| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
9. д̣̇удтуллаарожанасигкаабад̣̇аван̣н̣анаа
9. Duṭṭhullārocanasikkhāpadavaṇṇanā
78. навамз д̣̇удтулласад̣̇д̣̇ад̇т̇ад̣̇ассанад̇т̇анд̇и д̣̇удтулласад̣̇д̣̇асса ад̇т̇ад̣̇ассанад̇т̇ам̣. ад̇т̇з хи д̣̇ассид̇з сад̣̇д̣̇оби ‘‘аяам̣ зд̇зсу ад̇т̇зсу вад̇д̇ад̇ий’’д̇и д̣̇ассид̇оязва ход̇и. ‘‘яам̣ яам̣ д̣̇удтулласад̣̇д̣̇зна абхид̇хийяад̇и, д̇ам̣ саб̣б̣ам̣ д̣̇ассзд̇ум̣ баарааж̇игаани вуд̇д̇ааний’’д̇и аяан̃хзд̇т̇а ад̇хиббааяо. д̇ад̇рааяам̣ вижааран̣аад̇и д̇ад̇ра баал̣ияам̣ аяам̣ вижааран̣аа, д̇ад̇ра баал̣иадтагат̇аасу ваа аяам̣ вижааран̣аа. д̇ад̇т̇а бхавзяяаад̇и д̇ад̇т̇а гассажи вимад̇и звам̣ бхавзяяа. анубасамбаннасса д̣̇удтуллаарожанз вияа д̣̇уггадзна бхавид̇аб̣б̣анд̇и ааха ‘‘д̣̇уггадам̣ аабаж̇ж̇ад̇ий’’д̇и. аггосанд̇оби д̣̇уггадам̣ аабаж̇ж̇зяяаад̇и омасаваад̣̇зна д̣̇уггадам̣ аабаж̇ж̇зяяа. ад̇хиббааяам̣ аж̇аананд̇знаби адтагат̇аажарияаанам̣ важанзязва таад̇аб̣б̣анд̇и д̣̇ийбанад̇т̇ам̣ ‘‘адтагат̇аажарияаава зд̇т̇а бамаан̣а’’нд̇и вуд̇д̇ам̣. бунаби адтагат̇ааважанамзва убабад̇д̇ид̇о д̣̇ал̣хам̣ гад̇ваа бад̇идтабзнд̇о ‘‘иминааби жзд̇а’’нд̇иаад̣̇имааха.
78. Navame duṭṭhullasaddatthadassanatthanti duṭṭhullasaddassa atthadassanatthaṃ. Atthe hi dassite saddopi ‘‘ayaṃ etesu atthesu vattatī’’ti dassitoyeva hoti. ‘‘Yaṃ yaṃ duṭṭhullasaddena abhidhīyati, taṃ sabbaṃ dassetuṃ pārājikāni vuttānī’’ti ayañhettha adhippāyo. Tatrāyaṃ vicāraṇāti tatra pāḷiyaṃ ayaṃ vicāraṇā, tatra pāḷiaṭṭhakathāsu vā ayaṃ vicāraṇā. Tattha bhaveyyāti tattha kassaci vimati evaṃ bhaveyya. Anupasampannassa duṭṭhullārocane viya dukkaṭena bhavitabbanti āha ‘‘dukkaṭaṃ āpajjatī’’ti. Akkosantopi dukkaṭaṃ āpajjeyyāti omasavādena dukkaṭaṃ āpajjeyya. Adhippāyaṃ ajānantenapi aṭṭhakathācariyānaṃ vacaneyeva ṭhātabbanti dīpanatthaṃ ‘‘aṭṭhakathācariyāva ettha pamāṇa’’nti vuttaṃ. Punapi aṭṭhakathāvacanameva upapattito daḷhaṃ katvā patiṭṭhapento ‘‘imināpi ceta’’ntiādimāha.
80. ‘‘ан̃н̃ад̇ра бхигкусаммуд̇ияаа’’д̇и вуд̇д̇ад̇д̇аа саммуд̇и ад̇т̇ийд̇и г̇ахзд̇аб̣б̣аад̇и ааха ‘‘ид̇ха вуд̇д̇ад̇д̇ааязваа’’д̇иаад̣̇и.
80. ‘‘Aññatra bhikkhusammutiyā’’ti vuttattā sammuti atthīti gahetabbāti āha ‘‘idha vuttattāyevā’’tiādi.
82. аад̣̇ид̇о бан̃жа сигкаабад̣̇аанийд̇и баан̣аад̇ибаад̇аад̣̇ийни бан̃жа сигкаабад̣̇аани. ‘‘сзсаанийд̇и вигаалабхож̇анаад̣̇ийни бан̃жаа’’д̇и вад̣̇анд̇и. гзжи бана ‘‘аад̣̇ид̇о бадтааяа бан̃жа сигкаабад̣̇аанийд̇и суггависсадтиаад̣̇ийни бан̃жаа’’д̇и вад̣̇анд̇и, д̇ам̣ на г̇ахзд̇аб̣б̣ам̣. баан̣аад̇ибаад̇аад̣̇ийни хи д̣̇асзва сигкаабад̣̇аани сааман̣зраанам̣ бан̃н̃ад̇д̇аани. вуд̇д̇ан̃хзд̇ам̣ –
82.Ādito pañca sikkhāpadānīti pāṇātipātādīni pañca sikkhāpadāni. ‘‘Sesānīti vikālabhojanādīni pañcā’’ti vadanti. Keci pana ‘‘ādito paṭṭhāya pañca sikkhāpadānīti sukkavissaṭṭhiādīni pañcā’’ti vadanti, taṃ na gahetabbaṃ. Pāṇātipātādīni hi daseva sikkhāpadāni sāmaṇerānaṃ paññattāni. Vuttañhetaṃ –
‘‘ат̇а ко сааман̣зраанам̣ зд̇ад̣̇ахоси ‘гад̇и ну ко амхаагам̣ сигкаабад̣̇аани, гад̇т̇а жа амхзхи сигкид̇аб̣б̣а’нд̇и? бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, сааман̣зраанам̣ д̣̇аса сигкаабад̣̇аани, д̇зсу жа сааман̣зрзхи сигкид̇ум̣, баан̣аад̇ибаад̇аа взраман̣ий ад̣̇иннаад̣̇аанаа взраман̣ий’’д̇иаад̣̇и (махаава. 106).
