| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
3. д̣̇удтуллаваажаасигкаабад̣̇ам̣
3. Duṭṭhullavācāsikkhāpadaṃ
283. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа уд̣̇ааяий аран̃н̃з вихарад̇и. д̇ассааяасмад̇о вихааро абхируубо ход̇и д̣̇ассанийяо баасаад̣̇иго. д̇зна ко бана самаязна самб̣ахулаа ид̇т̇ияо аараамам̣ ааг̇амам̣су вихаарабзгкигааяо. ат̇а ко д̇аа ид̇т̇ияо язнааяасмаа уд̣̇ааяий д̇знубасан̇гамим̣су; убасан̇гамид̇ваа ааяасманд̇ам̣ уд̣̇ааяим̣ зд̇ад̣̇авожум̣ – ‘‘ижчаама маяам̣, бханд̇з, аяяасса вихаарам̣ бзгкид̇у’’нд̇и. ат̇а ко ааяасмаа уд̣̇ааяий д̇аа ид̇т̇ияо вихаарам̣ бзгкаабзд̇ваа д̇аасам̣ ид̇т̇ийнам̣ важжамаг̇г̇ам̣ бассаавамаг̇г̇ам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и яаажад̇иби ааяаажад̇иби бужчад̇иби бадибужчад̇иби аажигкад̇иби анусаасад̇иби аггосад̇иби. яаа д̇аа ид̇т̇ияо чиннигаа д̇худ̇д̇игаа ахиригааяо д̇аа ааяасмад̇аа уд̣̇ааяинаа сад̣̇д̇хим̣ ухасанд̇иби уллабанд̇иби уж̇ж̇аг̇гханд̇иби уббан̣д̣знд̇иби. яаа бана д̇аа ид̇т̇ияо хириманаа д̇аа нигкамид̇ваа бхигкуу уж̇жхаабзнд̇и – ‘‘ид̣̇ам̣, бханд̇з, нажчаннам̣ наббад̇ируубам̣. саамигзнаби маяам̣ звам̣ вуд̇д̇аа на ижчзяяаама, гим̣ банааяязна уд̣̇ааяинаа’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа уд̣̇ааяий маад̇уг̇аамам̣ д̣̇удтуллаахи ваажаахи обхаасиссад̇ий’’д̇и! ат̇а ко д̇з бхигкуу ааяасманд̇ам̣ уд̣̇ааяим̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа ааяасманд̇ам̣ уд̣̇ааяим̣ бадибужчи – ‘‘сажжам̣ гира д̇вам̣, уд̣̇ааяи, маад̇уг̇аамам̣ д̣̇удтуллаахи ваажаахи обхаасасий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса, маад̇уг̇аамам̣ д̣̇удтуллаахи ваажаахи обхаасиссаси! нану маяаа, могхабуриса, анзгабарияааязна вирааг̇ааяа д̇хаммо д̣̇зсид̇о но сарааг̇ааяа…бз… гаамабарил̣аахаанам̣ вуубасамо агкаад̇о. нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
283. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā udāyī araññe viharati. Tassāyasmato vihāro abhirūpo hoti dassanīyo pāsādiko. Tena kho pana samayena sambahulā itthiyo ārāmaṃ āgamaṃsu vihārapekkhikāyo. Atha kho tā itthiyo yenāyasmā udāyī tenupasaṅkamiṃsu; upasaṅkamitvā āyasmantaṃ udāyiṃ etadavocuṃ – ‘‘icchāma mayaṃ, bhante, ayyassa vihāraṃ pekkhitu’’nti. Atha kho āyasmā udāyī tā itthiyo vihāraṃ pekkhāpetvā tāsaṃ itthīnaṃ vaccamaggaṃ passāvamaggaṃ ādissa vaṇṇampi bhaṇati avaṇṇampi bhaṇati yācatipi āyācatipi pucchatipi paṭipucchatipi ācikkhatipi anusāsatipi akkosatipi. Yā tā