| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ
4. Duṭṭhullasikkhāpadavaṇṇanā
੩੯੯. ‘‘ਪਾਰਾਜਿਕਾਨੀਤਿ ਅਤ੍ਥੁਦ੍ਧਾਰવਸੇਨ ਦਸ੍ਸਿਤਾਨੀ’’ਤਿ ਕਥਂ વਿਞ੍ਞਾਯਤੀਤਿ ਚੇ? ਪਰਿવਾਰਪਾਲ਼ਿਤੋ। વੁਤ੍ਤਞ੍ਹਿ ਤਤ੍ਥ ‘‘ਆਪਤ੍ਤਾਧਿਕਰਣਪਚ੍ਚਯਾ ਕਤਿ ਆਪਤ੍ਤਿਯੋ ਆਪਜ੍ਜਤਿ। ਆਪਤ੍ਤਾਧਿਕਰਣਪਚ੍ਚਯਾ ਚਤਸ੍ਸੋ ਆਪਤ੍ਤਿਯੋ ਆਪਜ੍ਜਤਿ। ਭਿਕ੍ਖੁਨੀ ਜਾਨਂ ਪਾਰਾਜਿਕਂ ਧਮ੍ਮਂ ਪਟਿਚ੍ਛਾਦੇਤਿ, ਆਪਤ੍ਤਿ ਪਾਰਾਜਿਕਸ੍ਸ। વੇਮਤਿਕਾ ਪਟਿਚ੍ਛਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ। ਭਿਕ੍ਖੁ ਸਙ੍ਘਾਦਿਸੇਸਂ ਪਟਿਚ੍ਛਾਦੇਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ। ਆਚਾਰવਿਪਤ੍ਤਿਂ ਪਟਿਚ੍ਛਾਦੇਤਿ , ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਪਰਿ॰ ੨੯੦)। ਪਾਰਾਜਿਕਂ ਪਟਿਚ੍ਛਾਦੇਨ੍ਤੋ ਭਿਕ੍ਖੁ ਅਨਾਪਤ੍ਤਿ, ਨੋ ਆਪਤ੍ਤਿਂ ਆਪਜ੍ਜਤਿ ਅવੁਤ੍ਤਤ੍ਤਾਤਿ ਚੇ? ਨ, ਸਂਕਿਲਿਟ੍ਠੇਨ ਚਿਤ੍ਤੇਨ ਪਟਿਚ੍ਛਾਦਨੇ વਿਨਾ ਆਪਤ੍ਤਿਯਾ ਅਸਮ੍ਭવਤੋ। ਦੁਕ੍ਕਟવਾਰੇ વਤ੍ਤਬ੍ਬਾਪਿ ਪਾਰਾਜਿਕਾਪਤ੍ਤਿਯੋ ਪਠਮਂ ਅਤ੍ਥੁਦ੍ਧਾਰવਸੇਨ ਸਙ੍ਘਾਦਿਸੇਸੇਹਿ ਸਹ વੁਤ੍ਤਤ੍ਤਾ ਨ ਸਕ੍ਕਾ ਪੁਨ વਤ੍ਤੁਨ੍ਤਿ ਨ વੁਤ੍ਤਾਤਿ વੇਦਿਤਬ੍ਬਾ।
399. ‘‘Pārājikānīti atthuddhāravasena dassitānī’’ti kathaṃ viññāyatīti ce? Parivārapāḷito. Vuttañhi tattha ‘‘āpattādhikaraṇapaccayā kati āpattiyo āpajjati. Āpattādhikaraṇapaccayā catasso āpattiyo āpajjati. Bhikkhunī jānaṃ pārājikaṃ dhammaṃ paṭicchādeti, āpatti pārājikassa. Vematikā paṭicchādeti, āpatti thullaccayassa. Bhikkhu saṅghādisesaṃ paṭicchādeti, āpatti pācittiyassa. Ācāravipattiṃ paṭicchādeti , āpatti dukkaṭassā’’ti (pari. 290). Pārājikaṃ paṭicchādento bhikkhu anāpatti, no āpattiṃ āpajjati avuttattāti ce? Na, saṃkiliṭṭhena cittena paṭicchādane vinā āpattiyā asambhavato. Dukkaṭavāre vattabbāpi pārājikāpattiyo paṭhamaṃ atthuddhāravasena saṅghādisesehi saha vuttattā na sakkā puna vattunti na vuttāti veditabbā.
