkhū, ānanda, te manusse evaṃ paṭicodentū’’ti dhammadesanatthāya ‘‘abhūtavādī nirayaṃ upetī’’ti (dha. pa. 306; udā. 38; itivu. 48; su. ni. 666) imaṃ gāthaṃ abhāsi. Thero taṃ uggahetvā bhikkhū āha – ‘‘manussā tumhehi imāya gāthāya paṭicodetabbā’’ti. Bhikkhū tathā akaṃsu. Paṇḍitamanussā tuṇhī ahesuṃ. Rājāpi rājapurise sabbattha pesetvā yesaṃ dhuttānaṃ lañjaṃ datvā titthiyā taṃ mārāpesuṃ, te gahetvā niggayha taṃ pavattiṃ ñatvā titthiye paribhāsi. Manussāpi titthiye disvā leḍḍunā hananti, paṃsunā okiranti ‘‘bhagavato ayasaṃ uppādesu’’nti. Ānandatthero taṃ disvā bhagavato ārocesi, bhagavā therassa imaṃ gāthamabhāsi ‘‘sakañhi diṭṭhiṃ…pe… vadeyyā’’ti.

    д̇асса ад̇т̇о – яааяам̣ д̣̇идти д̇ид̇т̇ияаж̇анасса ‘‘сунд̣̇арим̣ маарзд̇ваа саман̣аанам̣ сагяабуд̇д̇ияаанам̣ аван̣н̣ам̣ багаасзд̇ваа зд̇знубааязна лад̣̇д̇хам̣ саггаарам̣ саад̣̇ияиссаамаа’’д̇и со д̇ам̣ д̣̇идтим̣ гат̇ам̣ ад̇иггамзяяа? ат̇а ко со аяасо д̇амзва д̇ид̇т̇ияаж̇анам̣ бажжааг̇ад̇о д̇ам̣ д̣̇идтим̣ ажжзд̇ум̣ асаггонд̇ам̣. яо ваа сассад̇аад̣̇иваад̣̇ий, соби сагам̣ д̣̇идтим̣ гат̇амажжаязяяа, д̇зна д̣̇идтичанд̣̇зна анунийд̇о д̇ааяа жа д̣̇идтиружияаа нивидто, аби жа ко бана саяам̣ самад̇д̇аани багуб̣б̣амаано ад̇д̇анаава барибун̣н̣аани д̇аани д̣̇идтиг̇ад̇аани гаронд̇о яат̇аа ж̇аанзяяа, д̇ат̇зва вад̣̇зяяаад̇и.

    Tassa attho – yāyaṃ diṭṭhi titthiyajanassa ‘‘sundariṃ māretvā samaṇānaṃ sakyaputtiyānaṃ avaṇṇaṃ pakāsetvā etenupāyena laddhaṃ sakkāraṃ sādiyissāmā’’ti so taṃ diṭṭhiṃ kathaṃ atikkameyya? Atha kho so ayaso tameva titthiyajanaṃ paccāgato taṃ diṭṭhiṃ accetuṃ asakkontaṃ. Yo vā sassatādivādī, sopi sakaṃ diṭṭhiṃ kathamaccayeyya, tena diṭṭhichandena anunīto tāya ca diṭṭhiruciyā niviṭṭho, api ca kho pana sayaṃ samattāni pakubbamāno attanāva paripuṇṇāni tāni diṭṭhigatāni karonto yathā jāneyya, tatheva vadeyyāti.

    аван̣н̣ам̣ багаасаяид̇ваад̇и аг̇ун̣ам̣ баагадам̣ гад̇ваа. саггааранд̇и жад̇уннам̣ бажжаяаанам̣ саггажжагаран̣ам̣. саммаананд̇и жид̇д̇зна б̣ахумаананам̣. бажжаахариссаамаад̇и зд̇ам̣ лаабхаад̣̇им̣ ниб̣б̣ад̇д̇зссаама. звам̣д̣̇идтигаад̇и звам̣лад̣̇д̇хигаа. яат̇аа д̇ам̣ ‘‘лаабхаад̣̇им̣ ниб̣б̣ад̇д̇зссаамаа’’д̇и звам̣ аяам̣ лад̣̇д̇хи д̇зсам̣ ад̇т̇и, д̇ат̇аа ‘‘ад̇т̇и мз вуд̇д̇аббагааро д̇хаммо’’д̇и зд̇зсам̣ камад̇и жзва ружжад̇и жа, звам̣сабхаавамзва ваа д̇зсам̣ жид̇д̇ам̣ ‘‘ад̇т̇и мз жид̇д̇а’’нд̇и. д̇ад̣̇аа д̇зсам̣ д̣̇идти ваа, д̣̇идтияаа саха канд̇и ваа, д̣̇идтиканд̇ийхи сад̣̇д̇хим̣ ружи ваа, д̣̇идтиканд̇иружийхи сад̣̇д̇хим̣ лад̣̇д̇хи ваа, д̣̇идтиканд̇иружилад̣̇д̇хийхи сад̣̇д̇хим̣ аж̇жхаасаяо ваа, д̣̇идтиканд̇иружилад̣̇д̇хиаж̇жхаасаязхи сад̣̇д̇хим̣ ад̇хиббааяо ваа ход̇ийд̇и д̣̇ассзнд̇о ‘‘звам̣д̣̇идтигаа…бз… звам̣ад̇хиббааяаа’’д̇и ааха. сагам̣ д̣̇идтинд̇и ад̇д̇ано д̣̇ассанам̣. сагам̣ канд̇инд̇и ад̇д̇ано саханам̣. сагам̣ ружинд̇и ад̇д̇ано ружим̣. сагам̣ лад̣̇д̇хинд̇и ад̇д̇ано лад̣̇д̇хим̣. сагам̣ аж̇жхаасаяанд̇и ад̇д̇ано аж̇жхаасаяам̣. сагам̣ ад̇хиббааяанд̇и ад̇д̇ано бхаавам̣. ад̇иггамид̇унд̇и самад̇иггамид̇ум̣. ат̇а ко свзва аяасод̇и со зва аяасо згам̣сзна. д̇з бажжааг̇ад̇од̇и д̇зсам̣ бад̇иааг̇ад̇о. д̇зд̇и саамиад̇т̇з убаяог̇аважанам̣.

    Avaṇṇaṃpakāsayitvāti aguṇaṃ pākaṭaṃ katvā. Sakkāranti catunnaṃ paccayānaṃ sakkaccakaraṇaṃ. Sammānanti cittena bahumānanaṃ. Paccāharissāmāti etaṃ lābhādiṃ nibbattessāma. Evaṃdiṭṭhikāti evaṃladdhikā. Yathā taṃ ‘‘lābhādiṃ nibbattessāmā’’ti evaṃ ayaṃ laddhi tesaṃ atthi, tathā ‘‘atthi me vuttappakāro dhammo’’ti etesaṃ khamati ceva ruccati ca, evaṃsabhāvameva vā tesaṃ cittaṃ ‘‘atthi me citta’’nti. Tadā tesaṃ diṭṭhi vā, diṭṭhiyā saha khanti vā, diṭṭhikhantīhi saddhiṃ ruci vā, diṭṭhikhantirucīhi saddhiṃ laddhi vā, diṭṭhikhantiruciladdhīhi saddhiṃ ajjhāsayo vā, diṭṭhikhantiruciladdhiajjhāsayehi saddhiṃ adhippāyo vā hotīti dassento ‘‘evaṃdiṭṭhikā…pe… evaṃadhippāyā’’ti āha. Sakaṃ diṭṭhinti attano dassanaṃ. Sakaṃ khantinti attano sahanaṃ. Sakaṃ rucinti attano ruciṃ. Sakaṃ laddhinti attano laddhiṃ. Sakaṃ ajjhāsayanti attano ajjhāsayaṃ. Sakaṃ adhippāyanti attano bhāvaṃ. Atikkamitunti samatikkamituṃ. Atha kho sveva ayasoti so eva ayaso ekaṃsena. Te paccāgatoti tesaṃ patiāgato. Teti sāmiatthe upayogavacanaṃ.

    ат̇а ваад̇и ад̇т̇анд̇арад̣̇ассанам̣. сассад̇од̇и нижжо д̇хуво. логод̇и ад̇д̇абхааво. ид̣̇амзва сажжам̣, могхаман̃н̃анд̇и ид̣̇ам̣ зва д̇ажчам̣ д̇ат̇ам̣, ан̃н̃ам̣ д̇ужчам̣. самад̇д̇аад̇и самбун̣н̣аа. самаад̣̇иннаад̇и саммаа аад̣̇иннаа. г̇ахид̇аад̇и убаг̇анд̇ваа г̇ахид̇аа.

    Atha vāti atthantaradassanaṃ. Sassatoti nicco dhuvo. Lokoti attabhāvo. Idameva saccaṃ, moghamaññanti idaṃ eva tacchaṃ tathaṃ, aññaṃ tucchaṃ. Samattāti sampuṇṇā. Samādinnāti sammā ādinnā. Gahitāti upagantvā gahitā.

    бараамадтаад̇и саб̣б̣аагаарзна бараамасид̇ваа г̇ахид̇аа. абхинивидтаад̇и висзсзна лад̣̇д̇хаббад̇идтаа. асассад̇од̇и вуд̇д̇авибарияааязна взд̣̇ид̇аб̣б̣о.

    Parāmaṭṭhāti sabbākārena parāmasitvā gahitā. Abhiniviṭṭhāti visesena laddhappatiṭṭhā. Asassatoti vuttavipariyāyena veditabbo.

    анд̇аваад̇и саанд̇о. ананд̇аваад̇и вуд̣̇д̇хиананд̇аваа. д̇ам̣ ж̇ийванд̇и со ж̇ийво, лин̇г̇авибаллаасо гад̇о. ж̇ийвод̇и жа ад̇д̇ааязва. д̇ат̇ааг̇ад̇од̇и сад̇д̇о, ‘‘араха’’нд̇и згз. барам̣ маран̣аад̇и маран̣ад̇о уд̣̇д̇хам̣, баралогзд̇и ад̇т̇о. на ход̇и д̇ат̇ааг̇ад̇о барам̣ маран̣аад̇и маран̣ад̇о уд̣̇д̇хам̣ на ход̇и. ход̇и жа на жа ход̇и д̇ат̇ааг̇ад̇о барам̣ маран̣аад̇и маран̣ад̇о уд̣̇д̇хам̣ ход̇и жа на ход̇и жа. нзва ход̇и на на ход̇и д̇ат̇ааг̇ад̇о барам̣ маран̣аад̇и ужчзд̣̇авасзна нзва ход̇и, д̇аггигавасзна на на ход̇и.

    Antavāti saanto. Anantavāti vuddhianantavā. Taṃ jīvanti so jīvo, liṅgavipallāso kato. Jīvoti ca attāyeva. Tathāgatoti satto, ‘‘araha’’nti eke. Paraṃ maraṇāti maraṇato uddhaṃ, paraloketi attho. Na hoti tathāgato paraṃ maraṇāti maraṇato uddhaṃ na hoti. Hoti ca na ca hoti tathāgato paraṃ maraṇāti maraṇato uddhaṃ hoti ca na hoti ca. Neva hoti na na hoti tathāgato paraṃ maraṇāti ucchedavasena neva hoti, takkikavasena na na hoti.

    сагааяа д̣̇идтияаад̇иаад̣̇аяо гаран̣аважанам̣. аллийнод̇и згийбхууд̇о.

    Sakāyadiṭṭhiyātiādayo karaṇavacanaṃ. Allīnoti ekībhūto.

    саяам̣ самад̇д̇ам̣ гарод̇ийд̇и ад̇д̇анаа уунабхаавам̣ можзд̇ваа саммаа ад̇д̇ам̣ самад̇д̇ам̣ гарод̇и. барибун̣н̣анд̇и ад̇ирзгад̣̇осам̣ можзд̇ваа самбун̣н̣ам̣. аноманд̇и хийнад̣̇осам̣ можзд̇ваа алаамагам̣. аг̇г̇анд̇и аад̣̇им̣. сздтанд̇и бад̇хаанам̣ нид̣̇д̣̇осам̣. висзсанд̇и ж̇здтагам̣ . баамогканд̇и ад̇хигам̣. уд̇д̇аманд̇и висзсам̣ на хздтимам̣. баварам̣ гарод̇ийд̇и ад̇ирзгзна уд̇д̇амам̣ гарод̇и. ат̇а ваа ‘‘аасаяад̣̇осаможанзна аг̇г̇ам̣, сам̣гилзсад̣̇осаможанзна сздтам̣, убаггилзсад̣̇осаможанзна висзсам̣, бамад̇д̇ад̣̇осаможанзна баамогкам̣, маж̇жхимад̣̇осаможанзна уд̇д̇амам̣, уд̇д̇амамаж̇жхимад̣̇осаможанзна баварам̣ гарод̇ий’’д̇и звамзгз ван̣н̣аяанд̇и. аяам̣ сад̇т̇аа саб̣б̣ан̃н̃ууд̇и аяам̣ амхаагам̣ сад̇т̇аа саб̣б̣аж̇аананавасзна саб̣б̣ан̃н̃уу. аяам̣ д̇хаммо сваагкаад̇од̇и аяам̣ амхаагам̣ д̇хаммо судту агкаад̇о. аяам̣ г̇ан̣о суббадибаннод̇и аяам̣ амхаагам̣ г̇ан̣о судту бадибанно. аяам̣ д̣̇идти бхад̣̇д̣̇игаад̇и аяам̣ амхаагам̣ лад̣̇д̇хи сунд̣̇араа. аяам̣ бадибад̣̇аа субан̃н̃ад̇д̇аад̇и аяам̣ амхаагам̣ буб̣б̣абхааг̇аа ад̇д̇анд̇а баад̣̇ибадибад̣̇аа судту бан̃н̃ад̇д̇аа. аяам̣ маг̇г̇о нияяаанигод̇и аяам̣ амхаагам̣ нияяаамогганд̇иго маг̇г̇о нияяаанигод̇и саяам̣ самад̇д̇ам̣ гарод̇и.

    Sayaṃ samattaṃ karotīti attanā ūnabhāvaṃ mocetvā sammā attaṃ samattaṃ karoti. Paripuṇṇanti atirekadosaṃ mocetvā sampuṇṇaṃ. Anomanti hīnadosaṃ mocetvā alāmakaṃ. Agganti ādiṃ. Seṭṭhanti padhānaṃ niddosaṃ. Visesanti jeṭṭhakaṃ . Pāmokkhanti adhikaṃ. Uttamanti visesaṃ na heṭṭhimaṃ. Pavaraṃ karotīti atirekena uttamaṃ karoti. Atha vā ‘‘āsayadosamocanena aggaṃ, saṃkilesadosamocanena seṭṭhaṃ, upakkilesadosamocanena visesaṃ, pamattadosamocanena pāmokkhaṃ, majjhimadosamocanena uttamaṃ, uttamamajjhimadosamocanena pavaraṃ karotī’’ti evameke vaṇṇayanti. Ayaṃ satthā sabbaññūti ayaṃ amhākaṃ satthā sabbajānanavasena sabbaññū. Ayaṃ dhammo svākkhātoti ayaṃ amhākaṃ dhammo suṭṭhu akkhāto. Ayaṃ gaṇo suppaṭipannoti ayaṃ amhākaṃ gaṇo suṭṭhu paṭipanno. Ayaṃ diṭṭhi bhaddikāti ayaṃ amhākaṃ laddhi sundarā. Ayaṃ paṭipadā supaññattāti ayaṃ amhākaṃ pubbabhāgā attanta pādipaṭipadā suṭṭhu paññattā. Ayaṃ maggo niyyānikoti ayaṃ amhākaṃ niyyāmokkantiko maggo niyyānikoti sayaṃ samattaṃ karoti.

    гат̇зяяа ‘‘сассад̇о лого’’д̇и. бхан̣зяяа ‘‘ид̣̇амзва сажжам̣ могхаман̃н̃а’’нд̇и. д̣̇ийбзяяа ‘‘анд̇аваа лого’’д̇и. вохарзяяа наанаавид̇хзна г̇ан̣хаабзяяа ‘‘ход̇и жа на жа ход̇ий’’д̇и.

    Katheyya ‘‘sassato loko’’ti. Bhaṇeyya ‘‘idameva saccaṃ moghamañña’’nti. Dīpeyya ‘‘antavā loko’’ti. Vohareyya nānāvidhena gaṇhāpeyya ‘‘hoti ca na ca hotī’’ti.

    17. ат̇а рааж̇аа сад̇д̇аахажжаязна д̇ам̣ гун̣абам̣ чад̣д̣аабзд̇ваа сааяанхасамаяам̣ вихаарам̣ г̇анд̇ваа бхаг̇аванд̇ам̣ абхиваад̣̇зд̇ваа ааха – ‘‘нану, бханд̇з, ийд̣̇исз аяасз уббаннз маяхамби аарожзд̇аб̣б̣ам̣ сияаа’’д̇и? звам̣ вуд̇д̇з бхаг̇аваа ‘‘на, махаарааж̇а, ‘ахам̣ сийлаваа г̇ун̣асамбанно’д̇и барзсам̣ аарожзд̇ум̣ арияаанам̣ бадирууба’’нд̇и вад̇ваа д̇ассаа адтуббад̇д̇ияаа ‘‘яо ад̇д̇ано сийлавад̇аанийд̇и авасзсаг̇аат̇ааяо абхааси.

    17. Atha rājā sattāhaccayena taṃ kuṇapaṃ chaḍḍāpetvā sāyanhasamayaṃ vihāraṃ gantvā bhagavantaṃ abhivādetvā āha – ‘‘nanu, bhante, īdise ayase uppanne mayhampi ārocetabbaṃ siyā’’ti? Evaṃ vutte bhagavā ‘‘na, mahārāja, ‘ahaṃ sīlavā guṇasampanno’ti paresaṃ ārocetuṃ ariyānaṃ paṭirūpa’’nti vatvā tassā aṭṭhuppattiyā ‘‘yo attano sīlavatānīti avasesagāthāyo abhāsi.

    д̇ад̇т̇а сийлавад̇аанийд̇и баад̇имогкаад̣̇ийни сийлаани, ааран̃н̃игаад̣̇ийни д̇худ̇ан̇г̇авад̇аани жа. анаанубудтод̇и абужчид̇о. бааваад̇и вад̣̇ад̇и. анарияад̇хаммам̣ гусалаа д̇амааху, яо аад̇умаанам̣ саяамзва бааваад̇и яо звам̣ ад̇д̇аанам̣ саяамзва вад̣̇ад̇и, д̇асса д̇ам̣ ваад̣̇ам̣ ‘‘анарияад̇хаммо зсо’’д̇и гусалаа звам̣ гат̇знд̇и.