itthiyo chinnikā dhuttikā ahirikāyo tā āyasmatā udāyinā saddhiṃ uhasantipi ullapantipi ujjagghantipi uppaṇḍentipi. Yā pana tā itthiyo hirimanā tā nikkhamitvā bhikkhū ujjhāpenti – ‘‘idaṃ, bhante, nacchannaṃ nappatirūpaṃ. Sāmikenapi mayaṃ evaṃ vuttā na iccheyyāma, kiṃ panāyyena udāyinā’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā udāyī mātugāmaṃ duṭṭhullāhi vācāhi obhāsissatī’’ti! Atha kho te bhikkhū āyasmantaṃ udāyiṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ udāyiṃ paṭipucchi – ‘‘saccaṃ kira tvaṃ, udāyi, mātugāmaṃ duṭṭhullāhi vācāhi obhāsasī’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, mātugāmaṃ duṭṭhullāhi vācāhi obhāsissasi! Nanu mayā, moghapurisa, anekapariyāyena virāgāya dhammo desito no sarāgāya…pe… kāmapariḷāhānaṃ vūpasamo akkhāto. Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
284. ‘‘яо бана бхигку од̇ин̣н̣о вибарин̣ад̇зна жид̇д̇зна маад̇уг̇аамам̣ д̣̇удтуллаахи ваажаахи обхаасзяяа яат̇аа д̇ам̣ яуваа яувад̇им̣ мзт̇унубасам̣хид̇аахи, сан̇гхаад̣̇исзсо’’д̇и.
284.‘‘Yo pana bhikkhu otiṇṇo vipariṇatena cittena mātugāmaṃ duṭṭhullāhi vācāhi obhāseyya yathā taṃ yuvā yuvatiṃ methunupasaṃhitāhi, saṅghādiseso’’ti.
285. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
285.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
од̇ин̣н̣о наама саарад̇д̇о абзгкаваа бадиб̣ад̣̇д̇хажид̇д̇о.
Otiṇṇo nāma sāratto apekkhavā paṭibaddhacitto.
вибарин̣ад̇анд̇и рад̇д̇амби жид̇д̇ам̣ вибарин̣ад̇ам̣, д̣̇удтамби жид̇д̇ам̣ вибарин̣ад̇ам̣ муул̣хамби жид̇д̇ам̣ вибарин̣ад̇ам̣. абижа, рад̇д̇ам̣ жид̇д̇ам̣ имасмим̣ ад̇т̇з ад̇хиббзд̇ам̣ вибарин̣ад̇анд̇и.
Vipariṇatanti rattampi cittaṃ vipariṇataṃ, duṭṭhampi cittaṃ vipariṇataṃ mūḷhampi cittaṃ vipariṇataṃ. Apica, rattaṃ cittaṃ imasmiṃ atthe adhippetaṃ vipariṇatanti.
маад̇уг̇аамо наама мануссид̇т̇ий, на яагкий, на бзд̇ий, на д̇иражчаанаг̇ад̇аа. вин̃н̃уу бадиб̣алаа субхаасид̇ад̣̇уб̣бхаасид̇ам̣ д̣̇удтуллаад̣̇удтуллам̣ ааж̇аанид̇ум̣.
Mātugāmo nāma manussitthī, na yakkhī, na petī, na tiracchānagatā. Viññū paṭibalā subhāsitadubbhāsitaṃ duṭṭhullāduṭṭhullaṃ ājānituṃ.
д̣̇удтуллаа наама ваажаа важжамаг̇г̇абассаавамаг̇г̇амзт̇унад̇хаммаббадисам̣яуд̇д̇аа ваажаа.
Duṭṭhullā nāma vācā vaccamaggapassāvamaggamethunadhammappaṭisaṃyuttā vācā.
обхаасзяяаад̇и аж̇жхаажааро вужжад̇и.
Obhāseyyāti ajjhācāro vuccati.
яат̇аа д̇ам̣ яуваа яувад̇инд̇и д̣̇ахаро д̣̇ахарим̣, д̇арун̣о д̇арун̣им̣, гаамабхог̇ий гаамабхог̇иним̣.
