| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
3. д̣̇удтуллаваажаасигкаабад̣̇аван̣н̣анаа
3. Duṭṭhullavācāsikkhāpadavaṇṇanā
283. д̇ад̇ияз д̇аяо сан̇гхаад̣̇исзсаваараа д̇аяо т̇уллажжаяаваараа д̇аяо д̣̇уггадаваараа д̇аяо гааяабадиб̣ад̣̇д̇хаваараад̇и д̣̇ваад̣̇аса ваараа саруубзна ааг̇ад̇аа. д̇ад̇т̇а д̇аяо сан̇гхаад̣̇исзсаваараа д̣̇уд̇ияасигкаабад̣̇з вуд̇д̇аад̇и д̇ин̣н̣ам̣ вийсад̇игаанам̣ згзгамуулаа ваараад̇и взд̣̇ид̇аб̣б̣аа, д̇асмаа ид̇ха висзсаад̇и бан̣н̣ааса ваараа сам̣кид̇д̇аа хонд̇и, ан̃н̃ат̇аа ид̇т̇ий жа ход̇и взмад̇иго саарад̇д̇о жа, бхигку жа нам̣ ид̇т̇ияаа важжамаг̇г̇ам̣ бассаавамаг̇г̇ам̣ аад̣̇исса ван̣н̣амби бхан̣ад̇и…бз… аабад̇д̇и т̇уллажжаяасса. ид̇т̇ий жа ход̇и бан̣д̣агабурисасан̃н̃ий д̇иражчаанаг̇ад̇асан̃н̃ий саарад̇д̇о жа, бхигку жа нам̣ ид̇т̇ияаа важжамаг̇г̇ам̣ бассаавамаг̇г̇ам̣ аад̣̇исса ван̣н̣амби бхан̣ад̇и аггосад̇иби, аабад̇д̇и т̇уллажжаяасса. бан̣д̣аго жа ход̇и бан̣д̣агасан̃н̃ий саарад̇д̇о жа, бхигку жа нам̣ бан̣д̣агасса важжамаг̇г̇ам̣ аад̣̇исса ван̣н̣амби бхан̣ад̇и, аабад̇д̇и т̇уллажжаяассаад̇и звамаад̣̇ийнам̣ аабад̇д̇идтаанаанам̣ анаабад̇д̇идтаанад̇аа аабаж̇ж̇зяяа, на жаабаж̇ж̇ад̇и, бан̣д̣агз ид̇т̇исан̃н̃исса д̣̇уггаданд̇и д̣̇ийбзд̇ум̣ ‘‘ид̇т̇ий жа бан̣д̣аго жа убхиннам̣ ид̇т̇исан̃н̃ий аабад̇д̇и сан̇гхаад̣̇исзсзна д̣̇уггадассаа’’д̇и вуд̇д̇ад̇д̇аа ‘‘бан̣д̣агз бан̣д̣агасан̃н̃исса т̇уллажжаяа’’нд̇и вуд̇д̇амзва ход̇и, д̇асмаа саб̣б̣ад̇т̇а сам̣кид̇д̇аваарзсу т̇уллажжаяадтаанз т̇уллажжаяам̣, д̣̇уггададтаанз д̣̇уггадамби вуд̇д̇амзва ход̇ийд̇и взд̣̇ид̇аб̣б̣ам̣. д̇ат̇аа ‘‘ид̇т̇ий жа ход̇и взмад̇иго саарад̇д̇о жа, бхигку жа нам̣ ид̇т̇ияаа важжамаг̇г̇ам̣ бассаавамаг̇г̇ам̣ табзд̇ваа ад̇хагкагам̣ уб̣бхаж̇аан̣уман̣д̣алам̣ аад̣̇исса ван̣н̣амби бхан̣ад̇и…бз… т̇уллажжаяассаа’’д̇иаад̣̇инаа наязна т̇уллажжаяакзд̇д̇зби яат̇аасамбхавам̣ уд̣̇д̇харид̇аб̣б̣аа. д̇ат̇аа ‘‘ид̇т̇ий жа ход̇и взмад̇иго саарад̇д̇о жа, бхигку жа нам̣ ид̇т̇ияаа гааяабадиб̣ад̣̇д̇хам̣ аад̣̇исса ван̣н̣амби бхан̣ад̇и…бз… д̣̇уггадассаа’’д̇иаад̣̇инаа наязна гааяабадиб̣ад̣̇д̇хаваарааби яат̇аасамбхавам̣ уд̣̇д̇харид̇аб̣б̣аа. гааяаббадиб̣ад̣̇д̇хаваарад̇д̇игам̣ вияа ниссаг̇г̇ияаваарад̇д̇игам̣ лаб̣бхамаанамби аабад̇д̇ивисзсаабхаавад̇о на уд̣̇д̇хадам̣. гааяаббадиб̣ад̣̇д̇хаваарад̇д̇игз бана д̣̇иннанаяад̇д̇аа д̇амби д̇ад̣̇ануломаа ваараа жа уд̣̇д̇харид̇аб̣б̣аа. саб̣б̣ад̇т̇а на-вин̃н̃уу д̇арун̣ад̣̇ааригаа, махаллигаа уммад̇д̇игаад̣̇игаа жа анад̇хиббзд̇аа, баг̇зва баагад̇игаа д̇иражчаанаг̇ад̇ид̇т̇ийнам̣, д̇ат̇аа бан̣д̣агаад̣̇аяобийд̇и взд̣̇ид̇аб̣б̣аа. сзсам̣ д̣̇уд̇ияз вуд̇д̇анаязнзва взд̣̇ид̇аб̣б̣ам̣.
