| Library / Tipiṭaka / д̇ибидага • Tipiṭaka / махаанид̣̇д̣̇зсабаал̣и • Mahāniddesapāḷi |
3. д̣̇удтадтагасуд̇д̇анид̣̇д̣̇зсо
3. Duṭṭhaṭṭhakasuttaniddeso
ат̇а д̣̇удтадтагасуд̇д̇анид̣̇д̣̇зсам̣ вагкад̇и –
Atha duṭṭhaṭṭhakasuttaniddesaṃ vakkhati –
15.
15.
вад̣̇анд̇и вз д̣̇удтаманааби згз, ат̇оби 1 вз сажжаманаа вад̣̇анд̇и;
Vadantive duṭṭhamanāpi eke,athopi2ve saccamanā vadanti;
ваад̣̇ан̃жа ж̇аад̇ам̣ муни но убзд̇и, д̇асмаа муний над̇т̇и кило гухин̃жи.
Vādañca jātaṃ muni no upeti, tasmā munī natthi khilo kuhiñci.
вад̣̇анд̇и вз д̣̇удтаманааби згзд̇и д̇з д̇ид̇т̇ияаа д̣̇удтаманаа вируд̣̇д̇хаманаа бадивируд̣̇д̇хаманаа аахад̇аманаа бажжаахад̇аманаа аагхаад̇ид̇аманаа бажжаагхаад̇ид̇аманаа вад̣̇анд̇и убавад̣̇анд̇и бхаг̇аванд̇ан̃жа бхигкусан̇гхан̃жа абхууд̇знаад̇и – вад̣̇анд̇и вз д̣̇удтаманааби згз.
Vadanti ve duṭṭhamanāpi eketi te titthiyā duṭṭhamanā viruddhamanā paṭiviruddhamanā āhatamanā paccāhatamanā āghātitamanā paccāghātitamanā vadanti upavadanti bhagavantañca bhikkhusaṅghañca abhūtenāti – vadanti ve duṭṭhamanāpi eke.
ат̇оби вз сажжаманаа вад̣̇анд̇ийд̇и яз д̇зсам̣ д̇ид̇т̇ияаанам̣ сад̣̇д̣̇аханд̇аа огаббзнд̇аа ад̇химужжанд̇аа сажжаманаа сажжасан̃н̃ино бхууд̇аманаа бхууд̇асан̃н̃ино д̇ат̇аманаа д̇ат̇асан̃н̃ино яаат̇ааваманаа яаат̇аавасан̃н̃ино авибарийд̇аманаа авибарийд̇асан̃н̃ино вад̣̇анд̇и убавад̣̇анд̇и бхаг̇аванд̇ан̃жа бхигкусан̇гхан̃жа абхууд̇знаад̇и – ат̇оби вз сажжаманаа вад̣̇анд̇и.
Athopi ve saccamanā vadantīti ye tesaṃ titthiyānaṃ saddahantā okappentā adhimuccantā saccamanā saccasaññino bhūtamanā bhūtasaññino tathamanā tathasaññino yāthāvamanā yāthāvasaññino aviparītamanā aviparītasaññino vadanti upavadanti bhagavantañca bhikkhusaṅghañca abhūtenāti – athopi ve saccamanā vadanti.
ваад̣̇ан̃жа ж̇аад̇ам̣ муни но убзд̇ийд̇и. со ваад̣̇о ж̇аад̇о ход̇и сан̃ж̇аад̇о ниб̣б̣ад̇д̇о абхиниб̣б̣ад̇д̇о баад̇убхууд̇о барад̇огхосо аггосо убаваад̣̇о бхаг̇авад̇о жа бхигкусан̇гхасса жа абхууд̇знаад̇и – ваад̣̇ан̃жа ж̇аад̇ам̣. муни но убзд̇ийд̇и. мунийд̇и. монам̣ вужжад̇и н̃аан̣ам̣. яаа бан̃н̃аа баж̇аананаа амохо д̇хаммавижаяо саммаад̣̇идти, д̇зна н̃аан̣зна саманнааг̇ад̇о муни монаббад̇д̇о…бз… сан̇г̇аж̇ааламад̇ижжа со муни. яо ваад̣̇ам̣ убзд̇и со д̣̇вийхи гааран̣зхи ваад̣̇ам̣ убзд̇и – гаараго гаарагад̇ааяа ваад̣̇ам̣ убзд̇и, ат̇а ваа вужжамаано убавад̣̇ияамаано губбад̇и б̣яаабаж̇ж̇ад̇и бад̇идтияад̇и гобан̃жа д̣̇осан̃жа аббажжаяан̃жа баад̇угарод̇и. агаарагомхийд̇и яо ваад̣̇ам̣ убзд̇и со имзхи д̣̇вийхи гааран̣зхи ваад̣̇ам̣ убзд̇и. муни д̣̇вийхи гааран̣зхи ваад̣̇ам̣ на убзд̇и – агаараго муни агаарагад̇ааяа ваад̣̇ам̣ на убзд̇и, ат̇а ваа вужжамаано убавад̣̇ияамаано на губбад̇и на б̣яаабаж̇ж̇ад̇и на бад̇идтияад̇и на гобан̃жа д̣̇осан̃жа аббажжаяан̃жа баад̇угарод̇и. агаарагомхийд̇и муни имзхи д̣̇вийхи гааран̣зхи ваад̣̇ам̣ на убзд̇и на убаг̇ажчад̇и на г̇ан̣хаад̇и на бараамасад̇и на абхинивисад̇ийд̇и – ваад̣̇ан̃жа ж̇аад̇ам̣ муни но убзд̇и.
Vādañca jātaṃ muni no upetīti. So vādo jāto hoti sañjāto nibbatto abhinibbatto pātubhūto paratoghoso akkoso upavādo bhagavato ca bhikkhusaṅghassa ca abhūtenāti – vādañca jātaṃ. Muni no upetīti. Munīti. Monaṃ vuccati ñāṇaṃ. Yā paññā pajānanā amoho dhammavicayo sammādiṭṭhi, tena ñāṇena samannāgato muni monappatto…pe… saṅgajālamaticca so muni. Yo vādaṃ upeti so dvīhi kāraṇehi vādaṃ upeti – kārako kārakatāya vādaṃ upeti, atha vā vuccamāno upavadiyamāno kuppati byāpajjati patiṭṭhiyati kopañca dosañca appaccayañca pātukaroti. Akārakomhīti yo vādaṃ upeti so imehi dvīhi kāraṇehi vādaṃ upeti. Muni dvīhi kāraṇehi vādaṃ na upeti – akārako muni akārakatāya vādaṃ na upeti, atha vā vuccamāno upavadiyamāno na kuppati na byāpajjati na patiṭṭhiyati na kopañca dosañca appaccayañca pātukaroti. Akārakomhīti muni imehi dvīhi kāraṇehi vādaṃ na upeti na upagacchati na gaṇhāti na parāmasati na abhinivisatīti – vādañca jātaṃ muni no upeti.
д̇асмаа муний над̇т̇и кило гухин̃жийд̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанам̣ мунино аахад̇ажид̇д̇ад̇аа килаж̇аад̇ад̇ааби над̇т̇и. бан̃жаби жзд̇окилаа над̇т̇и, д̇аяоби килаа над̇т̇и. рааг̇акило д̣̇осакило мохакило над̇т̇и на санд̇и на сам̣виж̇ж̇ад̇и нубалаб̣бхад̇и, бахийно самужчинно вуубасанд̇о бадибассад̣̇д̇хо абхаб̣б̣уббад̇д̇иго н̃аан̣аг̇г̇инаа д̣̇ад̣дхо. гухин̃жийд̇и гухин̃жи гимхижи гад̇т̇ажи аж̇жхад̇д̇ам̣ ваа б̣ахид̣̇д̇хаа ваа аж̇жхад̇д̇аб̣ахид̣̇д̇хаа ваад̇и – д̇асмаа муний над̇т̇и кило гухин̃жийд̇и.
Tasmā munī natthi khilo kuhiñcīti. Tasmāti tasmā taṃkāraṇā taṃhetu tappaccayā taṃnidānaṃ munino āhatacittatā khilajātatāpi natthi. Pañcapi cetokhilā natthi, tayopi khilā natthi. Rāgakhilo dosakhilo mohakhilo natthi na santi na saṃvijjati nupalabbhati, pahīno samucchinno vūpasanto paṭipassaddho abhabbuppattiko ñāṇagginā daḍḍho. Kuhiñcīti kuhiñci kimhici katthaci ajjhattaṃ vā bahiddhā vā ajjhattabahiddhā vāti – tasmā munī natthi khilo kuhiñcīti.
д̇знааха бхаг̇аваа –
Tenāha bhagavā –
‘‘вад̣̇анд̇и вз д̣̇удтаманааби згз, ат̇оби вз сажжаманаа вад̣̇анд̇и;
‘‘Vadanti ve duṭṭhamanāpi eke, athopi ve saccamanā vadanti;
ваад̣̇ан̃жа ж̇аад̇ам̣ муни но убзд̇и, д̇асмаа муний над̇т̇и кило гухин̃жий’’д̇и.
Vādañca jātaṃ muni no upeti, tasmā munī natthi khilo kuhiñcī’’ti.
16.
16.
саган̃хи д̣̇идтим̣ гат̇амажжаязяяа, чанд̣̇аанунийд̇о ружияаа нивидто;
Sakañhi diṭṭhiṃ kathamaccayeyya, chandānunīto ruciyā niviṭṭho;
саяам̣ самад̇д̇аани багуб̣б̣амаано, яат̇аа хи ж̇аанзяяа д̇ат̇аа вад̣̇зяяа.
Sayaṃ samattāni pakubbamāno, yathā hi jāneyya tathā vadeyya.
саган̃хи д̣̇идтим̣ гат̇амажжаязяяаад̇и. яам̣ д̇з д̇ид̇т̇ияаа сунд̣̇арибариб̣б̣ааж̇игам̣ ханд̇ваа саман̣аанам̣ сагяабуд̇д̇ияаанам̣ аван̣н̣ам̣ багаасаяид̇ваа ‘‘звам̣ зд̇ам̣ лаабхам̣ яасасаггаарам̣ саммаанам̣ бажжаахариссаамаа’’д̇и д̇з звам̣д̣̇идтигаа звам̣канд̇игаа звам̣ружигаа звам̣лад̣̇д̇хигаа звам̣аж̇жхаасаяаа звам̣ад̇хиббааяаа, д̇з наасагким̣су сагам̣ д̣̇идтим̣ сагам̣ канд̇им̣ сагам̣ ружим̣ сагам̣ лад̣̇д̇хим̣ сагам̣ аж̇жхаасаяам̣ сагам̣ ад̇хиббааяам̣ ад̇иггамид̇ум̣; ат̇а ко свзва аяасо д̇з бажжааг̇ад̇од̇и, звамби – саган̃хи д̣̇идтим̣ гат̇амажжаязяяа. ат̇а ваа ‘‘сассад̇о лого, ид̣̇амзва сажжам̣ могхаман̃н̃а’’нд̇и яо со звам̣ваад̣̇о, со сагам̣ д̣̇идтим̣ сагам̣ канд̇им̣ сагам̣ ружим̣ сагам̣ лад̣̇д̇хим̣ сагам̣ аж̇жхаасаяам̣ сагам̣ ад̇хиббааяам̣ гат̇ам̣ ажжаязяяа ад̇иггамзяяа самад̇иггамзяяа вийд̇ивад̇д̇зяяа? д̇ам̣ гисса хзд̇у? д̇асса саа д̣̇идти д̇ат̇аа самад̇д̇аа самаад̣̇иннаа г̇ахид̇аа бараамадтаа абхинивидтаа аж̇жхосид̇аа ад̇химуд̇д̇аад̇и. звамби – саган̃хи д̣̇идтим̣ гат̇амажжаязяяа? ‘‘асассад̇о лого…бз… анд̇аваа лого… ананд̇аваа лого… д̇ам̣ ж̇ийвам̣ д̇ам̣ сарийрам̣… ан̃н̃ам̣ ж̇ийвам̣ ан̃н̃ам̣ сарийрам̣… ход̇и д̇ат̇ааг̇ад̇о барам̣ маран̣аа… на ход̇и д̇ат̇ааг̇ад̇о барам̣ маран̣аа… ход̇и жа на жа ход̇и д̇ат̇ааг̇ад̇о барам̣ маран̣аа… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’нд̇и яо со звам̣ ваад̣̇о, со сагам̣ д̣̇идтим̣ сагам̣ канд̇им̣ сагам̣ ружим̣ сагам̣ лад̣̇д̇хим̣ сагам̣ аж̇жхаасаяам̣ сагам̣ ад̇хиббааяам̣ гат̇ам̣ ажжаязяяа ад̇иггамзяяа самад̇иггамзяяа вийд̇ивад̇д̇зяяа? д̇ам̣ гисса хзд̇у? д̇асса саа д̣̇идти д̇ат̇аа самад̇д̇аа самаад̣̇иннаа г̇ахид̇аа бараамадтаа абхинивидтаа аж̇жхосид̇аа ад̇химуд̇д̇аад̇и. звамби – саган̃хи д̣̇идтим̣ гат̇амажжаязяяа.
Sakañhidiṭṭhiṃ kathamaccayeyyāti. Yaṃ te titthiyā sundariparibbājikaṃ hantvā samaṇānaṃ sakyaputtiyānaṃ avaṇṇaṃ pakāsayitvā ‘‘evaṃ etaṃ lābhaṃ yasasakkāraṃ sammānaṃ paccāharissāmā’’ti te evaṃdiṭṭhikā evaṃkhantikā evaṃrucikā evaṃladdhikā evaṃajjhāsayā evaṃadhippāyā, te nāsakkhiṃsu sakaṃ diṭṭhiṃ sakaṃ khantiṃ sakaṃ ruciṃ sakaṃ laddhiṃ sakaṃ ajjhāsayaṃ sakaṃ adhippāyaṃ atikkamituṃ; atha kho sveva ayaso te paccāgatoti, evampi – sakañhi diṭṭhiṃ kathamaccayeyya. Atha vā ‘‘sassato loko, idameva saccaṃ moghamañña’’nti yo so evaṃvādo, so sakaṃ diṭṭhiṃ sakaṃ khantiṃ sakaṃ ruciṃ sakaṃ laddhiṃ sakaṃ ajjhāsayaṃ sakaṃ adhippāyaṃ kathaṃ accayeyya atikkameyya samatikkameyya vītivatteyya? Taṃ kissa hetu? Tassa sā diṭṭhi tathā samattā samādinnā gahitā parāmaṭṭhā abhiniviṭṭhā ajjhositā adhimuttāti. Evampi – sakañhi diṭṭhiṃ kathamaccayeyya? ‘‘Asassato loko…pe… antavā loko… anantavā loko… taṃ jīvaṃ taṃ sarīraṃ… aññaṃ jīvaṃ aññaṃ sarīraṃ… hoti tathāgato paraṃ maraṇā… na hoti tathāgato paraṃ maraṇā… hoti ca na ca hoti tathāgato paraṃ maraṇā… neva hoti na na hoti tathāgato paraṃ maraṇā, idameva saccaṃ moghamañña’’nti yo so evaṃ vādo, so sakaṃ diṭṭhiṃ sakaṃ khantiṃ sakaṃ ruciṃ sakaṃ laddhiṃ sakaṃ ajjhāsayaṃ sakaṃ adhippāyaṃ kathaṃ accayeyya atikkameyya samatikkameyya vītivatteyya? Taṃ kissa hetu? Tassa sā diṭṭhi tathā samattā samādinnā gahitā parāmaṭṭhā abhiniviṭṭhā ajjhositā adhimuttāti. Evampi – sakañhi diṭṭhiṃ kathamaccayeyya.
