| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. д̣̇удтуллаарожанасигкаабад̣̇аван̣н̣анаа
9. Duṭṭhullārocanasikkhāpadavaṇṇanā
78. навамасигкаабад̣̇з – д̣̇удтуллаа наама аабад̇д̇и жад̇д̇аари жа баарааж̇игаани д̇зраса жа сан̇гхаад̣̇исзсаад̇и имиссаа баал̣ияаа ‘‘баарааж̇игаани д̣̇удтулласад̣̇д̣̇ад̇т̇ад̣̇ассанад̇т̇ам̣ вуд̇д̇аани, сан̇гхаад̣̇исзсам̣ бана ид̇ха ад̇хиббзд̇а’’нд̇и адтагат̇аасу вуд̇д̇ам̣. д̇ад̇рааяам̣ вижааран̣аа – сажз баарааж̇игам̣ аарожзнд̇асса баажид̇д̇ияам̣ на бхавзяяа, яат̇аа самаанзби бхигку-бхигкунийнам̣ убасамбаннасад̣̇д̣̇з яад̇т̇а бхигкуний анад̇хиббзд̇аа ход̇и, д̇ад̇т̇а бхигкум̣ табзд̇ваа авасзсо анубасамбаннод̇и вужжад̇и; звамид̇ха самаанзби баарааж̇игасан̇гхаад̣̇исзсаанам̣ д̣̇удтулласад̣̇д̣̇з яад̣̇и баарааж̇игам̣ анад̇хиббзд̇ам̣, ‘‘д̣̇удтуллаа наама аабад̇д̇и д̇зраса сан̇гхаад̣̇исзсаа’’д̇и зд̇ад̣̇зва вад̇д̇аб̣б̣ам̣ сияаа. д̇ад̇т̇а бхавзяяа ‘‘яо баарааж̇игам̣ аабанно, со бхигкубхаавад̇о жуд̇о, д̇асмаа д̇асса аабад̇д̇им̣ аарожзнд̇о д̣̇уггадам̣ аабаж̇ж̇ад̇ий’’д̇и. звам̣ сад̇и аггосанд̇оби д̣̇уггадам̣ аабаж̇ж̇зяяа, баажид̇д̇ияамзва жа аабаж̇ж̇ад̇и. вуд̇д̇ан̃хзд̇ам̣ – ‘‘асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно, д̇ан̃жз асуд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇ад̇и, аабад̇д̇и омасаваад̣̇ассаа’’д̇и (баараа. 389). звам̣ баал̣ияаа вижаарияамаанааяа баарааж̇игам̣ аарожзнд̇ассааби баажид̇д̇ияамзва д̣̇иссад̇и. гин̃жааби д̣̇иссад̇и, ат̇а ко саб̣б̣аадтагат̇аасу вуд̇д̇ад̇д̇аа адтагат̇аажарияаава зд̇т̇а бамаан̣ам̣, на ан̃н̃аа вижааран̣аа. буб̣б̣зби жа аавожумха – ‘‘б̣уд̣̇д̇хзна д̇хаммо винаяо жа вуд̇д̇о, яо д̇асса буд̇д̇зхи д̇ат̇зва н̃аад̇о’’д̇иаад̣̇и (баараа. адта. 1.г̇ант̇аарамбхагат̇аа). адтагат̇аажарияаа хи б̣уд̣̇д̇хасса ад̇хиббааяам̣ ж̇аананд̇и.