‘‘Atha kho sāmaṇerānaṃ etadahosi ‘kati nu kho amhākaṃ sikkhāpadāni, kattha ca amhehi sikkhitabba’nti? Bhagavato etamatthaṃ ārocesuṃ. Anujānāmi, bhikkhave, sāmaṇerānaṃ dasa sikkhāpadāni, tesu ca sāmaṇerehi sikkhituṃ, pāṇātipātā veramaṇī adinnādānā veramaṇī’’tiādi (mahāva. 106).
д̇зсам̣ бан̃н̃ад̇д̇зсуязва сигкаабад̣̇зсу д̣̇удтуллаад̣̇удтуллавижааран̣аа гаад̇аб̣б̣аа, на жа суггависсадтиаад̣̇ийни висум̣ д̇зсам̣ бан̃н̃ад̇д̇аани ад̇т̇ийд̇и. ат̇а бхигкуно д̣̇удтулласан̇каад̇аани суггависсадтиаад̣̇ийни анубасамбаннасса гим̣ наама хонд̇ийд̇и ааха ‘‘суггависсадти…бз… аж̇жхаажааро наамаад̇и вуд̇д̇а’’нд̇и. иминааби жзд̇ам̣ сид̣̇д̇хам̣ ‘‘анубасамбаннасса суггависсадтиаад̣̇и д̣̇удтуллам̣ наама на ход̇ий’’д̇и. аж̇жхаажааро наамаад̇и хи вад̣̇анд̇о анубасамбаннасса суггависсадтиаад̣̇и гзвалам̣ аж̇жхаажааро наама ход̇и, на бана д̣̇удтулло наама аж̇жхаажаарод̇и д̣̇ийбзд̇и. ‘‘аж̇жхаажааро наамаад̇и жа адтагат̇ааяам̣ вуд̇д̇ад̇д̇аа агад̇д̇аб̣б̣аруубад̇д̇аа жа анубасамбаннасса суггависсадтиаад̣̇ийни д̣̇ан̣д̣агаммавад̇т̇убагкам̣ бхаж̇анд̇и, д̇аани жа ан̃н̃асса анубасамбаннасса аван̣н̣агаамад̇ааяа аарожзнд̇о бхигку д̣̇уггадам̣ аабаж̇ж̇ад̇ий’’д̇и вад̣̇анд̇и. ид̇ха бана анубасамбаннаг̇г̇ахан̣зна сааман̣зрасааман̣зрийсигкамаанаанам̣ г̇ахан̣ам̣ взд̣̇ид̇аб̣б̣ам̣. сзсамзд̇т̇а уд̇д̇аанамзва. анд̇имавад̇т̇ум̣ анаж̇жхаабаннасса бхигкуно савад̇т̇уго сан̇гхаад̣̇исзсо, анубасамбаннасса аарожанам̣, бхигкусаммуд̇ияаа абхаавод̇и имаани банзд̇т̇а д̇ийн̣и ан̇г̇аани.
Tesaṃ paññattesuyeva sikkhāpadesu duṭṭhullāduṭṭhullavicāraṇā kātabbā, na ca sukkavissaṭṭhiādīni visuṃ tesaṃ paññattāni atthīti. Atha bhikkhuno duṭṭhullasaṅkhātāni sukkavissaṭṭhiādīni anupasampannassa kiṃ nāma hontīti āha ‘‘sukkavissaṭṭhi…pe… ajjhācāro nāmāti vutta’’nti. Imināpi cetaṃ siddhaṃ ‘‘anupasampannassa sukkavissaṭṭhiādi duṭṭhullaṃ nāma na hotī’’ti. Ajjhācāro nāmāti hi vadanto anupasampannassa sukkavissaṭṭhiādi kevalaṃ ajjhācāro nāma hoti, na pana duṭṭhullo nāma ajjhācāroti dīpeti. ‘‘Ajjhācāro nāmāti ca aṭṭhakathāyaṃ vuttattā akattabbarūpattā ca anupasampannassa sukkavissaṭṭhiādīni daṇḍakammavatthupakkhaṃ bhajanti, tāni ca aññassa anupasampannassa avaṇṇakāmatāya ārocento bhikkhu dukkaṭaṃ āpajjatī’’ti vadanti. Idha pana anupasampannaggahaṇena sāmaṇerasāmaṇerīsikkhamānānaṃ gahaṇaṃ veditabbaṃ. Sesamettha uttānameva. Antimavatthuṃ anajjhāpannassa bhikkhuno savatthuko saṅghādiseso, anupasampannassa ārocanaṃ, bhikkhusammutiyā abhāvoti imāni panettha tīṇi aṅgāni.
д̣̇удтуллаарожанасигкаабад̣̇аван̣н̣анаа нидтид̇аа.
Duṭṭhullārocanasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 1. мусааваад̣̇аваг̇г̇о • 1. Musāvādavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇удтуллаарожанасигкаабад̣̇аван̣н̣анаа • 9. Duṭṭhullārocanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 9. д̣̇удтуллаарожанасигкаабад̣̇ам̣ • 9. Duṭṭhullārocanasikkhāpadaṃ
