| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੪. ਦੁਟ੍ਠੁਲ੍ਲਸਿਕ੍ਖਾਪਦਂ
4. Duṭṭhullasikkhāpadaṃ
੩੯੯. ਚਤੁਤ੍ਥੇ ਅਤ੍ਥੁਦ੍ਧਾਰવਸੇਨ ਦਸ੍ਸਿਤਾਨਿ ਦੁਟ੍ਠੁਲ੍ਲਸਦ੍ਦਤ੍ਥਭਾવੇਨ ਸਦਿਸਤ੍ਤਾਤਿ ਅਧਿਪ੍ਪਾਯੋ। ‘‘ਧੁਰ’’ਨ੍ਤਿ ਏਤ੍ਥ ਲਕ੍ਖਣવਨ੍ਤਤ੍ਤਾ ਭੁਮ੍ਮਤ੍ਥੇ ਉਪਯੋਗવਚਨਨ੍ਤਿ ਆਹ ‘‘ਧੁਰੇ’’ਤਿ। ਧੁਰੇ ਨਿਕ੍ਖਿਤ੍ਤਮਤ੍ਤੇ ਸਤੀਤਿ ਯੋਜਨਾ।
399. Catutthe atthuddhāravasena dassitāni duṭṭhullasaddatthabhāvena sadisattāti adhippāyo. ‘‘Dhura’’nti ettha lakkhaṇavantattā bhummatthe upayogavacananti āha ‘‘dhure’’ti. Dhure nikkhittamatte satīti yojanā.
ਏવਂ ਧੁਰਂ ਨਿਕ੍ਖਿਪਿਤ੍વਾਤਿ ‘‘ਅਞ੍ਞਸ੍ਸ ਨਾਰੋਚੇਸ੍ਸਾਮੀ’’ਤਿ ਏવਂ ਧੁਰਂ ਨਿਕ੍ਖਿਪਿਤ੍વਾ। ਅਞ੍ਞਸ੍ਸਾਤਿ વਤ੍ਥੁ, ਪੁਗ੍ਗਲਤੋ ਅਞ੍ਞਸ੍ਸ ਦੁਤਿਯਸ੍ਸ। ਸੋਪੀਤਿ ਦੁਤਿਯੋਪਿ। ਅਞ੍ਞਸ੍ਸਾਤਿ ਤਤਿਯਸ੍ਸ। ਯਾવ ਕੋਟਿ ਨ ਛਿਜ੍ਜਤਿ, ਤਾવ ਆਪਜ੍ਜਤਿਯੇવਾਤਿ ਯੋਜਨਾ। ਤਸ੍ਸੇવਾਤਿ ਆਪਤ੍ਤਿਂ ਆਪਨ੍ਨਪੁਗ੍ਗਲਸ੍ਸ। વਤ੍ਥੁਪੁਗ੍ਗਲੋਯੇવਾਤਿ ਆਪਤ੍ਤਿਂ ਆਪਨ੍ਨਪੁਗ੍ਗਲੋਯੇવ। ਅਯਨ੍ਤਿ ਪਠਮਭਿਕ੍ਖੁ। ਅਞ੍ਞਸ੍ਸਾਤਿ ਦੁਤਿਯਸ੍ਸ। ਸੋਤਿ ਦੁਤਿਯੋ ਆਰੋਚੇਤੀਤਿ ਸਮ੍ਬਨ੍ਧੋ। ਯੇਨਾਤਿ ਪਠਮਭਿਕ੍ਖੁਨਾ। ਅਸ੍ਸਾਤਿ ਦੁਤਿਯਸ੍ਸ। ਤਸ੍ਸੇવਾਤਿ ਪਠਮਭਿਕ੍ਖੁਸ੍ਸੇવ। વਤ੍ਥੁਪੁਗ੍ਗਲਂ ਉਪਨਿਧਾਯ ‘‘ਤਤਿਯੇਨ ਪੁਗ੍ਗਲੇਨ ਦੁਤਿਯਸ੍ਸਾ’’ਤਿ વੁਤ੍ਤਂ।
Evaṃdhuraṃ nikkhipitvāti ‘‘aññassa nārocessāmī’’ti evaṃ dhuraṃ nikkhipitvā. Aññassāti vatthu, puggalato aññassa dutiyassa. Sopīti dutiyopi. Aññassāti tatiyassa. Yāva koṭi na chijjati, tāva āpajjatiyevāti yojanā. Tassevāti āpattiṃ āpannapuggalassa. Vatthupuggaloyevāti āpattiṃ āpannapuggaloyeva. Ayanti paṭhamabhikkhu. Aññassāti dutiyassa. Soti dutiyo ārocetīti sambandho. Yenāti paṭhamabhikkhunā. Assāti dutiyassa. Tassevāti paṭhamabhikkhusseva. Vatthupuggalaṃ upanidhāya ‘‘tatiyena puggalena dutiyassā’’ti vuttaṃ.
੪੦੦. ਪਞ੍ਚਾਪਤ੍ਤਿਕ੍ਖਨ੍ਧੇਤਿ ਥੁਲ੍ਲਚ੍ਚਯਾਦਿਕੇ ਪਞ੍ਚ ਆਪਤ੍ਤਿਕ੍ਖਨ੍ਧੇ। ਅਜ੍ਝਾਚਾਰੋ ਨਾਮਾਤਿ ਅਧਿਭવਿਤ੍વਾ વੀਤਿਕ੍ਕਮਿਤ੍વਾ ਆਚਰਿਤਬ੍ਬਤ੍ਤਾ ਅਜ੍ਝਾਚਾਰੋ ਨਾਮਾਤਿ। ਚਤੁਤ੍ਥਂ।
400.Pañcāpattikkhandheti thullaccayādike pañca āpattikkhandhe. Ajjhācāro nāmāti adhibhavitvā vītikkamitvā ācaritabbattā ajjhācāro nāmāti. Catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