78. Navamasikkhāpade – duṭṭhullā nāma āpatti cattāri ca pārājikāni terasa ca saṅghādisesāti imissā pāḷiyā ‘‘pārājikāni duṭṭhullasaddatthadassanatthaṃ vuttāni, saṅghādisesaṃ pana idha adhippeta’’nti aṭṭhakathāsu vuttaṃ. Tatrāyaṃ vicāraṇā – sace pārājikaṃ ārocentassa pācittiyaṃ na bhaveyya, yathā samānepi bhikkhu-bhikkhunīnaṃ upasampannasadde yattha bhikkhunī anadhippetā hoti, tattha bhikkhuṃ ṭhapetvā avaseso anupasampannoti vuccati; evamidha samānepi pārājikasaṅghādisesānaṃ duṭṭhullasadde yadi pārājikaṃ anadhippetaṃ, ‘‘duṭṭhullā nāma āpatti terasa saṅghādisesā’’ti etadeva vattabbaṃ siyā. Tattha bhaveyya ‘‘yo pārājikaṃ āpanno, so bhikkhubhāvato cuto, tasmā tassa āpattiṃ ārocento dukkaṭaṃ āpajjatī’’ti. Evaṃ sati akkosantopi dukkaṭaṃ āpajjeyya, pācittiyameva ca āpajjati. Vuttañhetaṃ – ‘‘asuddho hoti puggalo aññataraṃ pārājikaṃ dhammaṃ ajjhāpanno, tañce asuddhadiṭṭhi samāno okāsaṃ kārāpetvā akkosādhippāyo vadati, āpatti omasavādassā’’ti (pārā. 389). Evaṃ pāḷiyā vicāriyamānāya pārājikaṃ ārocentassāpi pācittiyameva dissati. Kiñcāpi dissati, atha kho sabbaaṭṭhakathāsu vuttattā aṭṭhakathācariyāva ettha pamāṇaṃ, na aññā vicāraṇā. Pubbepi ca āvocumha – ‘‘buddhena dhammo vinayo ca vutto, yo tassa puttehi tatheva ñāto’’tiādi (pārā. aṭṭha. 1.ganthārambhakathā). Aṭṭhakathācariyā hi buddhassa adhippāyaṃ jānanti.
иминааби жзд̇ам̣ барияааязна взд̣̇ид̇аб̣б̣ам̣. ан̃н̃ад̇ра бхигкусаммуд̇ияаад̇и хи вуд̇д̇ам̣. бхигкусаммуд̇ияаа жа аарожанам̣ ааяад̇им̣ сам̣варад̇т̇ааяа буна д̇ат̇ааруубам̣ аабад̇д̇им̣ анаабаж̇ж̇анад̇т̇ааяа бхаг̇авад̇аа анун̃н̃аад̇ам̣, на д̇асса бхигкуно аван̣н̣амад̇д̇аббагаасанад̇т̇ааяа, саасанз жасса бад̇идтаанисзд̇ханад̇т̇ааяа , на жа баарааж̇игам̣ аабаннасса буна д̇ат̇ааруубааяа аабад̇д̇ияаа анаабаж̇ж̇анзна бхигкубхааво наама ад̇т̇и. д̇асмаа ‘‘баарааж̇игаани д̣̇удтулласад̣̇д̣̇ад̇т̇ад̣̇ассанад̇т̇ам̣ вуд̇д̇аани, сан̇гхаад̣̇исзсам̣ бана ид̇хаад̇хиббзд̇а’’нд̇и яам̣ адтагат̇аасу вуд̇д̇ам̣, д̇ам̣ сувуд̇д̇амзва.
Imināpi cetaṃ pariyāyena veditabbaṃ. Aññatra bhikkhusammutiyāti hi vuttaṃ. Bhikkhusammutiyā ca ārocanaṃ āyatiṃ saṃvaratthāya puna tathārūpaṃ āpattiṃ anāpajjanatthāya bhagavatā anuññātaṃ, na tassa bhikkhuno avaṇṇamattappakāsanatthāya, sāsane cassa patiṭṭhānisedhanatthāya , na ca pārājikaṃ āpannassa puna tathārūpāya āpattiyā anāpajjanena bhikkhubhāvo nāma atthi. Tasmā ‘‘pārājikāni duṭṭhullasaddatthadassanatthaṃ vuttāni, saṅghādisesaṃ pana idhādhippeta’’nti yaṃ aṭṭhakathāsu vuttaṃ, taṃ suvuttameva.
80. ад̇т̇и бхигкусаммуд̇и аабад̇д̇ибарияанд̇аад̇иаад̣̇ийсу бана яаа аяам̣ бхигкусаммуд̇и вуд̇д̇аа, саа на гад̇т̇ажи ааг̇ад̇аа, ид̇ха вуд̇д̇ад̇д̇ааязва бана абхин̣хаабад̇д̇игам̣ бхигкум̣ д̣̇исваа звамзса барзсу хирод̇д̇аббзнааби ааяад̇им̣ сам̣варам̣ аабаж̇ж̇иссад̇ийд̇и д̇асса бхигкуно хид̇зсид̇ааяа д̇игкад̇д̇ум̣ абалогзд̇ваа сан̇гхзна гаад̇аб̣б̣аад̇и взд̣̇ид̇аб̣б̣аад̇и.