    Tattha sīlavatānīti pātimokkhādīni sīlāni, āraññikādīni dhutaṅgavatāni ca. Anānupuṭṭhoti apucchito. Pāvāti vadati. Anariyadhammaṃ kusalā tamāhu, yo ātumānaṃ sayameva pāvāti yo evaṃ attānaṃ sayameva vadati, tassa taṃ vādaṃ ‘‘anariyadhammo eso’’ti kusalā evaṃ kathenti.

    ад̇т̇и сийлан̃жзва вад̇ан̃жаад̇и сийланадтзна сийлан̃жзва ад̇т̇и, самаад̣̇аанадтзна вад̇ан̃жа ад̇т̇и, вад̇ам̣ на сийланд̇и вуд̇д̇ад̇т̇зна вад̇ам̣ ад̇т̇и, д̇ам̣ на сийлам̣. гад̇аманд̇и гат̇зд̇угамяад̇аабужчаа. ид̇ха бхигку сийлаваад̇иаад̣̇аяо вуд̇д̇анаяаа зва. сам̣варадтзнаад̇и сам̣варан̣адтзна, вийд̇иггамад̣̇ваарам̣ бид̣̇аханадтзна. самаад̣̇аанадтзнаад̇и д̇ам̣ д̇ам̣ сигкаабад̣̇ам̣ саммаа аад̣̇аанадтзна. ааран̃н̃иган̇г̇анд̇и аран̃н̃з ниваасо сийлам̣ ассаад̇и ааран̃н̃иго, д̇асса ан̇г̇ам̣ ааран̃н̃иган̇г̇ам̣. бин̣д̣абаад̇иган̇г̇анд̇и бхигкаасан̇каад̇аанам̣ барааамисабин̣д̣аанам̣ баад̇о бин̣д̣абаад̇о, барзхи д̣̇иннаанам̣ бин̣д̣аанам̣ бад̇д̇з нибад̇ананд̇и вуд̇д̇ам̣ ход̇и. д̇ам̣ бин̣д̣абаад̇ам̣ ун̃чад̇и д̇ам̣ д̇ам̣ гулам̣ убасан̇гаманд̇о г̇авзсад̇ийд̇и бин̣д̣абаад̇иго, бин̣д̣ааяа ваа бад̇ид̇ум̣ вад̇амзд̇ассаад̇и бин̣д̣абаад̇ий. бад̇ид̇унд̇и жарид̇ум̣. бин̣д̣абаад̇ий зва бин̣д̣абаад̇иго, д̇асса ан̇г̇ам̣ бин̣д̣абаад̇иган̇г̇ам̣. ан̇г̇анд̇и гааран̣ам̣ вужжад̇и. д̇асмаа язна самаад̣̇аанзна со бин̣д̣абаад̇иго ход̇и, д̇ассзд̇ам̣ ад̇хиважананд̇и взд̣̇ид̇аб̣б̣ам̣. зд̇знзва наязна рат̇игаасусаанасан̇гаарагуудаад̣̇ийнам̣ яад̇т̇а гад̇т̇ажи бам̣суунам̣ убари тид̇ад̇д̇аа аб̣бхуг̇г̇ад̇адтзна д̇зсу бам̣сугууламиваад̇и бам̣сугуулам̣. ат̇а ваа бам̣су вияа гужчид̇абхаавам̣ улад̇ийд̇и бам̣сугуулам̣, гужчид̇абхаавам̣ г̇ажчад̇ийд̇и вуд̇д̇ам̣ ход̇и. звам̣ лад̣̇д̇ханиб̣б̣ажанасса бам̣сугууласса д̇хааран̣ам̣ бам̣сугуулам̣, бам̣сугуулам̣ сийламассаад̇и бам̣сугуулиго, бам̣сугуулигасса ан̇г̇ам̣ бам̣сугуулиган̇г̇ам̣. сан̇гхаадиуд̇д̇араасан̇г̇аанд̇араваасагасан̇каад̇ам̣ д̇ижийварам̣ сийламассаад̇и д̇зжийвариго, д̇зжийваригасса ан̇г̇ам̣ д̇зжийвариган̇г̇ам̣. сабад̣̇аанажаариган̇г̇анд̇и д̣̇аанам̣ вужжад̇и авакан̣д̣анам̣, абзд̇ам̣ д̣̇аанад̇о абад̣̇аанам̣, анавакан̣д̣ананд̇и ад̇т̇о. саха абад̣̇аанзна сабад̣̇аанам̣, авакан̣д̣анавирахид̇ам̣, анугхаранд̇и вуд̇д̇ам̣ ход̇и. сабад̣̇аанам̣ жарид̇ум̣ ид̣̇амасса сийланд̇и сабад̣̇аанажаарий, сабад̣̇аанажаарийязва сабад̣̇аанажаариго, д̇асса ан̇г̇ам̣ сабад̣̇аанажаариган̇г̇ам̣. калубажчаабхад̇д̇иган̇г̇анд̇и калууд̇и бадисзд̇ханад̇т̇з нибаад̇о. баваарид̇зна сад̇аа бажчаа лад̣̇д̇хам̣ бхад̇д̇ам̣ бажчаабхад̇д̇ам̣ наама, д̇асса бажчаабхад̇д̇асса бхож̇анам̣ бажчаабхад̇д̇абхож̇анам̣, д̇асмим̣ бажчаабхад̇д̇абхож̇анз бажчаабхад̇д̇асан̃н̃ам̣ гад̇ваа бажчаабхад̇д̇ам̣ сийламассаад̇и бажчаабхад̇д̇иго, на бажчаабхад̇д̇иго калубажчаабхад̇д̇иго, самаад̣̇аанавасзна бадигкид̇д̇аад̇ирид̇д̇абхож̇анассзд̇ам̣ наамам̣, д̇асса ан̇г̇ам̣ калубажчаабхад̇д̇иган̇г̇ам̣ . нзсаж̇ж̇иган̇г̇анд̇и саяанам̣ бадигкибид̇ваа нисаж̇ж̇ааяа вихарид̇ум̣ сийламассаад̇и нзсаж̇ж̇иго, д̇асса ан̇г̇ам̣ нзсаж̇ж̇иган̇г̇ам̣. яат̇аасант̇ад̇иган̇г̇анд̇и яад̣̇зва сант̇ад̇ам̣ яат̇аасант̇ад̇ам̣, ‘‘ид̣̇ам̣ д̇уяхам̣ баабун̣аад̇ий’’д̇и звам̣ батамам̣ уд̣̇д̣̇идтасзнаасанассзд̇ам̣ ад̇хиважанам̣. д̇асмим̣ яат̇аасант̇ад̇з вихарид̇ум̣ сийламассаад̇и яат̇аасант̇ад̇иго, д̇асса ан̇г̇ам̣ яат̇аасант̇ад̇иган̇г̇ам̣. саб̣б̣аанзва банзд̇аани д̇зна д̇зна самаад̣̇аанзна д̇худ̇агилзсад̇д̇аа д̇худ̇асса бхигкуно ан̇г̇аани, гилзсад̇хунанад̇о ваа д̇худ̇анд̇и лад̣̇д̇хавохаарам̣ н̃аан̣ам̣ ан̇г̇ам̣ зд̇зсанд̇и д̇худ̇ан̇г̇аани. ат̇а ваа д̇худ̇аани жа д̇аани бадибагкаанам̣ д̇хунанад̇о ан̇г̇аани жа бадибад̇д̇ияаад̇иби д̇худ̇ан̇г̇аани. звам̣ д̇аавзд̇т̇а ад̇т̇ад̇о вин̃н̃аад̇аб̣б̣о винижчаяо. саб̣б̣аанзва жзд̇аани самаад̣̇аанажзд̇анаалагкан̣аани. вуд̇д̇амби жзд̇ам̣ –

    Atthi sīlañceva vatañcāti sīlanaṭṭhena sīlañceva atthi, samādānaṭṭhena vatañca atthi, vataṃ na sīlanti vuttatthena vataṃ atthi, taṃ na sīlaṃ. Katamanti kathetukamyatāpucchā. Idha bhikkhu sīlavātiādayo vuttanayā eva. Saṃvaraṭṭhenāti saṃvaraṇaṭṭhena, vītikkamadvāraṃ pidahanaṭṭhena. Samādānaṭṭhenāti taṃ taṃ sikkhāpadaṃ sammā ādānaṭṭhena. Āraññikaṅganti araññe nivāso sīlaṃ assāti āraññiko, tassa aṅgaṃ āraññikaṅgaṃ. Piṇḍapātikaṅganti bhikkhāsaṅkhātānaṃ paraāmisapiṇḍānaṃ pāto piṇḍapāto, parehi dinnānaṃ piṇḍānaṃ patte nipatananti vuttaṃ hoti. Taṃ piṇḍapātaṃ uñchati taṃ taṃ kulaṃ upasaṅkamanto gavesatīti piṇḍapātiko, piṇḍāya vā patituṃ vatametassāti piṇḍapātī. Patitunti carituṃ. Piṇḍapātī eva piṇḍapātiko, tassa aṅgaṃ piṇḍapātikaṅgaṃ. Aṅganti kāraṇaṃ vuccati. Tasmā yena samādānena so piṇḍapātiko hoti, tassetaṃ adhivacananti veditabbaṃ. Eteneva nayena rathikāsusānasaṅkārakūṭādīnaṃ yattha katthaci paṃsūnaṃ upari ṭhitattā abbhuggataṭṭhena tesu paṃsukūlamivāti paṃsukūlaṃ. Atha vā paṃsu viya kucchitabhāvaṃ ulatīti paṃsukūlaṃ, kucchitabhāvaṃ gacchatīti vuttaṃ hoti. Evaṃ laddhanibbacanassa paṃsukūlassa dhāraṇaṃ paṃsukūlaṃ, paṃsukūlaṃ sīlamassāti paṃsukūliko, paṃsukūlikassa aṅgaṃ paṃsukūlikaṅgaṃ. Saṅghāṭiuttarāsaṅgaantaravāsakasaṅkhātaṃ ticīvaraṃ sīlamassāti tecīvariko, tecīvarikassa aṅgaṃ tecīvarikaṅgaṃ. Sapadānacārikaṅganti dānaṃ vuccati avakhaṇḍanaṃ, apetaṃ dānato apadānaṃ, anavakhaṇḍananti attho. Saha apadānena sapadānaṃ, avakhaṇḍanavirahitaṃ, anugharanti vuttaṃ hoti. Sapadānaṃ carituṃ idamassa sīlanti sapadānacārī, sapadānacārīyeva sapadānacāriko, tassa aṅgaṃ sapadānacārikaṅgaṃ. Khalupacchābhattikaṅganti khalūti paṭisedhanatthe nipāto. Pavāritena satā pacchā laddhaṃ bhattaṃ pacchābhattaṃ nāma, tassa pacchābhattassa bhojanaṃ pacchābhattabhojanaṃ, tasmiṃ pacchābhattabhojane pacchābhattasaññaṃ katvā pacchābhattaṃ sīlamassāti pacchābhattiko, na pacchābhattiko khalupacchābhattiko, samādānavasena paṭikkhittātirittabhojanassetaṃ nāmaṃ, tassa aṅgaṃ khalupacchābhattikaṅgaṃ . Nesajjikaṅganti sayanaṃ paṭikkhipitvā nisajjāya viharituṃ sīlamassāti nesajjiko, tassa aṅgaṃ nesajjikaṅgaṃ. Yathāsanthatikaṅganti yadeva santhataṃ yathāsanthataṃ, ‘‘idaṃ tuyhaṃ pāpuṇātī’’ti evaṃ paṭhamaṃ uddiṭṭhasenāsanassetaṃ adhivacanaṃ. Tasmiṃ yathāsanthate viharituṃ sīlamassāti yathāsanthatiko, tassa aṅgaṃ yathāsanthatikaṅgaṃ. Sabbāneva panetāni tena tena samādānena dhutakilesattā dhutassa bhikkhuno aṅgāni, kilesadhunanato vā dhutanti laddhavohāraṃ ñāṇaṃ aṅgaṃ etesanti dhutaṅgāni. Atha vā dhutāni ca tāni paṭipakkhānaṃ dhunanato aṅgāni ca paṭipattiyātipi dhutaṅgāni. Evaṃ tāvettha atthato viññātabbo vinicchayo. Sabbāneva cetāni samādānacetanālakkhaṇāni. Vuttampi cetaṃ –

    ‘‘яо самаад̣̇ияад̇и, со буг̇г̇ало. язна самаад̣̇ияад̇и, жид̇д̇ажзд̇асигаа зд̇з д̇хаммаа. яаа самаад̣̇аанажзд̇анаа, д̇ам̣ д̇худ̇ан̇г̇ам̣. яам̣ бадигкибад̇и, д̇ам̣ вад̇т̇у’’нд̇и (висуд̣̇д̇хи. 1.23).

    ‘‘Yo samādiyati, so puggalo. Yena samādiyati, cittacetasikā ete dhammā. Yā samādānacetanā, taṃ dhutaṅgaṃ. Yaṃ paṭikkhipati, taṃ vatthu’’nti (visuddhi. 1.23).

    саб̣б̣аанзва жа лолуббавид̣̇д̇хам̣санарасаани, ниллолуббабхаавабажжубадтаанаани, аббижчад̇аад̣̇иарияад̇хаммабад̣̇адтаанаани. звамзд̇т̇а лагкан̣аад̣̇ийхи винижчаяо взд̣̇ид̇аб̣б̣о.

    Sabbāneva ca loluppaviddhaṃsanarasāni, nilloluppabhāvapaccupaṭṭhānāni, appicchatādiariyadhammapadaṭṭhānāni. Evamettha lakkhaṇādīhi vinicchayo veditabbo.

    вийрияасамаад̣̇аанамбийд̇и вийрияаг̇г̇ахан̣амби. гааманд̇и згам̣сад̇т̇з нибаад̇о. д̇ажо жа нхаару жаад̇и чави жа нхааруваллияо жа. адти жаад̇и саб̣б̣аа адтияо жа. авасиссад̇ууд̇и д̇идтад̇у. убасуссад̇у мам̣салохид̇анд̇и саб̣б̣ам̣ мам̣сан̃жа лохид̇ан̃жа сугкад̇у. ‘‘д̇ажо’’д̇и згам̣ ан̇г̇ам̣, ‘‘нхааруу’’д̇и згам̣, ‘‘адтий’’д̇и згам̣, ‘‘убасуссад̇у мам̣салохид̇а’’нд̇и згам̣ ан̇г̇ам̣. яам̣ д̇анд̇и убари вад̇д̇аб̣б̣абад̣̇зна самб̣анд̇хо. бурисат̇аамзнаад̇и бурисасса гааяигзна б̣алзна, б̣алзнаад̇и н̃аан̣аб̣алзна. вийриязнаад̇и жзд̇асиган̃аан̣авийрияад̇зж̇зна. бараггамзнаад̇и барам̣ барам̣ таанам̣ аггаманзна уссаахаббад̇д̇авийриязна. бад̇д̇аб̣б̣анд̇и яам̣ д̇ам̣ баабун̣ид̇аб̣б̣ам̣. на д̇ам̣ абаабун̣ид̇ваад̇и д̇ам̣ бад̇д̇аб̣б̣ам̣ аббад̇ваа. вийрияасса сан̣таанам̣ бхависсад̇ийд̇и вуд̇д̇аббагаарасса вийрияасса сит̇илад̇д̇ам̣ осийд̣̇анам̣ на бхависсад̇и. ‘‘бадтаана’’нд̇иби баато, аяамзвад̇т̇о. жид̇д̇ам̣ баг̇г̇ан̣хаад̇ийд̇и жид̇д̇ам̣ уссаахам̣ г̇ан̣хаабзд̇и. бад̣̇ахад̇ийд̇и бад̇идтаабзд̇и.

    Vīriyasamādānampīti vīriyaggahaṇampi. Kāmanti ekaṃsatthe nipāto. Taco ca nhāru cāti chavi ca nhāruvalliyo ca. Aṭṭhi cāti sabbā aṭṭhiyo ca. Avasissatūti tiṭṭhatu. Upasussatu maṃsalohitanti sabbaṃ maṃsañca lohitañca sukkhatu. ‘‘Taco’’ti ekaṃ aṅgaṃ, ‘‘nhārū’’ti ekaṃ, ‘‘aṭṭhī’’ti ekaṃ, ‘‘upasussatu maṃsalohita’’nti ekaṃ aṅgaṃ. Yaṃ tanti upari vattabbapadena sambandho. Purisathāmenāti purisassa kāyikena balena, balenāti ñāṇabalena. Vīriyenāti cetasikañāṇavīriyatejena. Parakkamenāti paraṃ paraṃ ṭhānaṃ akkamanena ussāhappattavīriyena. Pattabbanti yaṃ taṃ pāpuṇitabbaṃ. Na taṃ apāpuṇitvāti taṃ pattabbaṃ appatvā. Vīriyassa saṇṭhānaṃ bhavissatīti vuttappakārassa vīriyassa sithilattaṃ osīdanaṃ na bhavissati. ‘‘Paṭṭhāna’’ntipi pāṭho, ayamevattho. Cittaṃ paggaṇhātīti cittaṃ ussāhaṃ gaṇhāpeti. Padahatīti patiṭṭhāpeti.

    наасиссанд̇и на каад̣̇иссаами на бхун̃ж̇иссаами. на бивиссаамийд̇и яааг̇убаанаад̣̇ийни на бивиссаами. вихаарад̇о на нигкамзд̇и сзнаасанад̇о б̣ахи на нигкамзяяам̣. наби бассам̣ нибаад̇зссанд̇и бассам̣ ман̃жз ваа бийтз ваа бхуумияам̣ ваа гадасант̇арагз ваа баад̇анам̣ табанам̣ на гариссаами. д̇ан̣хаасаллз ануухад̇зд̇и д̇ан̣хаасан̇каад̇з ган̣д̣з ануд̣̇д̇хадз, авиг̇ад̇зд̇и ад̇т̇о.

    Nāsissanti na khādissāmi na bhuñjissāmi. Na pivissāmīti yāgupānādīni na pivissāmi. Vihārato na nikkhameti senāsanato bahi na nikkhameyyaṃ. Napi passaṃ nipātessanti passaṃ mañce vā pīṭhe vā bhūmiyaṃ vā kaṭasantharake vā pātanaṃ ṭhapanaṃ na karissāmi. Taṇhāsalle anūhateti taṇhāsaṅkhāte kaṇḍe anuddhaṭe, avigateti attho.