Yathā taṃ yuvā yuvatinti daharo dahariṃ, taruṇo taruṇiṃ, kāmabhogī kāmabhoginiṃ.
мзт̇унубасам̣хид̇аахийд̇и мзт̇унад̇хаммаббадисам̣яуд̇д̇аахи.
Methunupasaṃhitāhīti methunadhammappaṭisaṃyuttāhi.
сан̇гхаад̣̇исзсод̇и …бз… д̇знаби вужжад̇и сан̇гхаад̣̇исзсод̇и.
Saṅghādisesoti …pe… tenapi vuccati saṅghādisesoti.
д̣̇вз маг̇г̇з аад̣̇исса ван̣н̣амби бхан̣ад̇и, аван̣н̣амби бхан̣ад̇и, яаажад̇иби, ааяаажад̇иби, бужчад̇иби, бадибужчад̇иби, аажигкад̇иби, анусаасад̇иби, аггосад̇иби.
Dve magge ādissa vaṇṇampi bhaṇati, avaṇṇampi bhaṇati, yācatipi, āyācatipi, pucchatipi, paṭipucchatipi, ācikkhatipi, anusāsatipi, akkosatipi.
ван̣н̣ам̣ бхан̣ад̇и наама д̣̇вз маг̇г̇з т̇омзд̇и ван̣н̣зд̇и басам̣сад̇и.
Vaṇṇaṃ bhaṇati nāma dve magge thometi vaṇṇeti pasaṃsati.
аван̣н̣ам̣ бхан̣ад̇и наама д̣̇вз маг̇г̇з кум̣сзд̇и вамбхзд̇и г̇арахад̇и.
Avaṇṇaṃ bhaṇati nāma dve magge khuṃseti vambheti garahati.
яаажад̇и наама д̣̇зхи мз, арахаси мз д̣̇аад̇унд̇и.
Yācati nāma dehi me, arahasi me dātunti.
ааяаажад̇и наама гад̣̇аа д̇з маад̇аа басийд̣̇иссад̇и, гад̣̇аа д̇з бид̇аа басийд̣̇иссад̇и, гад̣̇аа д̇з д̣̇звад̇ааяо басийд̣̇иссанд̇и, гад̣̇аа 1 сукан̣о сулаяо сумухуд̇д̇о бхависсад̇и, гад̣̇аа д̇з мзт̇унам̣ д̇хаммам̣ лабхиссаамийд̇и.
Āyācati nāma kadā te mātā pasīdissati, kadā te pitā pasīdissati, kadā te devatāyo pasīdissanti, kadā 2 sukhaṇo sulayo sumuhutto bhavissati, kadā te methunaṃ dhammaṃ labhissāmīti.
бужчад̇и наама гат̇ам̣ д̇вам̣ саамигасса д̣̇зси, гат̇ам̣ ж̇аарасса д̣̇зсийд̇и?
Pucchati nāma kathaṃ tvaṃ sāmikassa desi, kathaṃ jārassa desīti?
бадибужчад̇и наама звам̣ гира д̇вам̣ саамигасса д̣̇зси, звам̣ ж̇аарасса д̣̇зсийд̇и.
Paṭipucchati nāma evaṃ kira tvaṃ sāmikassa desi, evaṃ jārassa desīti.
аажигкад̇и наама будто бхан̣ад̇и – ‘‘звам̣ д̣̇зхи. звам̣ д̣̇знд̇аа саамигасса бияаа бхависсаси манаабаа жаа’’д̇и.
Ācikkhati nāma puṭṭho bhaṇati – ‘‘evaṃ dehi. Evaṃ dentā sāmikassa piyā bhavissasi manāpā cā’’ti.
анусаасад̇и наама абудто бхан̣ад̇и – ‘‘звам̣ д̣̇зхи. звам̣ д̣̇знд̇аа саамигасса бияаа бхависсад̇и манаабаа жаа’’д̇и.
