| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
9. д̣̇удтуллаарожанасигкаабад̣̇ам̣
9. Duṭṭhullārocanasikkhāpadaṃ
78. навамз д̇ад̇раад̇и д̇ассам̣ ‘‘д̣̇удтуллаа наамаа’’д̇иаад̣̇ибаал̣ияам̣, д̇аасу ваа баал̣иадтагат̇аасу. вижааран̣аад̇и виймам̣санаа. убасамбаннасад̣̇д̣̇зд̇и убасамбаннасад̣̇д̣̇ад̇т̇абхаавз . зд̇т̇а хи сад̣̇д̣̇з вужжамаанз авинаабхаавад̇о сад̣̇д̣̇зна ад̇т̇оби вуд̇д̇о, винааби бхаавабажжаязна бхаавад̇т̇асса н̃аад̇аб̣б̣ад̇д̇аа бхаавоби г̇ахзд̇аб̣б̣о, д̇асмаа вуд̇д̇ам̣ ‘‘убасамбаннасад̣̇д̣̇ад̇т̇абхаавз’’д̇и. зсзва наяо ‘‘д̣̇удтулласад̣̇д̣̇з’’д̇и зд̇т̇ааби. зд̇ам̣ баримаан̣ам̣ яассаад̇и зд̇ам̣, ‘‘д̇зраса сан̇гхаад̣̇исзсаа’’д̇и важанам̣. зд̇ам̣ зва вад̇д̇аб̣б̣ам̣, на ‘‘жад̇д̇аари жа баарааж̇игааний’’д̇и ид̣̇анд̇и ад̇т̇о. д̇ад̇т̇аад̇и баал̣ияам̣. гассажи вимад̇и бхавзяяа, гим̣ бхавзяяаад̇и яож̇анаа. аабад̇д̇им̣ аарожзнд̇зна аггосанд̇асса самаанад̇д̇аа вуд̇д̇ам̣ ‘‘звам̣ сад̇ий’’д̇иаад̣̇и. баажид̇д̇ияамзва жаад̇и жасад̣̇д̣̇о б̣яад̇ирзгад̇т̇о, на д̣̇уггадам̣ аабаж̇ж̇ад̇ийд̇и ад̇т̇о. хийд̇и сажжам̣. зд̇анд̇и баажид̇д̇ияаабаж̇ж̇анад̇ам̣, ‘‘асуд̣̇д̇хо ход̇и…бз… омасаваад̣̇ассаа’’д̇и важанам̣ ваа, вуд̇д̇анд̇и самб̣анд̇хо. зд̇т̇аад̇и баал̣ияам̣. адтагат̇аажарияаавзд̇и зд̇т̇а звагааро адтаанаяог̇о, бамаан̣анд̇и зд̇т̇а яож̇зд̇аб̣б̣о, гааран̣амзваад̇и ад̇т̇о. д̇зна вуд̇д̇ам̣ ‘‘на ан̃н̃аа вижааран̣аа’’д̇и. ат̇а ваа ан̃н̃аад̇и саамяад̇т̇з бажжад̇д̇аважанамзд̇ам̣, на ан̃н̃зсам̣ вижааран̣аа бамаан̣анд̇и ад̇т̇о. зван̃хи сад̇и звагааро таанаяог̇ова. буб̣б̣зби жаад̇и г̇ант̇аарамбхагаалзби жа.