    имам̣ баллан̇ганд̇и саманд̇ад̇о аабхуж̇ид̇ам̣ ууруб̣ад̣̇д̇хаасанам̣. на бхинд̣̇иссаамийд̇и на виж̇ахиссаами. яаава мз на анубаад̣̇ааяаад̇и жад̇уухи убаад̣̇аанзхи г̇ахан̣ам̣ аг̇г̇ахзд̇ваа. аасавзхийд̇и гаамаасаваад̣̇ийхи жад̇уухи аасавзхи. вимужжиссад̇ийд̇и самужчзд̣̇авимуд̇д̇ияаа на мужжиссад̇и. на д̇ааваахам̣ имамхаа аасанаа вудтахиссаамийд̇и аад̣̇им̣ гад̇ваа яаава ругкамуулаа нигкамиссаамийд̇и огаасавасзна вуд̇д̇аа. имасмин̃н̃зва буб̣б̣ан̣хасамаяам̣ арияад̇хаммам̣ аахариссаамийд̇и аад̣̇им̣ гад̇ваа яаава г̇имхзд̇и гаалавасзна вуд̇д̇аа. буримз ваяоканд̇хзд̇иаад̣̇аяо ваяавасзна вуд̇д̇аа. д̇ад̇т̇а аасанаа на вудтахиссаамийд̇и нисиннаасанаа на удтахиссаами. ад̣дхаяог̇аад̇и нигун̣д̣аг̇зхаа. баасаад̣̇аад̇и д̣̇ийгхабаасаад̣̇аа. хаммияаад̇и мун̣д̣ажчад̣̇анаг̇зхаа. г̇ухааяаад̇и бам̣суг̇ухааяа. лзн̣аад̇и марияаад̣̇ачиннажчид̣̇д̣̇аа баб̣б̣ад̇алзн̣аа. гудияаад̇и уллид̇д̇аад̣̇игудияаа. гуудааг̇аараад̇и ган̣н̣игам̣ ааробзд̇ваа гад̇аг̇зхад̇о. аддаад̇и д̣̇ваараддаалагаа. маал̣аад̇и ваддаг̇зхаа. уд̣̇д̣̇ан̣д̣о наама зго бад̇иссаяависзсо. ‘‘д̇ичад̣̇анаг̇зхо’’д̇иби згз. убадтаанасаалаад̇и саннибаад̇асаалаа бхож̇анасаалаа ваа. ман̣д̣абаад̣̇аяо баагадааязва. арияад̇хамманд̇и анаваж̇ж̇ад̇хаммам̣, арияаанам̣ ваа б̣уд̣̇д̇хабажжзгаб̣уд̣̇д̇хаб̣уд̣̇д̇хасаавагаанам̣ д̇хаммам̣. аахариссаамийд̇и мама жид̇д̇асамийбам̣ аанаяиссаами сийлзна. самаахариссаамийд̇и висзсзна аанаяиссаами самаад̇хинаа. ад̇хиг̇ажчиссаамийд̇и бадилаабхавасзна г̇амиссаами д̇ад̣̇ан̇г̇зна. пассаяиссаамийд̇и пусиссаами маг̇г̇зна. сажчигариссаамийд̇и бажжагкам̣ гариссаами палзна. ат̇а ваа сод̇аабад̇д̇имаг̇г̇зна аахариссаами. сагад̣̇ааг̇аамимаг̇г̇зна самаахариссаами, анааг̇аамимаг̇г̇зна ад̇хиг̇ажчиссаами, арахад̇д̇амаг̇г̇зна пассаяиссаами, бажжавзгкан̣зна сажчигариссаами. д̣̇вийсуби наязсу пассаяиссаамийд̇и наамагааязна ниб̣б̣аанам̣ пусиссаамийд̇и ад̇т̇о.

    Imaṃ pallaṅkanti samantato ābhujitaṃ ūrubaddhāsanaṃ. Na bhindissāmīti na vijahissāmi. Yāva me na anupādāyāti catūhi upādānehi gahaṇaṃ aggahetvā. Āsavehīti kāmāsavādīhi catūhi āsavehi. Vimuccissatīti samucchedavimuttiyā na muccissati. Na tāvāhaṃ imamhā āsanā vuṭṭhahissāmīti ādiṃ katvā yāva rukkhamūlā nikkhamissāmīti okāsavasena vuttā. Imasmiññeva pubbaṇhasamayaṃ ariyadhammaṃ āharissāmīti ādiṃ katvā yāva gimheti kālavasena vuttā. Purime vayokhandhetiādayo vayavasena vuttā. Tattha āsanā na vuṭṭhahissāmīti nisinnāsanā na uṭṭhahissāmi. Aḍḍhayogāti nikuṇḍagehā. Pāsādāti dīghapāsādā. Hammiyāti muṇḍacchadanagehā. Guhāyāti paṃsuguhāya. Leṇāti mariyādachinnacchiddā pabbataleṇā. Kuṭiyāti ullittādikuṭiyā. Kūṭāgārāti kaṇṇikaṃ āropetvā katagehato. Aṭṭāti dvāraṭṭālakā. Māḷāti vaṭṭagehā. Uddaṇḍo nāma eko patissayaviseso. ‘‘Tichadanageho’’tipi eke. Upaṭṭhānasālāti sannipātasālā bhojanasālā vā. Maṇḍapādayo pākaṭāyeva. Ariyadhammanti anavajjadhammaṃ, ariyānaṃ vā buddhapaccekabuddhabuddhasāvakānaṃ dhammaṃ. Āharissāmīti mama cittasamīpaṃ ānayissāmi sīlena. Samāharissāmīti visesena ānayissāmi samādhinā. Adhigacchissāmīti paṭilābhavasena gamissāmi tadaṅgena. Phassayissāmīti phusissāmi maggena. Sacchikarissāmīti paccakkhaṃ karissāmi phalena. Atha vā sotāpattimaggena āharissāmi. Sakadāgāmimaggena samāharissāmi, anāgāmimaggena adhigacchissāmi, arahattamaggena phassayissāmi, paccavekkhaṇena sacchikarissāmi. Dvīsupi nayesu phassayissāmīti nāmakāyena nibbānaṃ phusissāmīti attho.

    абудтод̇и муулабад̣̇ам̣, д̇асса абужчид̇од̇и ад̇т̇о. абужчид̇од̇и аж̇аанаабид̇о. аяаажид̇од̇и анааяаажид̇о. анаж̇жхзсид̇од̇и анаан̣аабид̇о , ‘‘на ижчид̇о’’д̇и згз. абасаад̣̇ид̇од̇и на басаад̣̇аабид̇о. баавад̣̇ад̇ийд̇и гат̇аяад̇и. ахамасмийд̇и ахам̣ асми бхаваами. ж̇аад̇ияаа ваад̇и кад̇д̇ияаб̣раахман̣аж̇аад̇ияаа ваа. г̇од̇д̇зна ваад̇и г̇од̇амаад̣̇иг̇од̇д̇зна ваа. голабуд̇д̇иязна ваад̇и гулабуд̇д̇абхаавзна ваа. ван̣н̣абогкарад̇ааяа ваад̇и сарийрасунд̣̇арад̇ааяа ваа. д̇ханзна ваад̇и д̇ханасамбад̇д̇ияаа ваа. аж̇жхзнзна ваад̇и аж̇жхааяагаран̣зна ваа. гаммааяад̇анзна ваад̇и гаммамзва гаммааяад̇анам̣, д̇зна гаммааяад̇анзна, гасиг̇орагкагаммаад̣̇инаа ваа. сиббааяад̇анзна ваад̇и д̇ханусиббаад̣̇инаа ваа. виж̇ж̇аадтаанзна ваад̇и адтаарасавиж̇ж̇аадтаанзна ваа. суд̇зна ваад̇и б̣ахуссуд̇аг̇ун̣зна ваа. бадибхаанзна ваад̇и гааран̣аагааран̣абадибхаанасан̇каад̇ан̃аан̣зна ваа. ан̃н̃ад̇аран̃н̃ад̇арзна ваа вад̇т̇унаад̇и ж̇аад̇иаад̣̇ийнам̣ згзгзна вад̇т̇унаа ваа.

    Apuṭṭhoti mūlapadaṃ, tassa apucchitoti attho. Apucchitoti ajānāpito. Ayācitoti anāyācito. Anajjhesitoti anāṇāpito , ‘‘na icchito’’ti eke. Apasāditoti na pasādāpito. Pāvadatīti kathayati. Ahamasmīti ahaṃ asmi bhavāmi. Jātiyā vāti khattiyabrāhmaṇajātiyā vā. Gottena vāti gotamādigottena vā. Kolaputtiyena vāti kulaputtabhāvena vā. Vaṇṇapokkharatāya vāti sarīrasundaratāya vā. Dhanena vāti dhanasampattiyā vā. Ajjhenena vāti ajjhāyakaraṇena vā. Kammāyatanena vāti kammameva kammāyatanaṃ, tena kammāyatanena, kasigorakkhakammādinā vā. Sippāyatanena vāti dhanusippādinā vā. Vijjāṭṭhānena vāti aṭṭhārasavijjāṭṭhānena vā. Sutena vāti bahussutaguṇena vā. Paṭibhānena vāti kāraṇākāraṇapaṭibhānasaṅkhātañāṇena vā. Aññataraññatarena vā vatthunāti jātiādīnaṃ ekekena vatthunā vā.

    ужжаа гулаад̇и кад̇д̇ияаб̣раахман̣агулаа, зд̇зна ж̇аад̇иг̇од̇д̇амахад̇д̇ам̣ д̣̇ийбзд̇и. махаабхог̇агулаад̇и г̇ахабад̇имахаасаалагулаа, зд̇зна ад̣дхамахад̇д̇ам̣ д̣̇ийбзд̇и. ул̣аарабхог̇агулаад̇и авасзсавзссаад̣̇игулаа, зд̇зна бахууд̇аж̇аад̇аруубараж̇ад̇аад̣̇им̣ д̣̇ийбзд̇и. жан̣д̣аалааби хи ул̣аарабхог̇аа хонд̇и. н̃аад̇од̇и баагадо. яассассийд̇и бариваарасамбанно. суд̇д̇анд̇игод̇и суд̇д̇анд̇з нияуд̇д̇о. винаяад̇харод̇и винаяабидагад̇харо. д̇хаммагат̇игод̇и аабхид̇хаммиго. ааран̃н̃игод̇иаад̣̇аяо д̇худ̇ан̇г̇абуб̣б̣ан̇г̇амабадибад̇д̇ид̣̇ассанад̇т̇ам̣ вуд̇д̇аа. батамасса жхаанасса лаабхийд̇иаад̣̇аяо руубааруубаадтасамаабад̇д̇ияо д̣̇ассзд̇ваа бадивзд̇хад̣̇ассанавасзна вуд̇д̇аа. баавад̣̇ад̇ийд̇и муулабад̣̇ам̣. гат̇зд̇ийд̇и ‘‘бидагаажарияосмий’’д̇и гат̇аяад̇и. бхан̣ад̇ийд̇и ‘‘д̇худ̇ан̇г̇игомхий’’д̇и баагадам̣ гарод̇и. д̣̇ийбаяад̇ийд̇и ‘‘руубаж̇жхаанам̣ лаабхиймхий’’д̇и барид̣̇ийбаяад̇и. вохарад̇ийд̇и ‘‘аруубаж̇жхаанам̣ лаабхиймхий’’д̇и ваагяабхзд̣̇ам̣ гарод̇и.

    Uccā kulāti khattiyabrāhmaṇakulā, etena jātigottamahattaṃ dīpeti. Mahābhogakulāti gahapatimahāsālakulā, etena aḍḍhamahattaṃ dīpeti. Uḷārabhogakulāti avasesavessādikulā, etena pahūtajātarūparajatādiṃ dīpeti. Caṇḍālāpi hi uḷārabhogā honti. Ñātoti pākaṭo. Yassassīti parivārasampanno. Suttantikoti suttante niyutto. Vinayadharoti vinayapiṭakadharo. Dhammakathikoti ābhidhammiko. Āraññikotiādayo dhutaṅgapubbaṅgamapaṭipattidassanatthaṃ vuttā. Paṭhamassa jhānassa lābhītiādayo rūpārūpaaṭṭhasamāpattiyo dassetvā paṭivedhadassanavasena vuttā. Pāvadatīti mūlapadaṃ. Kathetīti ‘‘piṭakācariyosmī’’ti kathayati. Bhaṇatīti ‘‘dhutaṅgikomhī’’ti pākaṭaṃ karoti. Dīpayatīti ‘‘rūpajjhānaṃ lābhīmhī’’ti paridīpayati. Voharatīti ‘‘arūpajjhānaṃ lābhīmhī’’ti vākyabhedaṃ karoti.

    канд̇хагусалаад̇и бан̃жасу канд̇хзсу салагкан̣асааман̃н̃алагкан̣зсу чзгаа, н̃аад̇ад̇ийран̣абахаанавасзна гусалаад̇и ад̇т̇о. д̇хаад̇уааяад̇анабадижжасамуббаад̣̇аад̣̇ийсуби зсзва наяо. ниб̣б̣аанагусалаад̇и ниб̣б̣аанз чзгаа. анарияаананд̇и на арияаанам̣. зсо д̇хаммод̇и зсо сабхааво. б̣аалаананд̇и абан̣д̣ид̇аанам̣. асаббурисаананд̇и на собханабурисаанам̣. ад̇д̇аад̇и ад̇д̇аанам̣.

    Khandhakusalāti pañcasu khandhesu salakkhaṇasāmaññalakkhaṇesu chekā, ñātatīraṇapahānavasena kusalāti attho. Dhātuāyatanapaṭiccasamuppādādīsupi eseva nayo. Nibbānakusalāti nibbāne chekā. Anariyānanti na ariyānaṃ. Eso dhammoti eso sabhāvo. Bālānanti apaṇḍitānaṃ. Asappurisānanti na sobhanapurisānaṃ. Attāti attānaṃ.

    18. санд̇од̇и рааг̇аад̣̇игилзсуубасамзна санд̇о. д̇ат̇аа абхиниб̣б̣уд̇ад̇д̇о. ид̇и’ханд̇и сийлзсу агад̇т̇амаанод̇и ‘‘ахамасми сийласамбанно’’д̇иаад̣̇инаа наязна ид̇и сийлзсу агад̇т̇амаано, сийланимид̇д̇ам̣ ад̇д̇убанааяигам̣ ваажам̣ абхаасамаанод̇и вуд̇д̇ам̣ ход̇и. д̇амарияад̇хаммам̣ гусалаа вад̣̇анд̇ийд̇и д̇асса д̇ам̣ агад̇т̇анам̣ ‘‘арияад̇хаммо зсо’’д̇и б̣уд̣̇д̇хаад̣̇аяо канд̇хаад̣̇игусалаа вад̣̇анд̇и. яассуссад̣̇аа над̇т̇и гухин̃жи логзд̇и яасса кийн̣аасавасса рааг̇аад̣̇аяо сад̇д̇уссад̣̇аа гухин̃жи логз над̇т̇и. д̇асса д̇ам̣ агад̇т̇анам̣ ‘‘арияад̇хаммо зсо’’д̇и звам̣ гусалаа вад̣̇анд̇ийд̇и самб̣анд̇хо.

    18.Santoti rāgādikilesūpasamena santo. Tathā abhinibbutatto. Iti’hanti sīlesu akatthamānoti ‘‘ahamasmi sīlasampanno’’tiādinā nayena iti sīlesu akatthamāno, sīlanimittaṃ attupanāyikaṃ vācaṃ abhāsamānoti vuttaṃ hoti. Tamariyadhammaṃ kusalā vadantīti tassa taṃ akatthanaṃ ‘‘ariyadhammo eso’’ti buddhādayo khandhādikusalā vadanti. Yassussadā natthi kuhiñci loketi yassa khīṇāsavassa rāgādayo sattussadā kuhiñci loke natthi. Tassa taṃ akatthanaṃ ‘‘ariyadhammo eso’’ti evaṃ kusalā vadantīti sambandho.

    санд̇од̇и муулабад̣̇ам̣. рааг̇асса самид̇ад̇д̇аад̇и ран̃ж̇аналагкан̣асса рааг̇асса самид̇абхаавзна. д̣̇осаад̣̇ийсуби зсзва наяо. виж̇жхаад̇ад̇д̇аад̇и саб̣б̣абарил̣аахаанам̣ жхаабид̇ад̇д̇аа. ниб̣б̣уд̇ад̇д̇аад̇и саб̣б̣асанд̇аабаанам̣ ниб̣б̣аабид̇абхаавзна. виг̇ад̇ад̇д̇аад̇и саб̣б̣аагусалаабхисан̇каараанам̣ виг̇ад̇абхаавзна д̣̇уурабхаавзна. бадибассад̣̇д̇хад̇д̇аад̇и саб̣б̣аагаарзна абхаб̣б̣уббад̇д̇игабхаавзна. сад̇д̇аннам̣ д̇хаммаанам̣ бхиннад̇д̇аа бхигкууд̇и убари вад̇д̇аб̣б̣аанам̣ сад̇д̇ад̇хаммаанам̣ бхинд̣̇ид̇ваа тид̇абхаавзна бхигку. саггааяад̣̇идтивижигижчаасийлаб̣б̣ад̇абараамаасод̇и имз д̇аяо гилзсаа сод̇аабад̇д̇имаг̇г̇зна бхиннаа, рааг̇о д̣̇осод̇и имз д̣̇вз гилзсаа ол̣ааригаа сагад̣̇ааг̇аамимаг̇г̇зна бхиннаа, д̇з зва ан̣усахаг̇ад̇аа анааг̇аамимаг̇г̇зна бхиннаа, мохо маанод̇и имз д̣̇вз гилзсаа арахад̇д̇амаг̇г̇зна бхиннаа. авасзсз гилзсз д̣̇ассзд̇ум̣ ‘‘бхиннаасса хонд̇и баабагаа агусалаа д̇хаммаа’’д̇и ааха. сам̣гилзсигаад̇и гилзсабажжаяаа. бонобхавигаад̇и бунаб̣бхавад̣̇ааяигаа. сад̣̇араад̇и гилзсад̣̇арат̇аа зд̇т̇а санд̇ийд̇и сад̣̇араа. ‘‘сад̣̇д̣̇араа’’д̇иби баато, сахад̣̇арат̇аад̇и ад̇т̇о. д̣̇угкавибаагаад̇и палагаалз д̣̇угкад̣̇ааяигаа. ааяад̇им̣ ж̇аад̇иж̇араамаран̣ияаад̇и анааг̇ад̇з ж̇аад̇иж̇араамаран̣асса бажжаяаа.