283. Tatiye tayo saṅghādisesavārā tayo thullaccayavārā tayo dukkaṭavārā tayo kāyapaṭibaddhavārāti dvādasa vārā sarūpena āgatā. Tattha tayo saṅghādisesavārā dutiyasikkhāpade vuttāti tiṇṇaṃ vīsatikānaṃ ekekamūlā vārāti veditabbā, tasmā idha visesāti paṇṇāsa vārā saṃkhittā honti, aññathā itthī ca hoti vematiko sāratto ca, bhikkhu ca naṃ itthiyā vaccamaggaṃ passāvamaggaṃ ādissa vaṇṇampi bhaṇati…pe… āpatti thullaccayassa. Itthī ca hoti paṇḍakapurisasaññī tiracchānagatasaññī sāratto ca, bhikkhu ca naṃ itthiyā vaccamaggaṃ passāvamaggaṃ ādissa vaṇṇampi bhaṇati akkosatipi, āpatti thullaccayassa. Paṇḍako ca hoti paṇḍakasaññī sāratto ca, bhikkhu ca naṃ paṇḍakassa vaccamaggaṃ ādissa vaṇṇampi bhaṇati, āpatti thullaccayassāti evamādīnaṃ āpattiṭṭhānānaṃ anāpattiṭṭhānatā āpajjeyya, na cāpajjati, paṇḍake itthisaññissa dukkaṭanti dīpetuṃ ‘‘itthī ca paṇḍako ca ubhinnaṃ itthisaññī āpatti saṅghādisesena dukkaṭassā’’ti vuttattā ‘‘paṇḍake paṇḍakasaññissa thullaccaya’’nti vuttameva hoti, tasmā sabbattha saṃkhittavāresu thullaccayaṭṭhāne thullaccayaṃ, dukkaṭaṭṭhāne dukkaṭampi vuttameva hotīti veditabbaṃ. Tathā ‘‘itthī ca hoti vematiko sāratto ca, bhikkhu ca naṃ itthiyā vaccamaggaṃ passāvamaggaṃ ṭhapetvā adhakkhakaṃ ubbhajāṇumaṇḍalaṃ ādissa vaṇṇampi bhaṇati…pe… thullaccayassā’’tiādinā nayena thullaccayakhettepi yathāsambhavaṃ uddharitabbā. Tathā ‘‘itthī ca hoti vematiko sāratto ca, bhikkhu ca naṃ itthiyā kāyapaṭibaddhaṃ ādissa vaṇṇampi bhaṇati…pe… dukkaṭassā’’tiādinā nayena kāyapaṭibaddhavārāpi yathāsambhavaṃ uddharitabbā. Kāyappaṭibaddhavārattikaṃ viya nissaggiyavārattikaṃ labbhamānampi āpattivisesābhāvato na uddhaṭaṃ. Kāyappaṭibaddhavārattike pana dinnanayattā tampi tadanulomā vārā ca uddharitabbā. Sabbattha na-viññū taruṇadārikā, mahallikā ummattikādikā ca anadhippetā, pageva pākatikā tiracchānagatitthīnaṃ, tathā paṇḍakādayopīti veditabbā. Sesaṃ dutiye vuttanayeneva veditabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̣̇удтуллаваажаасигкаабад̣̇ам̣ • 3. Duṭṭhullavācāsikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