чанд̣̇аанунийд̇о ружияаа нивидтод̇и. чанд̣̇аанунийд̇од̇и сагааяа д̣̇идтияаа сагааяа канд̇ияаа сагааяа ружияаа сагааяа лад̣̇д̇хияаа яааяад̇и нияяад̇и вуяхад̇и сам̣харийяад̇и. яат̇аа хад̇т̇ияаанзна ваа ассаяаанзна ваа рат̇аяаанзна ваа г̇ояаанзна ваа аж̇аяаанзна ваа мзн̣д̣аяаанзна ваа одтаяаанзна ваа караяаанзна ваа яааяад̇и нияяад̇и вуяхад̇и сам̣харийяад̇и, звамзва сагааяа д̣̇идтияаа сагааяа канд̇ияаа сагааяа ружияаа сагааяа лад̣̇д̇хияаа яааяад̇и нияяад̇и вуяхад̇и сам̣харийяад̇ийд̇и – чанд̣̇аанунийд̇о. ружияаа нивидтод̇и сагааяа д̣̇идтияаа сагааяа ружияаа сагааяа лад̣̇д̇хияаа нивидто бад̇идтид̇о аллийно убаг̇ад̇о аж̇жхосид̇о ад̇химуд̇д̇од̇и – чанд̣̇аанунийд̇о ружияаа нивидто.
Chandānunīto ruciyā niviṭṭhoti. Chandānunītoti sakāya diṭṭhiyā sakāya khantiyā sakāya ruciyā sakāya laddhiyā yāyati niyyati vuyhati saṃharīyati. Yathā hatthiyānena vā assayānena vā rathayānena vā goyānena vā ajayānena vā meṇḍayānena vā oṭṭhayānena vā kharayānena vā yāyati niyyati vuyhati saṃharīyati, evameva sakāya diṭṭhiyā sakāya khantiyā sakāya ruciyā sakāya laddhiyā yāyati niyyati vuyhati saṃharīyatīti – chandānunīto. Ruciyā niviṭṭhoti sakāya diṭṭhiyā sakāya ruciyā sakāya laddhiyā niviṭṭho patiṭṭhito allīno upagato ajjhosito adhimuttoti – chandānunīto ruciyā niviṭṭho.
саяам̣ самад̇д̇аани багуб̣б̣амаанод̇и. саяам̣ самад̇д̇ам̣ гарод̇и барибун̣н̣ам̣ гарод̇и аномам̣ гарод̇и аг̇г̇ам̣ сздтам̣ висидтам̣ баамогкам̣ уд̇д̇амам̣ баварам̣ гарод̇и. ‘‘аяам̣ сад̇т̇аа саб̣б̣ан̃н̃уу’’д̇и саяам̣ самад̇д̇ам̣ гарод̇и барибун̣н̣ам̣ гарод̇и аномам̣ гарод̇и аг̇г̇ам̣ сздтам̣ висидтам̣ баамогкам̣ уд̇д̇амам̣ баварам̣ гарод̇и. ‘‘аяам̣ д̇хаммо сваагкаад̇о…бз… аяам̣ г̇ан̣о суббадибанно… аяам̣ д̣̇идти бхад̣̇д̣̇игаа… аяам̣ бадибад̣̇аа субан̃н̃ад̇д̇аа… аяам̣ маг̇г̇о нияяааниго’’д̇и саяам̣ самад̇д̇ам̣ гарод̇и барибун̣н̣ам̣ гарод̇и аномам̣ гарод̇и аг̇г̇ам̣ сздтам̣ висидтам̣ баамогкам̣ уд̇д̇амам̣ баварам̣ гарод̇и ж̇анзд̇и сан̃ж̇анзд̇и ниб̣б̣ад̇д̇зд̇и абхиниб̣б̣ад̇д̇зд̇ийд̇и – саяам̣ самад̇д̇аани багуб̣б̣амаано.
Sayaṃ samattāni pakubbamānoti. Sayaṃ samattaṃ karoti paripuṇṇaṃ karoti anomaṃ karoti aggaṃ seṭṭhaṃ visiṭṭhaṃ pāmokkhaṃ uttamaṃ pavaraṃ karoti. ‘‘Ayaṃ satthā sabbaññū’’ti sayaṃ samattaṃ karoti paripuṇṇaṃ karoti anomaṃ karoti aggaṃ seṭṭhaṃ visiṭṭhaṃ pāmokkhaṃ uttamaṃ pavaraṃ karoti. ‘‘Ayaṃ dhammo svākkhāto…pe… ayaṃ gaṇo suppaṭipanno… ayaṃ diṭṭhi bhaddikā… ayaṃ paṭipadā supaññattā… ayaṃ maggo niyyāniko’’ti sayaṃ samattaṃ karoti paripuṇṇaṃ karoti anomaṃ karoti aggaṃ seṭṭhaṃ visiṭṭhaṃ pāmokkhaṃ uttamaṃ pavaraṃ karoti janeti sañjaneti nibbatteti abhinibbattetīti – sayaṃ samattāni pakubbamāno.
яат̇аа хи ж̇аанзяяа д̇ат̇аа вад̣̇зяяаад̇и яат̇аа ж̇аанзяяа, д̇ат̇аа вад̣̇зяяа гат̇зяяа бхан̣зяяа д̣̇ийбаязяяа вохарзяяа. ‘‘сассад̇о лого, ид̣̇амзва сажжам̣ могхаман̃н̃а’’нд̇и яат̇аа ж̇аанзяяа, д̇ат̇аа вад̣̇зяяа гат̇зяяа бхан̣зяяа д̣̇ийбаязяяа вохарзяяа. ‘‘асассад̇о лого…бз… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’нд̇и яат̇аа ж̇аанзяяа, д̇ат̇аа вад̣̇зяяа гат̇зяяа бхан̣зяяа д̣̇ийбаязяяа вохарзяяаад̇и – яат̇аа хи ж̇аанзяяа д̇ат̇аа вад̣̇зяяа.
Yathā hi jāneyya tathā vadeyyāti yathā jāneyya, tathā vadeyya katheyya bhaṇeyya dīpayeyya vohareyya. ‘‘Sassato loko, idameva saccaṃ moghamañña’’nti yathā jāneyya, tathā vadeyya katheyya bhaṇeyya dīpayeyya vohareyya. ‘‘Asassato loko…pe… neva hoti na na hoti tathāgato paraṃ maraṇā, idameva saccaṃ moghamañña’’nti yathā jāneyya, tathā vadeyya katheyya bhaṇeyya dīpayeyya vohareyyāti – yathā hi jāneyya tathā vadeyya.
д̇знааха бхаг̇аваа –
Tenāha bhagavā –
‘‘саган̃хи д̣̇идтим̣ гат̇амажжаязяяа, чанд̣̇аанунийд̇о ружияаа нивидто;
‘‘Sakañhi diṭṭhiṃ kathamaccayeyya, chandānunīto ruciyā niviṭṭho;
саяам̣ самад̇д̇аани багуб̣б̣амаано, яат̇аа хи ж̇аанзяяа д̇ат̇аа вад̣̇зяяаа’’д̇и.
Sayaṃ samattāni pakubbamāno, yathā hi jāneyya tathā vadeyyā’’ti.
17.
17.
яо ад̇д̇ано сийлавад̇аани ж̇анд̇у, анаанубудтова 3 барзса баава бааваа (сий. сяаа.) ;
Yo attano sīlavatāni jantu, anānupuṭṭhova4paresa pāva pāvā (sī. syā.) ;
анарияад̇хаммам̣ гусалаа д̇амааху, яо аад̇умаанам̣ саяамзва баава 5 .
Anariyadhammaṃ kusalā tamāhu, yo ātumānaṃ sayameva pāva6.
яо ад̇д̇ано сийлавад̇аани ж̇анд̇ууд̇и. яод̇и яо яаад̣̇исо яат̇ааяуд̇д̇о яат̇аавихид̇о яат̇аабагааро яам̣таанаббад̇д̇о яам̣д̇хаммасаманнааг̇ад̇о кад̇д̇ияо ваа б̣раахман̣о ваа взссо ваа суд̣̇д̣̇о ваа г̇ахадто ваа баб̣б̣аж̇ид̇о ваа д̣̇зво ваа мануссо ваа. сийлавад̇аанийд̇и ад̇т̇и сийлан̃жзва вад̇ан̃жа 7, ад̇т̇и вад̇ам̣ на сийлам̣. гад̇амам̣ сийлан̃жзва вад̇ан̃жа? ид̇ха бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. яо д̇ад̇т̇а сам̣яамо сам̣варо авийд̇иггамо, ид̣̇ам̣ сийлам̣. яам̣ самаад̣̇аанам̣ д̇ам̣ вад̇ам̣. сам̣варадтзна сийлам̣; самаад̣̇аанадтзна вад̇ам̣ – ид̣̇ам̣ вужжад̇и сийлан̃жзва вад̇ан̃жа. гад̇амам̣ вад̇ам̣, на сийлам̣? адта д̇худ̇ан̇г̇аани – ааран̃н̃иган̇г̇ам̣, бин̣д̣абаад̇иган̇г̇ам̣, бам̣сугуулиган̇г̇ам̣, д̇зжийвариган̇г̇ам̣, сабад̣̇аанажаариган̇г̇ам̣, калубажчаабхад̇д̇иган̇г̇ам̣, нзсаж̇ж̇иган̇г̇ам̣, яат̇аасант̇ад̇иган̇г̇ам̣ – ид̣̇ам̣ вужжад̇и вад̇ам̣, на сийлам̣ . вийрияасамаад̣̇аанамби вужжад̇и вад̇ам̣, на сийлам̣. ‘‘гаамам̣ д̇ажо жа нхаару 8 жа адти жа авасиссад̇у 9, сарийрз убассуссад̇у мам̣салохид̇ам̣. яам̣ д̇ам̣ бурисат̇аамзна бурисаб̣алзна бурисавийриязна бурисабараггамзна бад̇д̇аб̣б̣ам̣ , на д̇ам̣ абаабун̣ид̇ваа вийрияасса сан̣таанам̣ бхависсад̇ий’’д̇и – жид̇д̇ам̣ баг̇г̇ан̣хаад̇и бад̣̇ахад̇и. зваруубам̣ вийрияасамаад̣̇аанам̣ – ид̣̇ам̣ вужжад̇и вад̇ам̣, на сийлам̣.
Yo attano sīlavatāni jantūti. Yoti yo yādiso yathāyutto yathāvihito yathāpakāro yaṃṭhānappatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā. Sīlavatānīti atthi sīlañceva vatañca 10, atthi vataṃ na sīlaṃ. Katamaṃ sīlañceva vatañca? Idha bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu. Yo tattha saṃyamo saṃvaro avītikkamo, idaṃ sīlaṃ. Yaṃ samādānaṃ taṃ vataṃ. Saṃvaraṭṭhena sīlaṃ; samādānaṭṭhena vataṃ – idaṃ vuccati sīlañceva vatañca. Katamaṃ vataṃ, na sīlaṃ? Aṭṭha dhutaṅgāni – āraññikaṅgaṃ, piṇḍapātikaṅgaṃ, paṃsukūlikaṅgaṃ, tecīvarikaṅgaṃ, sapadānacārikaṅgaṃ, khalupacchābhattikaṅgaṃ, nesajjikaṅgaṃ, yathāsanthatikaṅgaṃ – idaṃ vuccati vataṃ, na sīlaṃ . Vīriyasamādānampi vuccati vataṃ, na sīlaṃ. ‘‘Kāmaṃ taco ca nhāru 11 ca aṭṭhi ca avasissatu 12, sarīre upassussatu maṃsalohitaṃ. Yaṃ taṃ purisathāmena purisabalena purisavīriyena purisaparakkamena pattabbaṃ , na taṃ apāpuṇitvā vīriyassa saṇṭhānaṃ bhavissatī’’ti – cittaṃ paggaṇhāti padahati. Evarūpaṃ vīriyasamādānaṃ – idaṃ vuccati vataṃ, na sīlaṃ.
‘‘наасиссам̣ на бивиссаами, вихаарад̇о на нигкамз;
‘‘Nāsissaṃ na pivissāmi, vihārato na nikkhame;
наби бассам̣ нибаад̇зссам̣, д̇ан̣хаасаллз ануухад̇з’’д̇и.
Napi passaṃ nipātessaṃ, taṇhāsalle anūhate’’ti.
