| Library / Tipiṭaka / திபிடக • Tipiṭaka / கங்கா²விதரணீ-புராண-டீகா • Kaṅkhāvitaraṇī-purāṇa-ṭīkā |
3. து³ட்டு²ல்லவாசாஸிக்கா²பத³வண்ணனா
3. Duṭṭhullavācāsikkhāpadavaṇṇanā
‘‘கதா³ தே மாதா பஸீதி³ஸ்ஸதீ’’தி ஆயாசனங் து³ட்டு²ல்லவாசாய ஸிகா²பத்தலக்க²ணத³ஸ்ஸனத்த²ங் வுத்தங், ந மேது²னுபஸங்ஹிதேயேவ து³ட்டு²ல்லவாசாதி த³ஸ்ஸனத்த²ங். ‘‘உப⁴தொப்³யஞ்ஜனகாஸீ’’தி வசனங் பன புரிஸனிமித்தேன அஸங்கா⁴தி³ஸேஸவத்து²னா மிஸ்ஸவசனங், புரிஸஉப⁴தொப்³யஞ்ஜனகஸ்ஸ ச இத்தி²னிமித்தங் படிச்ச²ன்னங், இதரங் பாகடங். யதி³ தம்பி ஜனேதி, கத²ங் ‘அனிமித்தாஸீ’திஆதீ³னி பதா³னி ந ஸங்கா⁴தி³ஸேஸங் ஜனெந்தீ’’தி ஏகே, தங் ந யுத்தங் புரிஸஸ்ஸாபி நிமித்தாதி⁴வசனத்தா. ‘‘மேது²னுபஸங்ஹிதாஹி ஸங்கா⁴தி³ஸேஸோ’’தி (பாரா॰ 248) மாதிகாயங் லக்க²ணஸ்ஸ வுத்தத்தா ச மேது²னுபஸங்ஹிதாஹி ஓபா⁴ஸனே படிவிஜானந்தியா ஸங்கா⁴தி³ஸேஸோ, அப்படிவிஜானந்தியா து²ல்லச்சயங், இதரேஹி ஓபா⁴ஸனே படிவிஜானந்தியா து²ல்லச்சயங், அப்படிவிஜானந்தியா து³க்கடந்தி ஏகே, விசாரெத்வா க³ஹேதப்³ப³ங். எத்தா²ஹ – ‘‘ஸிக²ரணீ’’திஆதீ³ஹி அக்கோஸந்தஸ்ஸ படிக⁴சித்தங் உப்பஜ்ஜதி, கஸ்மா ‘‘திவேத³ன’’ந்தி அவத்வா ‘‘த்³விவேத³ன’’ந்தி வுத்தந்தி? ராக³வஸேன அயங் ஆபத்தி, ந படிக⁴வஸேன. தஸ்மா ராக³வஸேனேவ பவத்தோ அக்கோஸோ இத⁴ அதி⁴ப்பேதோ. தஸ்மா ‘‘த்³விவேத³ன’’ந்தி வசனங் ஸுவுத்தமேவ.
‘‘Kadā te mātā pasīdissatī’’ti āyācanaṃ duṭṭhullavācāya sikhāpattalakkhaṇadassanatthaṃ vuttaṃ, na methunupasaṃhiteyeva duṭṭhullavācāti dassanatthaṃ. ‘‘Ubhatobyañjanakāsī’’ti vacanaṃ pana purisanimittena asaṅghādisesavatthunā missavacanaṃ, purisaubhatobyañjanakassa ca itthinimittaṃ paṭicchannaṃ, itaraṃ pākaṭaṃ. Yadi tampi janeti, kathaṃ ‘animittāsī’tiādīni padāni na saṅghādisesaṃ janentī’’ti eke, taṃ na yuttaṃ purisassāpi nimittādhivacanattā. ‘‘Methunupasaṃhitāhi saṅghādiseso’’ti (pārā. 248) mātikāyaṃ lakkhaṇassa vuttattā ca methunupasaṃhitāhi obhāsane paṭivijānantiyā saṅghādiseso, appaṭivijānantiyā thullaccayaṃ, itarehi obhāsane paṭivijānantiyā thullaccayaṃ, appaṭivijānantiyā dukkaṭanti eke, vicāretvā gahetabbaṃ. Etthāha – ‘‘sikharaṇī’’tiādīhi akkosantassa paṭighacittaṃ uppajjati, kasmā ‘‘tivedana’’nti avatvā ‘‘dvivedana’’nti vuttanti? Rāgavasena ayaṃ āpatti, na paṭighavasena. Tasmā rāgavaseneva pavatto akkoso idha adhippeto. Tasmā ‘‘dvivedana’’nti vacanaṃ suvuttameva.
து³ட்டு²ல்லவாசாஸிக்கா²பத³வண்ணனா நிட்டி²தா.
Duṭṭhullavācāsikkhāpadavaṇṇanā niṭṭhitā.