Anusāsati nāma apuṭṭho bhaṇati – ‘‘evaṃ dehi. Evaṃ dentā sāmikassa piyā bhavissati manāpā cā’’ti.
аггосад̇и наама анимид̇д̇ааси, нимид̇д̇амад̇д̇ааси, алохид̇ааси, д̇хувалохид̇ааси , д̇хуважол̣ааси, баг̇гхаранд̇ийси, сикаран̣ийси, ид̇т̇ибан̣д̣агааси, взбурисигааси, самбхиннааси, убхад̇об̣яан̃ж̇анаасийд̇и.
Akkosati nāma animittāsi, nimittamattāsi, alohitāsi, dhuvalohitāsi , dhuvacoḷāsi, paggharantīsi, sikharaṇīsi, itthipaṇḍakāsi, vepurisikāsi, sambhinnāsi, ubhatobyañjanāsīti.
286. ид̇т̇ий жа ход̇и ид̇т̇исан̃н̃ий саарад̇д̇о жа. бхигку жа нам̣ ид̇т̇ияаа важжамаг̇г̇ам̣ бассаавамаг̇г̇ам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и яаажад̇иби ааяаажад̇иби бужчад̇иби бадибужчад̇иби аажигкад̇иби анусаасад̇иби аггосад̇иби, аабад̇д̇и сан̇гхаад̣̇исзсасса…бз… .
286. Itthī ca hoti itthisaññī sāratto ca. Bhikkhu ca naṃ itthiyā vaccamaggaṃ passāvamaggaṃ ādissa vaṇṇampi bhaṇati avaṇṇampi bhaṇati yācatipi āyācatipi pucchatipi paṭipucchatipi ācikkhatipi anusāsatipi akkosatipi, āpatti saṅghādisesassa…pe… .
д̣̇вз ид̇т̇ияо д̣̇виннам̣ ид̇т̇ийнам̣ ид̇т̇исан̃н̃ий саарад̇д̇о жа. бхигку жа нам̣ д̣̇виннам̣ ид̇т̇ийнам̣ важжамаг̇г̇ам̣ бассаавамаг̇г̇ам̣ аад̣̇исса ван̣н̣амби бхан̣ад̇и аван̣н̣ам̣би бхан̣ад̇и…бз… аггосад̇иби, аабад̇д̇и д̣̇виннам̣ сан̇гхаад̣̇исзсаанам̣…бз… .
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ vaccamaggaṃ passāvamaggaṃ ādissa vaṇṇampi bhaṇati avaṇṇaṃpi bhaṇati…pe… akkosatipi, āpatti dvinnaṃ saṅghādisesānaṃ…pe… .
ид̇т̇ий жа бан̣д̣аго жа убхиннам̣ ид̇т̇исан̃н̃ий саарад̇д̇о жа. бхигку жа нам̣ убхиннам̣ важжамаг̇г̇ам̣ бассаавамаг̇г̇ам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и сан̇гхаад̣̇исзсзна д̣̇уггадасса…бз… .
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ vaccamaggaṃ passāvamaggaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti saṅghādisesena dukkaṭassa…pe… .
ид̇т̇ий жа ход̇и ид̇т̇исан̃н̃ий саарад̇д̇о жа. бхигку жа нам̣ ид̇т̇ияаа важжамаг̇г̇ам̣ бассаавамаг̇г̇ам̣ табзд̇ваа ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби , аабад̇д̇и т̇уллажжаяасса…бз….
Itthī ca hoti itthisaññī sāratto ca. Bhikkhu ca naṃ itthiyā vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇampi bhaṇati avaṇṇampi bhaṇati…pe… akkosatipi , āpatti thullaccayassa…pe….
д̣̇вз ид̇т̇ияо д̣̇виннам̣ ид̇т̇ийнам̣ ид̇т̇исан̃н̃ий саарад̇д̇о жа. бхигку жа нам̣ д̣̇виннам̣ ид̇т̇ийнам̣ важжамаг̇г̇ам̣ бассаавамаг̇г̇ам̣ табзд̇ваа ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и д̣̇виннам̣ т̇уллажжаяаанам̣…бз….
