| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
9. து³ட்டு²ல்லாரோசனஸிக்கா²பத³வண்ணனா
9. Duṭṭhullārocanasikkhāpadavaṇṇanā
த்³வின்னங் ‘ஆபத்திக்க²ந்தா⁴னந்தி பாராஜிகஸங்கா⁴தி³ஸேஸஸங்கா²தானங் த்³வின்னங் ஆபத்திக்க²ந்தா⁴னங். ஆயதிங் ஸங்வரத்தா²யாதி ‘‘ஏவமேஸ பரேஸு ஹிரொத்தப்பேனாபி ஆயதிங் ஸங்வரங் ஆபஜ்ஜிஸ்ஸதீ’’தி ஆயதிங் ஸங்வரத்தா²ய. ஆபத்தீனஞ்ச குலானஞ்ச பரியந்தங் கத்வா வா அகத்வா வாதி ‘‘எத்தகா ஆபத்தியோ ஆரோசேதப்³பா³, எத்தகேஸு குலேஸு ஆரோசேதப்³பா³’’தி ஏவங் ஆபத்தீனஞ்ச குலானஞ்ச பரியந்தங் கத்வா வா அகத்வா வா.
Dvinnaṃ‘āpattikkhandhānanti pārājikasaṅghādisesasaṅkhātānaṃ dvinnaṃ āpattikkhandhānaṃ. Āyatiṃ saṃvaratthāyāti ‘‘evamesa paresu hirottappenāpi āyatiṃ saṃvaraṃ āpajjissatī’’ti āyatiṃ saṃvaratthāya. Āpattīnañca kulānañca pariyantaṃ katvā vā akatvā vāti ‘‘ettakā āpattiyo ārocetabbā, ettakesu kulesu ārocetabbā’’ti evaṃ āpattīnañca kulānañca pariyantaṃ katvā vā akatvā vā.
அது³ட்டு²ல்லாயாதி பாராஜிகஸங்கா⁴தி³ஸேஸங் ட²பெத்வா அவஸேஸபஞ்சாபத்திக்க²ந்த⁴ஸங்கா²தாய அது³ட்டு²ல்லாய ஆபத்தியா. அவஸேஸே ச² ஆபத்திக்க²ந்தே⁴தி ஸங்கா⁴தி³ஸேஸவஜ்ஜிதே ஸேஸே ச² ஆபத்திக்க²ந்தே⁴. புரிமபஞ்சஸிக்கா²பத³வீதிக்கமஸங்கா²தங் து³ட்டு²ல்லந்தி பாணாதிபாதவேரமணிஆதி³கஸ்ஸ ஆதி³தோ பஞ்சஸிக்கா²பத³ஸ்ஸ வீதிக்கமஸங்கா²தங் து³ட்டு²ல்லங். இதரங் அது³ட்டு²ல்லங் வா அஜ்ஜா²சாரந்தி ததோ அஞ்ஞங் விகாலபோ⁴ஜனாதி³கபஞ்சகங், ஸுக்கவிஸட்டி²காயஸங்ஸக்³க³து³ட்டு²ல்லஅத்தகாமஞ்சேதி அது³ட்டு²ல்லங் வா அஜ்ஜா²சாரங். வத்து²மத்தந்தி ‘‘அயங் ஸுக்கவிஸ்ஸட்டி²ங் ஆபன்னோ, து³ட்டு²ல்லங், அத்தகாமங், காயஸங்ஸக்³க³ங் ஆபன்னோ’’தி ஏவங் வத்து²மத்தங் வா ஆரோசெந்தஸ்ஸ. ஆபத்திமத்தந்தி ‘‘அயங் பாராஜிகங் ஆபன்னோ, ஸங்கா⁴தி³ஸேஸங், து²ல்லச்சயங், பாசித்தியங், பாடிதே³ஸனீயங், து³க்கடங், து³ப்³பா⁴ஸிதங் ஆபன்னோ’’தி ஏவங் ஆபத்திமத்தங் வா ஆரோசெந்தஸ்ஸ. வுத்தலக்க²ணஸ்ஸாதி ‘‘பாராஜிகங் அனஜ்ஜா²பன்னஸ்ஸா’’தி கங்கா²॰ அட்ட²॰ து³ட்டு²ல்லாரோசனஸிக்கா²பத³வண்ணனா) ஏவங் வுத்தலக்க²ணஸ்ஸ. ஸவத்து²கோதி வத்து²னா ஸஹ க⁴டிதோ.
Aduṭṭhullāyāti pārājikasaṅghādisesaṃ ṭhapetvā avasesapañcāpattikkhandhasaṅkhātāya aduṭṭhullāya āpattiyā. Avasese cha āpattikkhandheti saṅghādisesavajjite sese cha āpattikkhandhe. Purimapañcasikkhāpadavītikkamasaṅkhātaṃ duṭṭhullanti pāṇātipātaveramaṇiādikassa ādito pañcasikkhāpadassa vītikkamasaṅkhātaṃ duṭṭhullaṃ. Itaraṃ aduṭṭhullaṃ vā ajjhācāranti tato aññaṃ vikālabhojanādikapañcakaṃ, sukkavisaṭṭhikāyasaṃsaggaduṭṭhullaattakāmañceti aduṭṭhullaṃ vā ajjhācāraṃ. Vatthumattanti ‘‘ayaṃ sukkavissaṭṭhiṃ āpanno, duṭṭhullaṃ, attakāmaṃ, kāyasaṃsaggaṃ āpanno’’ti evaṃ vatthumattaṃ vā ārocentassa. Āpattimattanti ‘‘ayaṃ pārājikaṃ āpanno, saṅghādisesaṃ, thullaccayaṃ, pācittiyaṃ, pāṭidesanīyaṃ, dukkaṭaṃ, dubbhāsitaṃ āpanno’’ti evaṃ āpattimattaṃ vā ārocentassa. Vuttalakkhaṇassāti ‘‘pārājikaṃ anajjhāpannassā’’ti kaṅkhā. aṭṭha. duṭṭhullārocanasikkhāpadavaṇṇanā) evaṃ vuttalakkhaṇassa. Savatthukoti vatthunā saha ghaṭito.
து³ட்டு²ல்லாரோசனஸிக்கா²பத³வண்ணனா நிட்டி²தா.
Duṭṭhullārocanasikkhāpadavaṇṇanā niṭṭhitā.