    Santoti mūlapadaṃ. Rāgassa samitattāti rañjanalakkhaṇassa rāgassa samitabhāvena. Dosādīsupi eseva nayo. Vijjhātattāti sabbapariḷāhānaṃ jhāpitattā. Nibbutattāti sabbasantāpānaṃ nibbāpitabhāvena. Vigatattāti sabbākusalābhisaṅkhārānaṃ vigatabhāvena dūrabhāvena. Paṭipassaddhattāti sabbākārena abhabbuppattikabhāvena. Sattannaṃdhammānaṃ bhinnattā bhikkhūti upari vattabbānaṃ sattadhammānaṃ bhinditvā ṭhitabhāvena bhikkhu. Sakkāyadiṭṭhivicikicchāsīlabbataparāmāsoti ime tayo kilesā sotāpattimaggena bhinnā, rāgo dosoti ime dve kilesā oḷārikā sakadāgāmimaggena bhinnā, te eva aṇusahagatā anāgāmimaggena bhinnā, moho mānoti ime dve kilesā arahattamaggena bhinnā. Avasese kilese dassetuṃ ‘‘bhinnāssa honti pāpakā akusalā dhammā’’ti āha. Saṃkilesikāti kilesapaccayā. Ponobhavikāti punabbhavadāyikā. Sadarāti kilesadarathā ettha santīti sadarā. ‘‘Saddarā’’tipi pāṭho, sahadarathāti attho. Dukkhavipākāti phalakāle dukkhadāyikā. Āyatiṃ jātijarāmaraṇiyāti anāgate jātijarāmaraṇassa paccayā.

    баж̇ж̇зна гад̇зна ад̇д̇анаад̇и г̇аат̇ааяа аяам̣ бин̣д̣ад̇т̇о – яо ад̇д̇анаа бхаавид̇зна маг̇г̇зна бариниб̣б̣аанам̣ г̇ад̇о, гилзсабариниб̣б̣аанам̣ бад̇д̇о, бариниб̣б̣аанаг̇ад̇ад̇д̇аа зва жа вид̇ин̣н̣аган̇ко, вибад̇д̇исамбад̇д̇ихаанивуд̣̇д̇хиужчзд̣̇асассад̇аабун̃н̃абун̃н̃аббабхзд̣̇ам̣ бхаван̃жа вибхаван̃жа виббахааяа маг̇г̇аваасам̣ вусид̇аваа кийн̣абунаб̣бхавод̇и зд̇зсам̣ т̇уд̇иважанаанам̣ арахо со бхигкууд̇и.

    Pajjenakatena attanāti gāthāya ayaṃ piṇḍattho – yo attanā bhāvitena maggena parinibbānaṃ gato, kilesaparinibbānaṃ patto, parinibbānagatattā eva ca vitiṇṇakaṅkho, vipattisampattihānivuddhiucchedasassataapuññapuññappabhedaṃ bhavañca vibhavañca vippahāya maggavāsaṃ vusitavā khīṇapunabbhavoti etesaṃ thutivacanānaṃ araho so bhikkhūti.

    ид̇иханд̇и , ид̣̇аханд̇ийд̇и д̣̇увид̇хо баато. ид̇ийд̇и бад̣̇асанд̇хиаад̣̇аяо санд̇хааяа ‘‘ид̣̇аха’’нд̇и баатам̣ на рожзнд̇и. д̇ад̇т̇а ид̇ийд̇и яам̣ вуд̇д̇ам̣. бад̣̇асанд̇хийд̇и бад̣̇аанам̣ санд̇хи бад̣̇асанд̇хи, бад̣̇агхадананд̇и ад̇т̇о. бад̣̇асам̣саг̇г̇од̇и бад̣̇аанам̣ згийбхааво. бад̣̇абаарибуурийд̇и бад̣̇аанам̣ барибууран̣ам̣ д̣̇виннам̣ бад̣̇аанам̣ згийбхааво. агкарасамавааяод̇и згийбхууд̇оби абарибун̣н̣оби ход̇и, аяам̣ на звам̣. агкараанам̣ самавааяо саннибаад̇о ход̇ийд̇и д̣̇ассанад̇т̇ам̣ ‘‘агкарасамавааяо’’д̇и ааха. б̣яан̃ж̇анасилидтад̇аад̇и б̣яан̃ж̇анасамужжаяо бад̣̇амийд̇и вуд̇д̇аанам̣ б̣яан̃ж̇анаанам̣ ад̇т̇аб̣яан̃ж̇анаанам̣ ад̇т̇аб̣яад̇д̇игааран̣аанам̣ ваа мад̇хурабхаавад̇д̇аа баатасса муд̣̇убхааво. бад̣̇аанубуб̣б̣ад̇аа мзд̇анд̇и бад̣̇аанам̣ анубуб̣б̣абхааво бад̣̇аанубуб̣б̣ад̇аа, бад̣̇абадибаадибхаавод̇и ад̇т̇о. мзд̇анд̇и зд̇ам̣. гад̇аманд̇и жз? ид̇ийд̇и ид̣̇ам̣. мзд̇анд̇и зд̇т̇а ма-гааро бад̣̇асанд̇хивасзна вуд̇д̇о. гад̇т̇ий ход̇ийд̇и ‘‘ахамасми сийласамбанно’’д̇и ад̇д̇аанам̣ уггам̣сзд̇ваа гат̇анасийло ход̇и. гад̇т̇ад̇ийд̇и вуд̇д̇анаязна гат̇аяад̇и. вигад̇т̇ад̇ийд̇и вивид̇хаа гат̇аяад̇и. гад̇т̇анаад̇и гат̇анаа. аарад̇од̇и д̣̇уурад̇о рад̇о. вирад̇од̇и таанасан̇ганд̇ивасзна виг̇ад̇абхаавзна рад̇о. бадивирад̇од̇и д̇ад̇о нивад̇д̇ид̇ваа саб̣б̣аагаарзна вияуд̇д̇о худ̇ваа рад̇о. д̇ад̇т̇а бисаажам̣ вияа д̣̇исваа балаад̇о аарад̇о. хад̇т̇имхи мад̣̇д̣̇анд̇з вияа барид̇хаавид̇ваа г̇ад̇о вирад̇о. яод̇хасамбахаарам̣ вияа бот̇зд̇ваа мад̣̇д̣̇зд̇ваа г̇ад̇о бадивирад̇о.

    Itihanti, idahantīti duvidho pāṭho. Itīti padasandhiādayo sandhāya ‘‘idaha’’nti pāṭhaṃ na rocenti. Tattha itīti yaṃ vuttaṃ. Padasandhīti padānaṃ sandhi padasandhi, padaghaṭananti attho. Padasaṃsaggoti padānaṃ ekībhāvo. Padapāripūrīti padānaṃ paripūraṇaṃ dvinnaṃ padānaṃ ekībhāvo. Akkharasamavāyoti ekībhūtopi aparipuṇṇopi hoti, ayaṃ na evaṃ. Akkharānaṃ samavāyo sannipāto hotīti dassanatthaṃ ‘‘akkharasamavāyo’’ti āha. Byañjanasiliṭṭhatāti byañjanasamuccayo padamīti vuttānaṃ byañjanānaṃ atthabyañjanānaṃ atthabyattikāraṇānaṃ vā madhurabhāvattā pāṭhassa mudubhāvo. Padānupubbatāmetanti padānaṃ anupubbabhāvo padānupubbatā, padapaṭipāṭibhāvoti attho. Metanti etaṃ. Katamanti ce? Itīti idaṃ. Metanti ettha ma-kāro padasandhivasena vutto. Katthī hotīti ‘‘ahamasmi sīlasampanno’’ti attānaṃ ukkaṃsetvā kathanasīlo hoti. Katthatīti vuttanayena kathayati. Vikatthatīti vividhā kathayati. Katthanāti kathanā. Āratoti dūrato rato. Viratoti ṭhānasaṅkantivasena vigatabhāvena rato. Paṭiviratoti tato nivattitvā sabbākārena viyutto hutvā rato. Tattha pisācaṃ viya disvā palāto ārato. Hatthimhi maddante viya paridhāvitvā gato virato. Yodhasampahāraṃ viya pothetvā maddetvā gato paṭivirato.

    кийн̣аасавассаад̇и кийн̣агилзсаасавасса. гаммуссад̣̇од̇и бун̃н̃аабхисан̇каараабун̃н̃аабхисан̇каарааанзн̃ж̇аабхисан̇каарасан̇каад̇аанам̣ гаммаанам̣ уссад̣̇о уссаннад̇аа. яассимзд̇и яасса кийн̣аасавасса имз уссад̣̇аа.

    Khīṇāsavassāti khīṇakilesāsavassa. Kammussadoti puññābhisaṅkhāraapuññābhisaṅkhāraāneñjābhisaṅkhārasaṅkhātānaṃ kammānaṃ ussado ussannatā. Yassimeti yassa khīṇāsavassa ime ussadā.

    19. звам̣ кийн̣аасавабадибад̇д̇им̣ д̣̇ассзд̇ваа ид̣̇аани д̣̇идтиг̇ад̇игаанам̣ д̇ид̇т̇ияаанам̣ бадибад̇д̇ин̃жа д̣̇ассзнд̇о ааха ‘‘багаббид̇аа сан̇кад̇аа’’д̇и. д̇ад̇т̇а багаббид̇аад̇и баригаббид̇аа. сан̇кад̇аад̇и бажжаяаабхисан̇кад̇аа. яассаад̇и яасса гассажи д̣̇идтиг̇ад̇игасса. д̇хаммаад̇и д̣̇идтияо. бурагкад̇аад̇и бурад̇о гад̇аа. санд̇ийд̇и сам̣виж̇ж̇анд̇и. авийвад̣̇аад̇аад̇и авод̣̇аад̇аа. яад̣̇ад̇д̇ани бассад̇и аанисам̣сам̣, д̇ам̣ ниссид̇о губбабадижжасанд̇инд̇и яассзд̇з д̣̇идтид̇хаммаа ‘бурагкад̇аа авод̣̇аад̇аа санд̇и, со звам̣вид̇хо яасмаа ад̇д̇ани д̇ассаа д̣̇идтияаа д̣̇идтад̇хаммиган̃жа саггаараад̣̇им̣, самбарааяиган̃жа г̇ад̇ивисзсаад̣̇им̣ аанисам̣сам̣ самбассад̇и, д̇асмаа д̇ан̃жа аанисам̣сам̣, д̇ан̃жа губбад̇ааяа жа бадижжасамуббаннад̇ааяа жа саммуд̇исанд̇ид̇ааяа жа губбабадижжасанд̇исан̇каад̇ам̣ д̣̇идтим̣ ниссид̇о жа ход̇и. со д̇ам̣ ниссид̇ад̇д̇аа ад̇д̇аанам̣ ваа уггам̣сзяяа, барз ваа вамбхзяяа абхууд̇зхиби г̇ун̣ад̣̇осзхи.

    19. Evaṃ khīṇāsavapaṭipattiṃ dassetvā idāni diṭṭhigatikānaṃ titthiyānaṃ paṭipattiñca dassento āha ‘‘pakappitā saṅkhatā’’ti. Tattha pakappitāti parikappitā. Saṅkhatāti paccayābhisaṅkhatā. Yassāti yassa kassaci diṭṭhigatikassa. Dhammāti diṭṭhiyo. Purakkhatāti purato katā. Santīti saṃvijjanti. Avīvadātāti avodātā. Yadattani passati ānisaṃsaṃ, taṃ nissito kuppapaṭiccasantinti yassete diṭṭhidhammā ‘purakkhatā avodātā santi, so evaṃvidho yasmā attani tassā diṭṭhiyā diṭṭhadhammikañca sakkārādiṃ, samparāyikañca gativisesādiṃ ānisaṃsaṃ sampassati, tasmā tañca ānisaṃsaṃ, tañca kuppatāya ca paṭiccasamuppannatāya ca sammutisantitāya ca kuppapaṭiccasantisaṅkhātaṃ diṭṭhiṃ nissito ca hoti. So taṃ nissitattā attānaṃ vā ukkaṃseyya, pare vā vambheyya abhūtehipi guṇadosehi.

    сан̇кад̇аад̇и муулабад̣̇ам̣. сан̇кад̇аад̇и бажжаязхи самааг̇анд̇ваа гад̇аа. убасаг̇г̇авасзна бад̣̇ам̣ вад̣дхид̇ам̣. абхисан̇кад̇аад̇и бажжаязхи абхигад̇аа. сан̣табид̇аад̇и бажжаяавасзнзва саммаа табид̇аа. анижжаад̇и худ̇ваа абхаавзна. бадижжасамуббаннаад̇и вад̇т̇аарамман̣ам̣ бадижжа уббаннаа. каяад̇хаммаад̇и гамзна каяасабхааваа. ваяад̇хаммаад̇и бавад̇д̇ивасзна барихааяанасабхааваа. вирааг̇ад̇хаммаад̇и анивад̇д̇ий худ̇ваа виг̇ажчанасабхааваа. нирод̇хад̇хаммаад̇и нируж̇жханасабхааваа, ануббад̇д̇ид̇хаммаа худ̇ваа нируж̇жханасабхааваад̇и ад̇т̇о. д̣̇идтиг̇ад̇игассаад̇и д̣̇ваасадтид̣̇идтияо г̇ахзд̇ваа тид̇абуг̇г̇аласса.

    Saṅkhatāti mūlapadaṃ. Saṅkhatāti paccayehi samāgantvā katā. Upasaggavasena padaṃ vaḍḍhitaṃ. Abhisaṅkhatāti paccayehi abhikatā. Saṇṭhapitāti paccayavaseneva sammā ṭhapitā. Aniccāti hutvā abhāvena. Paṭiccasamuppannāti vatthārammaṇaṃ paṭicca uppannā. Khayadhammāti kamena khayasabhāvā. Vayadhammāti pavattivasena parihāyanasabhāvā. Virāgadhammāti anivattī hutvā vigacchanasabhāvā. Nirodhadhammāti nirujjhanasabhāvā, anuppattidhammā hutvā nirujjhanasabhāvāti attho. Diṭṭhigatikassāti dvāsaṭṭhidiṭṭhiyo gahetvā ṭhitapuggalassa.

    бурзгкаараад̇и бурз гад̇аа. д̇ан̣хаад̇хаж̇од̇и уссаабид̇адтзна д̇ан̣хаад̇хаж̇о, д̇ан̣хаабадаагаа асса ад̇т̇ийд̇и д̇ан̣хаад̇хаж̇о. бурзжааригадтзна д̇ан̣хаа зва гзд̇у ассаад̇и д̇ан̣хаагзд̇у. д̇ан̣хаад̇хибад̇зяяод̇и чанд̣̇аад̇хибад̇ивасзна, д̇ан̣хаа ад̇хибад̇ид̇о ааг̇ад̇аад̇и ваа д̇ан̣хаад̇хибад̇зяяо, д̇ан̣хаад̇хибад̇и ваа зд̇асса ад̇т̇ийд̇и д̇ан̣хаад̇хибад̇зяяо. д̣̇идтид̇хаж̇аад̣̇ийсуби зсзва наяо. авод̣̇аад̇аад̇и абарисуд̣̇д̇хаа. сам̣гилидтаад̇и саяам̣ гилидтаа. сам̣гилзсигаад̇и д̇абанийяаа.

    Purekkhārāti pure katā. Taṇhādhajoti ussāpitaṭṭhena taṇhādhajo, taṇhāpaṭākā assa atthīti taṇhādhajo. Purecārikaṭṭhena taṇhā eva ketu assāti taṇhāketu. Taṇhādhipateyyoti chandādhipativasena, taṇhā adhipatito āgatāti vā taṇhādhipateyyo, taṇhādhipati vā etassa atthīti taṇhādhipateyyo. Diṭṭhidhajādīsupi eseva nayo. Avodātāti aparisuddhā. Saṃkiliṭṭhāti sayaṃ kiliṭṭhā. Saṃkilesikāti tapanīyā.

    д̣̇вз аанисам̣сз бассад̇ийд̇и д̣̇вз г̇ун̣з д̣̇агкад̇и. д̣̇идтад̇хаммиган̃жа аанисам̣санд̇и имасмим̣язва ад̇д̇абхаавз бажжагкад̇хаммаанисам̣сан̃жа. самбарааяиганд̇и баралогз бад̇д̇аб̣б̣ам̣ аанисам̣сан̃жа. яам̣д̣̇идтиго сад̇т̇аа ход̇ийд̇и сад̇т̇аа яат̇аалад̣̇д̇хиго бхавад̇и. д̇ам̣д̣̇идтигаа саавагаа хонд̇ийд̇и д̇асса важанам̣ сун̣анд̇аа саавагааби д̇ат̇аалад̣̇д̇хигаа хонд̇и. саггаронд̇ийд̇и саггаараббад̇д̇ам̣ гаронд̇и. г̇арум̣ гаронд̇ийд̇и г̇аругаараббад̇д̇ам̣ гаронд̇и. маанзнд̇ийд̇и манасаа бияааяанд̇и. бууж̇знд̇ийд̇и жад̇убажжаяаабхихаарабууж̇ааяа бууж̇знд̇и. абажид̇им̣ гаронд̇ийд̇и абажид̇иббад̇д̇ам̣ гаронд̇и. д̇ад̇т̇а яасса жад̇д̇ааро бажжаяз саггарид̇ваа суабхисан̇кад̇з бан̣ийд̇з гад̇ваа д̣̇знд̇и, со саггад̇о. яасмим̣ г̇арубхаавам̣ бадтабзд̇ваа д̣̇знд̇и, со г̇аругад̇о. яам̣ манасаа бияааяанд̇и, со маанид̇о. яасса саб̣б̣амбзд̇ам̣ гаронд̇и, со бууж̇ид̇о. яасса абхиваад̣̇анабажжубадтаанаан̃ж̇алигаммаад̣̇ивасзна бараманибажжагаарам̣ гаронд̇и, со абажид̇о. гзжи ‘‘саггаронд̇и гааязна, г̇арум̣ гаронд̇и ваажааяа, маанзнд̇и жид̇д̇зна, бууж̇знд̇и лаабхзнаа’’д̇и ван̣н̣аяанд̇и. алам̣ нааг̇ад̇д̇ааяа ваад̇и нааг̇абхаавааяа нааг̇арааж̇абхаавааяа ваа алам̣ барияад̇д̇ам̣. субан̣н̣ад̇д̇ааяа ваад̇и субан̣н̣арааж̇абхаавааяа. яагкад̇д̇ааяа ваад̇и яагкасзнаабад̇ибхаавааяа. асурад̇д̇ааяа ваад̇и асурабхаавааяа. г̇анд̇хаб̣б̣ад̇д̇ааяа ваад̇и г̇анд̇хаб̣б̣ад̣̇звагхадз ниб̣б̣ад̇д̇абхаавааяа. махаарааж̇ад̇д̇ааяа ваад̇и жад̇уннам̣ махаарааж̇аанам̣ ан̃н̃ад̇арабхаавааяа. инд̣̇ад̇д̇ааяа ваад̇и саггабхаавааяа. б̣рахмад̇д̇ааяа ваад̇и б̣рахмагааяигаад̣̇ийнам̣ ан̃н̃ад̇арабхаавааяа. д̣̇звад̇д̇ааяа ваад̇и саммуд̇ид̣̇зваад̣̇ийнам̣ ан̃н̃ад̇арабхаавааяа. суд̣̇д̇хияаад̇и барисуд̣̇д̇хабхаавааяа алам̣ барияад̇д̇ам̣. висуд̣̇д̇хияаад̇и саб̣б̣амаларахид̇аажжанд̇абарисуд̣̇д̇хабхаавааяа. барисуд̣̇д̇хияаад̇и саб̣б̣аагаарзна барисуд̣̇д̇хабхаавааяа.