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti dvinnaṃ thullaccayānaṃ…pe….
ид̇т̇ий жа бан̣д̣аго жа убхиннам̣ ид̇т̇исан̃н̃ий саарад̇д̇о жа. бхигку жа нам̣ убхиннам̣ важжамаг̇г̇ам̣ бассаавамаг̇г̇ам̣ табзд̇ваа ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и т̇уллажжаязна д̣̇уггадасса…бз….
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti thullaccayena dukkaṭassa…pe….
ид̇т̇ий жа ход̇и ид̇т̇исан̃н̃ий саарад̇д̇о жа. бхигку жа нам̣ ид̇т̇ияаа уб̣бхагкагам̣ ад̇хож̇аан̣уман̣д̣алам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и д̣̇уггадасса…бз….
Itthī ca hoti itthisaññī sāratto ca. Bhikkhu ca naṃ itthiyā ubbhakkhakaṃ adhojāṇumaṇḍalaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti dukkaṭassa…pe….
д̣̇вз ид̇т̇ияо д̣̇виннам̣ ид̇т̇ийнам̣ ид̇т̇исан̃н̃ий саарад̇д̇о жа. бхигку жа нам̣ д̣̇виннам̣ ид̇т̇ийнам̣ уб̣бхагкагам̣ ад̇хож̇аан̣уман̣д̣алам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и д̣̇виннам̣ д̣̇уггадаанам̣…бз….
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ ubbhakkhakaṃ adhojāṇumaṇḍalaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti dvinnaṃ dukkaṭānaṃ…pe….
ид̇т̇ий жа бан̣д̣аго жа убхиннам̣ ид̇т̇исан̃н̃ий саарад̇д̇о жа. бхигку жа нам̣ убхиннам̣ уб̣бхагкагам̣ ад̇хож̇аан̣уман̣д̣алам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и д̣̇виннам̣ д̣̇уггадаанам̣…бз….
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ ubbhakkhakaṃ adhojāṇumaṇḍalaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti dvinnaṃ dukkaṭānaṃ…pe….
ид̇т̇ий жа ход̇и ид̇т̇исан̃н̃ий саарад̇д̇о жа. бхигку жа нам̣ ид̇т̇ияаа гааяабадиб̣ад̣̇д̇хам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и д̣̇уггадасса…бз….
Itthī ca hoti itthisaññī sāratto ca. Bhikkhu ca naṃ itthiyā kāyapaṭibaddhaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti dukkaṭassa…pe….
д̣̇вз ид̇т̇ияо д̣̇виннам̣ ид̇т̇ийнам̣ ид̇т̇исан̃н̃ий саарад̇д̇о жа. бхигку жа нам̣ д̣̇виннам̣ ид̇т̇ийнам̣ гааяабадиб̣ад̣̇д̇хам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и д̣̇виннам̣ д̣̇уггадаанам̣…бз….
Dve itthiyo dvinnaṃ itthīnaṃ itthisaññī sāratto ca. Bhikkhu ca naṃ dvinnaṃ itthīnaṃ kāyapaṭibaddhaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti dvinnaṃ dukkaṭānaṃ…pe….
ид̇т̇ий жа бан̣д̣аго жа убхиннам̣ ид̇т̇исан̃н̃ий саарад̇д̇о жа. бхигку жа нам̣ убхиннам̣ гааяабадиб̣ад̣̇д̇хам̣ аад̣̇исса ван̣н̣амби бхан̣ад̇и аван̣н̣амби бхан̣ад̇и…бз… аггосад̇иби, аабад̇д̇и д̣̇виннам̣ д̣̇уггадаанам̣…бз….
Itthī ca paṇḍako ca ubhinnaṃ itthisaññī sāratto ca. Bhikkhu ca naṃ ubhinnaṃ kāyapaṭibaddhaṃ ādissa vaṇṇampi bhaṇati avaṇṇampi bhaṇati…pe… akkosatipi, āpatti dvinnaṃ dukkaṭānaṃ…pe….
