| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. д̣̇удтулласигкаабад̣̇аван̣н̣анаа
4. Duṭṭhullasikkhāpadavaṇṇanā
жад̇д̇аари баарааж̇игаани ад̇т̇уд̣̇д̇хааравасзна бад̣̇абхааж̇анияам̣ д̣̇ассид̇аанийд̇и ааха ‘‘д̣̇удтулланд̇и сан̇гхаад̣̇исзсам̣ ад̇хиббзд̇а’’нд̇и. язна гзнажи убааязнаад̇и ‘‘саамам̣ ваа ж̇аанаад̇и, ан̃н̃з ваа д̇асса аарожзнд̇и, со ваа аарожзд̇ий’’д̇и (баажи. 399) вуд̇д̇зсу язна гзнажи убааязна. баажид̇д̇ияам̣ д̇хурам̣ нигкид̇д̇амад̇д̇зязваад̇и ад̇хиббааяо. сажз бажчааби аарожзд̇и, д̇хуранигкзбанз аабад̇д̇ид̇о на мужжад̇и. д̇знааха ‘‘сажзбий’’д̇иаад̣̇и. саман̣асад̇амби аабаж̇ж̇ад̇иязваад̇и саман̣асад̇амби суд̇ваа яад̣̇и чаад̣̇зд̇и, баажид̇д̇ияам̣ аабаж̇ж̇ад̇иязваад̇и ад̇т̇о. язнасса аарожид̇анд̇и язна д̣̇уд̇иязна асса д̇ад̇ияасса аарожид̇ам̣. д̇ассзваад̇и д̇асса д̣̇уд̇ияассзва. аарожзд̇ийд̇и бадижчаад̣̇анад̇т̇амзва ‘‘маа гассажи аарожзсий’’д̇и вад̣̇ад̇и. годичиннаа ход̇ийд̇и (саарад̇т̇а. дий. баажид̇д̇ияа 3.399) яасмаа бадижчаад̣̇анабажжаяаа аабад̇д̇им̣ аабаж̇ж̇ид̇ваава д̣̇уд̇иязна д̇ад̇ияасса аарожид̇ам̣, д̇асмаа д̇аббажжаяаа буна д̇зна аабаж̇ж̇ид̇аб̣б̣аабад̇д̇ияаа абхаавад̇о аабад̇д̇ияаа годи чиннаа наама ход̇и.
Cattāri pārājikāni atthuddhāravasena padabhājaniyaṃ dassitānīti āha ‘‘duṭṭhullanti saṅghādisesaṃ adhippeta’’nti. Yena kenaci upāyenāti ‘‘sāmaṃ vā jānāti, aññe vā tassa ārocenti, so vā ārocetī’’ti (pāci. 399) vuttesu yena kenaci upāyena. Pācittiyaṃ dhuraṃ nikkhittamatteyevāti adhippāyo. Sace pacchāpi āroceti, dhuranikkhepane āpattito na muccati. Tenāha ‘‘sacepī’’tiādi. Samaṇasatampi āpajjatiyevāti samaṇasatampi sutvā yadi chādeti, pācittiyaṃ āpajjatiyevāti attho. Yenassa ārocitanti yena dutiyena assa tatiyassa ārocitaṃ. Tassevāti tassa dutiyasseva. Ārocetīti paṭicchādanatthameva ‘‘mā kassaci ārocesī’’ti vadati. Koṭichinnā hotīti (sārattha. ṭī. pācittiya 3.399) yasmā paṭicchādanapaccayā āpattiṃ āpajjitvāva dutiyena tatiyassa ārocitaṃ, tasmā tappaccayā puna tena āpajjitabbāpattiyā abhāvato āpattiyā koṭi chinnā nāma hoti.
аад̣̇ибад̣̇зд̇и д̣̇удтуллаабад̇д̇исан̃н̃ий, взмад̇иго, ад̣̇удтуллаабад̇д̇исан̃н̃ийд̇и имзсу д̇ийсу ‘‘д̣̇удтуллаабад̇д̇исан̃н̃ий бадижчаад̣̇зд̇ий’’д̇и (баажи. 400) имасмим̣ батамабад̣̇з. ид̇арзсу д̣̇вийсууд̇и ‘‘взмад̇иго бадижчаад̣̇зд̇и, ад̣̇удтуллаабад̇д̇исан̃н̃ий бадижчаад̣̇зд̇ий’’д̇и имзсу бад̣̇зсу. ад̣̇удтуллааяаад̇и авасзсабан̃жаабад̇д̇игканд̇хз. анубасамбаннасса д̣̇удтуллз ваа ад̣̇удтуллз ваа аж̇жхаажаарзд̇и анубасамбаннасса буримабан̃жасигкаабад̣̇авийд̇иггамасан̇каад̇з д̣̇удтуллз ваа ид̇арасмим̣ ад̣̇удтуллз ваа аж̇жхаажаарз. яам̣ бана саманд̇абаасаад̣̇игааяам̣ ‘‘анубасамбаннасса суггависадти жа гааяасам̣саг̇г̇о жаад̇и аяам̣ д̣̇удтуллааж̇жхаажааро наамаа’’д̇и (баажи. адта. 400) вуд̇д̇ам̣, д̇ам̣ д̣̇удтуллаарожанасигкаабад̣̇адтагат̇ааяа (баажи. адта. 78 аад̣̇аяо) на самзд̇и, на жааби звам̣ вад̇д̇ум̣ яуж̇ж̇ад̇и ‘‘аарожанз анубасамбаннасса д̣̇удтуллам̣ ан̃н̃ат̇аа ад̇хиббзд̇ам̣, бадижчаад̣̇анз ан̃н̃ат̇аа’’д̇и (саарад̇т̇а. дий. баажид̇д̇ияа 400) висзсагааран̣ассаанубалаб̣бханад̇о, д̇асмаа д̇ам̣ убабаригкид̇аб̣б̣ам̣.
Ādipadeti duṭṭhullāpattisaññī, vematiko, aduṭṭhullāpattisaññīti imesu tīsu ‘‘duṭṭhullāpattisaññī paṭicchādetī’’ti (pāci. 400) imasmiṃ paṭhamapade. Itaresu dvīsūti ‘‘vematiko paṭicchādeti, aduṭṭhullāpattisaññī paṭicchādetī’’ti imesu padesu. Aduṭṭhullāyāti avasesapañcāpattikkhandhe. Anupasampannassa duṭṭhulle vā aduṭṭhulle vā ajjhācāreti anupasampannassa purimapañcasikkhāpadavītikkamasaṅkhāte duṭṭhulle vā itarasmiṃ aduṭṭhulle vā ajjhācāre. Yaṃ pana samantapāsādikāyaṃ ‘‘anupasampannassa sukkavisaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti (pāci. aṭṭha. 400) vuttaṃ, taṃ duṭṭhullārocanasikkhāpadaṭṭhakathāya (pāci. aṭṭha. 78 ādayo) na sameti, na cāpi evaṃ vattuṃ yujjati ‘‘ārocane anupasampannassa duṭṭhullaṃ aññathā adhippetaṃ, paṭicchādane aññathā’’ti (sārattha. ṭī. pācittiya 400) visesakāraṇassānupalabbhanato, tasmā taṃ upaparikkhitabbaṃ.
д̣̇удтулласигкаабад̣̇аван̣н̣анаа нидтид̇аа.
Duṭṭhullasikkhāpadavaṇṇanā niṭṭhitā.