    Dve ānisaṃse passatīti dve guṇe dakkhati. Diṭṭhadhammikañca ānisaṃsanti imasmiṃyeva attabhāve paccakkhadhammānisaṃsañca. Samparāyikanti paraloke pattabbaṃ ānisaṃsañca. Yaṃdiṭṭhiko satthā hotīti satthā yathāladdhiko bhavati. Taṃdiṭṭhikā sāvakā hontīti tassa vacanaṃ suṇantā sāvakāpi tathāladdhikā honti. Sakkarontīti sakkārappattaṃ karonti. Garuṃ karontīti garukārappattaṃ karonti. Mānentīti manasā piyāyanti. Pūjentīti catupaccayābhihārapūjāya pūjenti. Apacitiṃ karontīti apacitippattaṃ karonti. Tattha yassa cattāro paccaye sakkaritvā suabhisaṅkhate paṇīte katvā denti, so sakkato. Yasmiṃ garubhāvaṃ paṭṭhapetvā denti, so garukato. Yaṃ manasā piyāyanti, so mānito. Yassa sabbampetaṃ karonti, so pūjito. Yassa abhivādanapaccupaṭṭhānaañjalikammādivasena paramanipaccakāraṃ karonti, so apacito. Keci ‘‘sakkaronti kāyena, garuṃ karonti vācāya, mānenti cittena, pūjenti lābhenā’’ti vaṇṇayanti. Alaṃ nāgattāya vāti nāgabhāvāya nāgarājabhāvāya vā alaṃ pariyattaṃ. Supaṇṇattāya vāti supaṇṇarājabhāvāya. Yakkhattāya vāti yakkhasenāpatibhāvāya. Asurattāyavāti asurabhāvāya. Gandhabbattāya vāti gandhabbadevaghaṭe nibbattabhāvāya. Mahārājattāya vāti catunnaṃ mahārājānaṃ aññatarabhāvāya. Indattāya vāti sakkabhāvāya. Brahmattāya vāti brahmakāyikādīnaṃ aññatarabhāvāya. Devattāya vāti sammutidevādīnaṃ aññatarabhāvāya. Suddhiyāti parisuddhabhāvāya alaṃ pariyattaṃ. Visuddhiyāti sabbamalarahitaaccantaparisuddhabhāvāya. Parisuddhiyāti sabbākārena parisuddhabhāvāya.

    д̇ад̇т̇а д̇иражчаанаяонияам̣ ад̇хибажжад̇д̇ам̣ суд̣̇д̇хияаа. д̣̇звалогз ад̇хибажжад̇д̇ам̣ висуд̣̇д̇хияаа. б̣рахмалогз ад̇хибажжад̇д̇ам̣ барисуд̣̇д̇хияаа. жад̇ураасийд̇игаббасахассаани ад̇иггамид̇ваа мужжанад̇т̇ам̣ муд̇д̇ияаа. анд̇арааяаабхаавзна мужжанад̇т̇ам̣ вимуд̇д̇ияаа. саб̣б̣аагаарзна муд̇д̇ияаа баримуд̇д̇ияаа. суж̇жханд̇ийд̇и д̇асмим̣ самаяз баб̣б̣аж̇ид̇абхаавзна суд̣̇д̇хим̣ баабун̣анд̇и. висуж̇жханд̇ийд̇и баб̣б̣аж̇ж̇ам̣ г̇ахзд̇ваа бадибад̇д̇ияаа яуд̇д̇абхаавзна вивид̇хзна суж̇жханд̇и. барисуж̇жханд̇ийд̇и нибпад̇д̇им̣ баабзд̇ваа саб̣б̣аагаарзна суж̇жханд̇и. мужжанд̇и д̇зсам̣ самаяанд̇арад̇хаммзна. вимужжанд̇и зд̇асса сад̇т̇уно оваад̣̇зна. баримужжанд̇и зд̇асса сад̇т̇уно анусаасанзна. суж̇жхиссаамийд̇иаад̣̇аяо анааг̇ад̇авасзна вуд̇д̇аа. ааяад̇им̣ палабаадиган̇кийд̇и анааг̇ад̇з вибаагапаламааган̇камаано. ид̣̇ам̣ д̣̇идтиг̇ад̇игаанам̣ ижчаамад̇д̇ам̣. д̣̇идтиг̇ад̇ан̃хи иж̇жхамаанам̣ нираяам̣ ваа д̇иражчаанаяоним̣ ваа нибпаад̣̇зд̇и.

    Tattha tiracchānayoniyaṃ adhipaccattaṃ suddhiyā. Devaloke adhipaccattaṃ visuddhiyā. Brahmaloke adhipaccattaṃ parisuddhiyā. Caturāsītikappasahassāni atikkamitvā muccanatthaṃ muttiyā. Antarāyābhāvena muccanatthaṃ vimuttiyā. Sabbākārena muttiyā parimuttiyā. Sujjhantīti tasmiṃ samaye pabbajitabhāvena suddhiṃ pāpuṇanti. Visujjhantīti pabbajjaṃ gahetvā paṭipattiyā yuttabhāvena vividhena sujjhanti. Parisujjhantīti nipphattiṃ pāpetvā sabbākārena sujjhanti. Muccanti tesaṃ samayantaradhammena. Vimuccanti etassa satthuno ovādena. Parimuccanti etassa satthuno anusāsanena. Sujjhissāmītiādayo anāgatavasena vuttā. Āyatiṃ phalapāṭikaṅkhīti anāgate vipākaphalamākaṅkhamāno. Idaṃ diṭṭhigatikānaṃ icchāmattaṃ. Diṭṭhigatañhi ijjhamānaṃ nirayaṃ vā tiracchānayoniṃ vā nipphādeti.

    ажжанд̇асанд̇ийд̇и ад̇ианд̇аниссаран̣асанд̇и. д̇ад̣̇ан̇г̇асанд̇ийд̇и батамаж̇жхаанаад̣̇иг̇ун̣ан̇г̇зна нийваран̣аад̣̇иаг̇ун̣ан̇г̇ам̣ самзд̇ийд̇и жхаанам̣ д̇ад̣̇ан̇г̇асанд̇и. саммуд̇исанд̇ийд̇и самаахааравасзна д̣̇идтисанд̇и. д̇аа вибхааг̇ад̇о д̣̇ассзд̇ум̣ ‘‘гад̇амаа ажжанд̇асанд̇ий’’д̇иаад̣̇имааха. амад̇ам̣ ниб̣б̣аананд̇и звамаад̣̇аяо хздтаа вуд̇д̇ад̇т̇ааязва. батамам̣ жхаанам̣ самаабаннасса нийваран̣аа санд̇аа хонд̇ийд̇и звамаад̣̇аяо анд̇о аббанааяам̣ ад̇исаяавасзна вуд̇д̇аа. аби жа саммуд̇исанд̇и имасмим̣ ад̇т̇з ад̇хиббзд̇аа, санд̇ийд̇и ид̇арз д̣̇вз санд̇ияо бадигкибид̇ваа саммуд̇исанд̇имзва д̣̇ийбзд̇и. губбасанд̇инд̇и вибаагаж̇анагавасзна баривад̇д̇анавасзна жаласанд̇им̣ . багуббасанд̇инд̇и висзсзна жаласанд̇им̣. зрид̇асанд̇инд̇и гамбанасанд̇им̣. самзрид̇асанд̇инд̇и висзсзна гамбид̇асанд̇им̣. жалид̇асанд̇инд̇и д̇ассзва взважанам̣. гхаддид̇асанд̇инд̇и бийл̣ид̇асанд̇им̣. санд̇им̣ ниссид̇од̇и д̣̇идтисан̇каад̇ам̣ санд̇им̣ ниссид̇о. ассид̇од̇и аасид̇о висзсзна ниссид̇о. аллийнод̇и згийбхууд̇о.

    Accantasantīti atiantanissaraṇasanti. Tadaṅgasantīti paṭhamajjhānādiguṇaṅgena nīvaraṇādiaguṇaṅgaṃ sametīti jhānaṃ tadaṅgasanti. Sammutisantīti samāhāravasena diṭṭhisanti. Tā vibhāgato dassetuṃ ‘‘katamā accantasantī’’tiādimāha. Amataṃnibbānanti evamādayo heṭṭhā vuttatthāyeva. Paṭhamaṃ jhānaṃ samāpannassa nīvaraṇā santā hontīti evamādayo anto appanāyaṃ atisayavasena vuttā. Api ca sammutisanti imasmiṃ atthe adhippetā, santīti itare dve santiyo paṭikkhipitvā sammutisantimeva dīpeti. Kuppasantinti vipākajanakavasena parivattanavasena calasantiṃ . Pakuppasantinti visesena calasantiṃ. Eritasantinti kampanasantiṃ. Sameritasantinti visesena kampitasantiṃ. Calitasantinti tasseva vevacanaṃ. Ghaṭṭitasantinti pīḷitasantiṃ. Santiṃ nissitoti diṭṭhisaṅkhātaṃ santiṃ nissito. Assitoti āsito visesena nissito. Allīnoti ekībhūto.

    20. звам̣ ниссид̇з д̇аава ‘‘д̣̇идтийнивзсаа…бз… аад̣̇ияад̇ий жа д̇хамма’’нд̇и д̇ад̇т̇а д̣̇идтийнивзсаад̇и ид̣̇ам̣сажжаабхинивзсасан̇каад̇аани д̣̇идтинивзсанаани. на хи сваад̇ивад̇д̇аад̇и сукзна ад̇ивад̇д̇ид̇аб̣б̣аа на хонд̇и. д̇хаммзсу нижчзяяа самуг̇г̇ахийд̇анд̇и д̣̇ваасадтид̣̇идтиг̇ад̇зсу д̇ам̣ д̇ам̣ самуг̇г̇ахид̇ам̣ абхинивидтад̇хаммам̣ нижчинид̇ваа бавад̇д̇аа д̣̇идтинивзсаа на хи сваад̇ивад̇д̇аад̇и вуд̇д̇ам̣ ход̇и. д̇асмаа наро д̇зсу нивзсанзсу, нирассад̇ий аад̣̇ияад̇ий жа д̇хамманд̇и яасмаа на хи сваад̇ивад̇д̇аа, д̇асмаа наро д̇зсуязва д̣̇идтинивзсанзсу аж̇асийлаг̇осийлагуггурасийлабан̃жаад̇абамаруббабаад̇ауггудигаббад̇хаанаган̣дагаабассаяаад̣̇ибхзд̣̇ам̣ сад̇т̇аарам̣ д̇хаммагкаанам̣ г̇ан̣аад̣̇ибхзд̣̇ан̃жа д̇ам̣ д̇ам̣ д̇хаммам̣ нирассад̇и жа аад̣̇ияад̇и жа ж̇ахад̇и жа г̇ан̣хаад̇и жа ванамаггадо вияа д̇ам̣ д̇ам̣ сааканд̇и вуд̇д̇ам̣ ход̇и.

    20. Evaṃ nissite tāva ‘‘diṭṭhīnivesā…pe… ādiyatī ca dhamma’’nti tattha diṭṭhīnivesāti idaṃsaccābhinivesasaṅkhātāni diṭṭhinivesanāni. Na hi svātivattāti sukhena ativattitabbā na honti. Dhammesu niccheyya samuggahītanti dvāsaṭṭhidiṭṭhigatesu taṃ taṃ samuggahitaṃ abhiniviṭṭhadhammaṃ nicchinitvā pavattā diṭṭhinivesā na hi svātivattāti vuttaṃ hoti. Tasmā naro tesu nivesanesu, nirassatī ādiyatī ca dhammanti yasmā na hi svātivattā, tasmā naro tesuyeva diṭṭhinivesanesu ajasīlagosīlakukkurasīlapañcātapamaruppapātaukkuṭikappadhānakaṇṭakāpassayādibhedaṃ satthāraṃ dhammakkhānaṃ gaṇādibhedañca taṃ taṃ dhammaṃ nirassati ca ādiyati ca jahati ca gaṇhāti ca vanamakkaṭo viya taṃ taṃ sākhanti vuttaṃ hoti.

    звам̣ нирассанд̇о жа аад̣̇ияанд̇о жа анавадтид̇ажид̇д̇ад̇д̇аа асанд̇зхиби г̇ун̣ад̣̇осзхи ад̇д̇ано ваа барасса ваа яасааяасам̣ уббаад̣̇зяяа. д̣̇урад̇ивад̇д̇аад̇и ад̇иггамид̇ум̣ д̣̇угкаа. д̣̇уд̇д̇араад̇и д̣̇ууд̇д̇араа. д̣̇уббад̇араа д̣̇уссамад̇иггамаа д̣̇уб̣б̣инивад̇д̇аад̇и убасаг̇г̇зна вад̣дхид̇аа.

    Evaṃ nirassanto ca ādiyanto ca anavaṭṭhitacittattā asantehipi guṇadosehi attano vā parassa vā yasāyasaṃ uppādeyya. Durativattāti atikkamituṃ dukkhā. Duttarāti duuttarā. Duppatarā dussamatikkamā dubbinivattāti upasaggena vaḍḍhitā.

    нижчинид̇ваад̇и сассад̇авасзна нижчаяам̣ гад̇ваа. винижчинид̇ваад̇и ад̇д̇авасзна наанаавид̇хзна винижчаяам̣ гад̇ваа. вижинид̇ваад̇и бариязсид̇ваа. бавижинид̇ваад̇и ад̇д̇анияавасзна саб̣б̣аагаарзна бариязсид̇ваа. ‘‘нижинид̇ваа вижжинид̇ваа’’д̇иби баато. од̇хиг̇г̇ааход̇и авад̇хияид̇ваа г̇аахо. б̣илаг̇г̇ааход̇и годтаасавасзна г̇аахо ‘‘б̣иласо вибхаж̇ид̇ваа’’д̇иаад̣̇ийсу (д̣̇ий. ни. 2.378; ма. ни. 1.111) вияа. вараг̇г̇ааход̇и уд̇д̇амаг̇аахо. годтаасаг̇г̇ааход̇и аваяававасзна г̇аахо. ужжаяаг̇г̇ааход̇и раасивасзна г̇аахо. самужжаяаг̇г̇ааход̇и годтаасавасзна раасивасзна жа г̇аахо. ид̣̇ам̣ сажжанд̇и ид̣̇амзва сабхаавам̣. д̇ажчанд̇и д̇ат̇абхаавам̣ авибарийд̇асабхаавам̣. д̇ат̇анд̇и вибарин̣аамарахид̇ам̣. бхууд̇анд̇и виж̇ж̇амаанам̣. яаат̇ааванд̇и яат̇аасабхаавам̣. авибарийд̇анд̇и на вибарийд̇ам̣.

    Nicchinitvāti sassatavasena nicchayaṃ katvā. Vinicchinitvāti attavasena nānāvidhena vinicchayaṃ katvā. Vicinitvāti pariyesitvā. Pavicinitvāti attaniyavasena sabbākārena pariyesitvā. ‘‘Nicinitvā viccinitvā’’tipi pāṭho. Odhiggāhoti avadhiyitvā gāho. Bilaggāhoti koṭṭhāsavasena gāho ‘‘bilaso vibhajitvā’’tiādīsu (dī. ni. 2.378; ma. ni. 1.111) viya. Varaggāhoti uttamagāho. Koṭṭhāsaggāhoti avayavavasena gāho. Uccayaggāhoti rāsivasena gāho. Samuccayaggāhoti koṭṭhāsavasena rāsivasena ca gāho. Idaṃ saccanti idameva sabhāvaṃ. Tacchanti tathabhāvaṃ aviparītasabhāvaṃ. Tathanti vipariṇāmarahitaṃ. Bhūtanti vijjamānaṃ. Yāthāvanti yathāsabhāvaṃ. Aviparītanti na viparītaṃ.

    нирассад̇ийд̇и ниассад̇и вигкибад̇и. баравижчинд̣̇анааяа ваад̇и барзхи виссаж̇ж̇аабанзна. анабхисамбхун̣анд̇о ваад̇и асамбаабун̣анд̇о ваа асаггонд̇о ваа виссаж̇ж̇зд̇и. баро вижчинд̣̇зд̇ийд̇и ан̃н̃о вияог̇ам̣ гарод̇и. над̇т̇зд̇т̇аад̇и над̇т̇и зд̇т̇а. сийлам̣ анабхисамбхун̣анд̇од̇и сийлам̣ асамбаад̣̇знд̇о. сийлам̣ нирассад̇ийд̇и сийлам̣ виссаж̇ж̇зд̇и. ид̇о барзсуби зсзва наяо.

    Nirassatīti niassati vikkhipati. Paravicchindanāya vāti parehi vissajjāpanena. Anabhisambhuṇanto vāti asampāpuṇanto vā asakkonto vā vissajjeti. Paro vicchindetīti añño viyogaṃ karoti. Natthetthāti natthi ettha. Sīlaṃ anabhisambhuṇantoti sīlaṃ asampādento. Sīlaṃ nirassatīti sīlaṃ vissajjeti. Ito paresupi eseva nayo.

