| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
4. து³ட்டு²ல்லஸிக்கா²பத³வண்ணனா
4. Duṭṭhullasikkhāpadavaṇṇanā
399. சதுத்தே² தஸ்ஸேவாதி யோ ஆபன்னோ, தஸ்ஸேவ. ஆரோசேதீதி படிச்சா²த³னத்த²மேவ மா கஸ்ஸசி ஆரோசேஸீதி வத³தி. வத்து²புக்³க³லோதி ஆபன்னபுக்³க³லோ. யேனஸ்ஸ ஆரோசிதந்தி யேன து³தியேன அஸ்ஸ ததியஸ்ஸ ஆரோசிதங். கோடி சி²ன்னா ஹோதீதி யஸ்மா படிச்சா²த³னபச்சயா ஆபத்திங் ஆபஜ்ஜித்வாவ து³தியேன ததியஸ்ஸ ஆரோசிதங், தஸ்மா தப்பச்சயா புன தேன ஆபஜ்ஜிதப்³பா³பத்தியா அபா⁴வதோ ஆபத்தியா கோடி சி²ன்னா நாம ஹோதி.
399. Catutthe tassevāti yo āpanno, tasseva. Ārocetīti paṭicchādanatthameva mā kassaci ārocesīti vadati. Vatthupuggaloti āpannapuggalo. Yenassa ārocitanti yena dutiyena assa tatiyassa ārocitaṃ. Koṭi chinnā hotīti yasmā paṭicchādanapaccayā āpattiṃ āpajjitvāva dutiyena tatiyassa ārocitaṃ, tasmā tappaccayā puna tena āpajjitabbāpattiyā abhāvato āpattiyā koṭi chinnā nāma hoti.
400. ‘‘அனுபஸம்பன்னஸ்ஸ ஸுக்கவிஸ்ஸட்டி² ச காயஸங்ஸக்³கோ³ சாதி அயங் து³ட்டு²ல்லஅஜ்ஜா²சாரோ நாமா’’தி இத³ங் து³ட்டு²ல்லாரோசனஸிக்கா²பத³ட்ட²கதா²ய ந ஸமேதி. வுத்தஞ்ஹி தத்த² (பாசி॰ அட்ட²॰ 82) ‘‘அனுபஸம்பன்னஸ்ஸ து³ட்டு²ல்லங் வா அது³ட்டு²ல்லங் வா அஜ்ஜா²சாரந்தி எத்த² ஆதி³தோ பஞ்ச ஸிக்கா²பதா³னி து³ட்டு²ல்லோ நாம அஜ்ஜா²சாரோ, ஸேஸானி அது³ட்டு²ல்லோ, ஸுக்கவிஸ்ஸட்டி²காயஸங்ஸக்³க³து³ட்டு²ல்லஅத்தகாமா பனஸ்ஸ அஜ்ஜா²சாரோ நாமா’’தி. ‘‘ஆரோசனே அனுபஸம்பன்னஸ்ஸ து³ட்டு²ல்லங் அஞ்ஞதா² அதி⁴ப்பேதங், படிச்சா²த³னே அஞ்ஞதா²’’தி எத்தா²பி விஸேஸகாரணங் ந தி³ஸ்ஸதி, தஸ்மா அட்ட²கதா²ய புப்³பே³னாபரங் ந ஸமேதி. அவிரோத⁴ங் இச்ச²ந்தேன பன வீமங்ஸிதப்³ப³மெத்த² காரணங். ஸேஸமெத்த² உத்தானமேவ. உபஸம்பன்னஸ்ஸ து³ட்டு²ல்லாபத்திஜானநங், படிச்சா²தே³துகாமதாய நாரோசெஸ்ஸாமீதி து⁴ரனிக்கே²போதி இமானி பனெத்த² த்³வே அங்கா³னி.
400.‘‘Anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti idaṃ duṭṭhullārocanasikkhāpadaṭṭhakathāya na sameti. Vuttañhi tattha (pāci. aṭṭha. 82) ‘‘anupasampannassa duṭṭhullaṃ vā aduṭṭhullaṃ vā ajjhācāranti ettha ādito pañca sikkhāpadāni duṭṭhullo nāma ajjhācāro, sesāni aduṭṭhullo, sukkavissaṭṭhikāyasaṃsaggaduṭṭhullaattakāmā panassa ajjhācāro nāmā’’ti. ‘‘Ārocane anupasampannassa duṭṭhullaṃ aññathā adhippetaṃ, paṭicchādane aññathā’’ti etthāpi visesakāraṇaṃ na dissati, tasmā aṭṭhakathāya pubbenāparaṃ na sameti. Avirodhaṃ icchantena pana vīmaṃsitabbamettha kāraṇaṃ. Sesamettha uttānameva. Upasampannassa duṭṭhullāpattijānanaṃ, paṭicchādetukāmatāya nārocessāmīti dhuranikkhepoti imāni panettha dve aṅgāni.
து³ட்டு²ல்லஸிக்கா²பத³வண்ணனா நிட்டி²தா.
Duṭṭhullasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. து³ட்டு²ல்லஸிக்கா²பத³ங் • 4. Duṭṭhullasikkhāpadaṃ
