| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
༤. དུཊྛུལླསིཀྑཱཔདཝཎྞནཱ
4. Duṭṭhullasikkhāpadavaṇṇanā
༣༩༩. ཙཏུཏྠེ ཏསྶེཝཱཏི ཡོ ཨཱཔནྣོ, ཏསྶེཝ། ཨཱརོཙེཏཱིཏི པཊིཙྪཱདནཏྠམེཝ མཱ ཀསྶཙི ཨཱརོཙེསཱིཏི ཝདཏི། ཝཏྠུཔུགྒལོཏི ཨཱཔནྣཔུགྒལོ། ཡེནསྶ ཨཱརོཙིཏནྟི ཡེན དུཏིཡེན ཨསྶ ཏཏིཡསྶ ཨཱརོཙིཏཾ། ཀོཊི ཚིནྣཱ ཧོཏཱིཏི ཡསྨཱ པཊིཙྪཱདནཔཙྩཡཱ ཨཱཔཏྟིཾ ཨཱཔཛྫིཏྭཱཝ དུཏིཡེན ཏཏིཡསྶ ཨཱརོཙིཏཾ, ཏསྨཱ ཏཔྤཙྩཡཱ པུན ཏེན ཨཱཔཛྫིཏབྦཱཔཏྟིཡཱ ཨབྷཱཝཏོ ཨཱཔཏྟིཡཱ ཀོཊི ཚིནྣཱ ནཱམ ཧོཏི།
399. Catutthe tassevāti yo āpanno, tasseva. Ārocetīti paṭicchādanatthameva mā kassaci ārocesīti vadati. Vatthupuggaloti āpannapuggalo. Yenassa ārocitanti yena dutiyena assa tatiyassa ārocitaṃ. Koṭi chinnā hotīti yasmā paṭicchādanapaccayā āpattiṃ āpajjitvāva dutiyena tatiyassa ārocitaṃ, tasmā tappaccayā puna tena āpajjitabbāpattiyā abhāvato āpattiyā koṭi chinnā nāma hoti.
༤༠༠. ‘‘ཨནུཔསམྤནྣསྶ སུཀྐཝིསྶཊྛི ཙ ཀཱཡསཾསགྒོ ཙཱཏི ཨཡཾ དུཊྛུལླཨཛ྄ཛྷཱཙཱརོ ནཱམཱ’’ཏི ཨིདཾ དུཊྛུལླཱརོཙནསིཀྑཱཔདཊྛཀཐཱཡ ན སམེཏི། ཝུཏྟཉྷི ཏཏྠ (པཱཙི॰ ཨཊྛ॰ ༨༢) ‘‘ཨནུཔསམྤནྣསྶ དུཊྛུལླཾ ཝཱ ཨདུཊྛུལླཾ ཝཱ ཨཛ྄ཛྷཱཙཱརནྟི ཨེཏྠ ཨཱདིཏོ པཉྩ སིཀྑཱཔདཱནི དུཊྛུལློ ནཱམ ཨཛ྄ཛྷཱཙཱརོ, སེསཱནི ཨདུཊྛུལློ, སུཀྐཝིསྶཊྛིཀཱཡསཾསགྒདུཊྛུལླཨཏྟཀཱམཱ པནསྶ ཨཛ྄ཛྷཱཙཱརོ ནཱམཱ’’ཏི། ‘‘ཨཱརོཙནེ ཨནུཔསམྤནྣསྶ དུཊྛུལླཾ ཨཉྙཐཱ ཨདྷིཔྤེཏཾ, པཊིཙྪཱདནེ ཨཉྙཐཱ’’ཏི ཨེཏྠཱཔི ཝིསེསཀཱརཎཾ ན དིསྶཏི, ཏསྨཱ ཨཊྛཀཐཱཡ པུབྦེནཱཔརཾ ན སམེཏི། ཨཝིརོདྷཾ ཨིཙྪནྟེན པན ཝཱིམཾསིཏབྦམེཏྠ ཀཱརཎཾ། སེསམེཏྠ ཨུཏྟཱནམེཝ། ཨུཔསམྤནྣསྶ དུཊྛུལླཱཔཏྟིཛཱནནཾ, པཊིཙྪཱདེཏུཀཱམཏཱཡ ནཱརོཙེསྶཱམཱིཏི དྷུརནིཀྑེཔོཏི ཨིམཱནི པནེཏྠ དྭེ ཨངྒཱནི།
400.‘‘Anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti idaṃ duṭṭhullārocanasikkhāpadaṭṭhakathāya na sameti. Vuttañhi tattha (pāci. aṭṭha. 82) ‘‘anupasampannassa duṭṭhullaṃ vā aduṭṭhullaṃ vā ajjhācāranti ettha ādito pañca sikkhāpadāni duṭṭhullo nāma ajjhācāro, sesāni aduṭṭhullo, sukkavissaṭṭhikāyasaṃsaggaduṭṭhullaattakāmā panassa ajjhācāro nāmā’’ti. ‘‘Ārocane anupasampannassa duṭṭhullaṃ aññathā adhippetaṃ, paṭicchādane aññathā’’ti etthāpi visesakāraṇaṃ na dissati, tasmā aṭṭhakathāya pubbenāparaṃ na sameti. Avirodhaṃ icchantena pana vīmaṃsitabbamettha kāraṇaṃ. Sesamettha uttānameva. Upasampannassa duṭṭhullāpattijānanaṃ, paṭicchādetukāmatāya nārocessāmīti dhuranikkhepoti imāni panettha dve aṅgāni.
དུཊྛུལླསིཀྑཱཔདཝཎྞནཱ ནིཊྛིཏཱ།
Duṭṭhullasikkhāpadavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༧. སཔྤཱཎཀཝགྒོ • 7. Sappāṇakavaggo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༤. དུཊྛུལླསིཀྑཱཔདཝཎྞནཱ • 4. Duṭṭhullasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ༤. དུཊྛུལླསིཀྑཱཔདཝཎྞནཱ • 4. Duṭṭhullasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༤. དུཊྛུལླསིཀྑཱཔདཝཎྞནཱ • 4. Duṭṭhullasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༤. དུཊྛུལླསིཀྑཱཔདཾ • 4. Duṭṭhullasikkhāpadaṃ