    21. яо банааяам̣ саб̣б̣ад̣̇идтиг̇ад̇аад̣̇ид̣̇осад̇хунанааяа бан̃н̃ааяа саманнааг̇ад̇ад̇д̇аа д̇хоно, д̇асса д̇хонасса хи…бз… ануубаяо со. гим̣ вуд̇д̇ам̣ ход̇и? д̇хонад̇хаммасаманнааг̇амаа д̇хонасса д̇худ̇асаб̣б̣абаабасса арахад̇о гад̇т̇ажи логз д̇зсу д̇зсу бхавзсу сам̣габбанаа д̣̇идти над̇т̇и. со д̇ассаа д̣̇идтияаа абхааваа, яааяа жа ад̇д̇анаа гад̇ам̣ баабагаммам̣ бадижчаад̣̇знд̇аа д̇ид̇т̇ияаа мааяааяа ваа маанзна ваа звам̣ аг̇ад̇им̣ г̇ажчанд̇и, д̇амби мааяан̃жа маанан̃жа бахааяа д̇хоно рааг̇аад̣̇ийнам̣ д̣̇осаанам̣ гзна г̇ажчзяяа, д̣̇идтад̇хаммз самбарааяз ваа нираяаад̣̇ийсу г̇ад̇ивисзсзсу гзна сан̇кам̣ г̇ажчзяяа, ануубаяо со, со хи д̇ан̣хаад̣̇идтиубаяаанам̣ д̣̇виннам̣ абхаавзна ануубаяод̇и.

    21. Yo panāyaṃ sabbadiṭṭhigatādidosadhunanāya paññāya samannāgatattā dhono, tassa dhonassa hi…pe… anūpayo so. Kiṃ vuttaṃ hoti? Dhonadhammasamannāgamā dhonassa dhutasabbapāpassa arahato katthaci loke tesu tesu bhavesu saṃkappanā diṭṭhi natthi. So tassā diṭṭhiyā abhāvā, yāya ca attanā kataṃ pāpakammaṃ paṭicchādentā titthiyā māyāya vā mānena vā evaṃ agatiṃ gacchanti, tampi māyañca mānañca pahāya dhono rāgādīnaṃ dosānaṃ kenagaccheyya, diṭṭhadhamme samparāye vā nirayādīsu gativisesesu kena saṅkhaṃ gaccheyya, anūpayo so, so hi taṇhādiṭṭhiupayānaṃ dvinnaṃ abhāvena anūpayoti.

    гим̣ гааран̣аад̇и гзна гааран̣зна. д̇хонаа вужжад̇и бан̃н̃аад̇и д̇хонаа ид̇и гим̣гааран̣аа бан̃н̃аа гат̇ийяад̇и. д̇ааяа бан̃н̃ааяа гааяад̣̇ужжарид̇анд̇и д̇ааяа вуд̇д̇аббагаарааяа бан̃н̃ааяа гааяад̇о бавад̇д̇ам̣ д̣̇удту гилзсабууд̇игад̇д̇аа ваа жарид̇анд̇и гааяад̣̇ужжарид̇ам̣. д̇хууд̇ан̃жа д̇ход̇ан̃жаад̇и гамбид̇ан̃жа д̇ховид̇ан̃жа. санд̇ход̇ан̃жаад̇и саммаа д̇ховид̇ан̃жа. нид̣̇д̇ход̇ан̃жаад̇и висзсзна судту нид̣̇д̇ход̇ан̃жа. рааг̇о д̇худ̇о жаад̇иаад̣̇аяо жад̇уннам̣ маг̇г̇аанам̣ васзна яож̇зд̇аб̣б̣аа.

    Kiṃ kāraṇāti kena kāraṇena. Dhonā vuccati paññāti dhonā iti kiṃkāraṇā paññā kathīyati. Tāya paññāya kāyaduccaritanti tāya vuttappakārāya paññāya kāyato pavattaṃ duṭṭhu kilesapūtikattā vā caritanti kāyaduccaritaṃ. Dhūtañca dhotañcāti kampitañca dhovitañca. Sandhotañcāti sammā dhovitañca. Niddhotañcāti visesena suṭṭhu niddhotañca. Rāgo dhuto cātiādayo catunnaṃ maggānaṃ vasena yojetabbā.

    саммаад̣̇идтияаа мижчаад̣̇идти д̇худ̇аа жаад̇и маг̇г̇асамбаяуд̇д̇ааяа саммаад̣̇идтияаа мижчаад̣̇идти гамбид̇аа жалид̇аа д̇ховид̇аа. саммаасан̇габбаад̣̇ийсуби зсзва наяо. вуд̇д̇ан̃хзд̇ам̣ ‘‘саммаад̣̇идтигасса, бхигкавз, мижчаад̣̇идти ниж̇ж̇ин̣н̣аа ход̇ий’’д̇и суд̇д̇ам̣ (а. ни. 10.106; д̣̇ий. ни. 3.360) вид̇т̇аарзд̇аб̣б̣ам̣. саммаан̃аан̣знаад̇и маг̇г̇асамбаяуд̇д̇ан̃аан̣зна, бажжавзгкан̣ан̃аан̣зна ваа. мижчаан̃аан̣анд̇и вибарийд̇ан̃аан̣ам̣ аяаат̇ааван̃аан̣ам̣, баабагирияаасу убажинд̇аавасзна баабам̣ гад̇ваа ‘‘сугад̇ам̣ маяаа’’д̇и бажжавзгкан̣аагаарзна жа уббанно мохо. саммаавимуд̇д̇ияаа мижчаавимуд̇д̇ийд̇и самужчзд̣̇авимуд̇д̇ияаа вибарийд̇аа аяаат̇аававимуд̇д̇иязва жзд̇овимуд̇д̇исан̃н̃ид̇аа.

    Sammādiṭṭhiyā micchādiṭṭhi dhutā cāti maggasampayuttāya sammādiṭṭhiyā micchādiṭṭhi kampitā calitā dhovitā. Sammāsaṅkappādīsupi eseva nayo. Vuttañhetaṃ ‘‘sammādiṭṭhikassa, bhikkhave, micchādiṭṭhi nijjiṇṇā hotī’’ti suttaṃ (a. ni. 10.106; dī. ni. 3.360) vitthāretabbaṃ. Sammāñāṇenāti maggasampayuttañāṇena, paccavekkhaṇañāṇena vā. Micchāñāṇanti viparītañāṇaṃ ayāthāvañāṇaṃ, pāpakiriyāsu upacintāvasena pāpaṃ katvā ‘‘sukataṃ mayā’’ti paccavekkhaṇākārena ca uppanno moho. Sammāvimuttiyā micchāvimuttīti samucchedavimuttiyā viparītā ayāthāvavimuttiyeva cetovimuttisaññitā.

    арахаа имзхи д̇хонзяязхи д̇хаммзхийд̇и рааг̇аад̣̇ийхи гилзсзхи д̣̇уурз тид̇о арахаа имзхи вуд̇д̇аббагаарзхи гилзсад̇хованзхи д̇хаммзхи убзд̇о ход̇и. д̇хонод̇и д̇хоно буг̇г̇ало, д̇знзва ‘‘со д̇худ̇арааг̇о’’д̇иаад̣̇аяо ааха.

    Arahā imehi dhoneyyehi dhammehīti rāgādīhi kilesehi dūre ṭhito arahā imehi vuttappakārehi kilesadhovanehi dhammehi upeto hoti. Dhonoti dhono puggalo, teneva ‘‘so dhutarāgo’’tiādayo āha.

    мааяаа вужжад̇и ван̃жанигаажарияаад̇и ван̃жанагирияам̣ ван̃жанагаран̣ам̣ ассаа ад̇т̇ийд̇и ван̃жанигаажарияаа. д̇асса бадижчаад̣̇анахзд̇ууд̇и д̇зсам̣ д̣̇ужжарид̇аанам̣ аббагаасанагааран̣аа. баабигам̣ ижчам̣ бан̣ид̣̇ахад̇ийд̇и лаамагам̣ бад̇т̇анам̣ бад̇идтаабзд̇и. ‘‘маа мам̣ ж̇ан̃н̃аа’’д̇и ижчад̇ийд̇и ‘‘маяхам̣ гад̇ам̣ баабам̣ барз маа ж̇ааним̣суу’’д̇и бажжаасийсад̇и. сан̇габбзд̇ийд̇и вид̇аггам̣ уббаад̣̇зд̇и. ваажам̣ бхаасад̇ийд̇и ж̇аанам̣язва бан̣н̣ад̇д̇им̣ вийд̇иггаманд̇о бхигку бхаарияам̣ гарод̇и. ‘‘амхаагам̣ вийд̇иггамадтаанам̣ наама над̇т̇ий’’д̇и убасанд̇о вияа бхаасад̇и. гааязна бараггамад̇ийд̇и ‘‘маяаа гад̇ам̣ ид̣̇ам̣ баабагаммам̣ маа гзжи ж̇ааним̣суу’’д̇и гааязна вад̇д̇ам̣ гарод̇и. виж̇ж̇амаанад̣̇осабадижчаад̣̇анад̇о жагкумоханамааяаа ассаад̇и мааяаавий, мааяаавино бхааво мааяаавид̇аа. гад̇ваа баабам̣ буна бадижчаад̣̇анад̇о ад̇ижжа ассарад̇и зд̇ааяа сад̇д̇од̇и ажжасараа. гааяаваажаагирияаахи ан̃н̃ат̇аа д̣̇ассанад̇о ван̃жзд̇ийд̇и ван̃жанаа . зд̇ааяа сад̇д̇аа нигаронд̇ийд̇и нигад̇и, мижчаа гаронд̇ийд̇и ад̇т̇о. ‘‘наахам̣ звам̣ гаромий’’д̇и баабаанам̣ вигкибанад̇о нигиран̣аа. ‘‘наахам̣ звам̣ гаромий’’д̇и бариваж̇ж̇анад̇о барихаран̣аа. гааяаад̣̇ийхи сам̣харан̣ад̇о г̇ууханаа. самабхааг̇зна г̇ууханаа бариг̇ууханаа. д̇ин̣абан̣н̣зхи вияа г̇уут̇ам̣ гааяаважийгаммзхи баабам̣ чаад̣̇зд̇ийд̇и чаад̣̇анаа. саб̣б̣ад̇о бхааг̇зна чаад̣̇анаа барижчаад̣̇анаа. на уд̇д̇ааним̣ гад̇ваа д̣̇ассзд̇ийд̇и ануд̇д̇аанигаммам̣. на баагадам̣ гад̇ваа д̣̇ассзд̇ийд̇и анаавигаммам̣. судту чаад̣̇анаа вожчаад̣̇анаа. гад̇абадижчаад̣̇анавасзна бунаби баабасса гаран̣ад̇о баабагирияаа. аяам̣ вужжад̇ийд̇и аяам̣ гад̇абадижчаад̣̇аналагкан̣аа мааяаа наама вужжад̇и, яааяа саманнааг̇ад̇о буг̇г̇ало бхасмабадижчанно вияа ан̇г̇ааро, уд̣̇агабадижчанно вияа каан̣у, билод̇игабаливзтид̇ам̣ вияа жа сад̇т̇ам̣ ход̇и.

    Māyā vuccati vañcanikācariyāti vañcanakiriyaṃ vañcanakaraṇaṃ assā atthīti vañcanikācariyā. Tassa paṭicchādanahetūti tesaṃ duccaritānaṃ appakāsanakāraṇā. Pāpikaṃ icchaṃ paṇidahatīti lāmakaṃ patthanaṃ patiṭṭhāpeti. ‘‘Mā maṃ jaññā’’ti icchatīti ‘‘mayhaṃ kataṃ pāpaṃ pare mā jāniṃsū’’ti paccāsīsati. Saṅkappetīti vitakkaṃ uppādeti. Vācaṃ bhāsatīti jānaṃyeva paṇṇattiṃ vītikkamanto bhikkhu bhāriyaṃ karoti. ‘‘Amhākaṃ vītikkamaṭṭhānaṃ nāma natthī’’ti upasanto viya bhāsati. Kāyena parakkamatīti ‘‘mayā kataṃ idaṃ pāpakammaṃ mā keci jāniṃsū’’ti kāyena vattaṃ karoti. Vijjamānadosapaṭicchādanato cakkhumohanamāyā assāti māyāvī, māyāvino bhāvo māyāvitā. Katvā pāpaṃ puna paṭicchādanato aticca assarati etāya sattoti accasarā. Kāyavācākiriyāhi aññathā dassanato vañcetīti vañcanā. Etāya sattā nikarontīti nikati, micchā karontīti attho. ‘‘Nāhaṃ evaṃ karomī’’ti pāpānaṃ vikkhipanato nikiraṇā. ‘‘Nāhaṃ evaṃ karomī’’ti parivajjanato pariharaṇā. Kāyādīhi saṃharaṇato gūhanā. Samabhāgena gūhanā parigūhanā. Tiṇapaṇṇehi viya gūthaṃ kāyavacīkammehi pāpaṃ chādetīti chādanā. Sabbato bhāgena chādanā paricchādanā. Na uttāniṃ katvā dassetīti anuttānikammaṃ. Na pākaṭaṃ katvā dassetīti anāvikammaṃ. Suṭṭhu chādanā vocchādanā. Katapaṭicchādanavasena punapi pāpassa karaṇato pāpakiriyā. Ayaṃ vuccatīti ayaṃ katapaṭicchādanalakkhaṇā māyā nāma vuccati, yāya samannāgato puggalo bhasmapaṭicchanno viya aṅgāro, udakapaṭicchanno viya khāṇu, pilotikapaliveṭhitaṃ viya ca satthaṃ hoti.

    згавид̇хзна маанод̇и згабарижчзд̣̇зна згагодтаасзна маано. яаа жид̇д̇асса уннад̇ийд̇и яаа жид̇д̇асса аб̣бхуссаабанаа, аяам̣ маанод̇и ад̇т̇о. зд̇т̇а буг̇г̇алам̣ анаамасид̇ваа ниб̣б̣ад̇д̇ид̇амаанова вуд̇д̇о.

    Ekavidhenamānoti ekaparicchedena ekakoṭṭhāsena māno. Yā cittassa unnatīti yā cittassa abbhussāpanā, ayaṃ mānoti attho. Ettha puggalaṃ anāmasitvā nibbattitamānova vutto.

    ад̇д̇уггам̣санамаанод̇и ад̇д̇аанам̣ убари табанамаано. баравамбханамаанод̇и барз лаамагагаран̣амаано. имз д̣̇вз маанаа язбхуяязна д̇ат̇аа бавад̇д̇аагааравасзна вуд̇д̇аа.

    Attukkaṃsanamānoti attānaṃ upari ṭhapanamāno. Paravambhanamānoti pare lāmakakaraṇamāno. Ime dve mānā yebhuyyena tathā pavattākāravasena vuttā.

    ‘‘сзяяохамасмий’’д̇и маанод̇и ж̇аад̇иаад̣̇ийни ниссааяа ‘‘ахамасми сзяяо’’д̇и уббанно маано. сад̣̇исамаанаад̣̇ийсуби зсзва наяо. звамимзби д̇аяо маанаа буг̇г̇алависзсам̣ аниссааяа д̇ат̇аа бавад̇д̇аагааравасзна вуд̇д̇аа. д̇зсу згзго д̇ин̣н̣амби сзяяасад̣̇исахийнаанам̣ уббаж̇ж̇ад̇и. д̇ад̇т̇а ‘‘сзяяохамасмий’’д̇и маано сзяяассзва яаат̇аавамаано, сзсаанам̣ аяаат̇аавамаано. ‘‘сад̣̇исохамасмий’’д̇и маано сад̣̇исассзва яаат̇аавамаано, сзсаанам̣ аяаат̇аавамаано. ‘‘хийнохамасмий’’д̇и маано хийнассзва яаат̇аавамаано, сзсаанам̣ аяаат̇аавамаано.

    ‘‘Seyyohamasmī’’ti mānoti jātiādīni nissāya ‘‘ahamasmi seyyo’’ti uppanno māno. Sadisamānādīsupi eseva nayo. Evamimepi tayo mānā puggalavisesaṃ anissāya tathā pavattākāravasena vuttā. Tesu ekeko tiṇṇampi seyyasadisahīnānaṃ uppajjati. Tattha ‘‘seyyohamasmī’’ti māno seyyasseva yāthāvamāno, sesānaṃ ayāthāvamāno. ‘‘Sadisohamasmī’’ti māno sadisasseva yāthāvamāno, sesānaṃ ayāthāvamāno. ‘‘Hīnohamasmī’’ti māno hīnasseva yāthāvamāno, sesānaṃ ayāthāvamāno.

    жад̇уб̣б̣ид̇хзна маано логад̇хаммавасзна вуд̇д̇о. бан̃жавид̇хзна маано бан̃жагаамаг̇ун̣авасзна вуд̇д̇о. чаб̣б̣ид̇хзна маано жагкаад̣̇исамбад̇д̇ивасзна вуд̇д̇о. д̇ад̇т̇а маанам̣ ж̇анзд̇ийд̇и маанам̣ уббаад̣̇зд̇и.

    Catubbidhena māno lokadhammavasena vutto. Pañcavidhena māno pañcakāmaguṇavasena vutto. Chabbidhena māno cakkhādisampattivasena vutto. Tattha mānaṃ janetīti mānaṃ uppādeti.

    сад̇д̇авид̇хзна маананид̣̇д̣̇зсз маанод̇и уннамо. ад̇имаанод̇и ‘‘ж̇аад̇иаад̣̇ийхи маяаа сад̣̇исо над̇т̇ий’’д̇и ад̇иггамид̇ваа ман̃н̃анавасзна уббанно маано. маанаад̇имаанод̇и ‘‘аяам̣ буб̣б̣з маяаа сад̣̇исо, ид̣̇аани ахам̣ сздто, аяам̣ хийнад̇аро’’д̇и уббанно маано. аяам̣ бхаараад̇ибхааро вияа буримам̣ сад̣̇исамаанам̣ убаад̣̇ааяа маанаад̇имаано наамаад̇и д̣̇ассзд̇ум̣ ‘‘маанаад̇имаано’’д̇и ааха. омаанод̇и хийнамаано. яо ‘‘хийнохамасмий’’д̇и маано наама вуд̇д̇о, аяам̣ омаано наама. аби жзд̇т̇а ‘‘д̇вам̣ ж̇аад̇имаа, гаагаж̇аад̇и вияа д̇з ж̇аад̇и. д̇вам̣ г̇од̇д̇аваа, жан̣д̣аалаг̇од̇д̇ам̣ вияа д̇з г̇од̇д̇ам̣. д̇уяхам̣ саро ад̇т̇и, гаагасаро вияа д̇з саро’’д̇и звам̣ ад̇д̇аанам̣ хздтаа гад̇ваа бавад̇д̇анавасзна аяам̣ ‘‘омаано’’д̇и взд̣̇ид̇аб̣б̣о.

