| Library / Tipiṭaka / д̇ибидага • Tipiṭaka / ган̇каавид̇аран̣ий-бураан̣а-дийгаа • Kaṅkhāvitaraṇī-purāṇa-ṭīkā |
3. д̣̇удтуллаваажаасигкаабад̣̇аван̣н̣анаа
3. Duṭṭhullavācāsikkhāpadavaṇṇanā
‘‘гад̣̇аа д̇з маад̇аа басийд̣̇иссад̇ий’’д̇и ааяаажанам̣ д̣̇удтуллаваажааяа сикаабад̇д̇алагкан̣ад̣̇ассанад̇т̇ам̣ вуд̇д̇ам̣, на мзт̇унубасам̣хид̇зязва д̣̇удтуллаваажаад̇и д̣̇ассанад̇т̇ам̣. ‘‘убхад̇об̣яан̃ж̇анагаасий’’д̇и важанам̣ бана бурисанимид̇д̇зна асан̇гхаад̣̇исзсавад̇т̇унаа миссаважанам̣, бурисаубхад̇об̣яан̃ж̇анагасса жа ид̇т̇инимид̇д̇ам̣ бадижчаннам̣, ид̇арам̣ баагадам̣. яад̣̇и д̇амби ж̇анзд̇и, гат̇ам̣ ‘анимид̇д̇аасий’д̇иаад̣̇ийни бад̣̇аани на сан̇гхаад̣̇исзсам̣ ж̇анзнд̇ий’’д̇и згз, д̇ам̣ на яуд̇д̇ам̣ бурисассааби нимид̇д̇аад̇хиважанад̇д̇аа. ‘‘мзт̇унубасам̣хид̇аахи сан̇гхаад̣̇исзсо’’д̇и (баараа. 248) маад̇игааяам̣ лагкан̣асса вуд̇д̇ад̇д̇аа жа мзт̇унубасам̣хид̇аахи обхаасанз бадивиж̇аананд̇ияаа сан̇гхаад̣̇исзсо, аббадивиж̇аананд̇ияаа т̇уллажжаяам̣, ид̇арзхи обхаасанз бадивиж̇аананд̇ияаа т̇уллажжаяам̣, аббадивиж̇аананд̇ияаа д̣̇уггаданд̇и згз, вижаарзд̇ваа г̇ахзд̇аб̣б̣ам̣. зд̇т̇ааха – ‘‘сикаран̣ий’’д̇иаад̣̇ийхи аггосанд̇асса бадигхажид̇д̇ам̣ уббаж̇ж̇ад̇и, гасмаа ‘‘д̇ивзд̣̇ана’’нд̇и авад̇ваа ‘‘д̣̇вивзд̣̇ана’’нд̇и вуд̇д̇анд̇и? рааг̇авасзна аяам̣ аабад̇д̇и, на бадигхавасзна. д̇асмаа рааг̇авасзнзва бавад̇д̇о аггосо ид̇ха ад̇хиббзд̇о. д̇асмаа ‘‘д̣̇вивзд̣̇ана’’нд̇и важанам̣ сувуд̇д̇амзва.
‘‘Kadā te mātā pasīdissatī’’ti āyācanaṃ duṭṭhullavācāya sikhāpattalakkhaṇadassanatthaṃ vuttaṃ, na methunupasaṃhiteyeva duṭṭhullavācāti dassanatthaṃ. ‘‘Ubhatobyañjanakāsī’’ti vacanaṃ pana purisanimittena asaṅghādisesavatthunā missavacanaṃ, purisaubhatobyañjanakassa ca itthinimittaṃ paṭicchannaṃ, itaraṃ pākaṭaṃ. Yadi tampi janeti, kathaṃ ‘animittāsī’tiādīni padāni na saṅghādisesaṃ janentī’’ti eke, taṃ na yuttaṃ purisassāpi nimittādhivacanattā. ‘‘Methunupasaṃhitāhi saṅghādiseso’’ti (pārā. 248) mātikāyaṃ lakkhaṇassa vuttattā ca methunupasaṃhitāhi obhāsane paṭivijānantiyā saṅghādiseso, appaṭivijānantiyā thullaccayaṃ, itarehi obhāsane paṭivijānantiyā thullaccayaṃ, appaṭivijānantiyā dukkaṭanti eke, vicāretvā gahetabbaṃ. Etthāha – ‘‘sikharaṇī’’tiādīhi akkosantassa paṭighacittaṃ uppajjati, kasmā ‘‘tivedana’’nti avatvā ‘‘dvivedana’’nti vuttanti? Rāgavasena ayaṃ āpatti, na paṭighavasena. Tasmā rāgavaseneva pavatto akkoso idha adhippeto. Tasmā ‘‘dvivedana’’nti vacanaṃ suvuttameva.
д̣̇удтуллаваажаасигкаабад̣̇аван̣н̣анаа нидтид̇аа.
Duṭṭhullavācāsikkhāpadavaṇṇanā niṭṭhitā.
