| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
3. д̣̇удтуллаваажаасигкаабад̣̇аван̣н̣анаа
3. Duṭṭhullavācāsikkhāpadavaṇṇanā
283. д̇ад̇ияз уд̇д̇арабад̣̇алобзна чиннаод̇д̇аббаа ‘‘чиннигаа’’д̇и вуд̇д̇аад̇и ааха ‘‘чиннигаад̇и чиннаод̇аббаа’’д̇и.
283. Tatiye uttarapadalopena chinnaottappā ‘‘chinnikā’’ti vuttāti āha ‘‘chinnikāti chinnaotappā’’ti.
285. яат̇аа яуваа яувад̇инд̇и зд̇зна обхаасанз нираасан̇габхаавам̣ д̣̇ассзд̇и. мзт̇унубасан̃хид̇аахийд̇и ид̣̇ам̣ д̣̇удтуллаваажааяа сикааббад̇д̇алагкан̣ад̣̇ассанам̣. ид̇т̇илагкан̣знаад̇и вуд̇д̇амад̇т̇ам̣ виварид̇ум̣ ‘‘субхалагкан̣знаа’’д̇и вуд̇д̇ам̣. на д̇аава сийсам̣ зд̇ийд̇и ‘‘ид̇т̇илагкан̣зна саманнааг̇ад̇аасий’’д̇иаад̣̇инаа ван̣н̣абхан̣анам̣ сан̇гхаад̣̇исзсаабад̇д̇иж̇анагам̣ худ̇ваа мад̇т̇агам̣ на баабун̣аад̇и. ван̣н̣абхан̣анан̃хи язнаагаарзна бхан̣анд̇асса сан̇гхаад̣̇исзсо ход̇и, д̇знаагаарзна бхан̣анд̇асса сикааббад̇д̇ам̣ наама ход̇и. ‘‘ид̇т̇илагкан̣зна саманнааг̇ад̇аасийд̇иаад̣̇игам̣ бана д̣̇удтуллаваажассаад̣̇арааг̇авасзна бхан̣анд̇асса д̣̇уггада’’нд̇и г̇ан̣тибад̣̇зсу вуд̇д̇ам̣.
285.Yathā yuvā yuvatinti etena obhāsane nirāsaṅkabhāvaṃ dasseti. Methunupasañhitāhīti idaṃ duṭṭhullavācāya sikhāppattalakkhaṇadassanaṃ. Itthilakkhaṇenāti vuttamatthaṃ vivarituṃ ‘‘subhalakkhaṇenā’’ti vuttaṃ. Na tāva sīsaṃ etīti ‘‘itthilakkhaṇena samannāgatāsī’’tiādinā vaṇṇabhaṇanaṃ saṅghādisesāpattijanakaṃ hutvā matthakaṃ na pāpuṇāti. Vaṇṇabhaṇanañhi yenākārena bhaṇantassa saṅghādiseso hoti, tenākārena bhaṇantassa sikhāppattaṃ nāma hoti. ‘‘Itthilakkhaṇena samannāgatāsītiādikaṃ pana duṭṭhullavācassādarāgavasena bhaṇantassa dukkaṭa’’nti gaṇṭhipadesu vuttaṃ.
згаад̣̇асахи бад̣̇зхи агхадид̇з сийсам̣ на зд̇ийд̇и ‘‘анимид̇д̇аасий’’д̇иаад̣̇ийхи згаад̣̇асахи бад̣̇зхи агхадид̇з аван̣н̣абхан̣анам̣ сийсам̣ на зд̇и, аван̣н̣абхан̣анам̣ наама на ход̇ийд̇и вуд̇д̇ам̣ ход̇и. гхадид̇збийд̇и згаад̣̇асахи бад̣̇зхи аван̣н̣абхан̣анз гхадид̇зби. имзхи д̇ийхи гхадид̇зязва сан̇гхаад̣̇исзсод̇и ‘‘сикаран̣ий’’д̇иаад̣̇ийхи д̇ийхиязва бад̣̇зхи аван̣н̣абхан̣анз гхадид̇зязва сан̇гхаад̣̇исзсо бассаавамаг̇г̇асса нияад̇аважанад̇д̇аа ажжол̣ааригад̇д̇аа жа. анимид̇д̇аасийд̇иаад̣̇ийхи бана адтахи бад̣̇зхи гхадид̇з гзвалам̣ аван̣н̣абхан̣анамзва самбаж̇ж̇ад̇и, на сан̇гхаад̣̇исзсо, д̇асмаа д̇аани т̇уллажжаяавад̇т̇уунийд̇и гзжи. аггосанамад̇д̇ад̇д̇аа д̣̇уггадавад̇т̇уунийд̇и абарз. бариб̣б̣ааж̇игаавад̇т̇усмим̣ вияа т̇уллажжаяамзвзд̇т̇а яуд̇д̇ад̇арам̣ д̣̇иссад̇и. гун̃жигабан̣аалимад̇д̇анд̇и гун̃жигаачид̣̇д̣̇амад̇д̇ам̣.