    Sattavidhena mānaniddese mānoti unnamo. Atimānoti ‘‘jātiādīhi mayā sadiso natthī’’ti atikkamitvā maññanavasena uppanno māno. Mānātimānoti ‘‘ayaṃ pubbe mayā sadiso, idāni ahaṃ seṭṭho, ayaṃ hīnataro’’ti uppanno māno. Ayaṃ bhārātibhāro viya purimaṃ sadisamānaṃ upādāya mānātimāno nāmāti dassetuṃ ‘‘mānātimāno’’ti āha. Omānoti hīnamāno. Yo ‘‘hīnohamasmī’’ti māno nāma vutto, ayaṃ omāno nāma. Api cettha ‘‘tvaṃ jātimā, kākajāti viya te jāti. Tvaṃ gottavā, caṇḍālagottaṃ viya te gottaṃ. Tuyhaṃ saro atthi, kākasaro viya te saro’’ti evaṃ attānaṃ heṭṭhā katvā pavattanavasena ayaṃ ‘‘omāno’’ti veditabbo.

    ад̇химаанод̇и жад̇д̇аари сажжаани аббад̇ваа бад̇д̇асан̃н̃исса, жад̇уухи маг̇г̇зхи гад̇д̇аб̣б̣з гижжз агад̇зязва гад̇асан̃н̃исса, жад̇усажжад̇хаммз анад̇хиг̇ад̇з ад̇хиг̇ад̇асан̃н̃исса , арахад̇д̇з асажчигад̇з сажчигад̇асан̃н̃исса уббанно ад̇хиг̇ад̇амаано ад̇химаано наама. аяам̣ бана гасса уббаж̇ж̇ад̇и, гасса на уббаж̇ж̇ад̇ийд̇и? арияасаавагасса д̇аава на уббаж̇ж̇ад̇и. со хи маг̇г̇апаланиб̣б̣аанабахийнагилзсаавасидтагилзсабажжавзгкан̣зна сан̃ж̇аад̇асоманассо арияаг̇ун̣абадивзд̇хз нигган̇ко, д̇асмаа сод̇аабаннаад̣̇ийнам̣ ‘‘ахам̣ сагад̣̇ааг̇аамий’’д̇иаад̣̇ивасзна маано на уббаж̇ж̇ад̇и, д̣̇уссийласса жа на уббаж̇ж̇ад̇и. со хи арияаг̇ун̣аад̇хиг̇амз нираасова. сийлавад̇оби барижжад̇д̇агаммадтаанасса нид̣̇д̣̇аараамад̇аад̣̇имануяуд̇д̇асса на уббаж̇ж̇ад̇и , барисуд̣̇д̇хасийласса бана гаммадтаанз аббамад̇д̇асса наамаруубам̣ вавад̇т̇абзд̇ваа бажжаяабариг̇г̇ахзна вид̇ин̣н̣аган̇касса д̇илагкан̣ам̣ ааробзд̇ваа сан̇каарз саммасанд̇асса аарад̣̇д̇хавибассагасса уббаж̇ж̇ад̇и, уббаннз жа суд̣̇д̇хасамат̇алаабхий суд̣̇д̇хавибассанаалаабхий ваа анд̇араа табзд̇и. со хи д̣̇асаби вассаани вийсамби вассаани д̇им̣самби вассаани асийд̇иби вассаани гилзсасамуд̣̇аажаарам̣ абассанд̇о ‘‘ахам̣ сод̇аабанно’’д̇и ваа ‘‘сагад̣̇ааг̇аамий’’д̇и ваа ‘‘анааг̇аамий’’д̇и ваа ман̃н̃ад̇и, самат̇авибассанаалаабхий бана арахад̇д̇зязва табзд̇и. д̇асса хи самаад̇хиб̣алзна гилзсаа вигкамбхид̇аа, вибассанааб̣алзна сан̇каараа субариг̇г̇ахид̇аа, д̇асмаа садтиби вассаани асийд̇иби вассаани вассасад̇амби гилзсаа на самуд̣̇аажаранд̇и, кийн̣аасавассзва жид̇д̇аажааро ход̇и. со звам̣ д̣̇ийгхарад̇д̇ам̣ гилзсасамуд̣̇аажаарам̣ абассанд̇о анд̇араа адтад̇ваава ‘‘арахаа аха’’нд̇и ман̃н̃ад̇и.

    Adhimānoti cattāri saccāni appatvā pattasaññissa, catūhi maggehi kattabbe kicce akateyeva katasaññissa, catusaccadhamme anadhigate adhigatasaññissa , arahatte asacchikate sacchikatasaññissa uppanno adhigatamāno adhimāno nāma. Ayaṃ pana kassa uppajjati, kassa na uppajjatīti? Ariyasāvakassa tāva na uppajjati. So hi maggaphalanibbānapahīnakilesāvasiṭṭhakilesapaccavekkhaṇena sañjātasomanasso ariyaguṇapaṭivedhe nikkaṅkho, tasmā sotāpannādīnaṃ ‘‘ahaṃ sakadāgāmī’’tiādivasena māno na uppajjati, dussīlassa ca na uppajjati. So hi ariyaguṇādhigame nirāsova. Sīlavatopi pariccattakammaṭṭhānassa niddārāmatādimanuyuttassa na uppajjati , parisuddhasīlassa pana kammaṭṭhāne appamattassa nāmarūpaṃ vavatthapetvā paccayapariggahena vitiṇṇakaṅkhassa tilakkhaṇaṃ āropetvā saṅkhāre sammasantassa āraddhavipassakassa uppajjati, uppanne ca suddhasamathalābhī suddhavipassanālābhī vā antarā ṭhapeti. So hi dasapi vassāni vīsampi vassāni tiṃsampi vassāni asītipi vassāni kilesasamudācāraṃ apassanto ‘‘ahaṃ sotāpanno’’ti vā ‘‘sakadāgāmī’’ti vā ‘‘anāgāmī’’ti vā maññati, samathavipassanālābhī pana arahatteyeva ṭhapeti. Tassa hi samādhibalena kilesā vikkhambhitā, vipassanābalena saṅkhārā supariggahitā, tasmā saṭṭhipi vassāni asītipi vassāni vassasatampi kilesā na samudācaranti, khīṇāsavasseva cittācāro hoti. So evaṃ dīgharattaṃ kilesasamudācāraṃ apassanto antarā aṭṭhatvāva ‘‘arahā aha’’nti maññati.

    асмимаанод̇и руубз асмийд̇иаад̣̇инаа наязна бан̃жасу канд̇хзсу ‘‘ахам̣ руубаад̣̇аяо’’д̇и уббанно маано. мижчаамаанод̇и баабагзхи гаммааяад̇анасиббааяад̇анавиж̇ж̇аадтаанасуд̇абадибхаанасийлаб̣б̣ад̇зхи, баабигааяа жа д̣̇идтияаа уббанно маано. д̇ад̇т̇а баабагам̣ гаммааяад̇анам̣ наама гзваддамажчаб̣анд̇ханзсаад̣̇аанам̣ гаммам̣. баабагам̣ сиббааяад̇анам̣ наама мажчаж̇аалакибагумийнагаран̣зсу жзва баасаод̣д̣анасуулааробанаад̣̇ийсу жа чзгад̇аа. баабагам̣ виж̇ж̇аадтаанам̣ наама яаа гаажи баруубагхаад̇авиж̇ж̇аа. баабагам̣ суд̇ам̣ наама бхаарад̇аяуд̣̇д̇хасийд̇аахаран̣аад̣̇ибадисам̣яуд̇д̇ам̣. баабагам̣ бадибхаанам̣ наама д̣̇уб̣бхаасид̇аяуд̇д̇ам̣ габбанаадагавилаббанаад̣̇ибадибхаанам̣ . баабагам̣ сийлам̣ наама аж̇асийлам̣ г̇осийлам̣. вад̇амби аж̇авад̇аг̇овад̇амзва. баабигаа д̣̇идти бана д̣̇ваасадтияаа д̣̇идтиг̇ад̇зсу яаагаажи д̣̇идти. адтавид̇хамаано уд̇д̇аанад̇т̇оязва.

    Asmimānoti rūpe asmītiādinā nayena pañcasu khandhesu ‘‘ahaṃ rūpādayo’’ti uppanno māno. Micchāmānoti pāpakehi kammāyatanasippāyatanavijjāṭṭhānasutapaṭibhānasīlabbatehi, pāpikāya ca diṭṭhiyā uppanno māno. Tattha pāpakaṃ kammāyatanaṃ nāma kevaṭṭamacchabandhanesādānaṃ kammaṃ. Pāpakaṃ sippāyatanaṃ nāma macchajālakhipakumīnakaraṇesu ceva pāsaoḍḍanasūlāropanādīsu ca chekatā. Pāpakaṃ vijjāṭṭhānaṃ nāma yā kāci parūpaghātavijjā. Pāpakaṃ sutaṃ nāma bhāratayuddhasītāharaṇādipaṭisaṃyuttaṃ. Pāpakaṃ paṭibhānaṃ nāma dubbhāsitayuttaṃ kappanāṭakavilappanādipaṭibhānaṃ . Pāpakaṃ sīlaṃ nāma ajasīlaṃ gosīlaṃ. Vatampi ajavatagovatameva. Pāpikā diṭṭhi pana dvāsaṭṭhiyā diṭṭhigatesu yākāci diṭṭhi. Aṭṭhavidhamāno uttānatthoyeva.

    нававид̇хзна маананид̣̇д̣̇зсз сзяяасса ‘‘сзяяохамасмий’’д̇иаад̣̇аяо нава маанаа буг̇г̇алам̣ ниссааяа вуд̇д̇аа. зд̇т̇а бана сзяяасса ‘‘сзяяохамасмий’’д̇и маано рааж̇аанан̃жзва баб̣б̣аж̇ид̇аанан̃жа уббаж̇ж̇ад̇и. рааж̇аа хи ‘‘радтзна ваа д̇ханавааханзхи ваа го маяаа сад̣̇исо ад̇т̇ий’’д̇и зд̇ам̣ маанам̣ гарод̇и. баб̣б̣аж̇ид̇оби ‘‘сийлад̇худ̇ан̇г̇аад̣̇ийхи го маяаа сад̣̇исо ад̇т̇ий’’д̇и зд̇ам̣ маанам̣ гарод̇и.

    Navavidhena mānaniddese seyyassa ‘‘seyyohamasmī’’tiādayo nava mānā puggalaṃ nissāya vuttā. Ettha pana seyyassa ‘‘seyyohamasmī’’ti māno rājānañceva pabbajitānañca uppajjati. Rājā hi ‘‘raṭṭhena vā dhanavāhanehi vā ko mayā sadiso atthī’’ti etaṃ mānaṃ karoti. Pabbajitopi ‘‘sīladhutaṅgādīhi ko mayā sadiso atthī’’ti etaṃ mānaṃ karoti.

    сзяяасса ‘‘сад̣̇исохамасмий’’д̇и мааноби зд̇зсам̣язва уббаж̇ж̇ад̇и. рааж̇аа хи ‘‘радтзна ваа д̇ханавааханзхи ваа ан̃н̃арааж̇уухи сад̣̇д̇хим̣ маяхам̣ гим̣ наанаагаран̣а’’нд̇и зд̇ам̣ маанам̣ гарод̇и. баб̣б̣аж̇ид̇оби ‘‘сийлад̇худ̇ан̇г̇аад̣̇ийхи ан̃н̃зна бхигкунаа маяхам̣ гим̣ наанаагаран̣а’’нд̇и зд̇ам̣ маанам̣ гарод̇и.

    Seyyassa ‘‘sadisohamasmī’’ti mānopi etesaṃyeva uppajjati. Rājā hi ‘‘raṭṭhena vā dhanavāhanehi vā aññarājūhi saddhiṃ mayhaṃ kiṃ nānākaraṇa’’nti etaṃ mānaṃ karoti. Pabbajitopi ‘‘sīladhutaṅgādīhi aññena bhikkhunā mayhaṃ kiṃ nānākaraṇa’’nti etaṃ mānaṃ karoti.

    сзяяасса ‘‘хийнохамасмий’’д̇и мааноби зд̇зсам̣язва уббаж̇ж̇ад̇и. яасса хи ран̃н̃о радтам̣ ваа д̇ханавааханаад̣̇ийни ваа наад̇исамбаннаани хонд̇и, со ‘‘маяхам̣ рааж̇аад̇и вохаарасукамад̇д̇агамзва, гим̣ рааж̇аа наама аха’’нд̇и зд̇ам̣ маанам̣ гарод̇и. баб̣б̣аж̇ид̇оби аббалаабхасаггааро ‘‘ахам̣ д̇хаммагат̇иго, б̣ахуссуд̇о, махаат̇зрод̇и гат̇аамад̇д̇амзва, гим̣ д̇хаммагат̇иго наамаахам̣, гим̣ б̣ахуссуд̇о наамаахам̣, гим̣ махаат̇зро наамаахам̣, яасса мз лаабхасаггааро над̇т̇ий’’д̇и зд̇ам̣ маанам̣ гарод̇и.

    Seyyassa ‘‘hīnohamasmī’’ti mānopi etesaṃyeva uppajjati. Yassa hi rañño raṭṭhaṃ vā dhanavāhanādīni vā nātisampannāni honti, so ‘‘mayhaṃ rājāti vohārasukhamattakameva, kiṃ rājā nāma aha’’nti etaṃ mānaṃ karoti. Pabbajitopi appalābhasakkāro ‘‘ahaṃ dhammakathiko, bahussuto, mahātheroti kathāmattameva, kiṃ dhammakathiko nāmāhaṃ, kiṃ bahussuto nāmāhaṃ, kiṃ mahāthero nāmāhaṃ, yassa me lābhasakkāro natthī’’ti etaṃ mānaṃ karoti.

    сад̣̇исасса ‘‘сзяяохамасмий’’д̇и маанаад̣̇аяо амажжаад̣̇ийнам̣ уббаж̇ж̇анд̇и. амажжо ваа хи радтияо ваа ‘‘бхог̇аяаанавааханаад̣̇ийхи го маяаа сад̣̇исо ан̃н̃о рааж̇абурисо ад̇т̇ий’’д̇и ваа, ‘‘маяхам̣ ан̃н̃зхи сад̣̇д̇хим̣ гим̣ наанаагаран̣а’’нд̇и ваа, ‘‘амажжод̇и наамамзва маяхам̣, гхаасажчаад̣̇анамад̇д̇амби мз над̇т̇и, гим̣ амажжо наамааха’’нд̇и ваа зд̇з маанз гарод̇и.

    Sadisassa ‘‘seyyohamasmī’’ti mānādayo amaccādīnaṃ uppajjanti. Amacco vā hi raṭṭhiyo vā ‘‘bhogayānavāhanādīhi ko mayā sadiso añño rājapuriso atthī’’ti vā, ‘‘mayhaṃ aññehi saddhiṃ kiṃ nānākaraṇa’’nti vā, ‘‘amaccoti nāmameva mayhaṃ, ghāsacchādanamattampi me natthi, kiṃ amacco nāmāha’’nti vā ete māne karoti.

    хийнасса ‘‘сзяяохамасмий’’д̇и маанаад̣̇аяо д̣̇аасаад̣̇ийнам̣ уббаж̇ж̇анд̇и. д̣̇аасо хи ‘‘маад̇ид̇о ваа бид̇ид̇о ваа го маяаа сад̣̇исо ан̃н̃о д̣̇аасо наама ад̇т̇и, ан̃н̃з ж̇ийвид̇ум̣ асаггонд̇аа гужчихзд̇у д̣̇аасаа наама ж̇аад̇аа, ахам̣ бана бавзн̣ийааг̇ад̇ад̇д̇аа сзяяо’’д̇и ваа, ‘‘бавзн̣ийааг̇ад̇абхаавзна убхад̇осуд̣̇д̇хигад̣̇аасад̇д̇зна асугад̣̇аасзна наама сад̣̇д̇хим̣ ги маяхам̣ наанаагаран̣а’’нд̇и ваа, ‘‘гужчивасзнаахам̣ д̣̇аасаб̣яам̣ убаг̇ад̇о, маад̇аабид̇угодияаа бана мз д̣̇аасадтаанам̣ над̇т̇и , гим̣ д̣̇аасо наама аха’’нд̇и ваа зд̇з маанз гарод̇и. яат̇аа жа д̣̇аасо, звам̣ буггусажан̣д̣аалаад̣̇аяоби зд̇з маанз гаронд̇иязва.

    Hīnassa ‘‘seyyohamasmī’’ti mānādayo dāsādīnaṃ uppajjanti. Dāso hi ‘‘mātito vā pitito vā ko mayā sadiso añño dāso nāma atthi, aññe jīvituṃ asakkontā kucchihetu dāsā nāma jātā, ahaṃ pana paveṇīāgatattā seyyo’’ti vā, ‘‘paveṇīāgatabhāvena ubhatosuddhikadāsattena asukadāsena nāma saddhiṃ ki mayhaṃ nānākaraṇa’’nti vā, ‘‘kucchivasenāhaṃ dāsabyaṃ upagato, mātāpitukoṭiyā pana me dāsaṭṭhānaṃ natthi , kiṃ dāso nāma aha’’nti vā ete māne karoti. Yathā ca dāso, evaṃ pukkusacaṇḍālādayopi ete māne karontiyeva.

    зд̇т̇а жа сзяяасса ‘‘сзяяохамасмий’’д̇и уббаннамаанова яаат̇аавамаано, ид̇арз д̣̇вз аяаат̇аавамаанаа. д̇ат̇аа сад̣̇исасса ‘‘сад̣̇исохамасмий’’д̇и, хийнасса ‘‘хийнохамасмий’’д̇и уббаннамаанова яаат̇аавамаано, ид̇арз д̣̇вз аяаат̇аавамаанаа. д̇ад̇т̇а яаат̇аавамаанаа арахад̇д̇амаг̇г̇аваж̇жхаа, аяаат̇аавамаанаа сод̇аабад̇д̇имаг̇г̇аваж̇жхаа.

    Ettha ca seyyassa ‘‘seyyohamasmī’’ti uppannamānova yāthāvamāno, itare dve ayāthāvamānā. Tathā sadisassa ‘‘sadisohamasmī’’ti, hīnassa ‘‘hīnohamasmī’’ti uppannamānova yāthāvamāno, itare dve ayāthāvamānā. Tattha yāthāvamānā arahattamaggavajjhā, ayāthāvamānā sotāpattimaggavajjhā.

    зд̇т̇а жа сзяяасса ‘‘сзяяохамасмий’’д̇и маано уд̇д̇амасса уд̇д̇амадтзна ‘‘ахам̣ сзяяо’’д̇и звам̣ уббаннамаано, сзяяасса ‘‘сад̣̇исохамасмий’’д̇и маано уд̇д̇амасса самадтзна ‘‘ахам̣ сад̣̇исо’’д̇и звам̣ уббаннамаано. сзяяасса ‘‘хийнохамасмий’’д̇и маано уд̇д̇амасса лаамагадтзна ‘‘ахам̣ хийно’’д̇и звам̣ уббаннамаано. звам̣ сзяяамаано сад̣̇исамаано хийнамаанод̇и имз д̇аяо маанаа сзяяасса уббаж̇ж̇анд̇и. сад̣̇исассааби ахам̣ сзяяо, сад̣̇исо, хийнод̇и д̇аяо маанаа уббаж̇ж̇анд̇и. хийнассааби ахам̣ хийно, сад̣̇исо, сзяяод̇и д̇аяо маанаа уббаж̇ж̇анд̇и.

