| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ
4. Duṭṭhullasikkhāpadavaṇṇanā
੩੯੯. ਚਤੁਤ੍ਥੇ ਆਪਤ੍ਤਿਂ ਆਪਜ੍ਜਤਿਯੇવਾਤਿ ਧੁਰਨਿਕ੍ਖੇਪਪਕ੍ਖੇ વੁਤ੍ਤਂ। વਤ੍ਥੁਪੁਗ੍ਗਲੋਤਿ ਆਪਨ੍ਨਪੁਗ੍ਗਲੋ। ਛਾਦੇਤੁਕਾਮਤਾਯ ਹਿ ਸਤਿ ਏવ ਅવਸ੍ਸਂ ਅਞ੍ਞਸ੍ਸ ਆਰੋਚਨਂ વੁਤ੍ਤਂ, વਤ੍ਥੁਪੁਗ੍ਗਲਸ੍ਸ ਚ ਆਰੋਚਨਾ ਨਾਮ ਨ ਹੋਤੀਤਿ ਪਟਿਚ੍ਛਾਦਨਮੇવਾਤਿ ਅਧਿਪ੍ਪਾਯੋ। ਕੋਟਿ ਛਿਨ੍ਨਾ ਹੋਤੀਤਿ ਛਾਦੇਸ੍ਸਾਮੀਤਿ ਧੁਰਨਿਕ੍ਖੇਪੇ ਸਤਿਪਿ ਪੁਗ੍ਗਲਪਰਮ੍ਪਰਾਯ ਗਚ੍ਛਨ੍ਤੀ ਆਪਤ੍ਤਿਕੋਟਿ ਛਿਜ੍ਜਤਿ।
399. Catutthe āpattiṃ āpajjatiyevāti dhuranikkhepapakkhe vuttaṃ. Vatthupuggaloti āpannapuggalo. Chādetukāmatāya hi sati eva avassaṃ aññassa ārocanaṃ vuttaṃ, vatthupuggalassa ca ārocanā nāma na hotīti paṭicchādanamevāti adhippāyo. Koṭi chinnā hotīti chādessāmīti dhuranikkhepe satipi puggalaparamparāya gacchantī āpattikoṭi chijjati.
੪੦੦. ‘‘ਅਨੁਪਸਮ੍ਪਨ੍ਨਸ੍ਸ ਸੁਕ੍ਕવਿਸ੍ਸਟ੍ਠਿ ਚ ਕਾਯਸਂਸਗ੍ਗੋ ਚਾਤਿ ਅਯਂ ਦੁਟ੍ਠੁਲ੍ਲਅਜ੍ਝਾਚਾਰੋ ਨਾਮਾ’’ਤਿ ਇਦਂ ਦੁਟ੍ਠੁਲ੍ਲਾਰੋਚਨਸਿਕ੍ਖਾਪਦਟ੍ਠਕਥਾਯਂ ‘‘ਅਨੁਪਸਮ੍ਪਨ੍ਨਸ੍ਸ…ਪੇ॰… ਆਦਿਤੋ ਪਞ੍ਚ ਸਿਕ੍ਖਾਪਦਾਨਿ ਦੁਟ੍ਠੁਲ੍ਲੋ ਨਾਮ ਅਜ੍ਝਾਚਾਰੋ, ਸੇਸਾਨਿ ਅਦੁਟ੍ਠੁਲ੍ਲੋ। ਸੁਕ੍ਕવਿਸ੍ਸਟ੍ਠਿਕਾਯਸਂਸਗ੍ਗਦੁਟ੍ਠੁਲ੍ਲਅਤ੍ਤਕਾਮਾ ਪਨਸ੍ਸ ਅਜ੍ਝਾਚਾਰੋ ਨਾਮਾ’’ਤਿ (ਪਾਚਿ॰ ਅਟ੍ਠ॰ ੮੨) ਇਮਿਨਾ વਚਨੇਨ વਿਰੁਜ੍ਝਤੀਤਿ વੀਮਂਸਿਤਬ੍ਬਂ। ਪੁਗ੍ਗਲਪੇਮੇਨ ਛਾਦਯਤੋ ਚੇਤ੍ਥ ‘‘ਅਞ੍ਞੇ ਗਰਹਿਸ੍ਸਨ੍ਤੀ’’ਤਿ ਭਯવਸੇਨ ਛਾਦਨਕ੍ਖਣੇ ਪਟਿਘੋવ ਉਪ੍ਪਜ੍ਜਤੀਤਿ ‘‘ਦੁਕ੍ਖવੇਦਨ’’ਨ੍ਤਿ વੁਤ੍ਤਨ੍ਤਿ ਦਟ੍ਠਬ੍ਬਂ। ਉਪਸਮ੍ਪਨ੍ਨਸ੍ਸ ਦੁਟ੍ਠੁਲ੍ਲਾਪਤ੍ਤਿਜਾਨਨਂ, ਪਟਿਚ੍ਛਾਦੇਤੁਕਾਮਤਾਯ ਧੁਰਨਿਕ੍ਖੇਪੋਤਿ ਦ੍વੇ ਅਙ੍ਗਾਨਿ।
400.‘‘Anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāmā’’ti idaṃ duṭṭhullārocanasikkhāpadaṭṭhakathāyaṃ ‘‘anupasampannassa…pe… ādito pañca sikkhāpadāni duṭṭhullo nāma ajjhācāro, sesāni aduṭṭhullo. Sukkavissaṭṭhikāyasaṃsaggaduṭṭhullaattakāmā panassa ajjhācāro nāmā’’ti (pāci. aṭṭha. 82) iminā vacanena virujjhatīti vīmaṃsitabbaṃ. Puggalapemena chādayato cettha ‘‘aññe garahissantī’’ti bhayavasena chādanakkhaṇe paṭighova uppajjatīti ‘‘dukkhavedana’’nti vuttanti daṭṭhabbaṃ. Upasampannassa duṭṭhullāpattijānanaṃ, paṭicchādetukāmatāya dhuranikkhepoti dve aṅgāni.
ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Duṭṭhullasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੭. ਸਪ੍ਪਾਣਕવਗ੍ਗੋ • 7. Sappāṇakavaggo
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਦੁਟ੍ਠੁਲ੍ਲਸਿਕ੍ਖਾਪਦવਣ੍ਣਨਾ • 4. Duṭṭhullasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਦੁਟ੍ਠੁਲ੍ਲਸਿਕ੍ਖਾਪਦਂ • 4. Duṭṭhullasikkhāpadaṃ