жид̇д̇ам̣ баг̇г̇ан̣хаад̇и бад̣̇ахад̇и. зваруубамби вийрияасамаад̣̇аанам̣ вужжад̇и вад̇ам̣, на сийлам̣. ‘‘на д̇ааваахам̣ имам̣ баллан̇гам̣ бхинд̣̇иссаами яаава мз на анубаад̣̇ааяа аасавзхи жид̇д̇ам̣ вимужжиссад̇ий’’д̇и – жид̇д̇ам̣ баг̇г̇ан̣хаад̇и бад̣̇ахад̇и. зваруубамби вийрияасамаад̣̇аанам̣ вужжад̇и вад̇ам̣, на сийлам̣. ‘‘на д̇ааваахам̣ имамхаа аасанаа вудтахиссаами, жан̇гамаа орохиссаами, вихаараа нигкамиссаами, ад̣дхаяог̇аа нигкамиссаами, баасаад̣̇аа нигкамиссаами, хаммияаа нигкамиссаами, г̇ухааяа нигкамиссаами, лзн̣аа нигкамиссаами, гудияаа нигкамиссаами, гуудааг̇аараа нигкамиссаами, аддаа нигкамиссаами, маал̣аа нигкамиссаами, уд̣̇д̣̇ан̣д̣аа 13 нигкамиссаами убадтаанасаалааяа нигкамиссаами ман̣д̣абаа нигкамиссаами, ругкамуулаа нигкамиссаами яаава мз на анубаад̣̇ааяа аасавзхи жид̇д̇ам̣ вимужжиссад̇ий’’д̇и – жид̇д̇ам̣ баг̇г̇ан̣хаад̇и бад̣̇ахад̇и. зваруубамби вийрияасамаад̣̇аанам̣ вужжад̇и вад̇ам̣, на сийлам̣. ‘‘имасмин̃н̃зва буб̣б̣ан̣хасамаяам̣ арияад̇хаммам̣ аахариссаами самаахариссаами ад̇хиг̇ажчиссаами пассаяиссаами сажчигариссаамий’’д̇и – жид̇д̇ам̣ баг̇г̇ан̣хаад̇и бад̣̇ахад̇и. зваруубамби вийрияасамаад̣̇аанам̣ вужжад̇и вад̇ам̣, на сийлам̣. ‘‘имасмин̃н̃зва маж̇жханхигасамаяам̣, сааяанхасамаяам̣, бурзбхад̇д̇ам̣, бажчаабхад̇д̇ам̣, буримам̣ яаамам̣, маж̇жхимам̣ яаамам̣, бажчимам̣ яаамам̣, гаал̣з, ж̇ун̣хз, вассз, хзманд̇з, г̇имхз, буримз ваяоканд̇хз, маж̇жхимз ваяоканд̇хз, бажчимз ваяоканд̇хз арияад̇хаммам̣ аахариссаами самаахариссаами ад̇хиг̇ажчиссаами пассаяиссаами сажчигариссаамий’’д̇и – жид̇д̇ам̣ баг̇г̇ан̣хаад̇и бад̣̇ахад̇и. зваруубамби вийрияасамаад̣̇аанам̣ вужжад̇и вад̇ам̣, на сийлам̣. ж̇анд̇ууд̇и сад̇д̇о наро маанаво 14 босо буг̇г̇ало ж̇ийво ж̇ааг̇у ж̇анд̇у инд̣̇аг̇у мануж̇од̇и – яо ад̇д̇ано сийлавад̇аани ж̇анд̇у.
Cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. ‘‘Na tāvāhaṃ imaṃ pallaṅkaṃ bhindissāmi yāva me na anupādāya āsavehi cittaṃ vimuccissatī’’ti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. ‘‘Na tāvāhaṃ imamhā āsanā vuṭṭhahissāmi, caṅkamā orohissāmi, vihārā nikkhamissāmi, aḍḍhayogā nikkhamissāmi, pāsādā nikkhamissāmi, hammiyā nikkhamissāmi, guhāya nikkhamissāmi, leṇā nikkhamissāmi, kuṭiyā nikkhamissāmi, kūṭāgārā nikkhamissāmi, aṭṭā nikkhamissāmi, māḷā nikkhamissāmi, uddaṇḍā 15 nikkhamissāmi upaṭṭhānasālāya nikkhamissāmi maṇḍapā nikkhamissāmi, rukkhamūlā nikkhamissāmi yāva me na anupādāya āsavehi cittaṃ vimuccissatī’’ti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. ‘‘Imasmiññeva pubbaṇhasamayaṃ ariyadhammaṃ āharissāmi samāharissāmi adhigacchissāmi phassayissāmi sacchikarissāmī’’ti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. ‘‘Imasmiññeva majjhanhikasamayaṃ, sāyanhasamayaṃ, purebhattaṃ, pacchābhattaṃ, purimaṃ yāmaṃ, majjhimaṃ yāmaṃ, pacchimaṃ yāmaṃ, kāḷe, juṇhe, vasse, hemante, gimhe, purime vayokhandhe, majjhime vayokhandhe, pacchime vayokhandhe ariyadhammaṃ āharissāmi samāharissāmi adhigacchissāmi phassayissāmi sacchikarissāmī’’ti – cittaṃ paggaṇhāti padahati. Evarūpampi vīriyasamādānaṃ vuccati vataṃ, na sīlaṃ. Jantūti satto naro mānavo 16 poso puggalo jīvo jāgu jantu indagu manujoti – yo attano sīlavatāni jantu.
анаанубудтова барзса бааваад̇и. барзсанд̇и барзсам̣ кад̇д̇ияаанам̣ б̣раахман̣аанам̣ взссаанам̣ суд̣̇д̣̇аанам̣ г̇ахадтаанам̣ баб̣б̣аж̇ид̇аанам̣ д̣̇зваанам̣ мануссаанам̣. анаанубудтод̇и абудто абужчид̇о аяаажид̇о анаж̇жхзсид̇о абасаад̣̇ид̇о. бааваад̇и ад̇д̇ано сийлам̣ ваа вад̇ам̣ ваа сийлаб̣б̣ад̇ам̣ ваа баавад̣̇ад̇и. ахамасми сийласамбаннод̇и ваа, вад̇асамбаннод̇и ваа, сийлаб̣б̣ад̇асамбаннод̇и ваа ж̇аад̇ияаа ваа г̇од̇д̇зна ваа голабуд̇д̇иязна ваа ван̣н̣абогкарад̇ааяа ваа д̇ханзна ваа аж̇жхзнзна ваа гаммааяад̇анзна ваа сиббааяад̇анзна ваа виж̇ж̇аадтаанзна 17 ваа суд̇зна ваа бадибхаанзна 18 ваа ан̃н̃ад̇аран̃н̃ад̇арзна ваа вад̇т̇унаа, ужжаа гулаа баб̣б̣аж̇ид̇од̇и ваа, махаагулаа баб̣б̣аж̇ид̇од̇и ваа, махаабхог̇агулаа баб̣б̣аж̇ид̇од̇и ваа, ул̣аарабхог̇агулаа баб̣б̣аж̇ид̇од̇и ваа, н̃аад̇о яасассий саг̇ахадтабаб̣б̣аж̇ид̇аананд̇и ваа, лаабхимхи жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’’нд̇и ваа, суд̇д̇анд̇игод̇и ваа, винаяад̇харод̇и ваа, д̇хаммагат̇игод̇и ваа, ааран̃н̃игод̇и ваа, бин̣д̣абаад̇игод̇и ваа, бам̣сугуулигод̇и ваа, д̇зжийваригод̇и ваа, сабад̣̇аанажааригод̇и ваа, калубажчаабхад̇д̇игод̇и ваа, нзсаж̇ж̇игод̇и ваа, яат̇аасант̇ад̇игод̇и ваа, батамасса жхаанасса лаабхийд̇и ваа, д̣̇уд̇ияасса жхаанасса лаабхийд̇и ваа, д̇ад̇ияасса жхаанасса лаабхийд̇и ваа, жад̇уд̇т̇асса жхаанасса лаабхийд̇и ваа, аагаасаанан̃жааяад̇анасамаабад̇д̇ияаа лаабхийд̇и ваа, вин̃н̃аан̣ан̃жааяад̇анасамаабад̇д̇ияаа лаабхийд̇и ваа, аагин̃жан̃н̃ааяад̇анасамаабад̇д̇ияаа лаабхийд̇и ваа, нзвасан̃н̃аанаасан̃н̃ааяад̇анасамаабад̇д̇ияаа лаабхийд̇и ваа баавад̣̇ад̇и гат̇зд̇и бхан̣ад̇и д̣̇ийбаяад̇и вохарад̇ийд̇и – анаанубудтова барзсам̣ баава.
Anānupuṭṭhova paresa pāvāti. Paresanti paresaṃ khattiyānaṃ brāhmaṇānaṃ vessānaṃ suddānaṃ gahaṭṭhānaṃ pabbajitānaṃ devānaṃ manussānaṃ. Anānupuṭṭhoti apuṭṭho apucchito ayācito anajjhesito apasādito. Pāvāti attano sīlaṃ vā vataṃ vā sīlabbataṃ vā pāvadati. Ahamasmi sīlasampannoti vā, vatasampannoti vā, sīlabbatasampannoti vā jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena 19 vā sutena vā paṭibhānena 20 vā aññataraññatarena vā vatthunā, uccā kulā pabbajitoti vā, mahākulā pabbajitoti vā, mahābhogakulā pabbajitoti vā, uḷārabhogakulā pabbajitoti vā, ñāto yasassī sagahaṭṭhapabbajitānanti vā, lābhimhi cīvarapiṇḍapātasenāsanagilānapaccayabhesajjaparikkhārāna’’nti vā, suttantikoti vā, vinayadharoti vā, dhammakathikoti vā, āraññikoti vā, piṇḍapātikoti vā, paṃsukūlikoti vā, tecīvarikoti vā, sapadānacārikoti vā, khalupacchābhattikoti vā, nesajjikoti vā, yathāsanthatikoti vā, paṭhamassa jhānassa lābhīti vā, dutiyassa jhānassa lābhīti vā, tatiyassa jhānassa lābhīti vā, catutthassa jhānassa lābhīti vā, ākāsānañcāyatanasamāpattiyā lābhīti vā, viññāṇañcāyatanasamāpattiyā lābhīti vā, ākiñcaññāyatanasamāpattiyā lābhīti vā, nevasaññānāsaññāyatanasamāpattiyā lābhīti vā pāvadati katheti bhaṇati dīpayati voharatīti – anānupuṭṭhova paresaṃ pāva.
анарияад̇хаммам̣ гусалаа д̇амаахууд̇и. гусалаад̇и яз д̇з канд̇хагусалаа д̇хаад̇угусалаа ааяад̇анагусалаа бадижжасамуббаад̣̇агусалаа сад̇ибадтаанагусалаа саммаббад̇хаанагусалаа ид̣̇д̇хибаад̣̇агусалаа инд̣̇рияагусалаа б̣алагусалаа б̣ож̇жхан̇г̇агусалаа маг̇г̇агусалаа палагусалаа ниб̣б̣аанагусалаа, д̇з гусалаа звамаахам̣су – ‘‘анарияаанам̣ зсо д̇хаммо, нзсо д̇хаммо арияаанам̣; б̣аалаанам̣ зсо д̇хаммо, нзсо д̇хаммо бан̣д̣ид̇аанам̣; асаббурисаанам̣ зсо д̇хаммо, нзсо д̇хаммо саббурисаана’’нд̇и. звамаахам̣су звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – анарияад̇хаммам̣ гусалаа д̇амааху.
Anariyadhammaṃkusalā tamāhūti. Kusalāti ye te khandhakusalā dhātukusalā āyatanakusalā paṭiccasamuppādakusalā satipaṭṭhānakusalā sammappadhānakusalā iddhipādakusalā indriyakusalā balakusalā bojjhaṅgakusalā maggakusalā phalakusalā nibbānakusalā, te kusalā evamāhaṃsu – ‘‘anariyānaṃ eso dhammo, neso dhammo ariyānaṃ; bālānaṃ eso dhammo, neso dhammo paṇḍitānaṃ; asappurisānaṃ eso dhammo, neso dhammo sappurisāna’’nti. Evamāhaṃsu evaṃ kathenti evaṃ bhaṇanti evaṃ dīpayanti evaṃ voharantīti – anariyadhammaṃ kusalā tamāhu.
яо аад̇умаанам̣ саяамзва бааваад̇и. аад̇умаа вужжад̇и ад̇д̇аа. саяамзва бааваад̇и саяамзва ад̇д̇аанам̣ баавад̣̇ад̇и – ‘‘ахамасми сийласамбаннод̇и ваа, вад̇асамбаннод̇и ваа, сийлаб̣б̣ад̇асамбаннод̇и ваа, ж̇аад̇ияаа ваа г̇од̇д̇зна ваа голабуд̇д̇иязна ваа ван̣н̣абогкарад̇ааяа ваа д̇ханзна ваа аж̇жхзнзна ваа гаммааяад̇анзна ваа сиббааяад̇анзна ваа виж̇ж̇аадтаанзна ваа суд̇зна ваа бадибхаанзна ваа ан̃н̃ад̇аран̃н̃ад̇арзна ваа вад̇т̇унаа, ужжаа гулаа баб̣б̣аж̇ид̇од̇и ваа, махаагулаа баб̣б̣аж̇ид̇од̇и ваа, махаабхог̇агулаа баб̣б̣аж̇ид̇од̇и ваа, ул̣аарабхог̇агулаа баб̣б̣аж̇ид̇од̇и ваа, н̃аад̇о яасассий саг̇ахадтабаб̣б̣аж̇ид̇аананд̇и ваа, лаабхимхи жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараананд̇и ваа, суд̇д̇анд̇игод̇и ваа, винаяад̇харод̇и ваа, д̇хаммагат̇игод̇и ваа, ааран̃н̃игод̇и ваа, бин̣д̣абаад̇игод̇и ваа, бам̣сугуулигод̇и ваа, д̇зжийваригод̇и ваа, сабад̣̇аанажааригод̇и ваа, калубажчаабхад̇д̇игод̇и ваа, нзсаж̇ж̇игод̇и ваа, яат̇аасант̇ад̇игод̇и ваа, батамасса жхаанасса лаабхийд̇и ваа, д̣̇уд̇ияасса жхаанасса лаабхийд̇и ваа, д̇ад̇ияасса жхаанасса лаабхийд̇и ваа, жад̇уд̇т̇асса жхаанасса лаабхийд̇и ваа, аагаасаанан̃жааяад̇анасамаабад̇д̇ияаа лаабхийд̇и ваа, вин̃н̃аан̣ан̃жааяад̇анасамаабад̇д̇ияаа лаабхийд̇и ваа,
Yoātumānaṃ sayameva pāvāti. Ātumā vuccati attā. Sayameva pāvāti sayameva attānaṃ pāvadati – ‘‘ahamasmi sīlasampannoti vā, vatasampannoti vā, sīlabbatasampannoti vā, jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vā vatthunā, uccā kulā pabbajitoti vā, mahākulā pabbajitoti vā, mahābhogakulā pabbajitoti vā, uḷārabhogakulā pabbajitoti vā, ñāto yasassī sagahaṭṭhapabbajitānanti vā, lābhimhi cīvarapiṇḍapātasenāsanagilānapaccayabhesajjaparikkhārānanti vā, suttantikoti vā, vinayadharoti vā, dhammakathikoti vā, āraññikoti vā, piṇḍapātikoti vā, paṃsukūlikoti vā, tecīvarikoti vā, sapadānacārikoti vā, khalupacchābhattikoti vā, nesajjikoti vā, yathāsanthatikoti vā, paṭhamassa jhānassa lābhīti vā, dutiyassa jhānassa lābhīti vā, tatiyassa jhānassa lābhīti vā, catutthassa jhānassa lābhīti vā, ākāsānañcāyatanasamāpattiyā lābhīti vā, viññāṇañcāyatanasamāpattiyā lābhīti vā,
вибхаван̃жа бхаван̃жа виббахааяа, вусид̇аваа кийн̣абунаб̣бхаво са бхигкуу’’д̇и.
Vibhavañca bhavañca vippahāya, vusitavā khīṇapunabbhavo sa bhikkhū’’ti.