ਯਾવ ਕੋਟਿ ਨ ਛਿਜ੍ਜਤੀਤਿ ਚੇਤ੍ਥ ਯੋ ਅਨ੍ਤਮਸੋ ਪਟਿਚ੍ਛਾਦਨਤ੍ਥਂ ਅਞ੍ਞਸ੍ਸ ਆਰੋਚੇਤੁ વਾ, ਮਾ વਾ, ਪਟਿਚ੍ਛਾਦਨਚਿਤ੍ਤੇਨੇવ ਆਪਤ੍ਤਿਂ ਆਪਨ੍ਨੋ। ਤਸ੍ਸ ਪੁਨ ਅਞ੍ਞਸ੍ਸ ਪਟਿਚ੍ਛਾਦਨਤ੍ਥਂ ਅਨਾਰੋਚਨੇਨੇવ ਨ ਕੋਟਿ ਛਿਨ੍ਨਾ ਹੋਤਿ, ਕਿਂ ਪੁਨ ਪਟਿਨਿવਤ੍ਤਿਤ੍વਾ વਚਨੇਨ ਪਯੋਜਨਨ੍ਤਿ ਨ ਅਨ੍ਤਿਮਸ੍ਸ ਅਨਾਰੋਚਨੇਨ ਛਿਨ੍ਨਾ ਹੋਤਿ, ਅਪ੍ਪਟਿਚ੍ਛਾਦਨੇਨ ਏવ ਛਿਨ੍ਨਾ ਹੋਤਿ, ਤਤੋ ਅਪ੍ਪਟਿਚ੍ਛਾਦਨਤ੍ਥਂ ਅਪੁਬ੍ਬਸ੍ਸ ਆਰੋਚੇਤਬ੍ਬਂ, ਤਤੋ ਪਟ੍ਠਾਯ ਕੋਟਿ ਛਿਨ੍ਨਾ ਹੋਤਿ, ਤਦਭਾવੋ ਪਟਿਨਿવਤ੍ਤਿਤ੍વਾ ਅਪ੍ਪਟਿਚ੍ਛਾਦਨਤ੍ਥਂ ਆਰੋਚੇਤਬ੍ਬਂ, ਏવਮ੍ਪਿ ਕੋਟਿ ਛਿਨ੍ਨਾ ਹੋਤੀਤਿ ਏવਂ ਨੋ ਪਟਿਭਾਤੀਤਿ ਆਚਰਿਯੋ। ਤਤਿਯੇਨ ਦੁਤਿਯਸ੍ਸਾਤਿ ਏਤ੍ਥ ‘‘ਦੁਤਿਯੋ ਨਾਮ ਪਠਮੋ’’ਤਿ વਦਨ੍ਤਾਨਂ ‘‘વਤ੍ਥੁ ਪੁਗ੍ਗਲੋ ਨ વਤ੍ਤਬ੍ਬੋ’’ਤਿ વਾਰਿਤਤ੍ਤਾ ਨ ਸੁਨ੍ਦਰਂ। ਅਞ੍ਞਸ੍ਸ ਚਤੁਤ੍ਥਸ੍ਸ ਆਰੋਚਨੇਪਿ ਨ ਸੁਨ੍ਦਰਂ। ਕਸ੍ਮਾ? ਪੁਬ੍ਬੇવ ਸੁਤ੍વਾ ਅਞ੍ਞਸ੍ਸ ਅਨਾਰੋਚਿਤਤ੍ਤਾ। ‘‘ਸੁਤੇਨ ਅਞ੍ਞਸ੍ਸ ਆਰੋਚੇਤਬ੍ਬਂ ਸਿਯਾ’’ਤਿ વਦਨ੍ਤਿ।
Yāva koṭi na chijjatīti cettha yo antamaso paṭicchādanatthaṃ aññassa ārocetu vā, mā vā, paṭicchādanacitteneva āpattiṃ āpanno. Tassa puna aññassa paṭicchādanatthaṃ anārocaneneva na koṭi chinnā hoti, kiṃ puna paṭinivattitvā vacanena payojananti na antimassa anārocanena chinnā hoti, appaṭicchādanena eva chinnā hoti, tato appaṭicchādanatthaṃ apubbassa ārocetabbaṃ, tato paṭṭhāya koṭi chinnā hoti, tadabhāvo paṭinivattitvā appaṭicchādanatthaṃ ārocetabbaṃ, evampi koṭi chinnā hotīti evaṃ no paṭibhātīti ācariyo. Tatiyena dutiyassāti ettha ‘‘dutiyo nāma paṭhamo’’ti vadantānaṃ ‘‘vatthu puggalo na vattabbo’’ti vāritattā na sundaraṃ. Aññassa catutthassa ārocanepi na sundaraṃ. Kasmā? Pubbeva sutvā aññassa anārocitattā. ‘‘Sutena aññassa ārocetabbaṃ siyā’’ti vadanti.
ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Duṭṭhullasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਦੁਟ੍ਠੁਲ੍ਲਸਿਕ੍ਖਾਪਦਂ • 4. Duṭṭhullasikkhāpadaṃ