80.Atthibhikkhusammuti āpattipariyantātiādīsu pana yā ayaṃ bhikkhusammuti vuttā, sā na katthaci āgatā, idha vuttattāyeva pana abhiṇhāpattikaṃ bhikkhuṃ disvā evamesa paresu hirottappenāpi āyatiṃ saṃvaraṃ āpajjissatīti tassa bhikkhuno hitesitāya tikkhattuṃ apaloketvā saṅghena kātabbāti veditabbāti.
82. ад̣̇удтуллам̣ аабад̇д̇им̣ аарожзд̇и аабад̇д̇и д̣̇уггадассаад̇и бан̃жаби аабад̇д̇игканд̇хз аарожзнд̇асса д̣̇уггадам̣. махаабажжарияам̣ бана баарааж̇игам̣ аарожзнд̇ассааби д̣̇уггадамзва вуд̇д̇ам̣. анубасамбаннасса д̣̇удтуллам̣ ваа ад̣̇удтуллам̣ ваа аж̇жхаажааранд̇и зд̇т̇а аад̣̇ид̇о бан̃жа сигкаабад̣̇аани д̣̇удтулло наама аж̇жхаажааро, сзсаани ад̣̇удтулло. суггависсадтигааяасам̣саг̇г̇ад̣̇удтуллаад̇д̇агаамаа банасса аж̇жхаажааро наамаад̇и вуд̇д̇ам̣.
82.Aduṭṭhullaṃ āpattiṃ āroceti āpatti dukkaṭassāti pañcapi āpattikkhandhe ārocentassa dukkaṭaṃ. Mahāpaccariyaṃ pana pārājikaṃ ārocentassāpi dukkaṭameva vuttaṃ. Anupasampannassa duṭṭhullaṃ vā aduṭṭhullaṃ vā ajjhācāranti ettha ādito pañca sikkhāpadāni duṭṭhullo nāma ajjhācāro, sesāni aduṭṭhullo. Sukkavissaṭṭhikāyasaṃsaggaduṭṭhullaattakāmā panassa ajjhācāro nāmāti vuttaṃ.
83. вад̇т̇ум̣ аарожзд̇ийд̇и ‘‘аяам̣ суггависсадтим̣ аабанно, д̣̇удтуллам̣ аабанно, ад̇д̇агаамам̣ аабанно’’ гааяасам̣саг̇г̇ам̣ аабаннод̇и звам̣ вад̣̇анд̇асса анаабад̇д̇и. аабад̇д̇им̣ аарожзд̇ийд̇и зд̇т̇а ‘‘аяам̣ баарааж̇игам̣ аабанно, сан̇гхаад̣̇исзсам̣ т̇уллажжаяам̣ баажид̇д̇ияам̣ баадид̣̇зсанийяам̣ д̣̇уггадам̣ д̣̇уб̣бхаасид̇ам̣ аабанно’’д̇и вад̣̇ад̇и анаабад̇д̇и. ‘‘аяам̣ асужим̣ можзд̇ваа сан̇гхаад̣̇исзсам̣ аабанно’’д̇иаад̣̇инаа бана наязна вад̇т̇унаа сад̣̇д̇хим̣ аабад̇д̇им̣ гхадзд̇ваа аарожзнд̇ассзва аабад̇д̇и. сзсамзд̇т̇а уд̇д̇аанамзва.
83.Vatthuṃ ārocetīti ‘‘ayaṃ sukkavissaṭṭhiṃ āpanno, duṭṭhullaṃ āpanno, attakāmaṃ āpanno’’ kāyasaṃsaggaṃ āpannoti evaṃ vadantassa anāpatti. Āpattiṃ ārocetīti ettha ‘‘ayaṃ pārājikaṃ āpanno, saṅghādisesaṃ thullaccayaṃ pācittiyaṃ pāṭidesanīyaṃ dukkaṭaṃ dubbhāsitaṃ āpanno’’ti vadati anāpatti. ‘‘Ayaṃ asuciṃ mocetvā saṅghādisesaṃ āpanno’’tiādinā pana nayena vatthunā saddhiṃ āpattiṃ ghaṭetvā ārocentasseva āpatti. Sesamettha uttānameva.
д̇исамудтаанам̣ – гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Tisamuṭṭhānaṃ – kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
д̣̇удтуллаарожанасигкаабад̣̇ам̣ навамам̣.
Duṭṭhullārocanasikkhāpadaṃ navamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. д̣̇удтуллаарожанасигкаабад̣̇ам̣ • 9. Duṭṭhullārocanasikkhāpadaṃ
