| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
4. து³ட்டு²ல்லஸிக்கா²பத³வண்ணனா
4. Duṭṭhullasikkhāpadavaṇṇanā
399. ‘‘பாராஜிகானீதி அத்து²த்³தா⁴ரவஸேன த³ஸ்ஸிதானீ’’தி கத²ங் விஞ்ஞாயதீதி சே? பரிவாரபாளிதோ. வுத்தஞ்ஹி தத்த² ‘‘ஆபத்தாதி⁴கரணபச்சயா கதி ஆபத்தியோ ஆபஜ்ஜதி. ஆபத்தாதி⁴கரணபச்சயா சதஸ்ஸோ ஆபத்தியோ ஆபஜ்ஜதி. பி⁴க்கு²னீ ஜானங் பாராஜிகங் த⁴ம்மங் படிச்சா²தே³தி, ஆபத்தி பாராஜிகஸ்ஸ. வேமதிகா படிச்சா²தே³தி, ஆபத்தி து²ல்லச்சயஸ்ஸ. பி⁴க்கு² ஸங்கா⁴தி³ஸேஸங் படிச்சா²தே³தி, ஆபத்தி பாசித்தியஸ்ஸ. ஆசாரவிபத்திங் படிச்சா²தே³தி , ஆபத்தி து³க்கடஸ்ஸா’’தி (பரி॰ 290). பாராஜிகங் படிச்சா²தெ³ந்தோ பி⁴க்கு² அனாபத்தி, நோ ஆபத்திங் ஆபஜ்ஜதி அவுத்தத்தாதி சே? ந, ஸங்கிலிட்டே²ன சித்தேன படிச்சா²த³னே வினா ஆபத்தியா அஸம்ப⁴வதோ. து³க்கடவாரே வத்தப்³பா³பி பாராஜிகாபத்தியோ பட²மங் அத்து²த்³தா⁴ரவஸேன ஸங்கா⁴தி³ஸேஸேஹி ஸஹ வுத்தத்தா ந ஸக்கா புன வத்துந்தி ந வுத்தாதி வேதி³தப்³பா³.
399. ‘‘Pārājikānīti atthuddhāravasena dassitānī’’ti kathaṃ viññāyatīti ce? Parivārapāḷito. Vuttañhi tattha ‘‘āpattādhikaraṇapaccayā kati āpattiyo āpajjati. Āpattādhikaraṇapaccayā catasso āpattiyo āpajjati. Bhikkhunī jānaṃ pārājikaṃ dhammaṃ paṭicchādeti, āpatti pārājikassa. Vematikā paṭicchādeti, āpatti thullaccayassa. Bhikkhu saṅghādisesaṃ paṭicchādeti, āpatti pācittiyassa. Ācāravipattiṃ paṭicchādeti , āpatti dukkaṭassā’’ti (pari. 290). Pārājikaṃ paṭicchādento bhikkhu anāpatti, no āpattiṃ āpajjati avuttattāti ce? Na, saṃkiliṭṭhena cittena paṭicchādane vinā āpattiyā asambhavato. Dukkaṭavāre vattabbāpi pārājikāpattiyo paṭhamaṃ atthuddhāravasena saṅghādisesehi saha vuttattā na sakkā puna vattunti na vuttāti veditabbā.
யாவ கோடி ந சி²ஜ்ஜதீதி செத்த² யோ அந்தமஸோ படிச்சா²த³னத்த²ங் அஞ்ஞஸ்ஸ ஆரோசேது வா, மா வா, படிச்சா²த³னசித்தேனேவ ஆபத்திங் ஆபன்னோ. தஸ்ஸ புன அஞ்ஞஸ்ஸ படிச்சா²த³னத்த²ங் அனாரோசனேனேவ ந கோடி சி²ன்னா ஹோதி, கிங் புன படினிவத்தித்வா வசனேன பயோஜனந்தி ந அந்திமஸ்ஸ அனாரோசனேன சி²ன்னா ஹோதி, அப்படிச்சா²த³னேன ஏவ சி²ன்னா ஹோதி, ததோ அப்படிச்சா²த³னத்த²ங் அபுப்³ப³ஸ்ஸ ஆரோசேதப்³ப³ங், ததோ பட்டா²ய கோடி சி²ன்னா ஹோதி, தத³பா⁴வோ படினிவத்தித்வா அப்படிச்சா²த³னத்த²ங் ஆரோசேதப்³ப³ங், ஏவம்பி கோடி சி²ன்னா ஹோதீதி ஏவங் நோ படிபா⁴தீதி ஆசரியோ. ததியேன து³தியஸ்ஸாதி எத்த² ‘‘து³தியோ நாம பட²மோ’’தி வத³ந்தானங் ‘‘வத்து² புக்³க³லோ ந வத்தப்³போ³’’தி வாரிதத்தா ந ஸுந்த³ரங். அஞ்ஞஸ்ஸ சதுத்த²ஸ்ஸ ஆரோசனேபி ந ஸுந்த³ரங். கஸ்மா? புப்³பே³வ ஸுத்வா அஞ்ஞஸ்ஸ அனாரோசிதத்தா. ‘‘ஸுதேன அஞ்ஞஸ்ஸ ஆரோசேதப்³ப³ங் ஸியா’’தி வத³ந்தி.
Yāva koṭi na chijjatīti cettha yo antamaso paṭicchādanatthaṃ aññassa ārocetu vā, mā vā, paṭicchādanacitteneva āpattiṃ āpanno. Tassa puna aññassa paṭicchādanatthaṃ anārocaneneva na koṭi chinnā hoti, kiṃ puna paṭinivattitvā vacanena payojananti na antimassa anārocanena chinnā hoti, appaṭicchādanena eva chinnā hoti, tato appaṭicchādanatthaṃ apubbassa ārocetabbaṃ, tato paṭṭhāya koṭi chinnā hoti, tadabhāvo paṭinivattitvā appaṭicchādanatthaṃ ārocetabbaṃ, evampi koṭi chinnā hotīti evaṃ no paṭibhātīti ācariyo. Tatiyena dutiyassāti ettha ‘‘dutiyo nāma paṭhamo’’ti vadantānaṃ ‘‘vatthu puggalo na vattabbo’’ti vāritattā na sundaraṃ. Aññassa catutthassa ārocanepi na sundaraṃ. Kasmā? Pubbeva sutvā aññassa anārocitattā. ‘‘Sutena aññassa ārocetabbaṃ siyā’’ti vadanti.
து³ட்டு²ல்லஸிக்கா²பத³வண்ணனா நிட்டி²தா.
Duṭṭhullasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. து³ட்டு²ல்லஸிக்கா²பத³ங் • 4. Duṭṭhullasikkhāpadaṃ
