| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
9. д̣̇удтуллаарожанасигкаабад̣̇аван̣н̣анаа
9. Duṭṭhullārocanasikkhāpadavaṇṇanā
д̣̇виннам̣ ‘аабад̇д̇игканд̇хаананд̇и баарааж̇игасан̇гхаад̣̇исзсасан̇каад̇аанам̣ д̣̇виннам̣ аабад̇д̇игканд̇хаанам̣. ааяад̇им̣ сам̣варад̇т̇ааяаад̇и ‘‘звамзса барзсу хирод̇д̇аббзнааби ааяад̇им̣ сам̣варам̣ аабаж̇ж̇иссад̇ий’’д̇и ааяад̇им̣ сам̣варад̇т̇ааяа. аабад̇д̇ийнан̃жа гулаанан̃жа барияанд̇ам̣ гад̇ваа ваа агад̇ваа ваад̇и ‘‘зд̇д̇агаа аабад̇д̇ияо аарожзд̇аб̣б̣аа, зд̇д̇агзсу гулзсу аарожзд̇аб̣б̣аа’’д̇и звам̣ аабад̇д̇ийнан̃жа гулаанан̃жа барияанд̇ам̣ гад̇ваа ваа агад̇ваа ваа.
Dvinnaṃ‘āpattikkhandhānanti pārājikasaṅghādisesasaṅkhātānaṃ dvinnaṃ āpattikkhandhānaṃ. Āyatiṃ saṃvaratthāyāti ‘‘evamesa paresu hirottappenāpi āyatiṃ saṃvaraṃ āpajjissatī’’ti āyatiṃ saṃvaratthāya. Āpattīnañca kulānañca pariyantaṃ katvā vā akatvā vāti ‘‘ettakā āpattiyo ārocetabbā, ettakesu kulesu ārocetabbā’’ti evaṃ āpattīnañca kulānañca pariyantaṃ katvā vā akatvā vā.
ад̣̇удтуллааяаад̇и баарааж̇игасан̇гхаад̣̇исзсам̣ табзд̇ваа авасзсабан̃жаабад̇д̇игканд̇хасан̇каад̇ааяа ад̣̇удтуллааяа аабад̇д̇ияаа. авасзсз ча аабад̇д̇игканд̇хзд̇и сан̇гхаад̣̇исзсаваж̇ж̇ид̇з сзсз ча аабад̇д̇игканд̇хз. буримабан̃жасигкаабад̣̇авийд̇иггамасан̇каад̇ам̣ д̣̇удтулланд̇и баан̣аад̇ибаад̇авзраман̣иаад̣̇игасса аад̣̇ид̇о бан̃жасигкаабад̣̇асса вийд̇иггамасан̇каад̇ам̣ д̣̇удтуллам̣. ид̇арам̣ ад̣̇удтуллам̣ ваа аж̇жхаажааранд̇и д̇ад̇о ан̃н̃ам̣ вигаалабхож̇анаад̣̇игабан̃жагам̣, суггависадтигааяасам̣саг̇г̇ад̣̇удтуллаад̇д̇агааман̃жзд̇и ад̣̇удтуллам̣ ваа аж̇жхаажаарам̣. вад̇т̇умад̇д̇анд̇и ‘‘аяам̣ суггависсадтим̣ аабанно, д̣̇удтуллам̣, ад̇д̇агаамам̣, гааяасам̣саг̇г̇ам̣ аабанно’’д̇и звам̣ вад̇т̇умад̇д̇ам̣ ваа аарожзнд̇асса. аабад̇д̇имад̇д̇анд̇и ‘‘аяам̣ баарааж̇игам̣ аабанно, сан̇гхаад̣̇исзсам̣, т̇уллажжаяам̣, баажид̇д̇ияам̣, баадид̣̇зсанийяам̣, д̣̇уггадам̣, д̣̇уб̣бхаасид̇ам̣ аабанно’’д̇и звам̣ аабад̇д̇имад̇д̇ам̣ ваа аарожзнд̇асса. вуд̇д̇алагкан̣ассаад̇и ‘‘баарааж̇игам̣ анаж̇жхаабаннассаа’’д̇и ган̇каа. адта. д̣̇удтуллаарожанасигкаабад̣̇аван̣н̣анаа) звам̣ вуд̇д̇алагкан̣асса. савад̇т̇угод̇и вад̇т̇унаа саха гхадид̇о.
Aduṭṭhullāyāti pārājikasaṅghādisesaṃ ṭhapetvā avasesapañcāpattikkhandhasaṅkhātāya aduṭṭhullāya āpattiyā. Avasese cha āpattikkhandheti saṅghādisesavajjite sese cha āpattikkhandhe. Purimapañcasikkhāpadavītikkamasaṅkhātaṃ duṭṭhullanti pāṇātipātaveramaṇiādikassa ādito pañcasikkhāpadassa vītikkamasaṅkhātaṃ duṭṭhullaṃ. Itaraṃ aduṭṭhullaṃ vā ajjhācāranti tato aññaṃ vikālabhojanādikapañcakaṃ, sukkavisaṭṭhikāyasaṃsaggaduṭṭhullaattakāmañceti aduṭṭhullaṃ vā ajjhācāraṃ. Vatthumattanti ‘‘ayaṃ sukkavissaṭṭhiṃ āpanno, duṭṭhullaṃ, attakāmaṃ, kāyasaṃsaggaṃ āpanno’’ti evaṃ vatthumattaṃ vā ārocentassa. Āpattimattanti ‘‘ayaṃ pārājikaṃ āpanno, saṅghādisesaṃ, thullaccayaṃ, pācittiyaṃ, pāṭidesanīyaṃ, dukkaṭaṃ, dubbhāsitaṃ āpanno’’ti evaṃ āpattimattaṃ vā ārocentassa. Vuttalakkhaṇassāti ‘‘pārājikaṃ anajjhāpannassā’’ti kaṅkhā. aṭṭha. duṭṭhullārocanasikkhāpadavaṇṇanā) evaṃ vuttalakkhaṇassa. Savatthukoti vatthunā saha ghaṭito.
д̣̇удтуллаарожанасигкаабад̣̇аван̣н̣анаа нидтид̇аа.
Duṭṭhullārocanasikkhāpadavaṇṇanā niṭṭhitā.