аагин̃жан̃н̃ааяад̇анасамаабад̇д̇ияаа лаабхийд̇и ваа, нзвасан̃н̃аанаасан̃н̃ааяад̇анасамаабад̇д̇ияаа лаабхийд̇и ваа’’ баавад̣̇ад̇и гат̇зд̇и бхан̣ад̇и д̣̇ийбаяад̇и вохарад̇ийд̇и – яо аад̇умаанам̣ саяамзва бааваад̇и.
Ākiñcaññāyatanasamāpattiyā lābhīti vā, nevasaññānāsaññāyatanasamāpattiyā lābhīti vā’’ pāvadati katheti bhaṇati dīpayati voharatīti – yo ātumānaṃ sayameva pāvāti.
д̇знааха бхаг̇аваа –
Tenāha bhagavā –
‘‘яо ад̇д̇ано сийлавад̇аани ж̇анд̇у, анаанубудтова барзса баава;
‘‘Yo attano sīlavatāni jantu, anānupuṭṭhova paresa pāva;
анарияад̇хаммам̣ гусалаа д̇амааху, яо аад̇умаанам̣ саяамзва бааваа’’д̇и.
Anariyadhammaṃ kusalā tamāhu, yo ātumānaṃ sayameva pāvā’’ti.
18.
18.
санд̇о жа бхигку абхиниб̣б̣уд̇ад̇д̇о, ид̇иханд̇и сийлзсу агад̇т̇амаано;
Santo ca bhikkhu abhinibbutatto,itihanti sīlesu akatthamāno;
д̇амарияад̇хаммам̣ гусалаа вад̣̇анд̇и, яассуссад̣̇аа над̇т̇и гухин̃жи логз.
Tamariyadhammaṃ kusalā vadanti, yassussadā natthi kuhiñci loke.
санд̇о жа бхигку абхиниб̣б̣уд̇ад̇д̇од̇и. санд̇од̇и рааг̇асса самид̇ад̇д̇аа санд̇о, д̣̇осасса самид̇ад̇д̇аа санд̇о, мохасса самид̇ад̇д̇аа санд̇о, год̇хасса…бз… убанаахасса… магкасса… бал̣аасасса 21 … иссааяа… мажчарияасса… мааяааяа… саатзяяасса… т̇амбхасса… саарамбхасса… маанасса… ад̇имаанасса… мад̣̇асса… бамаад̣̇асса… саб̣б̣агилзсаанам̣… саб̣б̣ад̣̇ужжарид̇аанам̣… саб̣б̣ад̣̇арат̇аанам̣… саб̣б̣абарил̣аахаанам̣… саб̣б̣асанд̇аабаанам̣… саб̣б̣аагусалаабхисан̇каараанам̣ санд̇ад̇д̇аа самид̇ад̇д̇аа вуубасамид̇ад̇д̇аа виж̇жхаад̇ад̇д̇аа ниб̣б̣уд̇ад̇д̇аа виг̇ад̇ад̇д̇аа бадибассад̣̇д̇хад̇д̇аа санд̇о убасанд̇о вуубасанд̇о ниб̣б̣уд̇о бадибассад̣̇д̇ход̇и – санд̇о. бхигкууд̇и сад̇д̇аннам̣ д̇хаммаанам̣ бхиннад̇д̇аа бхигку – саггааяад̣̇идти бхиннаа ход̇и, вижигижчаа бхиннаа ход̇и, сийлаб̣б̣ад̇абараамаасо бхинно ход̇и, рааг̇о бхинно ход̇и, д̣̇осо бхинно ход̇и, мохо бхинно ход̇и, маано бхинно ход̇и . бхиннаасса хонд̇и баабагаа агусалаа д̇хаммаа сам̣гилзсигаа бонобхавигаа 22 сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа.
Santoca bhikkhu abhinibbutattoti. Santoti rāgassa samitattā santo, dosassa samitattā santo, mohassa samitattā santo, kodhassa…pe… upanāhassa… makkhassa… paḷāsassa 23 … issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa… sabbakilesānaṃ… sabbaduccaritānaṃ… sabbadarathānaṃ… sabbapariḷāhānaṃ… sabbasantāpānaṃ… sabbākusalābhisaṅkhārānaṃ santattā samitattā vūpasamitattā vijjhātattā nibbutattā vigatattā paṭipassaddhattā santo upasanto vūpasanto nibbuto paṭipassaddhoti – santo. Bhikkhūti sattannaṃ dhammānaṃ bhinnattā bhikkhu – sakkāyadiṭṭhi bhinnā hoti, vicikicchā bhinnā hoti, sīlabbataparāmāso bhinno hoti, rāgo bhinno hoti, doso bhinno hoti, moho bhinno hoti, māno bhinno hoti . Bhinnāssa honti pāpakā akusalā dhammā saṃkilesikā ponobhavikā 24 sadarā dukkhavipākā āyatiṃ jātijarāmaraṇiyā.
‘‘баж̇ж̇зна гад̇зна ад̇д̇анаа, [сабхияаад̇и бхаг̇аваа]
‘‘Pajjena katena attanā, [sabhiyāti bhagavā]
бариниб̣б̣аанаг̇ад̇о вид̇ин̣н̣аган̇ко;
Parinibbānagato vitiṇṇakaṅkho;
вусид̇аваа кийн̣абунаб̣бхаво са бхигкуу’’д̇и.
Vusitavā khīṇapunabbhavo sa bhikkhū’’ti.
санд̇о жа бхигку абхиниб̣б̣уд̇ад̇д̇од̇и рааг̇асса ниб̣б̣аабид̇ад̇д̇аа абхиниб̣б̣уд̇ад̇д̇о, д̣̇осасса ниб̣б̣аабид̇ад̇д̇аа абхиниб̣б̣уд̇ад̇д̇о, мохасса ниб̣б̣аабид̇ад̇д̇аа абхиниб̣б̣уд̇ад̇д̇о, год̇хасса…бз… убанаахасса… магкасса… бал̣аасасса… иссааяа… мажчарияасса… мааяааяа… саатзяяасса… т̇амбхасса… саарамбхасса… маанасса… ад̇имаанасса… мад̣̇асса… бамаад̣̇асса… саб̣б̣агилзсаанам̣… саб̣б̣ад̣̇ужжарид̇аанам̣… саб̣б̣ад̣̇арат̇аанам̣… саб̣б̣абарил̣аахаанам̣… саб̣б̣асанд̇аабаанам̣… саб̣б̣аагусалаабхисан̇каараанам̣ ниб̣б̣аабид̇ад̇д̇аа абхиниб̣б̣уд̇ад̇д̇од̇и – санд̇о жа бхигку абхиниб̣б̣уд̇ад̇д̇о.
Santo ca bhikkhu abhinibbutattoti rāgassa nibbāpitattā abhinibbutatto, dosassa nibbāpitattā abhinibbutatto, mohassa nibbāpitattā abhinibbutatto, kodhassa…pe… upanāhassa… makkhassa… paḷāsassa… issāya… macchariyassa… māyāya… sāṭheyyassa… thambhassa… sārambhassa… mānassa… atimānassa… madassa… pamādassa… sabbakilesānaṃ… sabbaduccaritānaṃ… sabbadarathānaṃ… sabbapariḷāhānaṃ… sabbasantāpānaṃ… sabbākusalābhisaṅkhārānaṃ nibbāpitattā abhinibbutattoti – santo ca bhikkhu abhinibbutatto.
ид̇иханд̇и сийлзсу агад̇т̇амаанод̇и. ид̇иханд̇и бад̣̇асанд̇хи бад̣̇асам̣саг̇г̇о бад̣̇абаарибуурий агкарасамавааяо б̣яан̃ж̇анасилидтад̇аа бад̣̇аанубуб̣б̣ад̇аабзд̇ам̣ 27 – ид̇иханд̇и. сийлзсу агад̇т̇амаанод̇и. ид̇хзгажжо гад̇т̇ий ход̇и вигад̇т̇ий. со гад̇т̇ад̇и вигад̇т̇ад̇и. ахамасми сийласамбаннод̇и ваа, вад̇асамбаннод̇и ваа, сийлаб̣б̣ад̇асамбаннод̇и ваа, ж̇аад̇ияаа ваа г̇од̇д̇зна ваа голабуд̇д̇иязна ваа ван̣н̣абогкарад̇ааяа ваа…бз… нзвасан̃н̃аанаасан̃н̃ааяад̇анасамаабад̇д̇ияаа лаабхийд̇и ваа гад̇т̇ад̇и вигад̇т̇ад̇и. звам̣ на гад̇т̇ад̇и на вигад̇т̇ад̇и. гад̇т̇анаа аарад̇о вирад̇о бадивирад̇о нигканд̇о ниссадо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇ийд̇и – ид̇иханд̇и сийлзсу агад̇т̇амаано.
Itihanti sīlesu akatthamānoti. Itihanti padasandhi padasaṃsaggo padapāripūrī akkharasamavāyo byañjanasiliṭṭhatā padānupubbatāpetaṃ 28 – itihanti. Sīlesu akatthamānoti. Idhekacco katthī hoti vikatthī. So katthati vikatthati. Ahamasmi sīlasampannoti vā, vatasampannoti vā, sīlabbatasampannoti vā, jātiyā vā gottena vā kolaputtiyena vā vaṇṇapokkharatāya vā…pe… nevasaññānāsaññāyatanasamāpattiyā lābhīti vā katthati vikatthati. Evaṃ na katthati na vikatthati. Katthanā ārato virato paṭivirato nikkhanto nissaṭo vippamutto visaññutto vimariyādikatena cetasā viharatīti – itihanti sīlesu akatthamāno.
д̇амарияад̇хаммам̣ гусалаа вад̣̇анд̇ийд̇и. гусалаад̇и яз д̇з канд̇хагусалаа д̇хаад̇угусалаа ааяад̇анагусалаа бадижжасамуббаад̣̇агусалаа сад̇ибадтаанагусалаа саммаббад̇хаанагусалаа ид̣̇д̇хибаад̣̇агусалаа инд̣̇рияагусалаа б̣алагусалаа б̣ож̇жхан̇г̇агусалаа маг̇г̇агусалаа палагусалаа ниб̣б̣аанагусалаа, д̇з гусалаа звам̣ вад̣̇анд̇и – ‘‘арияаанам̣ зсо д̇хаммо, нзсо д̇хаммо анарияаанам̣; бан̣д̣ид̇аанам̣ зсо д̇хаммо, нзсо д̇хаммо б̣аалаанам̣; саббурисаанам̣ зсо д̇хаммо, нзсо д̇хаммо асаббурисаана’’нд̇и. звам̣ вад̣̇анд̇и, арияаанам̣ звам̣ гат̇знд̇и звам̣ бхан̣анд̇и звам̣ д̣̇ийбаяанд̇и звам̣ вохаранд̇ийд̇и – д̇амарияад̇хаммам̣ гусалаа вад̣̇анд̇и.
Tamariyadhammaṃkusalā vadantīti. Kusalāti ye te khandhakusalā dhātukusalā āyatanakusalā paṭiccasamuppādakusalā satipaṭṭhānakusalā sammappadhānakusalā iddhipādakusalā indriyakusalā balakusalā bojjhaṅgakusalā maggakusalā phalakusalā nibbānakusalā, te kusalā evaṃ vadanti – ‘‘ariyānaṃ eso dhammo, neso dhammo anariyānaṃ; paṇḍitānaṃ eso dhammo, neso dhammo bālānaṃ; sappurisānaṃ eso dhammo, neso dhammo asappurisāna’’nti. Evaṃ vadanti, ariyānaṃ evaṃ kathenti evaṃ bhaṇanti evaṃ dīpayanti evaṃ voharantīti – tamariyadhammaṃ kusalā vadanti.
яассуссад̣̇аа над̇т̇и гухин̃жи логзд̇и. яассаад̇и арахад̇о кийн̣аасавасса. уссад̣̇аад̇и сад̇д̇уссад̣̇аа – рааг̇уссад̣̇о, д̣̇осуссад̣̇о, мохуссад̣̇о, маануссад̣̇о, д̣̇идтуссад̣̇о, гилзсуссад̣̇о, гаммуссад̣̇о. яассимз 29 уссад̣̇аа над̇т̇и на санд̇и на виж̇ж̇анд̇и нубалаб̣бханд̇и, бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа. гухин̃жийд̇и гухин̃жи гимхижи гад̇т̇ажи аж̇жхад̇д̇ам̣ ваа б̣ахид̣̇д̇хаа ваа аж̇жхад̇д̇аб̣ахид̣̇д̇хаа ваа. логзд̇и абааяалогз мануссалогз д̣̇звалогз канд̇халогз д̇хаад̇улогз ааяад̇аналогзд̇и – яассуссад̣̇аа над̇т̇и гухин̃жи логз.
Yassussadā natthi kuhiñci loketi. Yassāti arahato khīṇāsavassa. Ussadāti sattussadā – rāgussado, dosussado, mohussado, mānussado, diṭṭhussado, kilesussado, kammussado. Yassime 30 ussadā natthi na santi na vijjanti nupalabbhanti, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā. Kuhiñcīti kuhiñci kimhici katthaci ajjhattaṃ vā bahiddhā vā ajjhattabahiddhā vā. Loketi apāyaloke manussaloke devaloke khandhaloke dhātuloke āyatanaloketi – yassussadā natthi kuhiñci loke.
д̇знааха бхаг̇аваа –
Tenāha bhagavā –
‘‘санд̇о жа бхигку абхиниб̣б̣уд̇ад̇д̇о, ид̇иханд̇и сийлзсу агад̇т̇амаано;
‘‘Santo ca bhikkhu abhinibbutatto, itihanti sīlesu akatthamāno;
д̇амарияад̇хаммам̣ гусалаа вад̣̇анд̇и, яассуссад̣̇аа над̇т̇и гухин̃жи логз’’д̇и.
Tamariyadhammaṃ kusalā vadanti, yassussadā natthi kuhiñci loke’’ti.
19.
19.
багаббид̇аа сан̇кад̇аа яасса д̇хаммаа, бурагкад̇аа 31 санд̇и авийвад̣̇аад̇аа;
Pakappitā saṅkhatā yassa dhammā,purakkhatā32santi avīvadātā;
яад̣̇ад̇д̇ани бассад̇и аанисам̣сам̣, д̇ам̣ ниссид̇о губбабадижжасанд̇им̣.
Yadattani passati ānisaṃsaṃ, taṃ nissito kuppapaṭiccasantiṃ.
