| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
4. து³ட்டு²ல்லஸிக்கா²பத³வண்ணனா
4. Duṭṭhullasikkhāpadavaṇṇanā
399. சதுத்தே² ஆபத்திங் ஆபஜ்ஜதியேவாதி து⁴ரனிக்கே²பபக்கே² வுத்தங். வத்து²புக்³க³லோதி ஆபன்னபுக்³க³லோ. சா²தே³துகாமதாய ஹி ஸதி ஏவ அவஸ்ஸங் அஞ்ஞஸ்ஸ ஆரோசனங் வுத்தங், வத்து²புக்³க³லஸ்ஸ ச ஆரோசனா நாம ந ஹோதீதி படிச்சா²த³னமேவாதி அதி⁴ப்பாயோ. கோடி சி²ன்னா ஹோதீதி சா²தெ³ஸ்ஸாமீதி து⁴ரனிக்கே²பே ஸதிபி புக்³க³லபரம்பராய க³ச்ச²ந்தீ ஆபத்திகோடி சி²ஜ்ஜதி.
399. Catutthe āpattiṃ āpajjatiyevāti dhuranikkhepapakkhe vuttaṃ. Vatthupuggaloti āpannapuggalo. Chādetukāmatāya hi sati eva avassaṃ aññassa ārocanaṃ vuttaṃ, vatthupuggalassa ca ārocanā nāma na hotīti paṭicchādanamevāti adhippāyo. Koṭi chinnā hotīti chādessāmīti dhuranikkhepe satipi puggalaparamparāya gacchantī āpattikoṭi chijjati.
400. ‘‘அனுபஸம்பன்னஸ்ஸ ஸுக்கவிஸ்ஸட்டி² ச காயஸங்ஸக்³கோ³ சாதி அயங் து³ட்டு²ல்லஅஜ்ஜா²சாரோ நாமா’’தி இத³ங் து³ட்டு²ல்லாரோசனஸிக்கா²பத³ட்ட²கதா²யங் ‘‘அனுபஸம்பன்னஸ்ஸ…பே॰… ஆதி³தோ பஞ்ச ஸிக்கா²பதா³னி து³ட்டு²ல்லோ நாம அஜ்ஜா²சாரோ, ஸேஸானி அது³ட்டு²ல்லோ. ஸுக்கவிஸ்ஸட்டி²காயஸங்ஸக்³க³து³ட்டு²ல்லஅத்தகாமா பனஸ்ஸ அஜ்ஜா²சாரோ நாமா’’தி (பாசி॰ அட்ட²॰ 82) இமினா வசனேன விருஜ்ஜ²தீதி வீமங்ஸிதப்³ப³ங். புக்³க³லபேமேன சா²த³யதோ செத்த² ‘‘அஞ்ஞே க³ரஹிஸ்ஸந்தீ’’தி ப⁴யவஸேன சா²த³னக்க²ணே படிகோ⁴வ உப்பஜ்ஜதீதி ‘‘து³க்க²வேத³ன’’ந்தி வுத்தந்தி த³ட்ட²ப்³ப³ங். உபஸம்பன்னஸ்ஸ து³ட்டு²ல்லாபத்திஜானநங், படிச்சா²தே³துகாமதாய து⁴ரனிக்கே²போதி த்³வே அங்கா³னி.
400.‘‘Anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti idaṃ duṭṭhullārocanasikkhāpadaṭṭhakathāyaṃ ‘‘anupasampannassa…pe… ādito pañca sikkhāpadāni duṭṭhullo nāma ajjhācāro, sesāni aduṭṭhullo. Sukkavissaṭṭhikāyasaṃsaggaduṭṭhullaattakāmā panassa ajjhācāro nāmā’’ti (pāci. aṭṭha. 82) iminā vacanena virujjhatīti vīmaṃsitabbaṃ. Puggalapemena chādayato cettha ‘‘aññe garahissantī’’ti bhayavasena chādanakkhaṇe paṭighova uppajjatīti ‘‘dukkhavedana’’nti vuttanti daṭṭhabbaṃ. Upasampannassa duṭṭhullāpattijānanaṃ, paṭicchādetukāmatāya dhuranikkhepoti dve aṅgāni.
து³ட்டு²ல்லஸிக்கா²பத³வண்ணனா நிட்டி²தா.
Duṭṭhullasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 7. ஸப்பாணகவக்³கோ³ • 7. Sappāṇakavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. து³ட்டு²ல்லஸிக்கா²பத³வண்ணனா • 4. Duṭṭhullasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 4. து³ட்டு²ல்லஸிக்கா²பத³ங் • 4. Duṭṭhullasikkhāpadaṃ