287. анаабад̇д̇и ад̇т̇абурзгкаарасса, д̇хаммабурзгкаарасса, анусаасанибурзгкаарасса, уммад̇д̇агасса, аад̣̇игаммигассаад̇и.
287. Anāpatti atthapurekkhārassa, dhammapurekkhārassa, anusāsanipurekkhārassa, ummattakassa, ādikammikassāti.
винийд̇авад̇т̇ууд̣̇д̣̇аанаг̇аат̇аа
Vinītavatthuuddānagāthā
лохид̇ам̣ гаггасаагин̣н̣ам̣, карам̣ д̣̇ийгхан̃жа ваабид̇ам̣;
Lohitaṃ kakkasākiṇṇaṃ, kharaṃ dīghañca vāpitaṃ;
гажжи сам̣сийд̣̇ад̇и маг̇г̇о, сад̣̇д̇хаа д̣̇аанзна гаммунаад̇и.
Kacci saṃsīdati maggo, saddhā dānena kammunāti.
винийд̇авад̇т̇у
Vinītavatthu
288. д̇зна ко бана самаязна ан̃н̃ад̇араа ид̇т̇ий наварад̇д̇ам̣ гамб̣алам̣ бааруд̇аа ход̇и. ан̃н̃ад̇аро бхигку саарад̇д̇о д̇ам̣ ид̇т̇им̣ зд̇ад̣̇авожа – ‘‘лохид̇ам̣ ко д̇з, бхаг̇иний’’д̇и. саа на бадивиж̇аани. ‘‘аамааяяа, наварад̇д̇о гамб̣ало’’д̇и. д̇асса гуггужжам̣ ахоси ‘‘бхаг̇авад̇аа сигкаабад̣̇ам̣ бан̃н̃ад̇д̇ам̣, гажжи ну ко ахам̣ сан̇гхаад̣̇исзсам̣ аабад̇д̇им̣ аабанно’’д̇и? бхаг̇авад̇о зд̇амад̇т̇ам̣ аарожзси. ‘‘анаабад̇д̇и, бхигку, сан̇гхаад̣̇исзсасса; аабад̇д̇и д̣̇уггадассаа’’д̇и.
288. Tena kho pana samayena aññatarā itthī navarattaṃ kambalaṃ pārutā hoti. Aññataro bhikkhu sāratto taṃ itthiṃ etadavoca – ‘‘lohitaṃ kho te, bhaginī’’ti. Sā na paṭivijāni. ‘‘Āmāyya, navaratto kambalo’’ti. Tassa kukkuccaṃ ahosi ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti dukkaṭassā’’ti.
д̇зна ко бана самаязна ан̃н̃ад̇араа ид̇т̇ий карагамб̣алам̣ бааруд̇аа ход̇и. ан̃н̃ад̇аро бхигку саарад̇д̇о д̇ам̣ ид̇т̇им̣ зд̇ад̣̇авожа – ‘‘гаггасаломам̣ ко д̇з, бхаг̇иний’’д̇и. саа на бадивиж̇аани. ‘‘аамааяяа, карагамб̣алаго’’д̇и. д̇асса гуггужжам̣ ахоси…бз… ‘‘анаабад̇д̇и, бхигку, сан̇гхаад̣̇исзсасса; аабад̇д̇и д̣̇уггадассаа’’д̇и.
