| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
4. දුට්‌ඨුල්‌ලසික්‌ඛාපදං
4. Duṭṭhullasikkhāpadaṃ
399. චතුත්‌ථෙ අත්‌ථුද්‌ධාරවසෙන දස්‌සිතානි දුට්‌ඨුල්‌ලසද්‌දත්‌ථභාවෙන සදිසත්‌තාති අධිප්‌පායො. ‘‘ධුර’’න්‌ති එත්‌ථ ලක්‌ඛණවන්‌තත්‌තා භුම්‌මත්‌ථෙ උපයොගවචනන්‌ති ආහ ‘‘ධුරෙ’’ති. ධුරෙ නික්‌ඛිත්‌තමත්‌තෙ සතීති යොජනා.
399. Catutthe atthuddhāravasena dassitāni duṭṭhullasaddatthabhāvena sadisattāti adhippāyo. ‘‘Dhura’’nti ettha lakkhaṇavantattā bhummatthe upayogavacananti āha ‘‘dhure’’ti. Dhure nikkhittamatte satīti yojanā.
එවං ධුරං නික්‌ඛිපිත්‌වාති ‘‘අඤ්‌ඤස්‌ස නාරොචෙස්‌සාමී’’ති එවං ධුරං නික්‌ඛිපිත්‌වා. අඤ්‌ඤස්‌සාති වත්‌ථු, පුග්‌ගලතො අඤ්‌ඤස්‌ස දුතියස්‌ස. සොපීති දුතියොපි. අඤ්‌ඤස්‌සාති තතියස්‌ස. යාව කොටි න ඡිජ්‌ජති, තාව ආපජ්‌ජතියෙවාති යොජනා. තස්‌සෙවාති ආපත්‌තිං ආපන්‌නපුග්‌ගලස්‌ස. වත්‌ථුපුග්‌ගලොයෙවාති ආපත්‌තිං ආපන්‌නපුග්‌ගලොයෙව. අයන්‌ති පඨමභික්‌ඛු. අඤ්‌ඤස්‌සාති දුතියස්‌ස. සොති දුතියො ආරොචෙතීති සම්‌බන්‌ධො. යෙනාති පඨමභික්‌ඛුනා. අස්‌සාති දුතියස්‌ස. තස්‌සෙවාති පඨමභික්‌ඛුස්‌සෙව. වත්‌ථුපුග්‌ගලං උපනිධාය ‘‘තතියෙන පුග්‌ගලෙන දුතියස්‌සා’’ති වුත්‌තං.
Evaṃdhuraṃ nikkhipitvāti ‘‘aññassa nārocessāmī’’ti evaṃ dhuraṃ nikkhipitvā. Aññassāti vatthu, puggalato aññassa dutiyassa. Sopīti dutiyopi. Aññassāti tatiyassa. Yāva koṭi na chijjati, tāva āpajjatiyevāti yojanā. Tassevāti āpattiṃ āpannapuggalassa. Vatthupuggaloyevāti āpattiṃ āpannapuggaloyeva. Ayanti paṭhamabhikkhu. Aññassāti dutiyassa. Soti dutiyo ārocetīti sambandho. Yenāti paṭhamabhikkhunā. Assāti dutiyassa. Tassevāti paṭhamabhikkhusseva. Vatthupuggalaṃ upanidhāya ‘‘tatiyena puggalena dutiyassā’’ti vuttaṃ.
400. පඤ්‌චාපත්‌තික්‌ඛන්‌ධෙති ථුල්‌ලච්‌චයාදිකෙ පඤ්‌ච ආපත්‌තික්‌ඛන්‌ධෙ. අජ්‌ඣාචාරො නාමාති අධිභවිත්‌වා වීතික්‌කමිත්‌වා ආචරිතබ්‌බත්‌තා අජ්‌ඣාචාරො නාමාති. චතුත්‌ථං.
400.Pañcāpattikkhandheti thullaccayādike pañca āpattikkhandhe. Ajjhācāro nāmāti adhibhavitvā vītikkamitvā ācaritabbattā ajjhācāro nāmāti. Catutthaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 7. සප්‌පාණකවග්‌ගො • 7. Sappāṇakavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 4. දුට්‌ඨුල්‌ලසික්‌ඛාපදවණ්‌ණනා • 4. Duṭṭhullasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 4. දුට්‌ඨුල්‌ලසික්‌ඛාපදවණ්‌ණනා • 4. Duṭṭhullasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 4. දුට්‌ඨුල්‌ලසික්‌ඛාපදවණ්‌ණනා • 4. Duṭṭhullasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 4. දුට්‌ඨුල්‌ලසික්‌ඛාපදවණ්‌ණනා • 4. Duṭṭhullasikkhāpadavaṇṇanā