багаббид̇аа сан̇кад̇аа яасса д̇хаммаад̇и. багаббанаад̇и д̣̇вз багаббанаа – д̇ан̣хаабагаббанаа жа д̣̇идтибагаббанаа жа…бз… аяам̣ д̇ан̣хаабагаббанаа…бз… аяам̣ д̣̇идтибагаббанаа. сан̇кад̇аад̇и сан̇кад̇аа абхисан̇кад̇аа сан̣табид̇аад̇иби – сан̇кад̇аа. ат̇а ваа анижжаа сан̇кад̇аа бадижжасамуббаннаа каяад̇хаммаа ваяад̇хаммаа вирааг̇ад̇хаммаа нирод̇хад̇хаммаад̇иби – сан̇кад̇аа . яассаад̇и д̣̇идтиг̇ад̇игасса. д̇хаммаа вужжанд̇и д̣̇ваасадти д̣̇идтиг̇ад̇аанийд̇и – багаббид̇аа сан̇кад̇аа яасса д̇хаммаа.
Pakappitā saṅkhatā yassa dhammāti. Pakappanāti dve pakappanā – taṇhāpakappanā ca diṭṭhipakappanā ca…pe… ayaṃ taṇhāpakappanā…pe… ayaṃ diṭṭhipakappanā. Saṅkhatāti saṅkhatā abhisaṅkhatā saṇṭhapitātipi – saṅkhatā. Atha vā aniccā saṅkhatā paṭiccasamuppannā khayadhammā vayadhammā virāgadhammā nirodhadhammātipi – saṅkhatā . Yassāti diṭṭhigatikassa. Dhammā vuccanti dvāsaṭṭhi diṭṭhigatānīti – pakappitā saṅkhatā yassa dhammā.
бурагкад̇аа санд̇и авийвад̣̇аад̇аад̇и. бурагкад̇аад̇и д̣̇вз бурзгкаараа – д̇ан̣хаабурзгкааро жа д̣̇идтибурзгкааро жа…бз… аяам̣ д̇ан̣хаабурзгкааро…бз… аяам̣ д̣̇идтибурзгкааро. д̇асса д̇ан̣хаабурзгкааро аббахийно, д̣̇идтибурзгкааро аббадиниссадто. д̇асса д̇ан̣хаабурзгкаарасса аббахийнад̇д̇аа, д̣̇идтибурзгкаарасса аббадиниссадтад̇д̇аа со д̇ан̣хам̣ ваа д̣̇идтим̣ ваа бурад̇о гад̇ваа жарад̇и д̇ан̣хаад̇хаж̇о д̇ан̣хаагзд̇у д̇ан̣хаад̇хибад̇зяяо, д̣̇идтид̇хаж̇о д̣̇идтигзд̇у д̣̇идтаад̇хибад̇зяяо, д̇ан̣хааяа ваа д̣̇идтияаа ваа бариваарид̇о жарад̇ийд̇и – бурагкад̇аа. санд̇ийд̇и санд̇и сам̣виж̇ж̇анд̇и ад̇т̇и убалаб̣бханд̇и. авийвад̣̇аад̇аад̇и авзвад̣̇аад̇аа авод̣̇аад̇аа абарисуд̣̇д̇хаа сам̣гилидтаа сам̣гилзсигаад̇и – бурагкад̇аа санд̇и авийвад̣̇аад̇аа.
Purakkhatā santi avīvadātāti. Purakkhatāti dve purekkhārā – taṇhāpurekkhāro ca diṭṭhipurekkhāro ca…pe… ayaṃ taṇhāpurekkhāro…pe… ayaṃ diṭṭhipurekkhāro. Tassa taṇhāpurekkhāro appahīno, diṭṭhipurekkhāro appaṭinissaṭṭho. Tassa taṇhāpurekkhārassa appahīnattā, diṭṭhipurekkhārassa appaṭinissaṭṭhattā so taṇhaṃ vā diṭṭhiṃ vā purato katvā carati taṇhādhajo taṇhāketu taṇhādhipateyyo, diṭṭhidhajo diṭṭhiketu diṭṭhādhipateyyo, taṇhāya vā diṭṭhiyā vā parivārito caratīti – purakkhatā. Santīti santi saṃvijjanti atthi upalabbhanti. Avīvadātāti avevadātā avodātā aparisuddhā saṃkiliṭṭhā saṃkilesikāti – purakkhatā santi avīvadātā.
яад̣̇ад̇д̇ани бассад̇и аанисам̣санд̇и. яад̣̇ад̇д̇анийд̇и яам̣ ад̇д̇ани. ад̇д̇аа вужжад̇и д̣̇идтиг̇ад̇ам̣. ад̇д̇ано д̣̇идтияаа д̣̇вз аанисам̣сз бассад̇и – д̣̇идтад̇хаммиган̃жа аанисам̣сам̣, самбарааяиган̃жа аанисам̣сам̣. гад̇амо д̣̇идтияаа д̣̇идтад̇хаммиго аанисам̣со? яам̣д̣̇идтиго сад̇т̇аа ход̇и, д̇ам̣д̣̇идтигаа саавагаа хонд̇и. д̇ам̣д̣̇идтигам̣ сад̇т̇аарам̣ саавагаа саггаронд̇и г̇арум̣ гаронд̇и 33 маанзнд̇и бууж̇знд̇и абажид̇им̣ гаронд̇и. лабхад̇и жа д̇ад̇онид̣̇аанам̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣ – аяам̣ д̣̇идтияаа д̣̇идтад̇хаммиго аанисам̣со. гад̇амо д̣̇идтияаа самбарааяиго аанисам̣со? аяам̣ д̣̇идти алам̣ нааг̇ад̇д̇ааяа ваа субан̣н̣ад̇д̇ааяа ваа яагкад̇д̇ааяа ваа асурад̇д̇ааяа ваа г̇анд̇хаб̣б̣ад̇д̇ааяа ваа махаарааж̇ад̇д̇ааяа ваа инд̣̇ад̇д̇ааяа ваа б̣рахмад̇д̇ааяа ваа д̣̇звад̇д̇ааяа ваа. аяам̣ д̣̇идти суд̣̇д̇хияаа висуд̣̇д̇хияаа барисуд̣̇д̇хияаа, муд̇д̇ияаа вимуд̇д̇ияаа баримуд̇д̇ияаа. имааяа д̣̇идтияаа суж̇жханд̇и висуж̇жханд̇и барисуж̇жханд̇и мужжанд̇и вимужжанд̇и баримужжанд̇и. имааяа д̣̇идтияаа суж̇жхиссаами висуж̇жхиссаами барисуж̇жхиссаами, мужжиссаами вимужжиссаами баримужжиссаамийд̇и ааяад̇им̣ палабаадиган̇кий ход̇и – аяам̣ д̣̇идтияаа самбарааяиго аанисам̣со. ад̇д̇ано д̣̇идтияаа имз д̣̇вз аанисам̣сз бассад̇и д̣̇агкад̇и ологзд̇и ниж̇жхааяад̇и убабаригкад̇ийд̇и – яад̣̇ад̇д̇ани бассад̇и аанисам̣сам̣.
Yadattani passati ānisaṃsanti. Yadattanīti yaṃ attani. Attā vuccati diṭṭhigataṃ. Attano diṭṭhiyā dve ānisaṃse passati – diṭṭhadhammikañca ānisaṃsaṃ, samparāyikañca ānisaṃsaṃ. Katamo diṭṭhiyā diṭṭhadhammiko ānisaṃso? Yaṃdiṭṭhiko satthā hoti, taṃdiṭṭhikā sāvakā honti. Taṃdiṭṭhikaṃ satthāraṃ sāvakā sakkaronti garuṃ karonti 34 mānenti pūjenti apacitiṃ karonti. Labhati ca tatonidānaṃ cīvarapiṇḍapātasenāsanagilānapaccayabhesajjaparikkhāraṃ – ayaṃ diṭṭhiyā diṭṭhadhammiko ānisaṃso. Katamo diṭṭhiyā samparāyiko ānisaṃso? Ayaṃ diṭṭhi alaṃ nāgattāya vā supaṇṇattāya vā yakkhattāya vā asurattāya vā gandhabbattāya vā mahārājattāya vā indattāya vā brahmattāya vā devattāya vā. Ayaṃ diṭṭhi suddhiyā visuddhiyā parisuddhiyā, muttiyā vimuttiyā parimuttiyā. Imāya diṭṭhiyā sujjhanti visujjhanti parisujjhanti muccanti vimuccanti parimuccanti. Imāya diṭṭhiyā sujjhissāmi visujjhissāmi parisujjhissāmi, muccissāmi vimuccissāmi parimuccissāmīti āyatiṃ phalapāṭikaṅkhī hoti – ayaṃ diṭṭhiyā samparāyiko ānisaṃso. Attano diṭṭhiyā ime dve ānisaṃse passati dakkhati oloketi nijjhāyati upaparikkhatīti – yadattani passati ānisaṃsaṃ.
д̇ам̣ ниссид̇о губбабадижжасанд̇инд̇и. д̇иссо санд̇ияо – ажжанд̇асанд̇и, д̇ад̣̇ан̇г̇асанд̇и, саммуд̇исанд̇и. гад̇амаа ажжанд̇асанд̇и? ажжанд̇асанд̇и вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. аяам̣ ажжанд̇асанд̇и. гад̇амаа д̇ад̣̇ан̇г̇асанд̇и? батамам̣ жхаанам̣ самаабаннасса нийваран̣аа санд̇аа хонд̇и; д̣̇уд̇ияам̣ жхаанам̣ самаабаннасса вид̇аггавижаараа санд̇аа хонд̇и; д̇ад̇ияам̣ жхаанам̣ самаабаннасса бийд̇и санд̇аа ход̇и; жад̇уд̇т̇ам̣ жхаанам̣ самаабаннасса сукад̣̇угкаа санд̇аа хонд̇и; аагаасаанан̃жааяад̇анам̣ самаабаннасса руубасан̃н̃аа бадигхасан̃н̃аа наанад̇д̇асан̃н̃аа санд̇аа ход̇и; вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃аа санд̇аа ход̇и; аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃аа санд̇аа ход̇и; нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃аа санд̇аа ход̇и. аяам̣ д̇ад̣̇ан̇г̇асанд̇и. гад̇амаа саммуд̇исанд̇и? саммуд̇исанд̇ияо вужжанд̇и д̣̇ваасадти д̣̇идтиг̇ад̇аани д̣̇идтисанд̇ияо. аби жа саммуд̇исанд̇и имасмим̣ ад̇т̇з ад̇хиббзд̇аа санд̇ийд̇и. д̇ам̣ ниссид̇о губбабадижжасанд̇инд̇и. губбасанд̇им̣ багуббасанд̇им̣ зрид̇асанд̇им̣ самзрид̇асанд̇им̣ жалид̇асанд̇им̣ гхаддид̇асанд̇им̣ габбид̇асанд̇им̣ багаббид̇асанд̇им̣ анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хаммам̣, санд̇им̣ ниссид̇о асид̇о аллийно убаг̇ад̇о аж̇жхосид̇о ад̇химуд̇д̇од̇и – д̇ам̣ ниссид̇о губбабадижжасанд̇им̣.
Taṃnissito kuppapaṭiccasantinti. Tisso santiyo – accantasanti, tadaṅgasanti, sammutisanti. Katamā accantasanti? Accantasanti vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Ayaṃ accantasanti. Katamā tadaṅgasanti? Paṭhamaṃ jhānaṃ samāpannassa nīvaraṇā santā honti; dutiyaṃ jhānaṃ samāpannassa vitakkavicārā santā honti; tatiyaṃ jhānaṃ samāpannassa pīti santā hoti; catutthaṃ jhānaṃ samāpannassa sukhadukkhā santā honti; ākāsānañcāyatanaṃ samāpannassa rūpasaññā paṭighasaññā nānattasaññā santā hoti; viññāṇañcāyatanaṃ samāpannassa ākāsānañcāyatanasaññā santā hoti; ākiñcaññāyatanaṃ samāpannassa viññāṇañcāyatanasaññā santā hoti; nevasaññānāsaññāyatanaṃ samāpannassa ākiñcaññāyatanasaññā santā hoti. Ayaṃ tadaṅgasanti. Katamā sammutisanti? Sammutisantiyo vuccanti dvāsaṭṭhi diṭṭhigatāni diṭṭhisantiyo. Api ca sammutisanti imasmiṃ atthe adhippetā santīti. Taṃnissito kuppapaṭiccasantinti. Kuppasantiṃ pakuppasantiṃ eritasantiṃ sameritasantiṃ calitasantiṃ ghaṭṭitasantiṃ kappitasantiṃ pakappitasantiṃ aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhammaṃ, santiṃ nissito asito allīno upagato ajjhosito adhimuttoti – taṃ nissito kuppapaṭiccasantiṃ.
д̇знааха бхаг̇аваа –
Tenāha bhagavā –
‘‘багаббид̇аа сан̇кад̇аа яасса д̇хаммаа, бурагкад̇аа санд̇и авийвад̣̇аад̇аа;
‘‘Pakappitā saṅkhatā yassa dhammā, purakkhatā santi avīvadātā;
яад̣̇ад̇д̇ани бассад̇и аанисам̣сам̣, д̇ам̣ ниссид̇о губбабадижжасанд̇и’’нд̇и.
Yadattani passati ānisaṃsaṃ, taṃ nissito kuppapaṭiccasanti’’nti.
20.
20.
д̣̇идтийнивзсаа на хи сваад̇ивад̇д̇аа, д̇хаммзсу нижчзяяа самуг̇г̇ахийд̇ам̣;
Diṭṭhīnivesā na hi svātivattā, dhammesu niccheyya samuggahītaṃ;
д̇асмаа наро д̇зсу нивзсанзсу, нирассад̇ий аад̣̇ияад̇ий жа д̇хаммам̣.
Tasmā naro tesu nivesanesu, nirassatī ādiyatī ca dhammaṃ.
д̣̇идтийнивзсаа на хи сваад̇ивад̇д̇аад̇и. д̣̇идтийнивзсаад̇и ‘‘сассад̇о лого, ид̣̇амзва сажжам̣ могхаман̃н̃а’’нд̇и абхинивзсабараамаасо д̣̇идтинивзсанам̣. ‘‘асассад̇о лого…бз… анд̇аваа лого… ананд̇аваа лого … д̇ам̣ ж̇ийвам̣ д̇ам̣ сарийрам̣… ан̃н̃ам̣ ж̇ийвам̣ ан̃н̃ам̣ сарийрам̣… ход̇и д̇ат̇ааг̇ад̇о барам̣ маран̣аа… на ход̇и д̇ат̇ааг̇ад̇о барам̣ маран̣аа… ход̇и жа на жа ход̇и д̇ат̇ааг̇ад̇о барам̣ маран̣аа… нзва ход̇и на на ход̇и д̇ат̇ааг̇ад̇о барам̣ маран̣аа, ид̣̇амзва сажжам̣ могхаман̃н̃а’’нд̇и абхинивзсабараамаасо д̣̇идтинивзсананд̇и. д̣̇идтийнивзсаа на хи сваад̇ивад̇д̇аад̇и д̣̇идтинивзсаа на хи сваад̇ивад̇д̇аа д̣̇урад̇ивад̇д̇аа д̣̇уд̇д̇араа д̣̇уббад̇араа д̣̇уссамад̇иггамаа д̣̇уб̣б̣инивад̇д̇аад̇и – 35 д̣̇идтийнивзсаа на хи сваад̇ивад̇д̇аа.