Tena kho pana samayena aññatarā itthī kharakambalaṃ pārutā hoti. Aññataro bhikkhu sāratto taṃ itthiṃ etadavoca – ‘‘kakkasalomaṃ kho te, bhaginī’’ti. Sā na paṭivijāni. ‘‘Āmāyya, kharakambalako’’ti. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
д̇зна ко бана самаязна ан̃н̃ад̇араа ид̇т̇ий наваавуд̇ам̣ гамб̣алам̣ бааруд̇аа ход̇и. ан̃н̃ад̇аро бхигку саарад̇д̇о д̇ам̣ ид̇т̇им̣ зд̇ад̣̇авожа – ‘‘аагин̣н̣аломам̣ ко д̇з, бхаг̇иний’’д̇и. саа на бадивиж̇аани. ‘‘аамааяяа, наваавуд̇о гамб̣ало’’д̇и. д̇асса гуггужжам̣ ахоси…бз… ‘‘анаабад̇д̇и, бхигку, сан̇гхаад̣̇исзсасса; аабад̇д̇и д̣̇уггадассаа’’д̇и.
Tena kho pana samayena aññatarā itthī navāvutaṃ kambalaṃ pārutā hoti. Aññataro bhikkhu sāratto taṃ itthiṃ etadavoca – ‘‘ākiṇṇalomaṃ kho te, bhaginī’’ti. Sā na paṭivijāni. ‘‘Āmāyya, navāvuto kambalo’’ti. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
д̇зна ко бана самаязна ан̃н̃ад̇араа ид̇т̇ий карагамб̣алам̣ бааруд̇аа ход̇и. ан̃н̃ад̇аро бхигку саарад̇д̇о д̇ам̣ ид̇т̇им̣ зд̇ад̣̇авожа – ‘‘караломам̣ ко д̇з, бхаг̇иний’’д̇и. саа на бадивиж̇аани. ‘‘аамааяяа, карагамб̣алаго’’д̇и. д̇асса гуггужжам̣ ахоси…бз… ‘‘анаабад̇д̇и, бхигку, сан̇гхаад̣̇исзсасса; аабад̇д̇и д̣̇уггадассаа’’д̇и.
Tena kho pana samayena aññatarā itthī kharakambalaṃ pārutā hoti. Aññataro bhikkhu sāratto taṃ itthiṃ etadavoca – ‘‘kharalomaṃ kho te, bhaginī’’ti. Sā na paṭivijāni. ‘‘Āmāyya, kharakambalako’’ti. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
д̇зна ко бана самаязна ан̃н̃ад̇араа ид̇т̇ий бааваарам̣ 3 бааруд̇аа ход̇и. ан̃н̃ад̇аро бхигку саарад̇д̇о д̇ам̣ ид̇т̇им̣ зд̇ад̣̇авожа – ‘‘д̣̇ийгхаломам̣ ко д̇з, бхаг̇иний’’д̇и. саа на бадивиж̇аани. ‘‘аамааяяа, баавааро’’ 4 д̇и. д̇асса гуггужжам̣ ахоси…бз… ‘‘анаабад̇д̇и, бхигку, сан̇гхаад̣̇исзсасса; аабад̇д̇и д̣̇уггадассаа’’д̇и.
289. д̇зна ко бана самаязна ан̃н̃ад̇араа ид̇т̇ий кзд̇д̇ам̣ вабаабзд̇ваа ааг̇ажчад̇и. ан̃н̃ад̇аро бхигку саарад̇д̇о д̇ам̣ ид̇т̇им̣ зд̇ад̣̇авожа – ‘‘ваабид̇ам̣ ко д̇з, бхаг̇иний’’д̇и? саа на бадивиж̇аани. ‘‘аамааяяа, но жа ко бадивуд̇д̇а’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, сан̇гхаад̣̇исзсасса; аабад̇д̇и д̣̇уггадассаа’’д̇и.
289. Tena kho pana samayena aññatarā itthī khettaṃ vapāpetvā āgacchati. Aññataro bhikkhu sāratto taṃ itthiṃ etadavoca – ‘‘vāpitaṃ kho te, bhaginī’’ti? Sā na paṭivijāni. ‘‘Āmāyya, no ca kho paṭivutta’’nti. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
д̇зна ко бана самаязна ан̃н̃ад̇аро бхигку бариб̣б̣ааж̇игам̣ бадибат̇з бассид̇ваа саарад̇д̇о д̇ам̣ бариб̣б̣ааж̇игам̣ зд̇ад̣̇авожа – ‘‘гажжи, бхаг̇ини, маг̇г̇о сам̣сийд̣̇ад̇ий’’д̇и? саа на бадивиж̇аани. ‘‘аама бхигку, бадибаж̇ж̇иссасий’’д̇и . д̇асса гуггужжам̣ ахоси…бз… ‘‘анаабад̇д̇и, бхигку, сан̇гхаад̣̇исзсасса; аабад̇д̇и т̇уллажжаяассаа’’д̇и.