    Ettha ca seyyassa ‘‘seyyohamasmī’’ti māno uttamassa uttamaṭṭhena ‘‘ahaṃ seyyo’’ti evaṃ uppannamāno, seyyassa ‘‘sadisohamasmī’’ti māno uttamassa samaṭṭhena ‘‘ahaṃ sadiso’’ti evaṃ uppannamāno. Seyyassa ‘‘hīnohamasmī’’ti māno uttamassa lāmakaṭṭhena ‘‘ahaṃ hīno’’ti evaṃ uppannamāno. Evaṃ seyyamāno sadisamāno hīnamānoti ime tayo mānā seyyassa uppajjanti. Sadisassāpi ahaṃ seyyo, sadiso, hīnoti tayo mānā uppajjanti. Hīnassāpi ahaṃ hīno, sadiso, seyyoti tayo mānā uppajjanti.

    д̣̇асавид̇хамаананид̣̇д̣̇зсз ид̇хзгажжо маанам̣ ж̇анзд̇ийд̇и згажжо буг̇г̇ало маанам̣ ж̇анаяад̇и. ж̇аад̇ияаа ваад̇и кад̇д̇ияабхааваад̣̇иж̇аад̇исамбад̇д̇ияаа ваа. г̇од̇д̇зна ваад̇и г̇од̇амаг̇од̇д̇аад̣̇инаа уггадтаг̇од̇д̇зна ваа. голабуд̇д̇иязна ваад̇и махаагулабхаавзна ваа. ван̣н̣абогкарад̇ааяа ваад̇и ван̣н̣асамбаннасарийрад̇ааяа ваа. сарийран̃хи ‘‘богкара’’нд̇и вужжад̇и, д̇асса ван̣н̣асамбад̇д̇ияаа абхируубабхаавзнаад̇и ад̇т̇о. д̇ханзна ваад̇и д̇ханасамбаннабхаавзна ваа, маяхам̣ нид̇хаанаг̇ад̇асса д̇ханасса бамаан̣ам̣ над̇т̇ийд̇и ад̇т̇о. аж̇жхзнзна ваад̇и аж̇жхааяанавасзна ваа. гаммааяад̇анзна ваад̇и ‘‘авасзсаа сад̇д̇аа чиннабагкагаагасад̣̇исаа, ахам̣ бана махид̣̇д̇хиго махаанубхааво’’д̇и ваа, ‘‘ахам̣ яам̣ яам̣ гаммам̣ гароми, д̇ам̣ д̇ам̣ самиж̇жхад̇ий’’д̇и ваа звамаад̣̇инаяаббавад̇д̇зна гаммааяад̇анзна ваа. сиббааяад̇анзна ваад̇и ‘‘авасзсаа сад̇д̇аа нисиббаа, ахам̣ сиббаваа’’д̇и звамаад̣̇инаяаббавад̇д̇зна сиббааяад̇анзна ваа. виж̇ж̇аадтаанзна ваад̇и ид̣̇ам̣ хздтаа вуд̇д̇анаяамзва. суд̇зна ваад̇и ‘‘авасзсаа сад̇д̇аа аббассуд̇аа, ахам̣ бана б̣ахуссуд̇о’’д̇и звамаад̣̇исуд̇зна ваа. бадибхаанзна ваад̇и ‘‘авасзсаа сад̇д̇аа аббадибхаанаа, маяхам̣ бана бадибхаанаббамаан̣ам̣ над̇т̇ий’’д̇и звамаад̣̇ибадибхаанзна ваа. ан̃н̃ад̇аран̃н̃ад̇арзна ваа вад̇т̇унаад̇и авуд̇д̇зна ан̃н̃зна вад̇т̇унаа ваа. яо зваруубо маанод̇и маанагаран̣авасзна маано. ман̃н̃анаа ман̃н̃ид̇ад̇д̇анд̇и аагаарабхааванид̣̇д̣̇зсо. уссид̇адтзна уннад̇и. яассуббаж̇ж̇ад̇и, д̇ам̣ буг̇г̇алам̣ уннаамзд̇и угкибид̇ваа табзд̇ийд̇и уннаамо. самуссид̇адтзна д̇хаж̇о. угкибанадтзна жид̇д̇ам̣ самбаг̇г̇ан̣хаад̇ийд̇и самбаг̇г̇аахо. гзд̇у вужжад̇и б̣ахуусу д̇хаж̇зсу ажжуг̇г̇ад̇ад̇хаж̇о . мааноби бунаббунам̣ уббаж̇ж̇амаано абараабарз убаад̣̇ааяа ажжуг̇г̇ад̇адтзна гзд̇у вияаад̇и гзд̇у, д̇ам̣ гзд̇ум̣ ижчад̇ийд̇и гзд̇угамяам̣, д̇асса бхааво гзд̇угамяад̇аа. саа бана жид̇д̇асса, на ад̇д̇ано. д̇зна вуд̇д̇ам̣ ‘‘гзд̇угамяад̇аа жид̇д̇ассаа’’д̇и. маанасамбаяуд̇д̇ан̃хи жид̇д̇ам̣ гзд̇ум̣ ижчад̇и, д̇асса бхааво, гзд̇усан̇каад̇о маанод̇и. д̇хоно мааяан̃жа маанан̃жа бахааяа баж̇ахид̇ваа яо со д̇хоно арахаа хздтаа вуд̇д̇анаязна винод̣̇анаб̣яанд̇игаран̣аад̣̇ивасзна гилзсз баж̇ахид̇ваа тид̇о, со д̇зна рааг̇аад̣̇инаа гилзсзна г̇ажчзяяа.

    Dasavidhamānaniddese idhekacco mānaṃ janetīti ekacco puggalo mānaṃ janayati. Jātiyā vāti khattiyabhāvādijātisampattiyā vā. Gottena vāti gotamagottādinā ukkaṭṭhagottena vā. Kolaputtiyena vāti mahākulabhāvena vā. Vaṇṇapokkharatāya vāti vaṇṇasampannasarīratāya vā. Sarīrañhi ‘‘pokkhara’’nti vuccati, tassa vaṇṇasampattiyā abhirūpabhāvenāti attho. Dhanena vāti dhanasampannabhāvena vā, mayhaṃ nidhānagatassa dhanassa pamāṇaṃ natthīti attho. Ajjhenena vāti ajjhāyanavasena vā. Kammāyatanena vāti ‘‘avasesā sattā chinnapakkhakākasadisā, ahaṃ pana mahiddhiko mahānubhāvo’’ti vā, ‘‘ahaṃ yaṃ yaṃ kammaṃ karomi, taṃ taṃ samijjhatī’’ti vā evamādinayappavattena kammāyatanena vā. Sippāyatanena vāti ‘‘avasesā sattā nisippā, ahaṃ sippavā’’ti evamādinayappavattena sippāyatanena vā. Vijjāṭṭhānena vāti idaṃ heṭṭhā vuttanayameva. Sutena vāti ‘‘avasesā sattā appassutā, ahaṃ pana bahussuto’’ti evamādisutena vā. Paṭibhānena vāti ‘‘avasesā sattā appaṭibhānā, mayhaṃ pana paṭibhānappamāṇaṃ natthī’’ti evamādipaṭibhānena vā. Aññataraññatarena vā vatthunāti avuttena aññena vatthunā vā. Yo evarūpo mānoti mānakaraṇavasena māno. Maññanā maññitattanti ākārabhāvaniddeso. Ussitaṭṭhena unnati. Yassuppajjati, taṃ puggalaṃ unnāmeti ukkhipitvā ṭhapetīti unnāmo. Samussitaṭṭhena dhajo. Ukkhipanaṭṭhena cittaṃ sampaggaṇhātīti sampaggāho. Ketu vuccati bahūsu dhajesu accuggatadhajo . Mānopi punappunaṃ uppajjamāno aparāpare upādāya accuggataṭṭhena ketu viyāti ketu, taṃ ketuṃ icchatīti ketukamyaṃ, tassa bhāvo ketukamyatā. Sā pana cittassa, na attano. Tena vuttaṃ ‘‘ketukamyatā cittassā’’ti. Mānasampayuttañhi cittaṃ ketuṃ icchati, tassa bhāvo, ketusaṅkhāto mānoti. Dhono māyañca mānañca pahāya pajahitvā yo so dhono arahā heṭṭhā vuttanayena vinodanabyantikaraṇādivasena kilese pajahitvā ṭhito, so tena rāgādinā kilesena gaccheyya.

    нзраяигод̇и ваад̇и нираяз ниб̣б̣ад̇д̇агасад̇д̇од̇и ваа. д̇иражчаанаяонигаад̣̇ийсуби зсзва наяо. со хзд̇у над̇т̇ийд̇и язна ж̇анагахзд̇унаа г̇ад̇ияаад̣̇ийсу ниб̣б̣ад̇д̇зяяа, со хзд̇у над̇т̇и. бажжаяод̇и д̇ассзва взважанам̣. гааран̣анд̇и таанам̣. гааран̣ан̃хи д̇ад̣̇ааяад̇д̇авуд̇д̇ид̇ааяа ад̇д̇ано паласса таананд̇и вужжад̇и. д̇асмаа язна хзд̇унаа язна бажжаязна г̇ад̇ияаад̣̇ийсу ниб̣б̣ад̇д̇зяяа, д̇ам̣ гааран̣ам̣ над̇т̇и.

    Nerayikoti vāti niraye nibbattakasattoti vā. Tiracchānayonikādīsupi eseva nayo. So hetu natthīti yena janakahetunā gatiyādīsu nibbatteyya, so hetu natthi. Paccayoti tasseva vevacanaṃ. Kāraṇanti ṭhānaṃ. Kāraṇañhi tadāyattavuttitāya attano phalassa ṭhānanti vuccati. Tasmā yena hetunā yena paccayena gatiyādīsu nibbatteyya, taṃ kāraṇaṃ natthi.

    22. яо бана нзсам̣ д̣̇виннам̣ убаяаанам̣ бхаавзна убаяо ход̇и, со убаяо хи…бз… д̣̇идтимид̇хзва саб̣б̣анд̇и. д̇ад̇т̇а убаяод̇и д̇ан̣хаад̣̇идтиниссид̇о. д̇хаммзсу убзд̇и ваад̣̇анд̇и ‘‘рад̇д̇о’’д̇и ваа ‘‘д̣̇удто’’д̇и ваа звам̣ д̇зсу д̇зсу д̇хаммзсу убзд̇и ваад̣̇ам̣. ануубаяам̣ гзна гат̇ам̣ вад̣̇зяяаад̇и д̇ан̣хаад̣̇идтиббахаанзна бана ануубаяам̣ кийн̣аасавам̣ гзна рааг̇зна ваа д̣̇осзна ваа гат̇ам̣ ‘‘рад̇д̇о’’д̇и ваа ‘‘д̣̇удто’’д̇и ваа вад̣̇зяяа. звам̣ анубаваж̇ж̇о жа со гим̣ д̇ид̇т̇ияаа вияа гад̇абадижчаад̣̇аго бхависсад̇ийд̇и ад̇хиббааяо. ад̇д̇аа нирад̇д̇аа на хи д̇асса ад̇т̇ийд̇и д̇асса хи ад̇д̇ад̣̇идти ваа ужчзд̣̇ад̣̇идти ваа над̇т̇и, г̇ахан̣амун̃жанам̣ вааби ад̇д̇анирад̇д̇асан̃н̃ид̇ам̣ над̇т̇и. гим̣ гааран̣аа над̇т̇ийд̇и жз? ад̇хоси со д̣̇идтимид̇хзва саб̣б̣анд̇и. яасмаа со ид̇хзва ад̇д̇абхаавз н̃аан̣амб̣унаа саб̣б̣ад̣̇идтиг̇ад̇ам̣ ад̇хоси баж̇ахи винод̣̇зсийд̇и арахад̇д̇анигуудзна д̣̇зсанам̣ нидтаабзси. д̇ам̣ суд̇ваа рааж̇аа ад̇д̇амано бхаг̇аванд̇ам̣ абхиваад̣̇зд̇ваа баггаамийд̇и.

    22. Yo pana nesaṃ dvinnaṃ upayānaṃ bhāvena upayo hoti, so upayo hi…pe… diṭṭhimidheva sabbanti. Tattha upayoti taṇhādiṭṭhinissito. Dhammesu upeti vādanti ‘‘ratto’’ti vā ‘‘duṭṭho’’ti vā evaṃ tesu tesu dhammesu upeti vādaṃ. Anūpayaṃ kena kathaṃ vadeyyāti taṇhādiṭṭhippahānena pana anūpayaṃ khīṇāsavaṃ kena rāgena vā dosena vā kathaṃ ‘‘ratto’’ti vā ‘‘duṭṭho’’ti vā vadeyya. Evaṃ anupavajjo ca so kiṃ titthiyā viya katapaṭicchādako bhavissatīti adhippāyo. Attā nirattā na hi tassa atthīti tassa hi attadiṭṭhi vā ucchedadiṭṭhi vā natthi, gahaṇamuñcanaṃ vāpi attanirattasaññitaṃ natthi. Kiṃ kāraṇā natthīti ce? Adhosi so diṭṭhimidheva sabbanti. Yasmā so idheva attabhāve ñāṇambunā sabbadiṭṭhigataṃ adhosi pajahi vinodesīti arahattanikūṭena desanaṃ niṭṭhāpesi. Taṃ sutvā rājā attamano bhagavantaṃ abhivādetvā pakkāmīti.

    рад̇д̇од̇и ваад̇и рааг̇зна рад̇д̇од̇и ваа. д̣̇удтод̇и ваад̇иаад̣̇ийсуби зсзва наяо. д̇з абхисан̇каараа аббахийнаад̇и яз бун̃н̃аабун̃н̃ааанзн̃ж̇аабхисан̇каараа, д̇з аббахийнаа. абхисан̇каараанам̣ аббахийнад̇д̇аад̇и д̇зсам̣ вуд̇д̇аббагаараанам̣ гаммаабхисан̇каараанам̣ на бахийнабхаавзна. г̇ад̇ияаа ваад̣̇ам̣ убзд̇ийд̇и бан̃жаннам̣ г̇ад̇ийнам̣ ан̃н̃ад̇арааяа гат̇анам̣ убаг̇ажчад̇и. д̇знзвааха – ‘‘нзраяигод̇и ваа…бз… ваад̣̇ам̣ убзд̇и убаг̇ажчад̇ий’’д̇и. вад̣̇зяяаад̇и гат̇зяяа. г̇ахид̇ам̣ над̇т̇ийд̇и г̇ахзд̇аб̣б̣ам̣ над̇т̇и. мун̃жид̇аб̣б̣ам̣ над̇т̇ийд̇и мун̃жид̇ваа тид̇ад̇д̇аа можзд̇аб̣б̣ам̣ над̇т̇и.

    Rattoti vāti rāgena rattoti vā. Duṭṭhoti vātiādīsupi eseva nayo. Te abhisaṅkhārā appahīnāti ye puññāpuññaāneñjābhisaṅkhārā, te appahīnā. Abhisaṅkhārānaṃ appahīnattāti tesaṃ vuttappakārānaṃ kammābhisaṅkhārānaṃ na pahīnabhāvena. Gatiyā vādaṃ upetīti pañcannaṃ gatīnaṃ aññatarāya kathanaṃ upagacchati. Tenevāha – ‘‘nerayikoti vā…pe… vādaṃ upeti upagacchatī’’ti. Vadeyyāti katheyya. Gahitaṃ natthīti gahetabbaṃ natthi. Muñcitabbaṃ natthīti muñcitvā ṭhitattā mocetabbaṃ natthi.

    яассад̇т̇и г̇ахид̇анд̇и яасса буг̇г̇аласса ‘‘ахам̣ мамаа’’д̇и г̇ахид̇ам̣ ад̇т̇и. д̇ассад̇т̇и мун̃жид̇аб̣б̣анд̇и д̇асса буг̇г̇аласса можзд̇аб̣б̣ам̣ ад̇т̇и. убари бад̣̇аани баривад̇д̇зд̇ваа яож̇зд̇аб̣б̣аани. г̇ахан̣ам̣ мун̃жанаа самад̇игганд̇од̇и г̇ахан̣аможанаа арахаа ад̇игганд̇о. б̣уд̣̇д̇хибарихаанивийд̇ивад̇д̇од̇и вад̣дхин̃жа барихаанин̃жа ад̇иггамид̇ваа бавад̇д̇о. со вудтаваасод̇иаад̣̇им̣ гад̇ваа н̃аан̣аг̇г̇инаа д̣̇ад̣дхаанийд̇и барияосаанам̣ хздтаа вуд̇д̇анаяамзва. ад̇хосийд̇и ганд̇зси. д̇хуни санд̇хуни нид̣̇д̇хунийд̇и убасаг̇г̇зна бад̣̇ам̣ вад̣дхид̇ам̣.

    Yassatthigahitanti yassa puggalassa ‘‘ahaṃ mamā’’ti gahitaṃ atthi. Tassatthi muñcitabbanti tassa puggalassa mocetabbaṃ atthi. Upari padāni parivattetvā yojetabbāni. Gahaṇaṃ muñcanā samatikkantoti gahaṇamocanā arahā atikkanto. Buddhiparihānivītivattoti vaḍḍhiñca parihāniñca atikkamitvā pavatto. So vuṭṭhavāsotiādiṃ katvā ñāṇagginā daḍḍhānīti pariyosānaṃ heṭṭhā vuttanayameva. Adhosīti kantesi. Dhuni sandhuni niddhunīti upasaggena padaṃ vaḍḍhitaṃ.

    сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа

    Saddhammappajjotikāya mahāniddesaṭṭhakathāya

    д̣̇удтадтагасуд̇д̇анид̣̇д̣̇зсаван̣н̣анаа нидтид̇аа.

    Duṭṭhaṭṭhakasuttaniddesavaṇṇanā niṭṭhitā.




    Next: 4. суд̣̇д̇хадтагасуд̇д̇анид̣̇д̣̇зсаван̣н̣анаа • 4. Suddhaṭṭhakasuttaniddesavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 3. д̣̇удтадтагасуд̇д̇анид̣̇д̣̇зсо • 3. Duṭṭhaṭṭhakasuttaniddeso


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact