| Library / Tipiṭaka / തിപിടക • Tipiṭaka / പാചിത്യാദിയോജനാപാളി • Pācityādiyojanāpāḷi |
൪. ദുട്ഠുല്ലസിക്ഖാപദം
4. Duṭṭhullasikkhāpadaṃ
൩൯൯. ചതുത്ഥേ അത്ഥുദ്ധാരവസേന ദസ്സിതാനി ദുട്ഠുല്ലസദ്ദത്ഥഭാവേന സദിസത്താതി അധിപ്പായോ. ‘‘ധുര’’ന്തി ഏത്ഥ ലക്ഖണവന്തത്താ ഭുമ്മത്ഥേ ഉപയോഗവചനന്തി ആഹ ‘‘ധുരേ’’തി. ധുരേ നിക്ഖിത്തമത്തേ സതീതി യോജനാ.
399. Catutthe atthuddhāravasena dassitāni duṭṭhullasaddatthabhāvena sadisattāti adhippāyo. ‘‘Dhura’’nti ettha lakkhaṇavantattā bhummatthe upayogavacananti āha ‘‘dhure’’ti. Dhure nikkhittamatte satīti yojanā.
ഏവം ധുരം നിക്ഖിപിത്വാതി ‘‘അഞ്ഞസ്സ നാരോചേസ്സാമീ’’തി ഏവം ധുരം നിക്ഖിപിത്വാ. അഞ്ഞസ്സാതി വത്ഥു, പുഗ്ഗലതോ അഞ്ഞസ്സ ദുതിയസ്സ. സോപീതി ദുതിയോപി. അഞ്ഞസ്സാതി തതിയസ്സ. യാവ കോടി ന ഛിജ്ജതി, താവ ആപജ്ജതിയേവാതി യോജനാ. തസ്സേവാതി ആപത്തിം ആപന്നപുഗ്ഗലസ്സ. വത്ഥുപുഗ്ഗലോയേവാതി ആപത്തിം ആപന്നപുഗ്ഗലോയേവ. അയന്തി പഠമഭിക്ഖു. അഞ്ഞസ്സാതി ദുതിയസ്സ. സോതി ദുതിയോ ആരോചേതീതി സമ്ബന്ധോ. യേനാതി പഠമഭിക്ഖുനാ. അസ്സാതി ദുതിയസ്സ. തസ്സേവാതി പഠമഭിക്ഖുസ്സേവ. വത്ഥുപുഗ്ഗലം ഉപനിധായ ‘‘തതിയേന പുഗ്ഗലേന ദുതിയസ്സാ’’തി വുത്തം.
Evaṃdhuraṃ nikkhipitvāti ‘‘aññassa nārocessāmī’’ti evaṃ dhuraṃ nikkhipitvā. Aññassāti vatthu, puggalato aññassa dutiyassa. Sopīti dutiyopi. Aññassāti tatiyassa. Yāva koṭi na chijjati, tāva āpajjatiyevāti yojanā. Tassevāti āpattiṃ āpannapuggalassa. Vatthupuggaloyevāti āpattiṃ āpannapuggaloyeva. Ayanti paṭhamabhikkhu. Aññassāti dutiyassa. Soti dutiyo ārocetīti sambandho. Yenāti paṭhamabhikkhunā. Assāti dutiyassa. Tassevāti paṭhamabhikkhusseva. Vatthupuggalaṃ upanidhāya ‘‘tatiyena puggalena dutiyassā’’ti vuttaṃ.
൪൦൦. പഞ്ചാപത്തിക്ഖന്ധേതി ഥുല്ലച്ചയാദികേ പഞ്ച ആപത്തിക്ഖന്ധേ. അജ്ഝാചാരോ നാമാതി അധിഭവിത്വാ വീതിക്കമിത്വാ ആചരിതബ്ബത്താ അജ്ഝാചാരോ നാമാതി. ചതുത്ഥം.
400.Pañcāpattikkhandheti thullaccayādike pañca āpattikkhandhe. Ajjhācāro nāmāti adhibhavitvā vītikkamitvā ācaritabbattā ajjhācāro nāmāti. Catutthaṃ.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൭. സപ്പാണകവഗ്ഗോ • 7. Sappāṇakavaggo
അട്ഠകഥാ • Aṭṭhakathā / വിനയപിടക (അട്ഠകഥാ) • Vinayapiṭaka (aṭṭhakathā) / മഹാവിഭങ്ഗ-അട്ഠകഥാ • Mahāvibhaṅga-aṭṭhakathā / ൪. ദുട്ഠുല്ലസിക്ഖാപദവണ്ണനാ • 4. Duṭṭhullasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / സാരത്ഥദീപനീ-ടീകാ • Sāratthadīpanī-ṭīkā / ൪. ദുട്ഠുല്ലസിക്ഖാപദവണ്ണനാ • 4. Duṭṭhullasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൪. ദുട്ഠുല്ലസിക്ഖാപദവണ്ണനാ • 4. Duṭṭhullasikkhāpadavaṇṇanā
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വിമതിവിനോദനീ-ടീകാ • Vimativinodanī-ṭīkā / ൪. ദുട്ഠുല്ലസിക്ഖാപദവണ്ണനാ • 4. Duṭṭhullasikkhāpadavaṇṇanā