Tena kho pana samayena aññataro bhikkhu paribbājikaṃ paṭipathe passitvā sāratto taṃ paribbājikaṃ etadavoca – ‘‘kacci, bhagini, maggo saṃsīdatī’’ti? Sā na paṭivijāni. ‘‘Āma bhikkhu, paṭipajjissasī’’ti . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
д̇зна ко бана самаязна ан̃н̃ад̇аро бхигку саарад̇д̇о ан̃н̃ад̇арам̣ ид̇т̇им̣ зд̇ад̣̇авожа – ‘‘сад̣̇д̇хааси д̇вам̣, бхаг̇ини. абижа, яам̣ саамигасса д̣̇зси д̇ам̣ наамхаагам̣ д̣̇зсий’’д̇и . ‘‘гим̣, бханд̇з’’д̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Tena kho pana samayena aññataro bhikkhu sāratto aññataraṃ itthiṃ etadavoca – ‘‘saddhāsi tvaṃ, bhagini. Apica, yaṃ sāmikassa desi taṃ nāmhākaṃ desī’’ti . ‘‘Kiṃ, bhante’’ti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇аро бхигку саарад̇д̇о ан̃н̃ад̇арам̣ ид̇т̇им̣ зд̇ад̣̇авожа – ‘‘сад̣̇д̇хааси д̇вам̣, бхаг̇ини. абижа, яам̣ аг̇г̇ад̣̇аанам̣ д̇ам̣ наамхаагам̣ д̣̇зсий’’д̇и. ‘‘гим̣, бханд̇з, аг̇г̇ад̣̇аана’’нд̇и? ‘‘мзт̇унад̇хамма’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно сан̇гхаад̣̇исзса’’нд̇и.
Tena kho pana samayena aññataro bhikkhu sāratto aññataraṃ itthiṃ etadavoca – ‘‘saddhāsi tvaṃ, bhagini. Apica, yaṃ aggadānaṃ taṃ nāmhākaṃ desī’’ti. ‘‘Kiṃ, bhante, aggadāna’’nti? ‘‘Methunadhamma’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
д̇зна ко бана самаязна ан̃н̃ад̇араа ид̇т̇ий гаммам̣ гарод̇и. ан̃н̃ад̇аро бхигку саарад̇д̇о д̇ам̣ ид̇т̇им̣ зд̇ад̣̇авожа – ‘‘д̇идта, бхаг̇ини, ахам̣ гариссаамийд̇и…бз… нисийд̣̇а, бхаг̇ини, ахам̣ гариссаамийд̇и…бз… нибаж̇ж̇а, бхаг̇ини, ахам̣ гариссаамий’’д̇и. саа на бадивиж̇аани. д̇асса гуггужжам̣ ахоси…бз… ‘‘анаабад̇д̇и, бхигку, сан̇гхаад̣̇исзсасса; аабад̇д̇и д̣̇уггадассаа’’д̇и.
Tena kho pana samayena aññatarā itthī kammaṃ karoti. Aññataro bhikkhu sāratto taṃ itthiṃ etadavoca – ‘‘tiṭṭha, bhagini, ahaṃ karissāmīti…pe… nisīda, bhagini, ahaṃ karissāmīti…pe… nipajja, bhagini, ahaṃ karissāmī’’ti. Sā na paṭivijāni. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti dukkaṭassā’’ti.
д̣̇удтуллаваажаасигкаабад̣̇ам̣ нидтид̇ам̣ д̇ад̇ияам̣.
Duṭṭhullavācāsikkhāpadaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
