| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
๔. ทุฎฺฐุลฺลสิกฺขาปทวณฺณนา
4. Duṭṭhullasikkhāpadavaṇṇanā
๓๙๙. จตุเตฺถ อาปตฺติํ อาปชฺชติเยวาติ ธุรนิเกฺขปปเกฺข วุตฺตํฯ วตฺถุปุคฺคโลติ อาปนฺนปุคฺคโลฯ ฉาเทตุกามตาย หิ สติ เอว อวสฺสํ อญฺญสฺส อาโรจนํ วุตฺตํ, วตฺถุปุคฺคลสฺส จ อาโรจนา นาม น โหตีติ ปฎิจฺฉาทนเมวาติ อธิปฺปาโยฯ โกฎิ ฉินฺนา โหตีติ ฉาเทสฺสามีติ ธุรนิเกฺขเป สติปิ ปุคฺคลปรมฺปราย คจฺฉนฺตี อาปตฺติโกฎิ ฉิชฺชติฯ
399. Catutthe āpattiṃ āpajjatiyevāti dhuranikkhepapakkhe vuttaṃ. Vatthupuggaloti āpannapuggalo. Chādetukāmatāya hi sati eva avassaṃ aññassa ārocanaṃ vuttaṃ, vatthupuggalassa ca ārocanā nāma na hotīti paṭicchādanamevāti adhippāyo. Koṭi chinnā hotīti chādessāmīti dhuranikkhepe satipi puggalaparamparāya gacchantī āpattikoṭi chijjati.
๔๐๐. ‘‘อนุปสมฺปนฺนสฺส สุกฺกวิสฺสฎฺฐิ จ กายสํสโคฺค จาติ อยํ ทุฎฺฐุลฺลอชฺฌาจาโร นามา’’ติ อิทํ ทุฎฺฐุลฺลาโรจนสิกฺขาปทฎฺฐกถายํ ‘‘อนุปสมฺปนฺนสฺส…เป.… อาทิโต ปญฺจ สิกฺขาปทานิ ทุฎฺฐุโลฺล นาม อชฺฌาจาโร, เสสานิ อทุฎฺฐุโลฺลฯ สุกฺกวิสฺสฎฺฐิกายสํสคฺคทุฎฺฐุลฺลอตฺตกามา ปนสฺส อชฺฌาจาโร นามา’’ติ (ปาจิ. อฎฺฐ. ๘๒) อิมินา วจเนน วิรุชฺฌตีติ วีมํสิตพฺพํฯ ปุคฺคลเปเมน ฉาทยโต เจตฺถ ‘‘อเญฺญ ครหิสฺสนฺตี’’ติ ภยวเสน ฉาทนกฺขเณ ปฎิโฆว อุปฺปชฺชตีติ ‘‘ทุกฺขเวทน’’นฺติ วุตฺตนฺติ ทฎฺฐพฺพํฯ อุปสมฺปนฺนสฺส ทุฎฺฐุลฺลาปตฺติชานนํ, ปฎิจฺฉาเทตุกามตาย ธุรนิเกฺขโปติ เทฺว องฺคานิฯ
400.‘‘Anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti idaṃ duṭṭhullārocanasikkhāpadaṭṭhakathāyaṃ ‘‘anupasampannassa…pe… ādito pañca sikkhāpadāni duṭṭhullo nāma ajjhācāro, sesāni aduṭṭhullo. Sukkavissaṭṭhikāyasaṃsaggaduṭṭhullaattakāmā panassa ajjhācāro nāmā’’ti (pāci. aṭṭha. 82) iminā vacanena virujjhatīti vīmaṃsitabbaṃ. Puggalapemena chādayato cettha ‘‘aññe garahissantī’’ti bhayavasena chādanakkhaṇe paṭighova uppajjatīti ‘‘dukkhavedana’’nti vuttanti daṭṭhabbaṃ. Upasampannassa duṭṭhullāpattijānanaṃ, paṭicchādetukāmatāya dhuranikkhepoti dve aṅgāni.
ทุฎฺฐุลฺลสิกฺขาปทวณฺณนา นิฎฺฐิตาฯ
Duṭṭhullasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวิภงฺค • Mahāvibhaṅga / ๗. สปฺปาณกวโคฺค • 7. Sappāṇakavaggo
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวิภงฺค-อฎฺฐกถา • Mahāvibhaṅga-aṭṭhakathā / ๔. ทุฎฺฐุลฺลสิกฺขาปทวณฺณนา • 4. Duṭṭhullasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๔. ทุฎฺฐุลฺลสิกฺขาปทวณฺณนา • 4. Duṭṭhullasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๔. ทุฎฺฐุลฺลสิกฺขาปทวณฺณนา • 4. Duṭṭhullasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๔. ทุฎฺฐุลฺลสิกฺขาปทํ • 4. Duṭṭhullasikkhāpadaṃ
