| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၄. ဒုဋ္ဌုလ္လသိက္ခာပဒဝဏ္ဏနာ
4. Duṭṭhullasikkhāpadavaṇṇanā
၃၉၉. စတုတ္ထေ အာပတ္တိံ အာပဇ္ဇတိယေဝာတိ ဓုရနိက္ခေပပက္ခေ ဝုတ္တံ။ ဝတ္ထုပုဂ္ဂလောတိ အာပန္နပုဂ္ဂလော။ ဆာဒေတုကာမတာယ ဟိ သတိ ဧဝ အဝသ္သံ အညသ္သ အာရောစနံ ဝုတ္တံ, ဝတ္ထုပုဂ္ဂလသ္သ စ အာရောစနာ နာမ န ဟောတီတိ ပဋိစ္ဆာဒနမေဝာတိ အဓိပ္ပာယော။ ကောဋိ ဆိန္နာ ဟောတီတိ ဆာဒေသ္သာမီတိ ဓုရနိက္ခေပေ သတိပိ ပုဂ္ဂလပရမ္ပရာယ ဂစ္ဆန္တီ အာပတ္တိကောဋိ ဆိဇ္ဇတိ။
399. Catutthe āpattiṃ āpajjatiyevāti dhuranikkhepapakkhe vuttaṃ. Vatthupuggaloti āpannapuggalo. Chādetukāmatāya hi sati eva avassaṃ aññassa ārocanaṃ vuttaṃ, vatthupuggalassa ca ārocanā nāma na hotīti paṭicchādanamevāti adhippāyo. Koṭi chinnā hotīti chādessāmīti dhuranikkhepe satipi puggalaparamparāya gacchantī āpattikoṭi chijjati.
၄၀၀. ‘‘အနုပသမ္ပန္နသ္သ သုက္ကဝိသ္သဋ္ဌိ စ ကာယသံသဂ္ဂော စာတိ အယံ ဒုဋ္ဌုလ္လအဇ္ဈာစာရော နာမာ’’တိ ဣဒံ ဒုဋ္ဌုလ္လာရောစနသိက္ခာပဒဋ္ဌကထာယံ ‘‘အနုပသမ္ပန္နသ္သ။ပေ.။ အာဒိတော ပဉ္စ သိက္ခာပဒာနိ ဒုဋ္ဌုလ္လော နာမ အဇ္ဈာစာရော, သေသာနိ အဒုဋ္ဌုလ္လော။ သုက္ကဝိသ္သဋ္ဌိကာယသံသဂ္ဂဒုဋ္ဌုလ္လအတ္တကာမာ ပနသ္သ အဇ္ဈာစာရော နာမာ’’တိ (ပာစိ. အဋ္ဌ. ၈၂) ဣမိနာ ဝစနေန ဝိရုဇ္ဈတီတိ ဝီမံသိတဗ္ဗံ။ ပုဂ္ဂလပေမေန ဆာဒယတော စေတ္ထ ‘‘အညေ ဂရဟိသ္သန္တီ’’တိ ဘယဝသေန ဆာဒနက္ခဏေ ပဋိဃောဝ ဥပ္ပဇ္ဇတီတိ ‘‘ဒုက္ခဝေဒန’’န္တိ ဝုတ္တန္တိ ဒဋ္ဌဗ္ဗံ။ ဥပသမ္ပန္နသ္သ ဒုဋ္ဌုလ္လာပတ္တိဇာနနံ, ပဋိစ္ဆာဒေတုကာမတာယ ဓုရနိက္ခေပောတိ ဒ္ဝေ အင္ဂာနိ။
400.‘‘Anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti idaṃ duṭṭhullārocanasikkhāpadaṭṭhakathāyaṃ ‘‘anupasampannassa…pe… ādito pañca sikkhāpadāni duṭṭhullo nāma ajjhācāro, sesāni aduṭṭhullo. Sukkavissaṭṭhikāyasaṃsaggaduṭṭhullaattakāmā panassa ajjhācāro nāmā’’ti (pāci. aṭṭha. 82) iminā vacanena virujjhatīti vīmaṃsitabbaṃ. Puggalapemena chādayato cettha ‘‘aññe garahissantī’’ti bhayavasena chādanakkhaṇe paṭighova uppajjatīti ‘‘dukkhavedana’’nti vuttanti daṭṭhabbaṃ. Upasampannassa duṭṭhullāpattijānanaṃ, paṭicchādetukāmatāya dhuranikkhepoti dve aṅgāni.
ဒုဋ္ဌုလ္လသိက္ခာပဒဝဏ္ဏနာ နိဋ္ဌိတာ။
Duṭṭhullasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၇. သပ္ပာဏကဝဂ္ဂော • 7. Sappāṇakavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၄. ဒုဋ္ဌုလ္လသိက္ခာပဒဝဏ္ဏနာ • 4. Duṭṭhullasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၄. ဒုဋ္ဌုလ္လသိက္ခာပဒဝဏ္ဏနာ • 4. Duṭṭhullasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၄. ဒုဋ္ဌုလ္လသိက္ခာပဒဝဏ္ဏနာ • 4. Duṭṭhullasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၄. ဒုဋ္ဌုလ္လသိက္ခာပဒံ • 4. Duṭṭhullasikkhāpadaṃ