Diṭṭhīnivesā na hi svātivattāti. Diṭṭhīnivesāti ‘‘sassato loko, idameva saccaṃ moghamañña’’nti abhinivesaparāmāso diṭṭhinivesanaṃ. ‘‘Asassato loko…pe… antavā loko… anantavā loko … taṃ jīvaṃ taṃ sarīraṃ… aññaṃ jīvaṃ aññaṃ sarīraṃ… hoti tathāgato paraṃ maraṇā… na hoti tathāgato paraṃ maraṇā… hoti ca na ca hoti tathāgato paraṃ maraṇā… neva hoti na na hoti tathāgato paraṃ maraṇā, idameva saccaṃ moghamañña’’nti abhinivesaparāmāso diṭṭhinivesananti. Diṭṭhīnivesā na hi svātivattāti diṭṭhinivesā na hi svātivattā durativattā duttarā duppatarā dussamatikkamā dubbinivattāti – 36 diṭṭhīnivesā na hi svātivattā.
д̇хаммзсу нижчзяяа самуг̇г̇ахийд̇анд̇и. д̇хаммзсууд̇и д̣̇ваасадти д̣̇идтиг̇ад̇зсу. нижчзяяаад̇и нижчинид̇ваа винижчинид̇ваа вижинид̇ваа бавижинид̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. самуг̇г̇ахийд̇анд̇и нивзсанзсу од̇хиг̇г̇аахо б̣илаг̇г̇аахо вараг̇г̇аахо годтаасаг̇г̇аахо ужжаяаг̇г̇аахо самужжаяаг̇г̇аахо. ид̣̇ам̣ сажжам̣ д̇ажчам̣ д̇ат̇ам̣ бхууд̇ам̣ яаат̇аавам̣ авибарийд̇ам̣ г̇ахид̇ам̣ бараамадтам̣ абхинивидтам̣ аж̇жхосид̇ам̣ ад̇химуд̇д̇анд̇и – д̇хаммзсу нижчзяяа самуг̇г̇ахийд̇ам̣.
Dhammesu niccheyya samuggahītanti. Dhammesūti dvāsaṭṭhi diṭṭhigatesu. Niccheyyāti nicchinitvā vinicchinitvā vicinitvā pavicinitvā tulayitvā tīrayitvā vibhāvayitvā vibhūtaṃ katvā. Samuggahītanti nivesanesu odhiggāho bilaggāho varaggāho koṭṭhāsaggāho uccayaggāho samuccayaggāho. Idaṃ saccaṃ tacchaṃ tathaṃ bhūtaṃ yāthāvaṃ aviparītaṃ gahitaṃ parāmaṭṭhaṃ abhiniviṭṭhaṃ ajjhositaṃ adhimuttanti – dhammesu niccheyya samuggahītaṃ.
д̇асмаа наро д̇зсу нивзсанзсууд̇и. д̇асмаад̇и д̇асмаа д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанам̣. народ̇и сад̇д̇о наро маанаво босо буг̇г̇ало ж̇ийво ж̇ааг̇у ж̇анд̇у инд̣̇аг̇у мануж̇о. д̇зсу нивзсанзсууд̇и д̇зсу д̣̇идтинивзсанзсууд̇и – д̇асмаа наро д̇зсу нивзсанзсу.
Tasmānaro tesu nivesanesūti. Tasmāti tasmā taṃkāraṇā taṃhetu tappaccayā taṃnidānaṃ. Naroti satto naro mānavo poso puggalo jīvo jāgu jantu indagu manujo. Tesu nivesanesūti tesu diṭṭhinivesanesūti – tasmā naro tesu nivesanesu.
нирассад̇ий аад̣̇ияад̇ий жа д̇хамманд̇и. нирассад̇ийд̇и д̣̇вийхи гааран̣зхи нирассад̇и – баравижчинд̣̇анааяа ваа нирассад̇и, анабхисамбхун̣анд̇о ваа нирассад̇и. гат̇ам̣ баравижчинд̣̇анааяа нирассад̇и? баро вижчинд̣̇зд̇и – со сад̇т̇аа на саб̣б̣ан̃н̃уу, д̇хаммо на сваагкаад̇о, г̇ан̣о на суббадибанно, д̣̇идти на бхад̣̇д̣̇игаа, бадибад̣̇аа на субан̃н̃ад̇д̇аа, маг̇г̇о на нияяааниго, над̇т̇зд̇т̇а суд̣̇д̇хи ваа висуд̣̇д̇хи ваа барисуд̣̇д̇хи ваа муд̇д̇и ваа вимуд̇д̇и ваа баримуд̇д̇и ваа, над̇т̇зд̇т̇а суж̇жханд̇и ваа висуж̇жханд̇и ваа барисуж̇жханд̇и ваа мужжанд̇и ваа вимужжанд̇и ваа баримужжанд̇и ваа, хийнаа нихийнаа омагаа лаамагаа чад̇уггаа 37 барид̇д̇аад̇и – звам̣ баро вижчинд̣̇зд̇и. звам̣ вижчинд̣̇ияамаано сад̇т̇аарам̣ нирассад̇и , д̇хаммагкаанам̣ нирассад̇и, г̇ан̣ам̣ нирассад̇и, д̣̇идтим̣ нирассад̇и, бадибад̣̇ам̣ нирассад̇и, маг̇г̇ам̣ нирассад̇и. звам̣ баравижчинд̣̇анааяа нирассад̇и. гат̇ам̣ анабхисамбхун̣анд̇о нирассад̇и? сийлам̣ анабхисамбхун̣анд̇о сийлам̣ нирассад̇и, вад̇ам̣ анабхисамбхун̣анд̇о вад̇ам̣ нирассад̇и, сийлаб̣б̣ад̇ам̣ анабхисамбхун̣анд̇о сийлаб̣б̣ад̇ам̣ нирассад̇и. звам̣ анабхисамбхун̣анд̇о нирассад̇и. аад̣̇ияад̇ий жа д̇хамманд̇и. сад̇т̇аарам̣ г̇ан̣хаад̇и, д̇хаммагкаанам̣ г̇ан̣хаад̇и, г̇ан̣ам̣ г̇ан̣хаад̇и, д̣̇идтим̣ г̇ан̣хаад̇и, бадибад̣̇ам̣ г̇ан̣хаад̇и, маг̇г̇ам̣ г̇ан̣хаад̇и бараамасад̇и абхинивисад̇ийд̇и – нирассад̇ий аад̣̇ияад̇ий жа д̇хаммам̣.
Nirassatī ādiyatī ca dhammanti. Nirassatīti dvīhi kāraṇehi nirassati – paravicchindanāya vā nirassati, anabhisambhuṇanto vā nirassati. Kathaṃ paravicchindanāya nirassati? Paro vicchindeti – so satthā na sabbaññū, dhammo na svākkhāto, gaṇo na suppaṭipanno, diṭṭhi na bhaddikā, paṭipadā na supaññattā, maggo na niyyāniko, natthettha suddhi vā visuddhi vā parisuddhi vā mutti vā vimutti vā parimutti vā, natthettha sujjhanti vā visujjhanti vā parisujjhanti vā muccanti vā vimuccanti vā parimuccanti vā, hīnā nihīnā omakā lāmakā chatukkā 38 parittāti – evaṃ paro vicchindeti. Evaṃ vicchindiyamāno satthāraṃ nirassati , dhammakkhānaṃ nirassati, gaṇaṃ nirassati, diṭṭhiṃ nirassati, paṭipadaṃ nirassati, maggaṃ nirassati. Evaṃ paravicchindanāya nirassati. Kathaṃ anabhisambhuṇanto nirassati? Sīlaṃ anabhisambhuṇanto sīlaṃ nirassati, vataṃ anabhisambhuṇanto vataṃ nirassati, sīlabbataṃ anabhisambhuṇanto sīlabbataṃ nirassati. Evaṃ anabhisambhuṇanto nirassati. Ādiyatī ca dhammanti. Satthāraṃ gaṇhāti, dhammakkhānaṃ gaṇhāti, gaṇaṃ gaṇhāti, diṭṭhiṃ gaṇhāti, paṭipadaṃ gaṇhāti, maggaṃ gaṇhāti parāmasati abhinivisatīti – nirassatī ādiyatī ca dhammaṃ.
д̇знааха бхаг̇аваа –
Tenāha bhagavā –
‘‘д̣̇идтийнивзсаа на хи сваад̇ивад̇д̇аа, д̇хаммзсу нижчзяяа самуг̇г̇ахийд̇ам̣;
‘‘Diṭṭhīnivesā na hi svātivattā, dhammesu niccheyya samuggahītaṃ;
д̇асмаа наро д̇зсу нивзсанзсу, нирассад̇ий аад̣̇ияад̇ий жа д̇хамма’’нд̇и.
Tasmā naro tesu nivesanesu, nirassatī ādiyatī ca dhamma’’nti.
21.
21.
д̇хонасса хи над̇т̇и гухин̃жи логз, багаббид̇аа д̣̇идти бхаваабхавзсу;
Dhonassa hi natthi kuhiñci loke,pakappitā diṭṭhi bhavābhavesu;
мааяан̃жа маанан̃жа бахааяа д̇хоно, са гзна г̇ажчзяяа ануубаяо со.
Māyañcamānañca pahāya dhono, sa kena gaccheyya anūpayo so.
д̇хонасса хи над̇т̇и гухин̃жи логз багаббид̇аа д̣̇идти бхаваабхавзсууд̇и. д̇хонод̇и. д̇хонаа вужжад̇и бан̃н̃аа – яаа бан̃н̃аа баж̇аананаа вижаяо бавижаяо д̇хаммавижаяо саллагкан̣аа убалагкан̣аа бажжубалагкан̣аа бан̣д̣ижжам̣ госаллам̣ нзбун̃н̃ам̣ взбхаб̣яаа жинд̇аа убабаригкаа бхуури мзд̇хаа барин̣ааяигаа вибассанаа самбаж̇ан̃н̃ам̣ бад̇од̣̇о бан̃н̃аа бан̃н̃инд̣̇рияам̣ бан̃н̃ааб̣алам̣ бан̃н̃аасад̇т̇ам̣ бан̃н̃аабаасаад̣̇о бан̃н̃аааалого бан̃н̃ааобхаасо бан̃н̃аабаж̇ж̇од̇о бан̃н̃аарад̇анам̣ амохо д̇хаммавижаяо саммаад̣̇идти. гим̣гааран̣аа д̇хонаа вужжад̇и бан̃н̃аа? д̇ааяа бан̃н̃ааяа гааяад̣̇ужжарид̇ам̣ д̇худ̇ан̃жа д̇ход̇ан̃жа санд̇ход̇ан̃жа нид̣̇д̇ход̇ан̃жа; важийд̣̇ужжарид̇ам̣… манод̣̇ужжарид̇ам̣ д̇худ̇ан̃жа д̇ход̇ан̃жа санд̇ход̇ан̃жа нид̣̇д̇ход̇ан̃жа; рааг̇о д̇худ̇о жа д̇ход̇о жа санд̇ход̇о жа нид̣̇д̇ход̇о жа; д̣̇осо…бз… мохо… год̇хо… убанаахо… магко… бал̣аасо д̇худ̇о жа д̇ход̇о жа санд̇ход̇о жа нид̣̇д̇ход̇о жа; иссаа д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа; мажчарияам̣ д̇худ̇ан̃жа д̇ход̇ан̃жа санд̇ход̇ан̃жа нид̣̇д̇ход̇ан̃жа; мааяаа д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа; саатзяяам̣ д̇худ̇ан̃жа д̇ход̇ан̃жа санд̇ход̇ан̃жа нид̣̇д̇ход̇ан̃жа; т̇амбхо д̇худ̇о жа д̇ход̇о жа санд̇ход̇о жа нид̣̇д̇ход̇о жа; саарамбхо… маано… ад̇имаано… мад̣̇о… бамаад̣̇о д̇худ̇о жа д̇ход̇о жа санд̇ход̇о жа нид̣̇д̇ход̇о жа; саб̣б̣з гилзсаа, саб̣б̣з д̣̇ужжарид̇аа, саб̣б̣з д̣̇арат̇аа, саб̣б̣з барил̣аахаа, саб̣б̣з санд̇аабаа, саб̣б̣аагусалаабхисан̇каараа д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа. д̇ам̣гааран̣аа д̇хонаа вужжад̇и бан̃н̃аа.
Dhonassa hi natthi kuhiñci loke pakappitā diṭṭhi bhavābhavesūti. Dhonoti. Dhonā vuccati paññā – yā paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇā paṇḍiccaṃ kosallaṃ nepuññaṃ vebhabyā cintā upaparikkhā bhūri medhā pariṇāyikā vipassanā sampajaññaṃ patodo paññā paññindriyaṃ paññābalaṃ paññāsatthaṃ paññāpāsādo paññāāloko paññāobhāso paññāpajjoto paññāratanaṃ amoho dhammavicayo sammādiṭṭhi. Kiṃkāraṇā dhonā vuccati paññā? Tāya paññāya kāyaduccaritaṃ dhutañca dhotañca sandhotañca niddhotañca; vacīduccaritaṃ… manoduccaritaṃ dhutañca dhotañca sandhotañca niddhotañca; rāgo dhuto ca dhoto ca sandhoto ca niddhoto ca; doso…pe… moho… kodho… upanāho… makkho… paḷāso dhuto ca dhoto ca sandhoto ca niddhoto ca; issā dhutā ca dhotā ca sandhotā ca niddhotā ca; macchariyaṃ dhutañca dhotañca sandhotañca niddhotañca; māyā dhutā ca dhotā ca sandhotā ca niddhotā ca; sāṭheyyaṃ dhutañca dhotañca sandhotañca niddhotañca; thambho dhuto ca dhoto ca sandhoto ca niddhoto ca; sārambho… māno… atimāno… mado… pamādo dhuto ca dhoto ca sandhoto ca niddhoto ca; sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṅkhārā dhutā ca dhotā ca sandhotā ca niddhotā ca. Taṃkāraṇā dhonā vuccati paññā.
