| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
4. д̣̇удтулласигкаабад̣̇аван̣н̣анаа
4. Duṭṭhullasikkhāpadavaṇṇanā
399. жад̇уд̇т̇з аабад̇д̇им̣ аабаж̇ж̇ад̇иязваад̇и д̇хуранигкзбабагкз вуд̇д̇ам̣. вад̇т̇убуг̇г̇алод̇и аабаннабуг̇г̇ало. чаад̣̇зд̇угаамад̇ааяа хи сад̇и зва авассам̣ ан̃н̃асса аарожанам̣ вуд̇д̇ам̣, вад̇т̇убуг̇г̇аласса жа аарожанаа наама на ход̇ийд̇и бадижчаад̣̇анамзваад̇и ад̇хиббааяо. годи чиннаа ход̇ийд̇и чаад̣̇зссаамийд̇и д̇хуранигкзбз сад̇иби буг̇г̇алабарамбарааяа г̇ажчанд̇ий аабад̇д̇игоди чиж̇ж̇ад̇и.
399. Catutthe āpattiṃ āpajjatiyevāti dhuranikkhepapakkhe vuttaṃ. Vatthupuggaloti āpannapuggalo. Chādetukāmatāya hi sati eva avassaṃ aññassa ārocanaṃ vuttaṃ, vatthupuggalassa ca ārocanā nāma na hotīti paṭicchādanamevāti adhippāyo. Koṭi chinnā hotīti chādessāmīti dhuranikkhepe satipi puggalaparamparāya gacchantī āpattikoṭi chijjati.
400. ‘‘анубасамбаннасса суггависсадти жа гааяасам̣саг̇г̇о жаад̇и аяам̣ д̣̇удтуллааж̇жхаажааро наамаа’’д̇и ид̣̇ам̣ д̣̇удтуллаарожанасигкаабад̣̇адтагат̇ааяам̣ ‘‘анубасамбаннасса…бз… аад̣̇ид̇о бан̃жа сигкаабад̣̇аани д̣̇удтулло наама аж̇жхаажааро, сзсаани ад̣̇удтулло. суггависсадтигааяасам̣саг̇г̇ад̣̇удтуллаад̇д̇агаамаа банасса аж̇жхаажааро наамаа’’д̇и (баажи. адта. 82) иминаа важанзна вируж̇жхад̇ийд̇и виймам̣сид̇аб̣б̣ам̣. буг̇г̇алабзмзна чаад̣̇аяад̇о жзд̇т̇а ‘‘ан̃н̃з г̇арахиссанд̇ий’’д̇и бхаяавасзна чаад̣̇анагкан̣з бадигхова уббаж̇ж̇ад̇ийд̇и ‘‘д̣̇угкавзд̣̇ана’’нд̇и вуд̇д̇анд̇и д̣̇адтаб̣б̣ам̣. убасамбаннасса д̣̇удтуллаабад̇д̇иж̇аананам̣, бадижчаад̣̇зд̇угаамад̇ааяа д̇хуранигкзбод̇и д̣̇вз ан̇г̇аани.
400.‘‘Anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti idaṃ duṭṭhullārocanasikkhāpadaṭṭhakathāyaṃ ‘‘anupasampannassa…pe… ādito pañca sikkhāpadāni duṭṭhullo nāma ajjhācāro, sesāni aduṭṭhullo. Sukkavissaṭṭhikāyasaṃsaggaduṭṭhullaattakāmā panassa ajjhācāro nāmā’’ti (pāci. aṭṭha. 82) iminā vacanena virujjhatīti vīmaṃsitabbaṃ. Puggalapemena chādayato cettha ‘‘aññe garahissantī’’ti bhayavasena chādanakkhaṇe paṭighova uppajjatīti ‘‘dukkhavedana’’nti vuttanti daṭṭhabbaṃ. Upasampannassa duṭṭhullāpattijānanaṃ, paṭicchādetukāmatāya dhuranikkhepoti dve aṅgāni.
д̣̇удтулласигкаабад̣̇аван̣н̣анаа нидтид̇аа.
Duṭṭhullasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. д̣̇удтулласигкаабад̣̇ам̣ • 4. Duṭṭhullasikkhāpadaṃ
