| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
9. து³ட்டு²ல்லாரோசனஸிக்கா²பத³ங்
9. Duṭṭhullārocanasikkhāpadaṃ
78. நவமே தத்ராதி தஸ்ஸங் ‘‘து³ட்டு²ல்லா நாமா’’திஆதி³பாளியங், தாஸு வா பாளிஅட்ட²கதா²ஸு. விசாரணாதி வீமங்ஸனா. உபஸம்பன்னஸத்³தே³தி உபஸம்பன்னஸத்³த³த்த²பா⁴வே . எத்த² ஹி ஸத்³தே³ வுச்சமானே அவினாபா⁴வதோ ஸத்³தே³ன அத்தோ²பி வுத்தோ, வினாபி பா⁴வபச்சயேன பா⁴வத்த²ஸ்ஸ ஞாதப்³ப³த்தா பா⁴வோபி க³ஹேதப்³போ³, தஸ்மா வுத்தங் ‘‘உபஸம்பன்னஸத்³த³த்த²பா⁴வே’’தி. ஏஸேவ நயோ ‘‘து³ட்டு²ல்லஸத்³தே³’’தி எத்தா²பி. ஏதங் பரிமாணங் யஸ்ஸாதி ஏதங், ‘‘தேரஸ ஸங்கா⁴தி³ஸேஸா’’தி வசனங். ஏதங் ஏவ வத்தப்³ப³ங், ந ‘‘சத்தாரி ச பாராஜிகானீ’’தி இத³ந்தி அத்தோ². தத்தா²தி பாளியங். கஸ்ஸசி விமதி ப⁴வெய்ய, கிங் ப⁴வெய்யாதி யோஜனா. ஆபத்திங் ஆரோசெந்தேன அக்கோஸந்தஸ்ஸ ஸமானத்தா வுத்தங் ‘‘ஏவங் ஸதீ’’திஆதி³. பாசித்தியமேவ சாதி சஸத்³தோ³ ப்³யதிரேகத்தோ², ந து³க்கடங் ஆபஜ்ஜதீதி அத்தோ². ஹீதி ஸச்சங். ஏதந்தி பாசித்தியாபஜ்ஜனதங், ‘‘அஸுத்³தோ⁴ ஹோதி…பே॰… ஓமஸவாத³ஸ்ஸா’’தி வசனங் வா, வுத்தந்தி ஸம்ப³ந்தோ⁴. எத்தா²தி பாளியங். அட்ட²கதா²சரியாவேதி எத்த² ஏவகாரோ அட்டா²னயோகோ³, பமாணந்தி எத்த² யோஜேதப்³போ³, காரணமேவாதி அத்தோ². தேன வுத்தங் ‘‘ந அஞ்ஞா விசாரணா’’தி. அத² வா அஞ்ஞாதி ஸாம்யத்தே² பச்சத்தவசனமேதங், ந அஞ்ஞேஸங் விசாரணா பமாணந்தி அத்தோ². ஏவஞ்ஹி ஸதி ஏவகாரோ டா²னயோகோ³வ. புப்³பே³பி சாதி க³ந்தா²ரம்ப⁴காலேபி ச.
78. Navame tatrāti tassaṃ ‘‘duṭṭhullā nāmā’’tiādipāḷiyaṃ, tāsu vā pāḷiaṭṭhakathāsu. Vicāraṇāti vīmaṃsanā. Upasampannasaddeti upasampannasaddatthabhāve . Ettha hi sadde vuccamāne avinābhāvato saddena atthopi vutto, vināpi bhāvapaccayena bhāvatthassa ñātabbattā bhāvopi gahetabbo, tasmā vuttaṃ ‘‘upasampannasaddatthabhāve’’ti. Eseva nayo ‘‘duṭṭhullasadde’’ti etthāpi. Etaṃ parimāṇaṃ yassāti etaṃ, ‘‘terasa saṅghādisesā’’ti vacanaṃ. Etaṃ eva vattabbaṃ, na ‘‘cattāri ca pārājikānī’’ti idanti attho. Tatthāti pāḷiyaṃ. Kassaci vimati bhaveyya, kiṃ bhaveyyāti yojanā. Āpattiṃ ārocentena akkosantassa samānattā vuttaṃ ‘‘evaṃ satī’’tiādi. Pācittiyameva cāti casaddo byatirekattho, na dukkaṭaṃ āpajjatīti attho. Hīti saccaṃ. Etanti pācittiyāpajjanataṃ, ‘‘asuddho hoti…pe… omasavādassā’’ti vacanaṃ vā, vuttanti sambandho. Etthāti pāḷiyaṃ. Aṭṭhakathācariyāveti ettha evakāro aṭṭhānayogo, pamāṇanti ettha yojetabbo, kāraṇamevāti attho. Tena vuttaṃ ‘‘na aññā vicāraṇā’’ti. Atha vā aññāti sāmyatthe paccattavacanametaṃ, na aññesaṃ vicāraṇā pamāṇanti attho. Evañhi sati evakāro ṭhānayogova. Pubbepi cāti ganthārambhakālepi ca.