ат̇а ваа саммаад̣̇идтияаа мижчаад̣̇идти д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа; саммаасан̇габбзна мижчаасан̇габбо д̇худ̇о жа д̇ход̇о жа санд̇ход̇о жа нид̣̇д̇ход̇о жа; саммааваажааяа мижчааваажаа д̇худ̇аа жа д̇ход̇аа жа…бз… саммаагамманд̇зна мижчаагамманд̇о д̇худ̇о жа… саммааааж̇ийвзна мижчааааж̇ийво д̇худ̇о жа… саммаавааяаамзна мижчаавааяаамо д̇худ̇о жа… саммаасад̇ияаа мижчаасад̇и д̇худ̇аа жа… саммаасамаад̇хинаа мижчаасамаад̇хи д̇худ̇о жа д̇ход̇о жа санд̇ход̇о жа нид̣̇д̇ход̇о жа; саммаан̃аан̣зна мижчаан̃аан̣ам̣ д̇худ̇ам̣ жа… саммаавимуд̇д̇ияаа мижчаавимуд̇д̇и д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа.
Atha vā sammādiṭṭhiyā micchādiṭṭhi dhutā ca dhotā ca sandhotā ca niddhotā ca; sammāsaṅkappena micchāsaṅkappo dhuto ca dhoto ca sandhoto ca niddhoto ca; sammāvācāya micchāvācā dhutā ca dhotā ca…pe… sammākammantena micchākammanto dhuto ca… sammāājīvena micchāājīvo dhuto ca… sammāvāyāmena micchāvāyāmo dhuto ca… sammāsatiyā micchāsati dhutā ca… sammāsamādhinā micchāsamādhi dhuto ca dhoto ca sandhoto ca niddhoto ca; sammāñāṇena micchāñāṇaṃ dhutaṃ ca… sammāvimuttiyā micchāvimutti dhutā ca dhotā ca sandhotā ca niddhotā ca.
ат̇а ваа ариязна адтан̇г̇игзна маг̇г̇зна саб̣б̣з гилзсаа, саб̣б̣з д̣̇ужжарид̇аа, саб̣б̣з д̣̇арат̇аа, саб̣б̣з барил̣аахаа, саб̣б̣з санд̇аабаа, саб̣б̣аагусалаабхисан̇каараа д̇худ̇аа жа д̇ход̇аа жа санд̇ход̇аа жа нид̣̇д̇ход̇аа жа. арахаа имзхи д̇хонзяязхи д̇хаммзхи убзд̇о самубзд̇о убаг̇ад̇о самубаг̇ад̇о убабанно самубабанно саманнааг̇ад̇о; д̇асмаа арахаа д̇хоно. со д̇худ̇арааг̇о д̇худ̇абаабо д̇худ̇агилзсо д̇худ̇абарил̣ааход̇и – д̇хоно. гухин̃жийд̇и гухин̃жи гимхижи гад̇т̇ажи аж̇жхад̇д̇ам̣ ваа б̣ахид̣̇д̇хаа ваа аж̇жхад̇д̇аб̣ахид̣̇д̇хаа ваа. логзд̇и абааяалогз…бз… ааяад̇аналогз.
Atha vā ariyena aṭṭhaṅgikena maggena sabbe kilesā, sabbe duccaritā, sabbe darathā, sabbe pariḷāhā, sabbe santāpā, sabbākusalābhisaṅkhārā dhutā ca dhotā ca sandhotā ca niddhotā ca. Arahā imehi dhoneyyehi dhammehi upeto samupeto upagato samupagato upapanno samupapanno samannāgato; tasmā arahā dhono. So dhutarāgo dhutapāpo dhutakileso dhutapariḷāhoti – dhono. Kuhiñcīti kuhiñci kimhici katthaci ajjhattaṃ vā bahiddhā vā ajjhattabahiddhā vā. Loketi apāyaloke…pe… āyatanaloke.
багаббид̇аад̇и д̣̇вз багаббанаа – д̇ан̣хаабагаббанаа жа д̣̇идтибагаббанаа жа…бз… аяам̣ д̇ан̣хаабагаббанаа…бз… аяам̣ д̣̇идтибагаббанаа. бхаваабхавзсууд̇и бхаваабхавз гаммабхавз бунаб̣бхавз гаамабхавз, гаммабхавз гаамабхавз бунаб̣бхавз руубабхавз, гаммабхавз руубабхавз бунаб̣бхавз аруубабхавз, гаммабхавз аруубабхавз бунаб̣бхавз бунаббунабхавз бунаббунаг̇ад̇ияаа бунаббунаубабад̇д̇ияаа бунаббунабадисанд̇хияаа бунаббунаад̇д̇абхааваабхиниб̣б̣ад̇д̇ияаа. д̇хонасса хи над̇т̇и гухин̃жи логз багаббид̇аа д̣̇идти бхаваабхавзсууд̇и д̇хонасса гухин̃жи логз бхаваабхавзсу жа габбид̇аа багаббид̇аа абхисан̇кад̇аа сан̣табид̇аа д̣̇идти над̇т̇и на санд̇и на сам̣виж̇ж̇ад̇и нубалаб̣бхад̇и, бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаад̇и – д̇хонасса хи над̇т̇и гухин̃жи логз багаббид̇аа д̣̇идти бхаваабхавзсу.
Pakappitāti dve pakappanā – taṇhāpakappanā ca diṭṭhipakappanā ca…pe… ayaṃ taṇhāpakappanā…pe… ayaṃ diṭṭhipakappanā. Bhavābhavesūti bhavābhave kammabhave punabbhave kāmabhave, kammabhave kāmabhave punabbhave rūpabhave, kammabhave rūpabhave punabbhave arūpabhave, kammabhave arūpabhave punabbhave punappunabhave punappunagatiyā punappunaupapattiyā punappunapaṭisandhiyā punappunaattabhāvābhinibbattiyā. Dhonassa hi natthi kuhiñci loke pakappitā diṭṭhi bhavābhavesūti dhonassa kuhiñci loke bhavābhavesu ca kappitā pakappitā abhisaṅkhatā saṇṭhapitā diṭṭhi natthi na santi na saṃvijjati nupalabbhati, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti – dhonassa hi natthi kuhiñci loke pakappitā diṭṭhi bhavābhavesu.
мааяан̃жа маанан̃жа бахааяа д̇хонод̇и. мааяаа вужжад̇и ван̃жанигаа жарияаа. ид̇хзгажжо гааязна д̣̇ужжарид̇ам̣ жарид̇ваа, ваажааяа д̣̇ужжарид̇ам̣ жарид̇ваа, манасаа д̣̇ужжарид̇ам̣ жарид̇ваа д̇асса бадижчаад̣̇анахзд̇у баабигам̣ ижчам̣ бан̣ид̣̇ахад̇и – ‘‘маа мам̣ ж̇ан̃н̃аа’’д̇и ижчад̇и, ‘‘маа мам̣ ж̇ан̃н̃аа’’д̇и сан̇габбзд̇и, ‘‘маа мам̣ ж̇ан̃н̃аа’’д̇и ваажам̣ бхаасад̇и, ‘‘маа мам̣ ж̇ан̃н̃аа’’д̇и гааязна бараггамад̇и. яаа зваруубаа мааяаа мааяаавид̇аа ажжасараа ван̃жанаа нигад̇и нигиран̣аа барихаран̣аа г̇ууханаа бариг̇ууханаа чаад̣̇анаа барижчаад̣̇анаа ануд̇д̇аанигаммам̣ анаавигаммам̣ вожчаад̣̇анаа баабагирияаа, аяам̣ вужжад̇и мааяаа.
Māyañca mānañca pahāya dhonoti. Māyā vuccati vañcanikā cariyā. Idhekacco kāyena duccaritaṃ caritvā, vācāya duccaritaṃ caritvā, manasā duccaritaṃ caritvā tassa paṭicchādanahetu pāpikaṃ icchaṃ paṇidahati – ‘‘mā maṃ jaññā’’ti icchati, ‘‘mā maṃ jaññā’’ti saṅkappeti, ‘‘mā maṃ jaññā’’ti vācaṃ bhāsati, ‘‘mā maṃ jaññā’’ti kāyena parakkamati. Yā evarūpā māyā māyāvitā accasarā vañcanā nikati nikiraṇā pariharaṇā gūhanā parigūhanā chādanā paricchādanā anuttānikammaṃ anāvikammaṃ vocchādanā pāpakiriyā, ayaṃ vuccati māyā.
маанод̇и згавид̇хзна маано – яаа жид̇д̇асса уннад̇и 39. д̣̇увид̇хзна маано – ад̇д̇уггам̣санамаано, баравамбханамаано. д̇ивид̇хзна маано – ‘‘сзяяохамасмий’’д̇и маано, ‘‘сад̣̇исохамасмий’’д̇и маано, ‘‘хийнохамасмий’’д̇и маано. жад̇уб̣б̣ид̇хзна маано – лаабхзна маанам̣ ж̇анзд̇и, яасзна маанам̣ ж̇анзд̇и, басам̣сааяа маанам̣ ж̇анзд̇и, сукзна маанам̣ ж̇анзд̇и. бан̃жавид̇хзна маано – ‘‘лаабхимхи манаабигаанам̣ руубаана’’нд̇и маанам̣ ж̇анзд̇и, ‘‘лаабхимхи манаабигаанам̣ сад̣̇д̣̇аанам̣…бз… г̇анд̇хаанам̣… расаанам̣… подтаб̣б̣аана’’нд̇и маанам̣ ж̇анзд̇и. чаб̣б̣ид̇хзна маано – жагкусамбад̣̇ааяа маанам̣ ж̇анзд̇и, сод̇асамбад̣̇ааяа… гхаанасамбад̣̇ааяа… ж̇ивхаасамбад̣̇ааяа… гааяасамбад̣̇ааяа… маносамбад̣̇ааяа маанам̣ ж̇анзд̇и. сад̇д̇авид̇хзна маано – маано, ад̇имаано, маанаад̇имаано, омаано, ад̇химаано, асмимаано, мижчаамаано. адтавид̇хзна маано – лаабхзна маанам̣ ж̇анзд̇и, алаабхзна омаанам̣ ж̇анзд̇и, яасзна маанам̣ ж̇анзд̇и, аяасзна омаанам̣ ж̇анзд̇и, басам̣сааяа маанам̣ ж̇анзд̇и, нинд̣̇ааяа омаанам̣ ж̇анзд̇и, сукзна маанам̣ ж̇анзд̇и, д̣̇угкзна омаанам̣ ж̇анзд̇и. нававид̇хзна маано – сзяяасса сзяяохамасмийд̇и маано, сзяяасса сад̣̇исохамасмийд̇и маано, сзяяасса хийнохамасмийд̇и маано , сад̣̇исасса сзяяохамасмийд̇и маано, сад̣̇исасса сад̣̇исохамасмийд̇и маано, сад̣̇исасса хийнохамасмийд̇и маано, хийнасса сзяяохамасмийд̇и маано, хийнасса сад̣̇исохамасмийд̇и маано, хийнасса хийнохамасмийд̇и маано. д̣̇асавид̇хзна маано – ид̇хзгажжо маанам̣ ж̇анзд̇и ж̇аад̇ияаа ваа г̇од̇д̇зна ваа голабуд̇д̇иязна ваа ван̣н̣абогкарад̇ааяа ваа д̇ханзна ваа аж̇жхзнзна ваа гаммааяад̇анзна ваа сиббааяад̇анзна ваа виж̇ж̇аадтаанзна ваа суд̇зна ваа бадибхаанзна ваа ан̃н̃ад̇аран̃н̃ад̇арзна ваа вад̇т̇унаа. яо зваруубо маано ман̃н̃анаа ман̃н̃ид̇ад̇д̇ам̣ уннад̇и уннаамо 40 д̇хаж̇о самбаг̇г̇аахо гзд̇угамяад̇аа жид̇д̇асса – аяам̣ вужжад̇и маано. мааяан̃жа маанан̃жа бахааяа д̇хонод̇и. д̇хоно мааяан̃жа маанан̃жа бахааяа баж̇ахид̇ваа винод̣̇зд̇ваа б̣яанд̇им̣ гарид̇ваа анабхаавам̣ г̇амзд̇ваад̇и – мааяан̃жа маанан̃жа бахааяа д̇хоно.
Mānoti ekavidhena māno – yā cittassa unnati 41. Duvidhena māno – attukkaṃsanamāno, paravambhanamāno. Tividhena māno – ‘‘seyyohamasmī’’ti māno, ‘‘sadisohamasmī’’ti māno, ‘‘hīnohamasmī’’ti māno. Catubbidhena māno – lābhena mānaṃ janeti, yasena mānaṃ janeti, pasaṃsāya mānaṃ janeti, sukhena mānaṃ janeti. Pañcavidhena māno – ‘‘lābhimhi manāpikānaṃ rūpāna’’nti mānaṃ janeti, ‘‘lābhimhi manāpikānaṃ saddānaṃ…pe… gandhānaṃ… rasānaṃ… phoṭṭhabbāna’’nti mānaṃ janeti. Chabbidhena māno – cakkhusampadāya mānaṃ janeti, sotasampadāya… ghānasampadāya… jivhāsampadāya… kāyasampadāya… manosampadāya mānaṃ janeti. Sattavidhena māno – māno, atimāno, mānātimāno, omāno, adhimāno, asmimāno, micchāmāno. Aṭṭhavidhena māno – lābhena mānaṃ janeti, alābhena omānaṃ janeti, yasena mānaṃ janeti, ayasena omānaṃ janeti, pasaṃsāya mānaṃ janeti, nindāya omānaṃ janeti, sukhena mānaṃ janeti, dukkhena omānaṃ janeti. Navavidhena māno – seyyassa seyyohamasmīti māno, seyyassa sadisohamasmīti māno, seyyassa hīnohamasmīti māno , sadisassa seyyohamasmīti māno, sadisassa sadisohamasmīti māno, sadisassa hīnohamasmīti māno, hīnassa seyyohamasmīti māno, hīnassa sadisohamasmīti māno, hīnassa hīnohamasmīti māno. Dasavidhena māno – idhekacco mānaṃ janeti jātiyā vā gottena vā kolaputtiyena vā vaṇṇapokkharatāya vā dhanena vā ajjhenena vā kammāyatanena vā sippāyatanena vā vijjāṭṭhānena vā sutena vā paṭibhānena vā aññataraññatarena vā vatthunā. Yo evarūpo māno maññanā maññitattaṃ unnati unnāmo 42 dhajo sampaggāho ketukamyatā cittassa – ayaṃ vuccati māno. Māyañca mānañca pahāya dhonoti. Dhono māyañca mānañca pahāya pajahitvā vinodetvā byantiṃ karitvā anabhāvaṃ gametvāti – māyañca mānañca pahāya dhono.