78. Navame tatrāti tassaṃ ‘‘duṭṭhullā nāmā’’tiādipāḷiyaṃ, tāsu vā pāḷiaṭṭhakathāsu. Vicāraṇāti vīmaṃsanā. Upasampannasaddeti upasampannasaddatthabhāve . Ettha hi sadde vuccamāne avinābhāvato saddena atthopi vutto, vināpi bhāvapaccayena bhāvatthassa ñātabbattā bhāvopi gahetabbo, tasmā vuttaṃ ‘‘upasampannasaddatthabhāve’’ti. Eseva nayo ‘‘duṭṭhullasadde’’ti etthāpi. Etaṃ parimāṇaṃ yassāti etaṃ, ‘‘terasa saṅghādisesā’’ti vacanaṃ. Etaṃ eva vattabbaṃ, na ‘‘cattāri ca pārājikānī’’ti idanti attho. Tatthāti pāḷiyaṃ. Kassaci vimati bhaveyya, kiṃ bhaveyyāti yojanā. Āpattiṃ ārocentena akkosantassa samānattā vuttaṃ ‘‘evaṃ satī’’tiādi. Pācittiyameva cāti casaddo byatirekattho, na dukkaṭaṃ āpajjatīti attho. Hīti saccaṃ. Etanti pācittiyāpajjanataṃ, ‘‘asuddho hoti…pe… omasavādassā’’ti vacanaṃ vā, vuttanti sambandho. Etthāti pāḷiyaṃ. Aṭṭhakathācariyāveti ettha evakāro aṭṭhānayogo, pamāṇanti ettha yojetabbo, kāraṇamevāti attho. Tena vuttaṃ ‘‘na aññā vicāraṇā’’ti. Atha vā aññāti sāmyatthe paccattavacanametaṃ, na aññesaṃ vicāraṇā pamāṇanti attho. Evañhi sati evakāro ṭhānayogova. Pubbepi cāti ganthārambhakālepi ca.
зд̇анд̇и адтагат̇аажарияаанам̣ бамаан̣ад̇ам̣. сам̣варад̇т̇ааяа зва, анаабаж̇ж̇анад̇т̇ааяа зва жа анун̃н̃аад̇анд̇и яож̇анаа. д̇знааха ‘‘на д̇асса’’д̇яаад̣̇и. д̇асмаад̇и яасмаа бхигкубхааво наама на ад̇т̇и, д̇асмаа сувуд̇д̇амзваад̇и самб̣анд̇хо.
Etanti aṭṭhakathācariyānaṃ pamāṇataṃ. Saṃvaratthāya eva, anāpajjanatthāya eva ca anuññātanti yojanā. Tenāha ‘‘na tassa’’tyādi. Tasmāti yasmā bhikkhubhāvo nāma na atthi, tasmā suvuttamevāti sambandho.
80. саад̇и бхигкусаммуд̇и, сан̇гхзна гаад̇аб̣б̣аад̇и яож̇анаа. гад̇т̇ажийд̇и гисмин̃жи таанз. ид̇хаад̇и имасмим̣ сигкаабад̣̇з. ‘‘вуд̇д̇ад̇д̇аа’’д̇и бад̣̇ам̣ ‘‘гаад̇аб̣б̣аа’’д̇и бад̣̇з хзд̇у. зсаад̇и зсо бхигку. хид̇зсид̇ааяаад̇и хид̇асса зсид̇ааяа, ад̇т̇асса ижчад̇ааяаад̇и ад̇т̇о.
80.Sāti bhikkhusammuti, saṅghena kātabbāti yojanā. Katthacīti kismiñci ṭhāne. Idhāti imasmiṃ sikkhāpade. ‘‘Vuttattā’’ti padaṃ ‘‘kātabbā’’ti pade hetu. Esāti eso bhikkhu. Hitesitāyāti hitassa esitāya, atthassa icchatāyāti attho.
82. сзсаанийд̇и аад̣̇имхи бан̃жасигкаабад̣̇ад̇о сзсаани убари бан̃жа сигкаабад̣̇аани. ассаад̇и анубасамбаннасса. гхадзд̇ваад̇и самб̣анд̇хам̣ гад̇ваад̇и. навамам̣.
82.Sesānīti ādimhi pañcasikkhāpadato sesāni upari pañca sikkhāpadāni. Assāti anupasampannassa. Ghaṭetvāti sambandhaṃ katvāti. Navamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