Ekādasahi padehi aghaṭite sīsaṃ na etīti ‘‘animittāsī’’tiādīhi ekādasahi padehi aghaṭite avaṇṇabhaṇanaṃ sīsaṃ na eti, avaṇṇabhaṇanaṃ nāma na hotīti vuttaṃ hoti. Ghaṭitepīti ekādasahi padehi avaṇṇabhaṇane ghaṭitepi. Imehi tīhi ghaṭiteyeva saṅghādisesoti ‘‘sikharaṇī’’tiādīhi tīhiyeva padehi avaṇṇabhaṇane ghaṭiteyeva saṅghādiseso passāvamaggassa niyatavacanattā accoḷārikattā ca. Animittāsītiādīhi pana aṭṭhahi padehi ghaṭite kevalaṃ avaṇṇabhaṇanameva sampajjati, na saṅghādiseso, tasmā tāni thullaccayavatthūnīti keci. Akkosanamattattā dukkaṭavatthūnīti apare. Paribbājikāvatthusmiṃ viya thullaccayamevettha yuttataraṃ dissati. Kuñcikapaṇālimattanti kuñcikāchiddamattaṃ.
286-287. г̇аругаабад̇д̇инд̇и бхигкунияаа гааяасам̣саг̇г̇з баарааж̇игаабад̇д̇им̣ санд̇хааяа вад̣̇ад̇и. хасанд̇о хасанд̇од̇и сабхаавад̣̇ассанад̇т̇ам̣ вуд̇д̇ам̣. ахасанд̇оби ваажассаад̣̇арааг̇зна бунаббунам̣ вад̣̇ад̇и, аабад̇д̇иязва. гааяажид̇д̇ад̇од̇и хад̇т̇амуд̣̇д̣̇ааяа обхаасанд̇асса гааяажид̇д̇ад̇о самудтаад̇и.
286-287.Garukāpattinti bhikkhuniyā kāyasaṃsagge pārājikāpattiṃ sandhāya vadati. Hasanto hasantoti sabhāvadassanatthaṃ vuttaṃ. Ahasantopi vācassādarāgena punappunaṃ vadati, āpattiyeva. Kāyacittatoti hatthamuddāya obhāsantassa kāyacittato samuṭṭhāti.
288. д̇асмаа д̣̇уггаданд̇и аббадивиж̇аананахзд̇у д̣̇уггадам̣, бадивиж̇аананд̇ияаа бана акзд̇д̇абад̣̇ад̇д̇аа т̇уллажжаязна бхавид̇аб̣б̣ам̣. д̇знзва бариб̣б̣ааж̇игаавад̇т̇усмим̣ бадивиж̇аананд̇ияаа т̇уллажжаяам̣ вагкад̇и.
288.Tasmā dukkaṭanti appaṭivijānanahetu dukkaṭaṃ, paṭivijānantiyā pana akhettapadattā thullaccayena bhavitabbaṃ. Teneva paribbājikāvatthusmiṃ paṭivijānantiyā thullaccayaṃ vakkhati.
289. асад̣̇д̇хаммам̣ санд̇хааяаахаад̇и ‘‘ваабид̇а’’нд̇и имасса б̣ийж̇анигкзбаважанад̇д̇аа вуд̇д̇ам̣. сам̣сийд̣̇ад̇ийд̇и вахад̇и бавад̇д̇ад̇и. ат̇а ваа сам̣сийд̣̇ад̇ийд̇и сам̣сийд̣̇иссад̇и. мануссид̇т̇ий, ид̇т̇исан̃н̃ид̇аа, д̣̇удтуллаваажассаад̣̇арааг̇о, д̇зна рааг̇зна обхаасанам̣, д̇ан̇кан̣авиж̇аанананд̇и имаанзд̇т̇а бан̃жа ан̇г̇аани.
289.Asaddhammaṃsandhāyāhāti ‘‘vāpita’’nti imassa bījanikkhepavacanattā vuttaṃ. Saṃsīdatīti vahati pavattati. Atha vā saṃsīdatīti saṃsīdissati. Manussitthī, itthisaññitā, duṭṭhullavācassādarāgo, tena rāgena obhāsanaṃ, taṅkhaṇavijānananti imānettha pañca aṅgāni.
д̣̇удтуллаваажаасигкаабад̣̇аван̣н̣анаа нидтид̇аа.
Duṭṭhullavācāsikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̣̇удтуллаваажаасигкаабад̣̇ам̣ • 3. Duṭṭhullavācāsikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
