| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
4. д̣̇удтулласигкаабад̣̇аван̣н̣анаа
4. Duṭṭhullasikkhāpadavaṇṇanā
399. ‘‘баарааж̇игаанийд̇и ад̇т̇уд̣̇д̇хааравасзна д̣̇ассид̇ааний’’д̇и гат̇ам̣ вин̃н̃ааяад̇ийд̇и жз? бариваарабаал̣ид̇о. вуд̇д̇ан̃хи д̇ад̇т̇а ‘‘аабад̇д̇аад̇хигаран̣абажжаяаа гад̇и аабад̇д̇ияо аабаж̇ж̇ад̇и. аабад̇д̇аад̇хигаран̣абажжаяаа жад̇ассо аабад̇д̇ияо аабаж̇ж̇ад̇и. бхигкуний ж̇аанам̣ баарааж̇игам̣ д̇хаммам̣ бадижчаад̣̇зд̇и, аабад̇д̇и баарааж̇игасса. взмад̇игаа бадижчаад̣̇зд̇и, аабад̇д̇и т̇уллажжаяасса. бхигку сан̇гхаад̣̇исзсам̣ бадижчаад̣̇зд̇и, аабад̇д̇и баажид̇д̇ияасса. аажааравибад̇д̇им̣ бадижчаад̣̇зд̇и , аабад̇д̇и д̣̇уггадассаа’’д̇и (бари. 290). баарааж̇игам̣ бадижчаад̣̇знд̇о бхигку анаабад̇д̇и, но аабад̇д̇им̣ аабаж̇ж̇ад̇и авуд̇д̇ад̇д̇аад̇и жз? на, сам̣гилидтзна жид̇д̇зна бадижчаад̣̇анз винаа аабад̇д̇ияаа асамбхавад̇о. д̣̇уггадаваарз вад̇д̇аб̣б̣ааби баарааж̇игаабад̇д̇ияо батамам̣ ад̇т̇уд̣̇д̇хааравасзна сан̇гхаад̣̇исзсзхи саха вуд̇д̇ад̇д̇аа на саггаа буна вад̇д̇унд̇и на вуд̇д̇аад̇и взд̣̇ид̇аб̣б̣аа.
399. ‘‘Pārājikānīti atthuddhāravasena dassitānī’’ti kathaṃ viññāyatīti ce? Parivārapāḷito. Vuttañhi tattha ‘‘āpattādhikaraṇapaccayā kati āpattiyo āpajjati. Āpattādhikaraṇapaccayā catasso āpattiyo āpajjati. Bhikkhunī jānaṃ pārājikaṃ dhammaṃ paṭicchādeti, āpatti pārājikassa. Vematikā paṭicchādeti, āpatti thullaccayassa. Bhikkhu saṅghādisesaṃ paṭicchādeti, āpatti pācittiyassa. Ācāravipattiṃ paṭicchādeti , āpatti dukkaṭassā’’ti (pari. 290). Pārājikaṃ paṭicchādento bhikkhu anāpatti, no āpattiṃ āpajjati avuttattāti ce? Na, saṃkiliṭṭhena cittena paṭicchādane vinā āpattiyā asambhavato. Dukkaṭavāre vattabbāpi pārājikāpattiyo paṭhamaṃ atthuddhāravasena saṅghādisesehi saha vuttattā na sakkā puna vattunti na vuttāti veditabbā.
яаава годи на чиж̇ж̇ад̇ийд̇и жзд̇т̇а яо анд̇амасо бадижчаад̣̇анад̇т̇ам̣ ан̃н̃асса аарожзд̇у ваа, маа ваа, бадижчаад̣̇анажид̇д̇знзва аабад̇д̇им̣ аабанно. д̇асса буна ан̃н̃асса бадижчаад̣̇анад̇т̇ам̣ анаарожанзнзва на годи чиннаа ход̇и, гим̣ буна бадинивад̇д̇ид̇ваа важанзна баяож̇ананд̇и на анд̇имасса анаарожанзна чиннаа ход̇и, аббадижчаад̣̇анзна зва чиннаа ход̇и, д̇ад̇о аббадижчаад̣̇анад̇т̇ам̣ абуб̣б̣асса аарожзд̇аб̣б̣ам̣, д̇ад̇о бадтааяа годи чиннаа ход̇и, д̇ад̣̇абхааво бадинивад̇д̇ид̇ваа аббадижчаад̣̇анад̇т̇ам̣ аарожзд̇аб̣б̣ам̣, звамби годи чиннаа ход̇ийд̇и звам̣ но бадибхаад̇ийд̇и аажарияо. д̇ад̇иязна д̣̇уд̇ияассаад̇и зд̇т̇а ‘‘д̣̇уд̇ияо наама батамо’’д̇и вад̣̇анд̇аанам̣ ‘‘вад̇т̇у буг̇г̇ало на вад̇д̇аб̣б̣о’’д̇и ваарид̇ад̇д̇аа на сунд̣̇арам̣. ан̃н̃асса жад̇уд̇т̇асса аарожанзби на сунд̣̇арам̣. гасмаа? буб̣б̣зва суд̇ваа ан̃н̃асса анаарожид̇ад̇д̇аа. ‘‘суд̇зна ан̃н̃асса аарожзд̇аб̣б̣ам̣ сияаа’’д̇и вад̣̇анд̇и.
Yāva koṭi na chijjatīti cettha yo antamaso paṭicchādanatthaṃ aññassa ārocetu vā, mā vā, paṭicchādanacitteneva āpattiṃ āpanno. Tassa puna aññassa paṭicchādanatthaṃ anārocaneneva na koṭi chinnā hoti, kiṃ puna paṭinivattitvā vacanena payojananti na antimassa anārocanena chinnā hoti, appaṭicchādanena eva chinnā hoti, tato appaṭicchādanatthaṃ apubbassa ārocetabbaṃ, tato paṭṭhāya koṭi chinnā hoti, tadabhāvo paṭinivattitvā appaṭicchādanatthaṃ ārocetabbaṃ, evampi koṭi chinnā hotīti evaṃ no paṭibhātīti ācariyo. Tatiyena dutiyassāti ettha ‘‘dutiyo nāma paṭhamo’’ti vadantānaṃ ‘‘vatthu puggalo na vattabbo’’ti vāritattā na sundaraṃ. Aññassa catutthassa ārocanepi na sundaraṃ. Kasmā? Pubbeva sutvā aññassa anārocitattā. ‘‘Sutena aññassa ārocetabbaṃ siyā’’ti vadanti.
д̣̇удтулласигкаабад̣̇аван̣н̣анаа нидтид̇аа.
Duṭṭhullasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. д̣̇удтулласигкаабад̣̇ам̣ • 4. Duṭṭhullasikkhāpadaṃ
