| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৯. দুট্ঠুল্লারোচনসিক্খাপদং
9. Duṭṭhullārocanasikkhāpadaṃ
৭৮. নৰমে তত্রাতি তস্সং ‘‘দুট্ঠুল্লা নামা’’তিআদিপাল়িযং, তাসু ৰা পাল়িঅট্ঠকথাসু। ৰিচারণাতি ৰীমংসনা। উপসম্পন্নসদ্দেতি উপসম্পন্নসদ্দত্থভাৰে । এত্থ হি সদ্দে ৰুচ্চমানে অৰিনাভাৰতো সদ্দেন অত্থোপি ৰুত্তো, ৰিনাপি ভাৰপচ্চযেন ভাৰত্থস্স ঞাতব্বত্তা ভাৰোপি গহেতব্বো, তস্মা ৰুত্তং ‘‘উপসম্পন্নসদ্দত্থভাৰে’’তি। এসেৰ নযো ‘‘দুট্ঠুল্লসদ্দে’’তি এত্থাপি। এতং পরিমাণং যস্সাতি এতং, ‘‘তেরস সঙ্ঘাদিসেসা’’তি ৰচনং। এতং এৰ ৰত্তব্বং, ন ‘‘চত্তারি চ পারাজিকানী’’তি ইদন্তি অত্থো। তত্থাতি পাল়িযং। কস্সচি ৰিমতি ভৰেয্য, কিং ভৰেয্যাতি যোজনা। আপত্তিং আরোচেন্তেন অক্কোসন্তস্স সমানত্তা ৰুত্তং ‘‘এৰং সতী’’তিআদি। পাচিত্তিযমেৰ চাতি চসদ্দো ব্যতিরেকত্থো, ন দুক্কটং আপজ্জতীতি অত্থো। হীতি সচ্চং। এতন্তি পাচিত্তিযাপজ্জনতং, ‘‘অসুদ্ধো হোতি…পে॰… ওমসৰাদস্সা’’তি ৰচনং ৰা, ৰুত্তন্তি সম্বন্ধো। এত্থাতি পাল়িযং। অট্ঠকথাচরিযাৰেতি এত্থ এৰকারো অট্ঠানযোগো, পমাণন্তি এত্থ যোজেতব্বো, কারণমেৰাতি অত্থো। তেন ৰুত্তং ‘‘ন অঞ্ঞা ৰিচারণা’’তি। অথ ৰা অঞ্ঞাতি সাম্যত্থে পচ্চত্তৰচনমেতং, ন অঞ্ঞেসং ৰিচারণা পমাণন্তি অত্থো। এৰঞ্হি সতি এৰকারো ঠানযোগোৰ। পুব্বেপি চাতি গন্থারম্ভকালেপি চ।
78. Navame tatrāti tassaṃ ‘‘duṭṭhullā nāmā’’tiādipāḷiyaṃ, tāsu vā pāḷiaṭṭhakathāsu. Vicāraṇāti vīmaṃsanā. Upasampannasaddeti upasampannasaddatthabhāve . Ettha hi sadde vuccamāne avinābhāvato saddena atthopi vutto, vināpi bhāvapaccayena bhāvatthassa ñātabbattā bhāvopi gahetabbo, tasmā vuttaṃ ‘‘upasampannasaddatthabhāve’’ti. Eseva nayo ‘‘duṭṭhullasadde’’ti etthāpi. Etaṃ parimāṇaṃ yassāti etaṃ, ‘‘terasa saṅghādisesā’’ti vacanaṃ. Etaṃ eva vattabbaṃ, na ‘‘cattāri ca pārājikānī’’ti idanti attho. Tatthāti pāḷiyaṃ. Kassaci vimati bhaveyya, kiṃ bhaveyyāti yojanā. Āpattiṃ ārocentena akkosantassa samānattā vuttaṃ ‘‘evaṃ satī’’tiādi. Pācittiyameva cāti casaddo byatirekattho, na dukkaṭaṃ āpajjatīti attho. Hīti saccaṃ. Etanti pācittiyāpajjanataṃ, ‘‘asuddho hoti…pe… omasavādassā’’ti vacanaṃ vā, vuttanti sambandho. Etthāti pāḷiyaṃ. Aṭṭhakathācariyāveti ettha evakāro aṭṭhānayogo, pamāṇanti ettha yojetabbo, kāraṇamevāti attho. Tena vuttaṃ ‘‘na aññā vicāraṇā’’ti. Atha vā aññāti sāmyatthe paccattavacanametaṃ, na aññesaṃ vicāraṇā pamāṇanti attho. Evañhi sati evakāro ṭhānayogova. Pubbepi cāti ganthārambhakālepi ca.
এতন্তি অট্ঠকথাচরিযানং পমাণতং। সংৰরত্থায এৰ, অনাপজ্জনত্থায এৰ চ অনুঞ্ঞাতন্তি যোজনা। তেনাহ ‘‘ন তস্স’’ত্যাদি। তস্মাতি যস্মা ভিক্খুভাৰো নাম ন অত্থি, তস্মা সুৰুত্তমেৰাতি সম্বন্ধো।
Etanti aṭṭhakathācariyānaṃ pamāṇataṃ. Saṃvaratthāya eva, anāpajjanatthāya eva ca anuññātanti yojanā. Tenāha ‘‘na tassa’’tyādi. Tasmāti yasmā bhikkhubhāvo nāma na atthi, tasmā suvuttamevāti sambandho.
৮০. সাতি ভিক্খুসম্মুতি, সঙ্ঘেন কাতব্বাতি যোজনা। কত্থচীতি কিস্মিঞ্চি ঠানে। ইধাতি ইমস্মিং সিক্খাপদে। ‘‘ৰুত্তত্তা’’তি পদং ‘‘কাতব্বা’’তি পদে হেতু। এসাতি এসো ভিক্খু। হিতেসিতাযাতি হিতস্স এসিতায, অত্থস্স ইচ্ছতাযাতি অত্থো।
80.Sāti bhikkhusammuti, saṅghena kātabbāti yojanā. Katthacīti kismiñci ṭhāne. Idhāti imasmiṃ sikkhāpade. ‘‘Vuttattā’’ti padaṃ ‘‘kātabbā’’ti pade hetu. Esāti eso bhikkhu. Hitesitāyāti hitassa esitāya, atthassa icchatāyāti attho.
৮২. সেসানীতি আদিম্হি পঞ্চসিক্খাপদতো সেসানি উপরি পঞ্চ সিক্খাপদানি। অস্সাতি অনুপসম্পন্নস্স। ঘটেত্ৰাতি সম্বন্ধং কত্ৰাতি। নৰমং।
82.Sesānīti ādimhi pañcasikkhāpadato sesāni upari pañca sikkhāpadāni. Assāti anupasampannassa. Ghaṭetvāti sambandhaṃ katvāti. Navamaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ১. মুসাৰাদৰগ্গো • 1. Musāvādavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৯. দুট্ঠুল্লারোচনসিক্খাপদৰণ্ণনা • 9. Duṭṭhullārocanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৯. দুট্ঠুল্লারোচনসিক্খাপদৰণ্ণনা • 9. Duṭṭhullārocanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৯. দুট্ঠুল্লারোচনসিক্খাপদৰণ্ণনা • 9. Duṭṭhullārocanasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৯. দুট্ঠুল্লারোচনসিক্খাপদৰণ্ণনা • 9. Duṭṭhullārocanasikkhāpadavaṇṇanā