са гзна г̇ажчзяяа ануубаяо сод̇и. убаяаад̇и д̣̇вз убаяаа – д̇ан̣хуубаяо жа д̣̇идтуубаяо жа…бз… аяам̣ д̇ан̣хуубаяо…бз… аяам̣ д̣̇идтуубаяо. д̇асса д̇ан̣хуубаяо бахийно , д̣̇идтуубаяо бадиниссадто. д̇ан̣хуубаяасса бахийнад̇д̇аа, д̣̇идтуубаяасса бадиниссадтад̇д̇аа ануубаяо буг̇г̇ало гзна рааг̇зна г̇ажчзяяа, гзна д̣̇осзна г̇ажчзяяа, гзна мохзна г̇ажчзяяа, гзна маанзна г̇ажчзяяа, гааяа д̣̇идтияаа г̇ажчзяяа, гзна уд̣̇д̇хажжзна г̇ажчзяяа, гааяа вижигижчааяа г̇ажчзяяа, гзхи анусаязхи г̇ажчзяяа – рад̇д̇од̇и ваа д̣̇удтод̇и ваа муул̣ход̇и ваа виниб̣ад̣̇д̇ход̇и ваа бараамадтод̇и ваа вигкзбаг̇ад̇од̇и ваа анидтан̇г̇ад̇од̇и ваа т̇аамаг̇ад̇од̇и ваа. д̇з абхисан̇каараа бахийнаа. абхисан̇каараанам̣ бахийнад̇д̇аа г̇ад̇ияо гзна г̇ажчзяяа – нзраяигод̇и ваа д̇иражчаанаяонигод̇и ваа бзд̇д̇ивисаяигод̇и ваа мануссод̇и ваа д̣̇звод̇и ваа руубийд̇и ваа аруубийд̇и ваа сан̃н̃ийд̇и ваа асан̃н̃ийд̇и ваа нзвасан̃н̃ийнаасан̃н̃ийд̇и ваа. со хзд̇у над̇т̇и бажжаяо над̇т̇и гааран̣ам̣ над̇т̇и, язна г̇ажчзяяаад̇и – са гзна г̇ажчзяяа ануубаяо со.
Sa kena gaccheyya anūpayo soti. Upayāti dve upayā – taṇhūpayo ca diṭṭhūpayo ca…pe… ayaṃ taṇhūpayo…pe… ayaṃ diṭṭhūpayo. Tassa taṇhūpayo pahīno , diṭṭhūpayo paṭinissaṭṭho. Taṇhūpayassa pahīnattā, diṭṭhūpayassa paṭinissaṭṭhattā anūpayo puggalo kena rāgena gaccheyya, kena dosena gaccheyya, kena mohena gaccheyya, kena mānena gaccheyya, kāya diṭṭhiyā gaccheyya, kena uddhaccena gaccheyya, kāya vicikicchāya gaccheyya, kehi anusayehi gaccheyya – rattoti vā duṭṭhoti vā mūḷhoti vā vinibaddhoti vā parāmaṭṭhoti vā vikkhepagatoti vā aniṭṭhaṅgatoti vā thāmagatoti vā. Te abhisaṅkhārā pahīnā. Abhisaṅkhārānaṃ pahīnattā gatiyo kena gaccheyya – nerayikoti vā tiracchānayonikoti vā pettivisayikoti vā manussoti vā devoti vā rūpīti vā arūpīti vā saññīti vā asaññīti vā nevasaññīnāsaññīti vā. So hetu natthi paccayo natthi kāraṇaṃ natthi, yena gaccheyyāti – sa kena gaccheyya anūpayo so.
д̇знааха бхаг̇аваа –
Tenāha bhagavā –
‘‘д̇хонасса хи над̇т̇и гухин̃жи логз, багаббид̇аа д̣̇идти бхаваабхавзсу;
‘‘Dhonassa hi natthi kuhiñci loke, pakappitā diṭṭhi bhavābhavesu;
мааяан̃жа маанан̃жа бахааяа д̇хоно, са гзна г̇ажчзяяа ануубаяо со’’д̇и.
Māyañca mānañca pahāya dhono, sa kena gaccheyya anūpayo so’’ti.
22.
22.
убаяо хи д̇хаммзсу убзд̇и ваад̣̇ам̣, ануубаяам̣ гзна гат̇ам̣ вад̣̇зяяа;
Upayo hi dhammesu upeti vādaṃ,anūpayaṃ kena kathaṃ vadeyya;
ад̇д̇аа нирад̇д̇аа на хи д̇асса ад̇т̇и, ад̇хоси со д̣̇идтимид̇хзва саб̣б̣ам̣.
Attā nirattā na hi tassa atthi, adhosi so diṭṭhimidheva sabbaṃ.
убаяо хи д̇хаммзсу убзд̇и ваад̣̇анд̇и. убаяаад̇и д̣̇вз убаяаа – д̇ан̣хуубаяо жа д̣̇идтуубаяо жа…бз… аяам̣ д̇ан̣хуубаяо…бз… аяам̣ д̣̇идтуубаяо. д̇асса д̇ан̣хуубаяо аббахийно, д̣̇идтуубаяо аббадиниссадто. д̇ан̣хуубаяасса аббахийнад̇д̇аа , д̣̇идтуубаяасса аббадиниссадтад̇д̇аа д̇хаммзсу ваад̣̇ам̣ убзд̇и – рад̇д̇од̇и ваа д̣̇удтод̇и ваа муул̣ход̇и ваа виниб̣ад̣̇д̇ход̇и ваа бараамадтод̇и ваа вигкзбаг̇ад̇од̇и ваа анидтан̇г̇ад̇од̇и ваа т̇аамаг̇ад̇од̇и ваа. д̇з абхисан̇каараа аббахийнаа. абхисан̇каараанам̣ аббахийнад̇д̇аа г̇ад̇ияаа ваад̣̇ам̣ убзд̇и. нзраяигод̇и ваа д̇иражчаанаяонигод̇и ваа бзд̇д̇ивисаяигод̇и ваа мануссод̇и ваа д̣̇звод̇и ваа руубийд̇и ваа аруубийд̇и ваа сан̃н̃ийд̇и ваа асан̃н̃ийд̇и ваа нзвасан̃н̃ийнаасан̃н̃ийд̇и ваа ваад̣̇ам̣ убзд̇и убаг̇ажчад̇и г̇ан̣хаад̇и бараамасад̇и абхинивисад̇ийд̇и – убаяо хи д̇хаммзсу убзд̇и ваад̣̇ам̣.
Upayohi dhammesu upeti vādanti. Upayāti dve upayā – taṇhūpayo ca diṭṭhūpayo ca…pe… ayaṃ taṇhūpayo…pe… ayaṃ diṭṭhūpayo. Tassa taṇhūpayo appahīno, diṭṭhūpayo appaṭinissaṭṭho. Taṇhūpayassa appahīnattā , diṭṭhūpayassa appaṭinissaṭṭhattā dhammesu vādaṃ upeti – rattoti vā duṭṭhoti vā mūḷhoti vā vinibaddhoti vā parāmaṭṭhoti vā vikkhepagatoti vā aniṭṭhaṅgatoti vā thāmagatoti vā. Te abhisaṅkhārā appahīnā. Abhisaṅkhārānaṃ appahīnattā gatiyā vādaṃ upeti. Nerayikoti vā tiracchānayonikoti vā pettivisayikoti vā manussoti vā devoti vā rūpīti vā arūpīti vā saññīti vā asaññīti vā nevasaññīnāsaññīti vā vādaṃ upeti upagacchati gaṇhāti parāmasati abhinivisatīti – upayo hi dhammesu upeti vādaṃ.
ануубаяам̣ гзна гат̇ам̣ вад̣̇зяяаад̇и. убаяаад̇и д̣̇вз убаяаа – д̇ан̣хуубаяо жа д̣̇идтуубаяо жа…бз… аяам̣ д̇ан̣хуубаяо…бз… аяам̣ д̣̇идтуубаяо. д̇асса д̇ан̣хуубаяо бахийно, д̣̇идтуубаяо бадиниссадто. д̇ан̣хуубаяасса бахийнад̇д̇аа, д̣̇идтуубаяасса бадиниссадтад̇д̇аа ануубаяам̣ буг̇г̇алам̣ гзна рааг̇зна вад̣̇зяяа, гзна д̣̇осзна вад̣̇зяяа, гзна мохзна вад̣̇зяяа, гзна маанзна вад̣̇зяяа, гааяа д̣̇идтияаа вад̣̇зяяа, гзна уд̣̇д̇хажжзна вад̣̇зяяа, гааяа вижигижчааяа вад̣̇зяяа, гзхи анусаязхи вад̣̇зяяа – рад̇д̇од̇и ваа д̣̇удтод̇и ваа муул̣ход̇и ваа виниб̣ад̣̇д̇ход̇и ваа бараамадтод̇и ваа вигкзбаг̇ад̇од̇и ваа анидтан̇г̇ад̇од̇и ваа т̇аамаг̇ад̇од̇и ваа. д̇з абхисан̇каараа бахийнаа. абхисан̇каараанам̣ бахийнад̇д̇аа г̇ад̇ияо гзна вад̣̇зяяа – нзраяигод̇и ваа…бз… нзвасан̃н̃ийнаасан̃н̃ийд̇и ваа. со хзд̇у над̇т̇и, бажжаяо над̇т̇и, гааран̣ам̣ над̇т̇и, язна вад̣̇зяяа гат̇зяяа бхан̣зяяа д̣̇ийбаязяяа вохарзяяаад̇и – ануубаяам̣ гзна гат̇ам̣ вад̣̇зяяа.
Anūpayaṃkena kathaṃ vadeyyāti. Upayāti dve upayā – taṇhūpayo ca diṭṭhūpayo ca…pe… ayaṃ taṇhūpayo…pe… ayaṃ diṭṭhūpayo. Tassa taṇhūpayo pahīno, diṭṭhūpayo paṭinissaṭṭho. Taṇhūpayassa pahīnattā, diṭṭhūpayassa paṭinissaṭṭhattā anūpayaṃ puggalaṃ kena rāgena vadeyya, kena dosena vadeyya, kena mohena vadeyya, kena mānena vadeyya, kāya diṭṭhiyā vadeyya, kena uddhaccena vadeyya, kāya vicikicchāya vadeyya, kehi anusayehi vadeyya – rattoti vā duṭṭhoti vā mūḷhoti vā vinibaddhoti vā parāmaṭṭhoti vā vikkhepagatoti vā aniṭṭhaṅgatoti vā thāmagatoti vā. Te abhisaṅkhārā pahīnā. Abhisaṅkhārānaṃ pahīnattā gatiyo kena vadeyya – nerayikoti vā…pe… nevasaññīnāsaññīti vā. So hetu natthi, paccayo natthi, kāraṇaṃ natthi, yena vadeyya katheyya bhaṇeyya dīpayeyya vohareyyāti – anūpayaṃ kena kathaṃ vadeyya.
ад̇д̇аа нирад̇д̇аа на хи д̇асса ад̇т̇ийд̇и. ад̇д̇аад̇и ад̇д̇аануд̣̇идти над̇т̇и. нирад̇д̇аад̇и ужчзд̣̇ад̣̇идти над̇т̇и. ад̇д̇аад̇и г̇ахид̇ам̣ над̇т̇и. нирад̇д̇аад̇и мун̃жид̇аб̣б̣ам̣ над̇т̇и. яассад̇т̇и г̇ахид̇ам̣, д̇ассад̇т̇и мун̃жид̇аб̣б̣ам̣; яассад̇т̇и мун̃жид̇аб̣б̣ам̣, д̇ассад̇т̇и г̇ахид̇ам̣. г̇ахан̣ам̣ мун̃жанаа самад̇игганд̇о арахаа б̣уд̣̇д̇хибарихаанивийд̇ивад̇д̇о. со вудтаваасо жин̣н̣ажаран̣о г̇ад̇ад̣̇д̇хо г̇ад̇ад̣̇исо ж̇аад̇имаран̣асам̣сааро, над̇т̇и д̇асса бунаб̣бхавод̇и – ад̇д̇аа нирад̇д̇аа на хи д̇асса ад̇т̇и.
Attā nirattā na hi tassa atthīti. Attāti attānudiṭṭhi natthi. Nirattāti ucchedadiṭṭhi natthi. Attāti gahitaṃ natthi. Nirattāti muñcitabbaṃ natthi. Yassatthi gahitaṃ, tassatthi muñcitabbaṃ; yassatthi muñcitabbaṃ, tassatthi gahitaṃ. Gahaṇaṃ muñcanā samatikkanto arahā buddhiparihānivītivatto. So vuṭṭhavāso ciṇṇacaraṇo gataddho gatadiso jātimaraṇasaṃsāro, natthi tassa punabbhavoti – attā nirattā na hi tassa atthi.
ад̇хоси со д̣̇идтимид̇хзва саб̣б̣анд̇и д̇асса д̣̇ваасадти д̣̇идтиг̇ад̇аани бахийнаани самужчиннаани вуубасанд̇аани бадибассад̣̇д̇хаани абхаб̣б̣уббад̇д̇игаани н̃аан̣аг̇г̇инаа д̣̇ад̣дхаани. со саб̣б̣ад̣̇идтиг̇ад̇ам̣ ид̇хзва ад̇хоси д̇хуни санд̇хуни нид̣̇д̇хуни баж̇ахи винод̣̇зси б̣яанд̇им̣ агааси анабхаавам̣ г̇амзсийд̇и – ад̇хоси со д̣̇идтимид̇хзва саб̣б̣ам̣.
Adhosiso diṭṭhimidheva sabbanti tassa dvāsaṭṭhi diṭṭhigatāni pahīnāni samucchinnāni vūpasantāni paṭipassaddhāni abhabbuppattikāni ñāṇagginā daḍḍhāni. So sabbadiṭṭhigataṃ idheva adhosi dhuni sandhuni niddhuni pajahi vinodesi byantiṃ akāsi anabhāvaṃ gamesīti – adhosi so diṭṭhimidheva sabbaṃ.
д̇знааха бхаг̇аваа –
Tenāha bhagavā –
‘‘убаяо хи д̇хаммзсу убзд̇и ваад̣̇ам̣, ануубаяам̣ гзна гат̇ам̣ вад̣̇зяяа;
‘‘Upayo hi dhammesu upeti vādaṃ, anūpayaṃ kena kathaṃ vadeyya;
ад̇д̇аа нирад̇д̇аа на хи д̇асса ад̇т̇и, ад̇хоси со д̣̇идтимид̇хзва саб̣б̣а’’нд̇и.
Attā nirattā na hi tassa atthi, adhosi so diṭṭhimidheva sabba’’nti.
д̣̇удтадтагасуд̇д̇анид̣̇д̣̇зсо д̇ад̇ияо.
Duṭṭhaṭṭhakasuttaniddeso tatiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / махаанид̣̇д̣̇зса-адтагат̇аа • Mahāniddesa-aṭṭhakathā / 3. д̣̇удтадтагасуд̇д̇анид̣̇д̣̇зсаван̣н̣анаа • 3. Duṭṭhaṭṭhakasuttaniddesavaṇṇanā