ஏதந்தி அட்ட²கதா²சரியானங் பமாணதங். ஸங்வரத்தா²ய ஏவ, அனாபஜ்ஜனத்தா²ய ஏவ ச அனுஞ்ஞாதந்தி யோஜனா. தேனாஹ ‘‘ந தஸ்ஸ’’த்யாதி³. தஸ்மாதி யஸ்மா பி⁴க்கு²பா⁴வோ நாம ந அத்தி², தஸ்மா ஸுவுத்தமேவாதி ஸம்ப³ந்தோ⁴.
Etanti aṭṭhakathācariyānaṃ pamāṇataṃ. Saṃvaratthāya eva, anāpajjanatthāya eva ca anuññātanti yojanā. Tenāha ‘‘na tassa’’tyādi. Tasmāti yasmā bhikkhubhāvo nāma na atthi, tasmā suvuttamevāti sambandho.
80. ஸாதி பி⁴க்கு²ஸம்முதி, ஸங்கே⁴ன காதப்³பா³தி யோஜனா. கத்த²சீதி கிஸ்மிஞ்சி டா²னே. இதா⁴தி இமஸ்மிங் ஸிக்கா²பதே³. ‘‘வுத்தத்தா’’தி பத³ங் ‘‘காதப்³பா³’’தி பதே³ ஹேது. ஏஸாதி ஏஸோ பி⁴க்கு². ஹிதேஸிதாயாதி ஹிதஸ்ஸ ஏஸிதாய, அத்த²ஸ்ஸ இச்ச²தாயாதி அத்தோ².
80.Sāti bhikkhusammuti, saṅghena kātabbāti yojanā. Katthacīti kismiñci ṭhāne. Idhāti imasmiṃ sikkhāpade. ‘‘Vuttattā’’ti padaṃ ‘‘kātabbā’’ti pade hetu. Esāti eso bhikkhu. Hitesitāyāti hitassa esitāya, atthassa icchatāyāti attho.
82. ஸேஸானீதி ஆதி³ம்ஹி பஞ்சஸிக்கா²பத³தோ ஸேஸானி உபரி பஞ்ச ஸிக்கா²பதா³னி. அஸ்ஸாதி அனுபஸம்பன்னஸ்ஸ. க⁴டெத்வாதி ஸம்ப³ந்த⁴ங் கத்வாதி. நவமங்.
82.Sesānīti ādimhi pañcasikkhāpadato sesāni upari pañca sikkhāpadāni. Assāti anupasampannassa. Ghaṭetvāti sambandhaṃ katvāti. Navamaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 1. முஸாவாத³வக்³கோ³ • 1. Musāvādavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 9. து³ட்டு²ல்லாரோசனஸிக்கா²பத³வண்ணனா • 9. Duṭṭhullārocanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. து³ட்டு²ல்லாரோசனஸிக்கா²பத³வண்ணனா • 9. Duṭṭhullārocanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 9. து³ட்டு²ல்லாரோசனஸிக்கா²பத³வண்ணனா • 9. Duṭṭhullārocanasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 9. து³ட்டு²ல்லாரோசனஸிக்கா²பத³வண்ணனா • 9. Duṭṭhullārocanasikkhāpadavaṇṇanā
